Uddhav Thackeray Shivsena UBT MP Meeting Mumbai: शिवसेना ठाकरे पक्षाचे प्रमुख उद्धव ठाकरे (Uddhav Thackeray) यांनी आज (14 जून) 'मातोश्री'वर खासदारांची महत्त्वाची बैठक बोलावली आहे. 'ऑपरेशन टायगर'च्या (Opration Tiger) पार्श्वभूमीवर या बैठकीला राजकीय महत्त्व प्राप्त झाले आहे. आगामी राजकीय घडामोडी आणि पक्षांतर्गत रणनीती ठरवण्यासाठी उद्धव ठाकरेंनी दिल्लीतील सर्व खासदारांना मुंबईत बोलावले आहे. उद्धव ठाकरे खासदारांना कोणता कानमंत्र देणार आणि कोणती नवी जबाबदारी सोपवणार हे पाहणं महत्त्वाचं ठरणार आहे. दरम्यान, परभणीचे खासदार संजय जाधव गेल्या बैठकांना गैरहजर असल्याने ते आज हजर राहणार का, याकडेही लक्ष लागले आहे.
आगामी राजकीय घडामोडी आणि पक्षांतर्गत रणनीती ठरवण्यासाठी उद्धव ठाकरेंनी थेट दिल्लीतल्या सर्व खासदारांना मुंबई गाठण्याचे आदेश दिले आहेत. शिवसेना ठाकरे गटाचे राज्यात लोकसभेचे 9 खासदार आहेत. यापैकी शिवसेना ठाकरे (Shivsena UBT) गटाचे 7 खासदार उपमुख्यमंत्री एकनाथ शिंदे (Eknath Shinde) यांच्या संपर्कात असल्याची चर्चा वारंवार पाहायला मिळते. तसेच ठाकरेंचे काही खासदार शिंदे गटात प्रवेश करणार असल्याची चर्चांही रंगली होती. त्यामुळे आजच्या बैठकीत किती खासदार उपस्थित राहणार याकडे राज्याचं लक्ष लागलं आहे. दरम्यान, ठाकरेसेनेच्या खासदारांच्या बैठकीवर मंत्री आणि शिवसेना शिंदे गटाचे नेते भरत गोगावलेंनी टीका केली आहे. ठाकरेंच्या डोक्यावरून आता पाणी गेलं असून त्यांच्या खासदारांचा आमच्याकडे येण्याचा विचार पक्का असल्याच गोगवलेंनी म्हटलं आहे. तर ऑपरेशन टायगर पूर्णत्वाच्या दिशेनं निघालं असल्याचं केंद्रीय राज्य मंत्री प्रतापराव जाधवांनी म्हटलं आहे.
शिवसेनेचं ऑपरेशन टायगर वगैरे काही नाही-गुलाबराव पाटील (Gulabrao Patil On Eknath Shinde)
ठाकरेंच्या सेनेच्या खासदारांच्या बैठकीवर मंत्री आणि शिवसेना शिंदे गटाचे नेते गुलाबराव पाटील यांनी प्रतिक्रिया दिली आहे. 'ज्यांना ज्या पक्षात जायचं ते जातातच', असा टोला त्यांनी लगावला. आम आदमी पार्टी, टीएमसीचे खासदारही गेले, असे ते म्हणाले. मात्र शिवसेनेचं 'ऑपरेशन टायगर' वगैरे काही नाही, असा दावाही गुलाबराव पाटलांनी केला आहे. एकीकडे शिवसेनेच्या इतर नेत्यांनी ऑपरेशन टायगरला हवा दिली असताना गुलाबराव पाटलांच्या या वक्तव्यानं चांगलीच चर्चा रंगली आहे.
शिवसेना(उबाठा)चे लोकसभेचे खासदार- (Shivsena UBT MP List)
- संजय देशमुख, यवतमाळ
- नागेश पाटील-आष्टीकर, हिंगोली
- संजय जाधव, परभणी
- राजाभाऊ वाजे, नाशिक
- अरविंद सावंत, दक्षिण मुंबई
- अनिल देसाई, मुंबई दक्षिण-मध्य
- संजय दीना-पाटील, मुंबई उत्तर पूर्व
- भाऊसाहेब वाकचौरे, शिर्डी
- ओमराजे निंबाळकर, धाराशिव
महाराष्ट्रातील 48 खासदारांची यादी- (Maharashtra All Party MP List 2024)
| अनुक्रम | मतदारसंघ | विजयी उमेदवार | पक्ष |
| 1 | अहमदनगर Ahmednagar | निलेश लंके | राष्ट्रवादी काँग्रेस पार्टी (शरद पवार) |
| 2 | अकोला Akola | अनुप धोत्रे | भाजप |
| 3 | अमरावती Amravati | बळवंत वानखेडे | काँग्रेस |
| 4 | औरंगाबाद Aurangabad | संदीपान भुमरे | शिवसेना |
| 5 | बारामती Baramati | सुप्रिया सुळे | राष्ट्रवादी काँग्रेस पार्टी (शरद पवार) |
| 6 | बीड Beed | बजरंग सोनवणे | भाजप |
| 7 | भंडारा गोंदिया Bhandara Gondiya | डॉ. प्रशांत पडोळे | काँग्रेस |
| 8 | भिवंडी Bhiwandi | बाळ्या मामा म्हात्रे | राष्ट्रवादी काँग्रेस पार्टी (शरद पवार) |
| 9 | बुलढाणा Buldhana | प्रतापराव जाधव | शिवसेेना |
| 10 | चंद्रपूर Chandrapur | प्रतिभा धानोरकर | काँग्रेस |
| 11 | धुळे Dhule | सुभाष भामरे | भाजप |
| 12 | दिंडोरी Dindori | भास्कर भगरे | राष्ट्रवादी काँग्रेस पार्टी (शरद पवार) |
| 13 | गडचिरोली Gadchiroli - Chimur | डॉ. नामदेव दासाराम किरसान | काँग्रेस |
| 14 | हातकलंगणे Hatkanangale | धैर्यशील माने | शिवसेना |
| 15 | हिंगोली Hingoli | नागेश पाटील आष्टीकर | शिवसेना (उद्धव बाळासाहेब ठाकरे) |
| 16 | जळगाव Jalgaon | स्मिता वाघ | भाजप |
| 17 | जालना Jalna | कल्याणराव काळे | काँग्रेस |
| 18 | कल्याण Kalyan | श्रीकांत शिंदे | शिवसेेना |
| 19 | कोल्हापूर Kolhapur | छत्रपती शाहू महाराज | काँग्रेस |
| 20 | लातूर Latur | शिवाजीराव काळगे | काँग्रेस |
| 21 | माढा Madha | धर्यशील मोहिते पाटील | राष्ट्रवादी काँग्रेस पार्टी (शरद पवार) |
| 22 | मावळ Maval | श्रीरंग बारणे | शिवसेेना |
| 23 | Mumbai North | पियुष गोयल | भाजप |
| 24 | Mumbai North Central | वर्षा गायकवाड | काँग्रेस |
| 25 | Mumbai North East | संजय दिना पाटील | शिवसेना (उद्धव बाळासाहेब ठाकरे) |
| 26 | Mumbai North West | रवींद्र वायकर | शिवसेना |
| 27 | Mumbai South | अरविंद सावंत | शिवसेना (उद्धव बाळासाहेब ठाकरे) |
| 28 | Mumbai South Central | अनिल देसाई | शिवसेना (उद्धव बाळासाहेब ठाकरे) |
| 29 | नागपूर Nagpur | नितन गडकरी | भाजप |
| 30 | नांदेड Nanded | वसंतराव चव्हाण | काँग्रेस |
| 31 | नंदुरबार Nandurbar | गोवाल पाडवी | काँँग्रेस |
| 32 | नाशिक Nashik | राजाभाऊ वाजे | शिवसेना (उद्धव बाळासाहेब ठाकरे) |
| 33 | उस्मानाबाद Osmanabad | ओमप्रकाश निंबाळकर | शिवसेना (उद्धव बाळासाहेब ठाकरे) |
| 34 | पालघर Palghar | हेमंत सावरा | भाजप |
| 35 | परभणी Parbhani | संजय जाधव | शिवसेना (उद्धव बाळासाहेब ठाकरे) |
| 36 | पुणे Pune | मुरलीधर मोहोळ | भाजप |
| 37 | रायगड Raigad | सुनिल तटकरे | राष्ट्रवादी काँग्रेस पार्टी |
| 38 | रामटेक Ramtek | श्यामकुमार बर्वे | काँग्रेस |
| 39 | रत्नागिरी, सिंधुदुर्ग Ratnagiri- Sindhudurg | नारायण राणे | भाजप |
| 40 | रावेर Raver | रक्षा खडसे | भाजप |
| 41 | सांगली Sangli | विशाल पाटील | अपक्ष |
| 42 | सातारा Satara | उदयनराजे भोसले | भाजप |
| 43 | शिर्डी Shirdi | भाऊसाहेब वाकचौरे | शिवसेना (उद्धव बाळासाहेब ठाकरे) |
| 44 | शिरुर Shirur | अमोल कोल्हे | राष्ट्रवादी काँग्रेस पार्टी (शरद पवार) |
| 45 | सोलापूर Solapur | प्रणिती शिंदे | काँग्रेस |
| 46 | ठाणे Thane | नरेश म्हस्के | शिवसेेना |
| 47 | वर्धा Wardha | अमर काळे | राष्ट्रवादी काँग्रेस पार्टी (शरद पवार) |
| 48 | यवतमाळ-वाशिम Yavatmal- Washim | संजय देशमुख | शिवसेना (उद्धव बाळासाहेब ठाकरे) |
संजय राऊत काय काय म्हणाले?, VIDEO:
संबंधित बातमी:
Maharashtra Politics: 6 खासदार उद्धव ठाकरेंची साथ का सोडणार?; महत्वाची 5 कारणं आली समोर