अजितदादांच्या जाण्याचं राजकारण नको, दादांची आई, मुलं आणि माझ्याएवढं मोठं दु:ख कोणाचं असू शकत नाही : सुनेत्रा पवार
Sunetra Pawar : उपमुख्यमंत्री सुनेत्रा पवार यांनी अजित पवार यांच्या जाण्याचं कोणीही राजकारण करु नये, असं म्हटलं. खासदार सुप्रिया सुळे यांनी काल एक वक्तव्य केलं होतं, त्यावर आज सुनेत्रा पवार यांनी प्रतिक्रिया दिली.
Sunetra Pawar Supriya Sule पुणे : राष्ट्रवादी काँग्रेसच्या अध्यक्षा आणि उपमुख्यमंत्री सुनेत्रा पवार यांनी अजित पवारांच्या मृत्यूचे राजकारण होऊ नये असं म्हटलं आहे. दादांच्या आई, मुलं आणि माझ्या एवढं मोठं दुःख कुणाचंच असू शकत नाही, असंही सुनेत्रा पवार यांनी म्हटलं. माझा तपास यंत्रणांवर विश्वास आहे.आम्ही देखील दादांच्या अपघाताची चौकशीची मागणी करतो आहोत, फक्त ते मीडियासमोरच केली पाहिजे असं काही नाही असं त्यांनी म्हटलं होतं. खासदार सुप्रिया सुळे यांनी एक वक्तव्य केलं होतं, त्याबाबत विचारलं असता सुनेत्रा पवार यांनी भूमिका मांडली.
सुनेत्रा पवार काय म्हणाल्या?
खरं सांगायचं तर आदरणीय अजितदादा गेल्याचं सगळ्या महाराष्ट्राबरोबर , जी पोकळी निर्माण झाली आहे ती आणि आकाश कोसळलं आहे ते माझ्या आणि माझ्या मुलांपेक्षा कोणाला जास्त माहिती असणार? मला असं वाटतं दादांच्या या घटनेवर सगळ्यांचा काहीतरी आम्हाला निर्णय कळला पाहिजे. आम्ही देखील त्यादृष्टीनं प्रयत्नच करत आहोत, असं सुनेत्रा पवार म्हणाल्या.
आम्ही आदरणीय पंतप्रधान साहेबांना, आदरणीय गृहमंत्र्यांना भेटून आलो आहे हे आपल्या सर्वांना माहिती आहे. आपल्या आदरणीय मुख्यमंत्री देवेंद्र फडणवीस यांनी अधिवेशनात शब्द दिलेला आहे. तो शब्द ते पाळण्यासाठी कसोशीने प्रयत्न करत आहेत. नक्कीच तपास यंत्रणा सुद्धा आपलं काम करत आहे. माझा तपास यंत्रणांवर, कायदा आणि संविधानानं निर्माण केलेल्या गोष्टींवर विश्वास आहे. मला असं वाटतं की त्यांना आपण वेळ दिला पाहिजे. सतत मीडियामध्ये येणं म्हणजे अपडेट मिळणं असं नाही, असं सुनेत्रा पवार यांनी स्पष्ट केलं.
मला असं वाटतं की वारंवार अशा गोष्टी करुन मीडिया ट्रायल होते की काय असं वाटतं. खरंतर आपल्या सर्वांनी विचार केला पाहिजे. दादांची आई, दादांची मुलं आणि मी याच्यापेक्षा त्याचं दु:ख कोणाला होणार आहे. त्याच्यामुळं त्यांच्या सगळ्या गोष्टींची लवकरात लवकर चौकशी व्हावी हे आम्हाला देखील वाटतं, आम्ही तसे प्रयत्न करत आहोत. त्यामुळं असं समजण्याचं कारण नाही की आम्हाला काही होत नाही किवा काही नाही. मला एवढंच वाटतं की आपण तपास यंत्रणेला वेळ दिला पाहिजे. त्यांच्यावर माझा विश्वास आहे, असं सुनेत्रा पवार यांनी म्हटलं.
तुम्हाला माहिती आहे की अशा प्रकारच्या गोष्टी परत परत मीडियामध्ये होतात. दादांच्या जाण्याचं अशा प्रकारचं राजकारण कोणीच करु नये असं मला वाटतं, सुनेत्रा पवार म्हणाल्या.
सुप्रिया सुळे काय म्हणालेल्या?
अमित ठाकरेंनी फोटो हटवल्यानं तुम्ही एफआयआर केला, माझा भाऊ गमावला, सरकारमध्ये माझा भाऊ त्यांच्या सरकारमध्ये उपमुख्यमंत्री होते, त्यांचा एवढा मोठा अपघात होता, त्यांचा मृत्यू झाला, त्याचा आजपर्यंत एफआयआर झाला का? अजित पवार त्यांच्याच सरकारमध्ये होते, त्यांचं सरकार आहे, अजित पवार यांचे 40 आमदार आजही त्यांच्याच सरकारमध्ये आहेत. मी माझ्या भावासाठी न्याय मागत आहे. अमित ठाकरेंवर केस होत असेल तर माझ्या भावाला न्याय कधी मिळणार असा सवाल सुप्रिया सुळे यांनी विचारला होता.
Before You Go
Sanjay Raut PC : मोदी सरकार 6-7 महिन्यात दिसणार नाही, राऊतांचा मोठा दावा
महत्त्वाच्या बातम्या
