Sudhir Mungantiwar Meets Amit Shah: दिल्लीत सुधीर मुनगंटीवारांनी घेतली अमित शाहांची भेट; नेमकं कारण काय? मोठी माहिती समोर
Sudhir Mungantiwar Meets Amit Shah: सुधीर मुनगंटीवार यांनी नवनिर्वाचित उपराष्ट्रपती सी. पी. राधाकृष्णन आणि केंद्रीय नागरी विमान वाहतूक राज्यमंत्री मुरलीधर मोहोळ यांचीही सदिच्छा भेट घेतली.
Sudhir Mungantiwar Meets Amit Shah: महाराष्ट्र भाजपाचे ज्येष्ठ नेते सुधीर मुनगंटीवार (Sudhir Mungantiwar) यांनी नुकताच दिल्ली दौरा केला. या दौऱ्यात त्यांनी केंद्रातील अनेक महत्त्वाच्या नेत्यांची भेट घेतल्याने राजकीय चर्चांना उधाण आले आहे. विशेषतः, केंद्रीय गृहमंत्री अमित शाह (Amit Shah) यांच्याशी झालेल्या भेटीमुळे आगामी काळात मुनगंटीवार यांना पक्षात नव्या जबाबदाऱ्या देण्यात येण्याची शक्यता व्यक्त होत आहे.
Sudhir Mungantiwar Meets Amit Shah: अमित शाह यांच्याशी राज्यातील मुद्द्यांवर चर्चा
दिल्लीतील दौऱ्यात मुनगंटीवार यांनी सर्वप्रथम केंद्रीय गृहमंत्री अमित शाह यांची भेट घेतली. या भेटीनंतर माध्यमांशी बोलताना मुनगंटीवार यांनी स्पष्ट केलं की, "मी मंत्रीपदासाठी किंवा कोणतीही पदे मिळावीत म्हणून दिल्ली दौरा केलेला नाही. राज्यातील प्रश्न केंद्रापर्यंत पोहोचवण्याच्या उद्देशानेच या भेटी घेतल्या आहेत."
तसेच, राज्यात काही ठिकाणी द्वेषाची भावना पसरवली जात असल्याच्या पार्श्वभूमीवर मुनगंटीवार यांनी यावर लक्ष द्यायचे काम गृहमंत्र्यांचे आहे. गृहमंत्री ते काम करतील. तसेच मी मंत्रिमंडळात नाही यामागे पक्षाचे आणखी काही चांगले नियोजन असेल त्यामुळे ते होईल, असा विश्वासही त्यांनी व्यक्त केला. दरम्यान, अमित शाह यांना मुनगंटीवार यांनी चंद्रपूर जिल्ह्यातील बांबू संशोधन संस्थेत तयार केलेला विशेष तिरंगा आणि डायरी भेट दिल्याची माहिती समोर येत आहे.
Sudhir Mungantiwar Meets Amit Shah: राजकीय चर्चांना उधाण
सूत्रांच्या माहितीनुसार, अमित शाह यांच्याशी झालेल्या चर्चेत केवळ राज्यातील प्रश्नच नव्हते, तर काही राजकीय घडामोडींवरही चर्चा झाली. त्यामुळे पक्षाकडून लवकरच मुनगंटीवार यांना कोणतीतरी महत्त्वाची जबाबदारी देण्यात येईल, अशी शक्यता वर्तवली जात आहे.
Sudhir Mungantiwar Meets C P Radhakrishnan: इतर नेत्यांचीही घेतली भेट
अमित शाह यांच्या भेटीनंतर मुनगंटीवार यांनी नवनिर्वाचित उपराष्ट्रपती सी. पी. राधाकृष्णन यांची सदिच्छा भेट घेतली. याशिवाय, केंद्रीय नागरी विमान वाहतूक राज्यमंत्री मुरलीधर मोहोळ यांचीही सुधीर मुनगंटीवार यांनी भेट घेतली. या भेटीत नेमकी काय चर्चा झाली? याबाबत अजून स्पष्टता नाही.
Sudhir Mungantiwar: राजकारणात काही मिळावे म्हणून आलेलो नाही
दरम्यान, सुधीर मुनगंटीवार लवकरच मंत्रिमंडळात येणार का? याविषयी विचारले असता राजकारणात काही मिळावे म्हणून आलेलो नाही. त्यामुळे मंत्रीपदासाठी वगैरे मी दिल्ली दौरा केला, असे अजिबात नाही, असे स्पष्टीकरण सुधीर मुनगंटीवार यांनी दिले आहे.
राज्य आणि देश, विदेशातील महत्त्वाच्या बातम्या; पाहा Video
आणखी वाचा
महत्त्वाच्या बातम्या
