Sharad Pawar: शरद पवार यांच्या प्रकृतीबाबत मोठी अपडेट; डॉक्टरांकडून महत्त्वाची माहिती, म्हणाले...
Sharad Pawar: शरद पवारांवर उपचार करणाऱ्या डॉक्टरांनी त्यांच्या प्रकृतीबाबत माहिती दिली आहे.
पुणे : राष्ट्रवादी काँग्रेस शरदचंद्र पवार पक्षाचे अध्यक्ष शरद पवार (Sharad Pawar) यांना पुण्यातील रूबी रुग्णालयात तपासणीसाठी नेण्यात आलं आहे. आज शरद पवार यांना खोकल्याचा त्रास जाणवू लागल्याने पुण्यातील रुबी क्लिनिकमध्ये तपासणीसाठी आणि उपचारांसाठी नेण्यात आलं आहे. आज सकाळी आधी डॉक्टरांचं एक पथक त्यांच्या बारामतीतील गोविंद बाग या निवासस्थानी तपासणीसाठी गेले होते, त्यानंतर त्यांना पुण्यातील रूग्णालयात आणण्यात आलं आहे. (Sharad Pawar) त्यांची प्रकृती स्थिर असल्याची माहिती समोर आली आहे. शरद पवारांवर उपचार करणाऱ्या डॉक्टरांनी त्यांच्या प्रकृतीबाबत माहिती दिली आहे.
रोहित पवारांनी केलं कार्यकर्त्यांना आवाहन
मी सर्व कार्यकर्त्यांना विनंती करतो रुग्णालयात तुम्ही येऊ नका. त्यांची प्रकृती स्थिर आहे. काळजी करण्याचे कारण नाही. तुम्ही इकडे येऊ नका. त्यांना थोड्याश्या प्रमाणात कफ आहे. थोडे दिवस इथं ठेवलं जाईल. ते आय सी यू मध्ये नाहीत तर खाजगी रूममध्ये दाखल आहेत, अशी माहिती रोहित पवार यांनी दिली आहे. पवार साहेबांच्या तब्येतीबद्दल आम्ही सर्वजण रुबी हॉल या हॉस्पिटलमध्ये आलो आहोत आणि तेथील डॉक्टर अभिजीत लोढा आपल्या सर्वांना शरद पवार यांच्या प्रकृती बद्दल माहिती सांगतील.
शरद पवार यांचा फिजिकल एक्झर्शन झाल्यामुळे छातीत कफ झालेला आहे,आम्ही योग्य त्या तपासण्या केलेल्या आहेत आणि ट्रीटमेंट चालू आहे, आता त्यांची प्रकृती स्थिर आहे, तपासण्यांच्या डिटेल्स रिपोर्ट आल्यानंतर आम्हाला उपचारात काय बदल करायचा असेल ते बदल करू, रिपोर्ट आल्याशिवाय आम्ही आणखी काही माहिती सांगू शकत नाही, आता सध्या त्यांची प्रकृती स्थिर आहे, तपासणीचे रिपोर्ट झाल्यानंतर कोणती ट्रीटमेंट करायची किंवा काय बदल करायचा ते ठरवू, त्यांना कफ झाला आहे, बाकी सगळं स्थिर आहे काळजी करण्यासारखं काहीही नाही, पवार साहेब आता रूममध्ये आहेत, आयसीयू मध्ये नाहीत. आम्ही योग्य तपासण्या केल्या आहेत. सध्या प्रकृती स्थिर आहे. आता काळजी करण्यासारखं काही नाही.सध्या पवारसाहेब खाजगी रूममध्ये आहेत. त्यांना दोन तीन दिवसांपासून त्रास होता. ते नॉर्मल बोलत आहेत, अशी माहिती देखील डॉक्टर अभिजीत लोढा यांनी दिली आहे.
सुप्रिया सुळे यांचा डॉक्टरांशी झालेला संवाद समोर
डॉक्टर तुम्ही म्हणाल तसं आम्ही सगळं करू, तुमचं सजेशन अंतिम राहील. दहा मिनिटात डॉक्टर सगळ्या माध्यमांना शरद पवार यांच्या प्रकृतीची माहिती देतील. डॉक्टरांच्या सल्ल्यानुसार आणि हॉस्पिटलच्या नियमानुसार सगळे उपचार पार पडतील. कोणत्याही विजिटर्सला सोडू नका, तुमच्या हॉस्पिटलचे सगळे नियम पाळा. खासदार सुप्रिया सुळे यांचा शरद पवार यांना रुग्णालयात दाखल केल्यानंतर डॉक्टरांशी झालेला संवाद समोर आला आहे.
शरद पवार यांना पाच दिवस दिले जाणार अँटिबायोटिक्स, सुप्रिया सुळे यांची माहिती
शरद पवार यांना छातीत कंजेशन झाल्याची सुप्रिया सुळे यांची माहिती, शरद पवार यांना पाच दिवस अँटिबायोटिक्स दिले जाणार आहेत, अशी माहिती सुप्रिया सुळे यांनी दिली आहे. शरद पवारांची प्रकृती उत्तम असल्याचं सुप्रिया सुळे यांनी स्पष्ट केलं. सुप्रिया सुळे यांनी डॉक्टर यांचे आभार मानले
महत्त्वाच्या बातम्या
