Chandrapur: चंद्रपुरात भाजपकडून ठाकरे गटाला 2 वर्ष स्थायी समिती अध्यक्षपदासह उपमहापौर पदाची ऑफर? सुधीर मुनगंटीवार यांचं सूचक वक्तव्य, म्हणाले....
Chandrapur Municipal Corporation चंद्रपूर: राज्यभरात सध्या चर्चेत असलेल्या चंद्रपूर महानगरपालिकेत (Chandrapur Municipal Corporation) सत्ता स्थापनेबाबत मोठ्या घडामोडी घडत असल्याचे चित्र आहे.
Chandrapur Municipal Corporation चंद्रपूर: राज्यभरात सध्या चर्चेत असलेल्या चंद्रपूर महानगरपालिकेत (Chandrapur Municipal Corporation) सत्ता स्थापनेबाबत मोठ्या घडामोडी घडत असल्याचे चित्र आहे. अशातच सव्वा-सव्वा वर्षांच्या महापौर (Chandrapur Mayor) पदासह भाजपकडून शिवसेना उबाठा गटाला 5 पैकी 2 वर्ष स्थायी समिती अध्यक्षपद आणि उपमहापौर पदाची ऑफर देण्यात आल्याची माहिती आहे. मात्र पहिले महापौर भाजपचा की शिवसेना उबाठाचा या मुद्द्यावर चर्चा अडल्याची भाजपमधील विश्वासनीय सूत्रांची माहिती आहे. दरम्यान, कुठल्याही परिस्थितीत पहिले सव्वा वर्ष महापौर भाजपचाच करायचा, जर शिवसेनेला हा फॉर्मुला मान्य नसेल तर भाजप विरोधी पक्षात बसेल असं देखील बोललं जात आहे. (Chandrapur Municipal Corporation) असे असताना चंद्रपूर महानगरपालिकेत सत्ता स्थापनेबाबत सुरू असलेल्या घडामोडींवर भाजप नेते सुधीर मुनगंटीवार (Sudhir Mungantiwar) यांनी प्रतिक्रिया देत सूचक वक्तव्य केलं आहे.
Sudhir Mungantiwar on Chandrapur Mayor: चर्चा इन कॅमेरा असते, संगीता खांडेकर महापौर होतील, हे नक्की
शिवसेना उबाठा गटाचा महापौर होणार नाही, यावर आज भाष्य करणार नाही. चर्चा इन कॅमेरा असते. ती बाहेर सांगणे शिष्टाचाराचा भंग होईल. संगीता खांडेकर महापौर होतील, हे नक्की. मी स्वतः निधी आणि विकास कामांबाबत मुख्यमंत्री देवेंद्र फडणवीस यांच्याशी बोललो आहे. पूर्ण शक्तीनिशी मनपाच्या पाठीशी उभे राहू, असे ते म्हणाले असल्याचं सुधीर मुनगंटीवार यांनी सांगितलंय. (Chandrapur Municipal Corporation)
चंद्रपूर मनपा महापौर पद निवडून आणण्यासाठीची तयारी पूर्ण केली आहे. मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण यांच्याशी चर्चा झाली आहे. संगीता खांडेकर आमच्या अधिकृत उमेदवार आहेत. पाठिंबा देणाऱ्या पक्षांशी चर्चा अंतिम टप्प्यात आहे. चर्चा पूर्ण झाली की लेखी स्वरूपात करार होणार आहे. भाजपचे ग्रामीण जिल्हाध्यक्ष हरिश शर्मा हा करार करणार आहेत. 10 रोजी होणाऱ्या आमसभेत चर्चेतील पक्ष भाजपच्या उमेदवाराला पाठिंबा देतील. चर्चेत ठरल्याप्रमाणे अन्य पक्षांना ठरलेली पदे दिली जातील. उद्या दुपारपर्यंत याबाबत घोषणा होईल, असंही सुधीर मुनगंटीवार म्हणाले.
Sudhir Mungantiwar : जनविकास सेना यांच्याशी आमचा संपर्क झाला आहे. मात्र....
काँग्रेसशी निवडणूक पूर्व आघाडी असलेल्या पक्षांशी म्हणजे जनविकास सेना यांच्याशी आमचा संपर्क झाला आहे. मात्र ते सध्या थेट पद्धतीने आम्हाला पाठिंबा देण्याच्या मनस्थितीत नाहीत. शिवसेना उबाठाचा महापौर होणार नाही यावर आज आज भाष्य करणार नाही. चर्चा इन कॅमेरा असते. ती बाहेर सांगणे शिष्टाचाराचा भंग होईल. खांडेकर महापौर होतील हे नक्की. मी स्वतः निधी आणि विकास कामांबाबत सीएम फडणवीस यांच्याशी बोललो आहे. पूर्ण शक्तीनिशी मनपाच्या पाठीशी उभे राहू असंही सुधीर मुनगंटीवार म्हणाले.
चंद्रपुरातील पक्षीय बलाबल (Chandrapur Election 2026 Result)
एकूण नगरसेवक 66
काँग्रेस – 27
काँग्रेस समर्थित जनविकास सेना – 3
भाजप – 23
शिवसेना (उद्धव ठाकरे गट) – 6
वंचित - 2
बसपा - 1
शिवसेना (शिंदे गट) – 1
अपक्ष – 2
एमआयएम – 1
आणखी वाचा
महत्त्वाच्या बातम्या
