Who Is Milind Shenoy Maharashtra Minority Department: एकीकडे अजितदादांचं निधन, दुसरीकडे तातडीने अल्पसंख्याक दर्जांचं प्रमाणप्रत्र वाटप; सही करणारे मिलिंद शेणॉय कोण?

Who Is Milind Shenoy Maharashtra Minority Department: एबीपी माझाच्या बातमीची दखल घेत अल्पसंख्याक विभागाकडून देण्यात आलेल्या 75 प्रमाणपत्रांच्या प्रकरणात चौकशीचे आदेश देण्यात आले आहेत.

Who Is Milind Shenoy Ajit Pawar

Source : ABP

Who Is Milind Shenoy Maharashtra Minority Department: उपमुख्यमंत्री अजित पवार (Ajit Pawar) यांचा 28 जानेवारीला विमान अपघातात मृत्यू झाला. मात्र या दुर्घटनेनंतर काही तासांतच मंत्रालयातील अधिकाऱ्यांकडून राज्यातल्या 75 शिक्षण संस्थांना अल्पसंख्याक दर्जा दिला. खरंतर ही प्रक्रिया गेल्यावर्षी ऑगस्टपासून स्थगित होती. मात्र अजितदादांकडे हे खातं असताना त्यांच्या मृत्यूनंतर तातडीने या दर्जाची अक्षरशः खैरात वाटण्यात आली. धक्कादायक म्हणजे, यातील पाहिलं प्रमाणपत्र अजितदादांच्या अपघाताच्या दिवशी 28 जानेवारीला दुपारी तीन वाजून नऊ मिनिटांनी दिलं गेलं. एबीपी माझाने काल हे प्रकरण उघड केलं आणि दिवस भर याचा प्रचंड पाठपुरावाही केला. त्यानंतर मुख्यमंत्री देवेंद्र फडणवीस (Devendra Fadnavis) यांनी त्याची दखल घेत तातडीने या निर्णयाला स्थगिती दिली. या प्रकरणाची चौकशी करून दोषी अधिकाऱ्यांवर कारवाई करा असे आदेशही देवेंद्र फडणवीसांनी दिल्याची माहिती आहे. 

एबीपी माझाच्या बातमीची दखल घेत अल्पसंख्याक विभागाकडून देण्यात आलेल्या 75 प्रमाणपत्रांच्या प्रकरणात चौकशीचे आदेश देण्यात आले आहेत. मात्र ही चौकशी नक्की कोणाची होणार आणि चौकशी नक्की कोण करणार हे स्पष्ट नाही. त्यामुळे चौकशीच्या नावाखाली चालढकल होत असल्याची शंका व्यक्त होतेय. अजित पवारांच्या अपघाती मृत्यूनंतर अल्पसंख्याक विभागाकडून देण्यात आलेली जी 75 प्रमाणपत्रे रद्द करण्यात आली. त्या सर्व प्रमाणपत्रांवर अल्पसंख्याक विभागाचे उपसचिव मिलिंद शेणॉय यांची सही आहे. त्यामुळे या प्रकरणात मिलिंद शेणॉय यांची चौकशी होणार का? हा प्रश्न विचारला जातोय. त्याचबरोबर अल्पसंख्याक विभागातील आणखी कोण कोण अधिकारी यामध्ये सहभागी आहेत हे देखील समोर येण्याची गरज आहे. त्यामुळे या प्रकरणातील सत्य राज्य सरकार समोर आणणार का याकडे सगळ्यांचं लक्ष असणार आहे.

कोण आहेत मिलिंद शेणॉय? (Who Is Milind Shenoy)

मिलिंद शेणॉय अल्पसंख्याक विभागाचे उपसचिव आहेत. राज्याच्या अर्थसंकल्पीय शिफारशींबाबत झालेल्या शिष्टमंडळासोबतच्या बैठकींमध्ये देखील मिलिंद शेणॉय सहभागी होते.

शाळांना का हवा असतो अल्पसंख्याक दर्जा? (minority development department)

1. अल्पसंख्यांक दर्जांच्या शाळांना आरटीई कायदा लागू नाही
2. आरटीई कायदा लागू नसल्यानं 25% गरीब विद्यार्थ्यांच्या प्रवेशाचे बंधन नाही
3. अल्पसंख्याक शाळांत शिक्षकांना TET ची अट नाही 
4. अल्पसंख्यांक संस्थांच्या शाळांना आरटीआय कायदाही लागू नाही
5. अल्पसंख्यांक शाळेतील शिक्षकांना पदोन्नतीमध्ये मिळते सवलत
6. अल्पसंख्यांक शाळांना विविध कारणांसाठी कोट्यवधींचे अनुदान,देणगी घेण्याची मुभा 

सुनेत्रा पवार अॅक्शन मोडवर- (Sunetra Pawar)

अल्पसंख्याक समाजासाठी असलेला निधी प्रत्येक घटकाला समप्रमाणात आणि पारदर्शकपणे वितरित व्हावा, तसेच विभागाचे कामकाज अधिक लोकाभिमुख व समाजाप्रती उत्तरदायी राहण्याच्या दृष्टीने प्रयत्न करण्याच्या सूचना उपमुख्यमंत्री तथा अल्पसंख्याक विकास मंत्री सुनेत्रा अजित पवार यांनी दिल्या. तसेच शाळांना चुकीच्या पद्धतीने अल्पसंख्याक दर्जाचे प्रमाणपत्र वितरित करण्यात आलेल्या प्रकरणांची सखोल चौकशी करून दोषींवर कठोर कारवाई करण्याचे निर्देश त्यांनी दिले.

अल्पसंख्याक प्रमापत्रांवर सही, मिलिंद शेणॉय यांची चौकशी होणार?, VIDEO: