Eknath Khadse : मोठी बातमी! एकनाथ खडसेंच्या अडचणीत पुन्हा वाढ, जळगावच्या सावदा पोलीस ठाण्यात गुन्हा दाखल; नेमकं प्रकरण काय?
Jalgaon News : राष्ट्रवादी शरद पवार गटाचे नेते एकनाथ खडसे (Eknath Khads) यांच्यावर रावेर तालुक्यातील सावदा पोलीस स्टेशनमध्ये (Savda Police Station) गुन्हा दाखल करण्यात आलाय.
Jalgaon News : राष्ट्रवादी शरद पवार गटाचे नेते एकनाथ खडसे (Eknath Khads) यांच्यावर रावेर तालुक्यातील सावदा पोलीस स्टेशनमध्ये (Savda Police Station) गुन्हा दाखल करण्यात आलाय. पोलिसांसोबत केलेल्या अर्वाच्य शब्दात अरेरावी व गृहमंत्र्यांबाबत अपशब्द वापरल्याचा आरोप एकनाथ खडसेंवर पोलीस फिर्यादीत करण्यात आला आहे. विशेष म्हणजे स्वतः पोलिसांनीच हा गुन्हा दाखल केला आहे. मात्र एकनाथ खडसेंनी आरोपाचे खंडन करत गौण खनिज प्रकरणात गुन्हा दाखल का करण्यात आला नाही? याबाबत माहिती घेण्यासाठी सावदा पोलीस स्टेशनला गेलो होतो व त्यावेळी पोलीस निरीक्षकांबाबत चुकीने एक शब्द निघाल्याने त्यांची माफी ही आपण मागितल्याचा दावा एकनाथ खडसेंनी केला आहे. त्यामुळे आता या प्रकरणात एकनाथ खडसेंवर नेमकी काय कारवाई होणार, हे पाहणे महत्त्वाचे आहे.
Jalgaon Crime News : अश्लील भाषेत मोठमोठ्याने शिवीगाळ, धमकी अन् दमदाटी
दरम्यान, या प्रकरणात सावदा पोलीस ठाण्याचे सहाय्यक पोलीस निरीक्षक विशाल पाटील यांनी एकनाथ खडसे यांच्याविरुद्ध तक्रार दिली आहे. विधानपरीषद सदस्य एकनाथराव गणपतराव खडसे रा. मुक्ताईनगर हे सावदा पोलीस स्टेशनच्या आवारामध्ये दाखल झाले, त्यानंतर त्यांनी तासखेडा ता. रावेर येथील गौणखनिज संदर्भात गुन्हा दाखल का केला नाही ? अशी आमच्याकडे विचारणा केली. त्यानंतर ते आम्हाला अत्यंत अपमानास्पद बोलले, तसेच आमच्यावर लाचलुचपत प्रतिबंधक विभागाचा ट्रॅप लावतो, अशी धमकी देखील त्यांनी यावेळी दिली, आम्हाला दमदाटी देखील केली, असं या तक्रारीमध्ये म्हटलं आहे. महाराष्ट्र शासनाचे मंत्री यांना अश्लील भाषेत मोठमोठ्याने शिवीगाळ केली, असा आरोप देखील यावेळी खडसेंविरोधात करण्यात आला आहे, या प्रकरणात आता खडसेंविरोधात गुन्हा दाखल करण्यात आला आहे.
Eknath Khadse : माझ्याकडून काही चुकीचे शब्द बोलले गेले, त्याबद्दल मी माफी मागितलीय
दरम्यान, माझ्यावर जो गुन्हा दाखल केला आहे तर तो करू द्या, मी कायदेशीर लढेल. सावदा पोलीस स्टेशनला अवैध उत्खनन झाल्याची तक्रार पोलीस स्टेशनमध्ये देण्यात आली होती, तरी पोलीस कारवाई करत नव्हते, आणि मी या संदर्भात अधिवेशनात देखील जाब विचारला होता. माझ्याकडून काही चुकीचे शब्द बोलले गेले, त्याबद्दल मी माफी मागितली आहे, असंही यावेळी खडसे यांनी म्हटलं आहे.
ही बातमीही वाचा:
महत्त्वाच्या बातम्या
