Eknath Shinde Shivsena Opration Tiger: शिवसेना शिंदे गटाच्या डिनेर डिप्लोमसीला शिवसेना ठाकरे गटाच्या दोन खासदारांनी उपस्थिती लावल्याने राज्याच्या राजकारणात एकच खळबळ उडाली आहे. केंद्रीय मंत्री प्रतापराव जाधव यांनी डिनर आयोजित केले होते. यावेळी शिवसेना ठाकरे गटाचे खासदार नागेश आष्टीकर (Nagesh Ashtikar) आणि संजय देशमुख (Sanjay Deshmukh) उपस्थित होते.
महाराष्ट्रात ऑपरेशन टायगरच्या चर्चा सुरू असतानाच शिवसेना ठाकरे गटाचे नांदेडचे खासदार नागेश आष्टीकर आणि यवतमाळ-वाशिमचे खासदार संजय देशमुख यांनी प्रतापराव जाधव यांच्या स्नेहभोजनाला उपस्थिती लावली. त्यामुळे विविध चर्चांना उधाणा आले आहे. मात्र केवळ शुभेच्छा देण्यासाठी आम्ही गेलो होतो, असं स्पष्टीकरण नागेश आष्टीकर यांनी एबीपी माझाशी बोलताना दिलं आहे.
नागेश आष्टीकर काय म्हणाले? (Shiv Sena UBT MP Nagesh Ashtikar)
शिवसेना शिंदेंचे खासदार आणि केंद्रीय मंत्री प्रतापराव जाधव यांच्या अॅनिव्हर्सरीचा कार्यक्रम होता. त्यांनी आम्हाला सभागृहामध्ये विनंती केली होती. त्यामुळे त्यांना शुभेच्छा देण्यासाठी घरी गेलो होतो. 5-10 मिनिटांसाठी गेलो आणि भेटलो. याचा अर्थ आम्ही वेगळ्या चर्चेला गेलो होतो असं नाही. काही बातम्या नसल्या की ऑपरेशन टायगरची चर्चा होते. पण त्यात तथ्य नाही. मला वाटतं सुख-दुख:त एकमेकांना भेटलं पाहिजे. एकाच सभागृहातील असल्याने या भेटीत काही गैर नाही, असं नागेश आष्टीकर यांनी सांगितले.
आम्ही शुभेच्छा देण्यासाठी गेलो होतो- नागेश आष्टीकर (Shiv Sena UBT MP Nagesh Ashtikar)
गेल्या काही दिवासांआधी ठाकरे गटाचे आमदार आदित्य ठाकरे यांनी भाजपच्या संबंधित मोहित कंबोज यांच्या एका पार्टीत सहभागी झाले होते. त्यामुळे तुम्ही देखील शिंदे गटाचे खासदार असणाऱ्या प्रताप जाधव यांच्या पार्टीला हजर राहिले का?, असा प्रश्न विचारण्यात आला. यावर मोहित कंबोज यांना आदित्य ठाकरे भेटले याचा आणि आमच्या भेटीचा काही संबंध नाही. आदित्य ठाकरे हे आमचे नेते आहेत. आम्ही प्रतापराव जाधवांच्या घरी गेलो होतो यात दुमत नाही, आम्ही शुभेच्छा देण्यासाठी गेलो होतो, असं नागेश आष्टीकर यांनी सांगितले.
ठाकरे-पवारांचे 6-6 खासदार शिंदेंच्या गळाला? (Eknath Shinde Opration Tiger)
तुतारीचे 6 खासदार आणि शिवसेना ठाकरे गटाचे 6 खासदार फोडण्याची एकनाथ शिंदेची तयारी होती. सध्या शिवसेना शिंदेंकडे 7 खासदार आहेत. जर शरद पवार गटाचे 6 आणि ठाकरे गटाचे 6 खासदार एकनाथ शिंदेंकडे आल्यास एकूण 19 खासदार शिवसेना शिंदे गटाचे होतील. त्यामुळे 19 खासदारांचा संख्याबळावर राज्यातील बार्गेनिंग पॉवर वाढवणं. तसेच 2029 च्या निवडणुकीत किमान 19 जागांवर एकनाथ शिंदे दावा करणार असल्याची रणनीती होती. परंतु भाजपकडून एकनाथ शिंदेंच्या या रणनीतीला अद्याप ग्रीन सिग्नल देण्यात आलेला नाहीय. मागील दिल्ली भेटीत केंद्रीय मंत्री अमित शाह यांनी एकनाथ शिंदेंना भेट दिली नसल्याची विश्वसनीय सूत्रांची माहिती आहे.
महाराष्ट्रातील 48 खासदारांची यादी- (Maharashtra All Party MP List 2024)
| अनुक्रम | मतदारसंघ | विजयी उमेदवार | पक्ष |
| 1 | अहमदनगर Ahmednagar | निलेश लंके | राष्ट्रवादी काँग्रेस पार्टी (शरद पवार) |
| 2 | अकोला Akola | अनुप धोत्रे | भाजप |
| 3 | अमरावती Amravati | बळवंत वानखेडे | काँग्रेस |
| 4 | औरंगाबाद Aurangabad | संदीपान भुमरे | शिवसेना |
| 5 | बारामती Baramati | सुप्रिया सुळे | राष्ट्रवादी काँग्रेस पार्टी (शरद पवार) |
| 6 | बीड Beed | बजरंग सोनवणे | भाजप |
| 7 | भंडारा गोंदिया Bhandara Gondiya | डॉ. प्रशांत पडोळे | काँग्रेस |
| 8 | भिवंडी Bhiwandi | बाळ्या मामा म्हात्रे | राष्ट्रवादी काँग्रेस पार्टी (शरद पवार) |
| 9 | बुलढाणा Buldhana | प्रतापराव जाधव | शिवसेेना |
| 10 | चंद्रपूर Chandrapur | प्रतिभा धानोरकर | काँग्रेस |
| 11 | धुळे Dhule | सुभाष भामरे | भाजप |
| 12 | दिंडोरी Dindori | भास्कर भगरे | राष्ट्रवादी काँग्रेस पार्टी (शरद पवार) |
| 13 | गडचिरोली Gadchiroli - Chimur | डॉ. नामदेव दासाराम किरसान | काँग्रेस |
| 14 | हातकलंगणे Hatkanangale | धैर्यशील माने | शिवसेना |
| 15 | हिंगोली Hingoli | नागेश पाटील आष्टीकर | शिवसेना (उद्धव बाळासाहेब ठाकरे) |
| 16 | जळगाव Jalgaon | स्मिता वाघ | भाजप |
| 17 | जालना Jalna | कल्याणराव काळे | काँग्रेस |
| 18 | कल्याण Kalyan | श्रीकांत शिंदे | शिवसेेना |
| 19 | कोल्हापूर Kolhapur | छत्रपती शाहू महाराज | काँग्रेस |
| 20 | लातूर Latur | शिवाजीराव काळगे | काँग्रेस |
| 21 | माढा Madha | धर्यशील मोहिते पाटील | राष्ट्रवादी काँग्रेस पार्टी (शरद पवार) |
| 22 | मावळ Maval | श्रीरंग बारणे | शिवसेेना |
| 23 | Mumbai North | पियुष गोयल | भाजप |
| 24 | Mumbai North Central | वर्षा गायकवाड | काँग्रेस |
| 25 | Mumbai North East | संजय दिना पाटील | शिवसेना (उद्धव बाळासाहेब ठाकरे) |
| 26 | Mumbai North West | रवींद्र वायकर | शिवसेना |
| 27 | Mumbai South | अरविंद सावंत | शिवसेना (उद्धव बाळासाहेब ठाकरे) |
| 28 | Mumbai South Central | अनिल देसाई | शिवसेना (उद्धव बाळासाहेब ठाकरे) |
| 29 | नागपूर Nagpur | नितन गडकरी | भाजप |
| 30 | नांदेड Nanded | वसंतराव चव्हाण | काँग्रेस |
| 31 | नंदुरबार Nandurbar | गोवाल पाडवी | काँँग्रेस |
| 32 | नाशिक Nashik | राजाभाऊ वाजे | शिवसेना (उद्धव बाळासाहेब ठाकरे) |
| 33 | उस्मानाबाद Osmanabad | ओमप्रकाश निंबाळकर | शिवसेना (उद्धव बाळासाहेब ठाकरे) |
| 34 | पालघर Palghar | हेमंत सावरा | भाजप |
| 35 | परभणी Parbhani | संजय जाधव | शिवसेना (उद्धव बाळासाहेब ठाकरे) |
| 36 | पुणे Pune | मुरलीधर मोहोळ | भाजप |
| 37 | रायगड Raigad | सुनिल तटकरे | राष्ट्रवादी काँग्रेस पार्टी |
| 38 | रामटेक Ramtek | श्यामकुमार बर्वे | काँग्रेस |
| 39 | रत्नागिरी, सिंधुदुर्ग Ratnagiri- Sindhudurg | नारायण राणे | भाजप |
| 40 | रावेर Raver | रक्षा खडसे | भाजप |
| 41 | सांगली Sangli | विशाल पाटील | अपक्ष |
| 42 | सातारा Satara | उदयनराजे भोसले | भाजप |
| 43 | शिर्डी Shirdi | भाऊसाहेब वाकचौरे | शिवसेना (उद्धव बाळासाहेब ठाकरे) |
| 44 | शिरुर Shirur | अमोल कोल्हे | राष्ट्रवादी काँग्रेस पार्टी (शरद पवार) |
| 45 | सोलापूर Solapur | प्रणिती शिंदे | काँग्रेस |
| 46 | ठाणे Thane | नरेश म्हस्के | शिवसेेना |
| 47 | वर्धा Wardha | अमर काळे | राष्ट्रवादी काँग्रेस पार्टी (शरद पवार) |
| 48 | यवतमाळ-वाशिम Yavatmal- Washim | संजय देशमुख | शिवसेना (उद्धव बाळासाहेब ठाकरे) |
शिवसेनेच्या डीनर डिप्लोमसीला ठाकरेंच्या शिवसेनेचे खासदार उपस्थित, VIDEO:
संबंधित बातमी:
Maharashtra Politics: 6 खासदार उद्धव ठाकरेंची साथ का सोडणार?; महत्वाची 5 कारणं आली समोर