Sunetra Pawar : मंत्रालयात 75 शाळांना घाईघाईने अल्पसंख्यांक दर्जाची खिरापत, सुनेत्रा पवारांकडून गंभीर दखल, अल्पसंख्यांक आयोगाच्या अध्यक्षांना महत्वाच्या सूचना
Sunetra Pawar : अल्पसंख्यांक विभागाच्या मंत्री सुनेत्रा पवार यांनी राज्य अल्पसंख्यांक आयोगाचे अध्यक्ष प्यारे खान (Pyare Khan) यांना आज तातडीने मुंबईला बोलावून घेतल्याची माहिती समोर आली आहे.
Nagpur News : अजित पवारांच्या अपघाती निधनानंतर (Ajit Pawar Death News) अवघ्या काही तासांमधे अल्पसंख्याक विभागाकडून (Minority Department) 75 शिक्षण संस्थांना अल्पसंख्याक दर्जा दिला गेल्याचं समोर आलंय. मागीलवर्षी ऑगस्ट महिन्यापासून ही प्रमाणपत्रे देण्यास स्थगिती देण्यात आली होती. मात्र अजित पवारांच्या अपघाती मृत्यूनंतर घाईघाईने ही प्रमाणपत्रे देण्यात आल्याने यामधे पैशांचा गैरव्यवहार झाल्याचा आरोप युवक काँग्रेसचे सरचिटणीस अक्षय जैन यांनी केलाय. अक्षय जैन यांनी अल्पसंख्याक विभागातील या गैरकारभाराविरुद्ध आवाज उठवलाय. तर 75 शिक्षण संस्थांना अल्पसंख्यांक दर्जा देण्याचा प्रकार अत्यंत धक्कदायक आहे. यातील दोषी अधिकाऱ्यांवर सीआयडी मार्फत चौकशी करून मकोका अंतर्गत गुन्हे दाखल व्हावे, अशी मागणी राज्य अल्पसंख्यांक आयोगाचे अध्यक्ष प्यारेखान यांनी केली आहे. तर दुसरीकडे अल्पसंख्यांक विभागाच्या मंत्री सुनेत्रा पवार (Sunetra Pawar) यांनी राज्य अल्पसंख्यांक आयोगाचे अध्यक्ष प्यारे खान (Pyare Khan) यांना आज तातडीने मुंबईला बोलावून घेतल्याची माहिती समोर आली आहे.
अल्पसंख्यांख संस्थानमध्ये जो भ्रष्ट्राचार, बोगस नोकरी भरती सुनेत्रा पवार यांना दिली जाणार माहिती
अल्पसंख्यांक संस्थानमध्ये जो भ्रष्ट्राचार सुरु आहे त्याची त्यांनी माहिती मागितली आहे. राज्यातील बहुतांश अल्पसंख्यांक शाळांमध्ये कशाप्रकारे बोगस विद्यार्थ्यांचा भरणा आहे. बोगस नोकरी भरती केली जात आहे. याची पण माहिती सुनेत्रा पवार यांना दिली जाणार आहे. मुख्यमंत्र्यांनी 75 संस्थांच्या मान्यता रद्द केल्या त्याचे राज्य अल्पसंख्यांक आयोगाकडून स्वागत केले असून इतर सर्व संस्थांची सीआयडी मार्फत चौकशी करावी, अशी मागणी राज्य अल्पसंख्याक आयोगाचे अध्यक्ष प्यारेखान यांनी केलीय.
अकोला जिल्ह्यातील सलीम जखरिया उर्दू मिडल स्कुल ,पातूर आणि सय्यद गफार सय्यद हुसेन मिडल स्कुल पातूर या अल्पसंख्या शाळेत पुढे आलेला अनियमित कारभारामुळे या शाळेचा दर्जा काढून घेण्याचे आदेश देण्यात आल्याची माहिती प्यारेखान यांनी दिली. अल्पसंख्याक संख्या स्थापन करून सध्या पैसे कमावण्याचे अड्डा झाला असून लवकरच राज्यातील सर्व साडेआठ हजार अल्पसंख्यां शाळांची चौकशी केली जाणार असल्याचे राज्य अल्पसंख्यांख आयोगाचे अध्यक्ष प्यारेखान यांनी सांगितले.
Minority Department: चार दिवसांत 75 प्रमाणपत्रांचे वाटप
- श्री माता कन्यका सेवा संस्था – 28 जानेवारी रोजी दुपारी 3.09 वाजता प्रमाणपत्र
- सेवादास महाराज शिक्षण प्रसारक मंडळ, यवतमाळ – 28 जानेवारीलाच प्रमाणपत्र
- 28 जानेवारी रोजी एकूण 7 संस्थांना प्रमाणपत्रे
- 29 व 30 जानेवारीला मोठ्या शिक्षण संस्थांना प्रमाणपत्र वाटप
- 1 फेब्रुवारी (रविवार) – कोणतेही प्रमाणपत्र नाही
- 2 फेब्रुवारीला पुन्हा अनेक शाळांना अल्पसंख्यांक दर्जा
- ऑगस्टपासून एकही प्रमाणपत्र नाही, मात्र फक्त चार दिवसांत तब्बल 75 प्रमाणपत्रे
- अनेक शाळांना शासकीय कामकाजाची वेळ संपल्यानंतर सायंकाळी 6.45, 6.58 वाजता प्रमाणपत्रे
- 75 पैकी 25 शाळा पोदार इंटरनॅशनल स्कूलच्या, त्यांनाही 29 जानेवारी या एकाच दिवशी दर्जा
- सेंट झेवियर्सच्या 5 शाळांना अल्पसंख्यांक दर्जा
- स्वामी शांती प्रकाश व देवप्रकाश संस्थांच्या 4 शाळांना प्रमाणपत्रे
सूत्रांनी दिलेल्या माहितीनुसार, माणिकराव कोकाटे, दत्तात्रय भरणे आणि अजित पवार यांनी यापूर्वी ही प्रमाणपत्रे रोखून धरली होती. मात्र, त्यांच्या निधनानंतर अचानक ही प्रक्रिया सुरू करण्यात आल्याचा आरोप होत आहे
इतर महत्वाच्या बातम्या
महत्त्वाच्या बातम्या
