Pimpri-Chinchwad: आधी शेपूट अन् पाय पकडले, नंतर हवेत फिरवून खाली आपटलं; भटक्या कुत्र्याला अमानुष मारहाण; पिंपरी-चिंचवडमध्ये क्रूरतेचा कळस
Pimpri-Chinchwad: एका तरुणाने दिलेल्या तक्रारीवरून पोलिसांनी स्वप्निल सखाराम सावंत या आरोपी विरोधात संत तुकाराम नगर पोलीस स्टेशनमध्ये गुन्हा दाखल केला आहे.
पिंपरी चिंचवड : पिंपरी चिंचवड (Pimpri-Chinchwad Crime News)शहरातील तुकारामनगर पोलिश स्टेशन हद्दीत टोळक्याकडून एका भटक्या कुत्र्याला अतिशय निर्दयीपणे मारहाण करण्यात आली आहे. 28 फेब्रुवारीला रात्री एक वाजता दरम्यान स्वप्निल सखाराम सावंत या माथेफिरू व्यक्तीने रस्त्यावर उभ्या असलेल्या एका भटक्या कुत्र्याला पाठीमागून हातात पकडून त्यानंतर त्याला हवेमध्ये गोल गोल फिरवून जमिनीत जोरदार आपटून (Pimpri-Chinchwad Crime News) जखमी केला आहे. त्यानंतर आरोपी व तिथे असलेल्या सहा ते सात जणांनी भर रस्त्यात नाचून व आराडाओरडा करून त्यांचे जवळ असलेल्या चार चाकी वाहनाने भरधाव वेगाने जाऊन रस्त्याच्या कडेला उभे असलेल्य कुत्र्याला उडवण्याचा प्रयत्न केला आहे. ही सर्व घटना सीसीटीव्ही कॅमेरामध्ये कैद झाली आहे. या प्रकरणात एका तरुणाने दिलेल्या तक्रारीवरून पोलिसांनी स्वप्निल सखाराम सावंत या आरोपी विरोधात संत तुकाराम नगर पोलीस स्टेशनमध्ये गुन्हा दाखल केला आहे.(Pimpri-Chinchwad Crime News)
अमानुष मारहाणीमुळे कुत्रा गंभीर जखमी झाला
मिळालेल्या माहितीनुसार, पिंपरी-चिंचवड शहरातील संत तुकाराम नगर पोलीस ठाण्याच्या हद्दीत भटक्या कुत्र्यावर निर्घृण अत्याचार केल्याची धक्कादायक घटना उघडकीस आली आहे. २८ फेब्रुवारी रोजी मध्यरात्री एक वाजण्याच्या सुमारास तुकाराम नगर परिसरात ही घटना घडली. या प्रकारामुळे प्राणीप्रेमींमध्ये संतापाची लाट उसळली आहे.(Pimpri-Chinchwad Crime News) स्वप्निल सखाराम सावंत या तरूणाने रस्त्यावर उभ्या असलेल्या एका भटक्या कुत्र्याला मागून पायाला पकडले. त्यानंतर त्याला हवेत गोल गोल फिरवत जोरात जमिनीवर आपटले. या अमानुष मारहाणीमुळे कुत्रा गंभीर जखमी झाला. एवढ्यावरच न थांबता आरोपीसह सहा ते सात जणांनी भर रस्त्यात आरडाओरडा करत गोंधळ केला. त्यानंतर त्यांच्या ताब्यातील चारचाकी वाहन भरधाव वेगाने चालवत रस्त्याच्या कडेला उभ्या असलेल्या त्याच कुत्र्याला उडवण्याचाही प्रयत्न करण्यात आल्याचे समोर आले आहे.
एका तरुणाने दिलेल्या तक्रारीवरून गुन्हा दाखल
ही संपूर्ण घटना परिसरातील सीसीटीव्ही कॅमेऱ्यात कैद झाली असून, त्याच्या आधारे पोलिसांनी तपासाला गती दिली आहे. संबंधित व्हिडिओ सोशल मीडियावर व्हायरल झाल्यानंतर नागरिकांनी संताप व्यक्त करत कठोर कारवाईची मागणी केली आहे. या प्रकरणी एका तरुणाने दिलेल्या तक्रारीवरून संत तुकाराम नगर पोलीस ठाण्यात स्वप्निल सखाराम सावंत याच्याविरुद्ध प्राणी क्रूरता प्रतिबंधक कायद्यान्वये गुन्हा दाखल करण्यात आला आहे. पोलिसांकडून इतर सहभागींची ओळख पटविण्याचे काम सुरू असून पुढील तपास सुरू आहे.(Pimpri-Chinchwad Crime News)
महत्त्वाच्या बातम्या
