Sushama Andhare: सत्तापाट सोडून आम्ही संघर्षाची वाट निवडली, जातिवंत शेतकऱ्याने पेरत जायचं असतं, ज्यांच्याकडे ती कला नाही ते...; सुषमा अंधारेंचा हल्लाबोल!
Sushama Andhare: सत्तापाट सोडून आम्ही संघर्षाची वाट निवडली, जातिवंत शेतकऱ्याने पेरत जायचं असतं, ज्यांच्याकडे ती कला नाही ते चोरत गेले; सुषमा अंधारेंचा हल्लाबोल!
Sushma Andhare on Operation Tiger : राज्यात पुन्हा एकदा ठाकरेंचा शिवसेनेला मोठा धक्का बसण्याची शक्यता वर्तवली जात आहे. शिंदेंच्या शिवसेनेकडून ऑपरेशन टायगरला (Operation Tiger) सुरुवात झाली असून ठाकरेंच्या शिवसेनेमध्ये पुन्हा एकदा फूट पडण्याची शक्यता वर्तवली जात आहे. ठाकरेंचे नऊ पैकी सहा खासदार हे दिल्लीत दाखल झाले असून एकनाथ शिंदेंही रात्री दिल्लीत दाखल झाल्याची माहिती आहे. सहा खासदारांचा पक्षप्रवेश आज (17 जून) नव्हे तर 19 जून रोजी मुंबईतील शिवसेनेच्या वर्धापन दिन मेळाव्यात पार पडेल, अशी माहिती सूत्रांकडून दिली जात आहे. अशातच या सर्व घडामोडींवर ठाकरे पक्षाच्या (Shiv Sena (Uddhav Balasaheb Thackeray) Party) उपनेत्या सुषमा अंधारे (Sushma Andhare) यांनी सडकून टीका केली आहे. आम्ही सत्तेशिवाय राहण्याचं आधीच ठरवले आहे. सत्तापाट सोडून आम्ही संघर्षाची वाट निवडली होती. नव्या नाव चिन्हासह आम्ही पुन्हा नव्याने उभारी घेतली. जातिवंत शेतकऱ्याने पेरत जायचं असतं, ज्यांच्याकडे पेरण्याची कला नाही ते सोडून गेलेत. त्यामुळे सोडणाऱ्यांनी आता विचार करावा की आता तुमचं काय? असं संतप्त सवाल करत सुषमा अंधारे यांनी बोचरी टीका केलीय.
Sushma Andhare: लगेगी आग तो आएँगे घर कई ज़द में, यहाँ पे सिर्फ़ हमारा मकान थोड़ी है!
लगेगी आग तो आएँगे घर कई ज़द में, यहाँ पे सिर्फ़ हमारा मकान थोड़ी है! देवेंद्र फडणवीसजी तुम्ही तुमच्या एका मुख्यमंत्री पदाच्या आकसापोटी एक भस्मासूर जन्माला घातला, आणि आता त्या भस्मासुराची ताकद इतकी वाढली की तुमच्या डोक्यावर हात ठेवायलाही तो कमी पडणार नाही, इथपर्यंत हात सरसवले आहे. देवेंद्र फडणवीसांच्या दिल्ली जाण्याच्या महत्त्वकांक्षा लपून राहिलेल्या नाही, अगदी तशाच फडणवीस दिल्लीत पोचू नये यासाठी फडणवीसांच्या पक्षातील दिल्लीतील नेते, विशेषता शिंदे सेना जन्माला घालणारे शिंदे सेनेतील मदर म्हणून वावरणारे तेथील नेते फडणवीस हे दिल्लीत पोहोचू नये यासाठी लांब सडक स्पीड ब्रेकर टाकण्याच्या तयारीत आहे. या सर्व स्पीड ब्रेकरमुळे तुम्ही कसे काय सर्वांइव्ह करणार आहात? असा सवालही सुषमा अंधारे यांनी केला आहे.
Sushma Andhare : सत्तापाट सोडून आम्ही संघर्षाची वाट निवडली, नव्या नाव चिन्हासह पुन्हा नव्याने उभारी घेतली
हा ठाकरेंच्या अस्थित्वाचा प्रश्न नाही. कारण तृणमूल काँग्रेसचे 20 खासदार जातात, राष्ट्रवादी पक्ष फुटतो, दिल्लीतला आप पक्ष फुटतो, हे सगळ्याच पक्षांबद्दल होतंय. कारण भाजप कुठल्याही थराला जायला तयार आहे. मात्र देवेंद्र फडणवीसजी आमचं सोडा. मात्र तुमच्याही महत्वकांशाही धुळीस मिळाले आहे. आम्ही सत्तेशिवाय राहण्याचं आधीच ठरवले आहे. सत्तापाट सोडून आम्ही संघर्षाची वाट निवडली होती. नव्या नाव चिन्हासह आम्ही पुन्हा नव्याने उभारी घेतली. जातिवंत शेतकऱ्याने पेरत जायचं असतं, ज्यांच्याकडे पेरण्याची कला नाही ते सोडून गेलेत. त्यामुळे सोडणाऱ्यांनी आता विचार करावा की आता तुमचं काय? असं संतप्त सवाल करत सुषमा अंधारे यांनी बोचरी टीका केलीय.
ठाकरेंच्या नऊ खासदारांची नावे (Shivsena UBT MP)
1. अनिल देसाई
2. अरविंद सावंत
3. संजय दिना पाटील
4. राजाभाऊ वाजे
5. संजय जाधव
6. संजय देशमुख
7. नागेश पाटील आष्टीकर
8. ओमराजे निंबाळकर
9. भाऊसाहेब वाकचौरे
कोणते खासदार शिंदे गटाच्या वाटेवर?
1. संजय जाधव
2. संजय देशमुख
3. नागेश पाटील आष्टीकर
4. ओमराजे निंबाळकर
5. भाऊसाहेब वाकचौरे
शिंदेना पाठिंबा देणाऱ्या सहाव्या खासदाराचे नेमकं नाव समोर आलं नाही.
महत्त्वाच्या बातम्या
