Sharad Pawar-Ajit Pawar: शरद पवार अन् अजित पवार एकत्र येण्याची दाट शक्यता; बारामतीमध्ये मोठी राजकीय घडामोड
Sharad Pawar-Ajit Pawar: दुरावलेले पवार काका-पुतणे देखील एकत्र येणार का याची देखील जोरदार चर्चा सुरू आहे. यादरम्यान एक महत्वाची घडामोड समोर आली आहे.
Sharad Pawar-Ajit Pawar पुणे: सध्या महाराष्ट्रात राजकीय मनोमिलनाचे वारे जोरदार वाहू लागलेत. ठाकरे गटाचे प्रमुख उद्धव ठाकरे (Uddhav Thackeray) आणि मनसेप्रमुख राज ठाकरे (Raj Thackeray) यांची युती होणार या चर्चा सुरू असतानाच, दुरावलेले पवार काका-पुतणे (Sharad Pawar-Ajit Pawar) देखील एकत्र येणार का याची देखील जोरदार चर्चा सुरू आहे. यादरम्यान एक महत्वाची घडामोड समोर आली आहे.
माळेगाव साखर कारखान्याच्या निवडणुकीत (Malegaon Sugar Factory Election) दोन्ही राष्ट्रवादी एकत्र येण्याची शक्यता आहे. बारामती तालुक्यातील माळेगाव सहकारी साखर कारखान्याची निवडणूक सुरू आहे. या निवडणुकीत दोन्ही राष्ट्रवादी एकत्र लढण्याची शक्यता आहे. 22 जून रोजी माळेगाव साखर कारखान्याची निवडणूक पार पडणार आहे. त्यामुळे या निवडणुकीत शरद पवार आणि अजित पवार एकत्र येणार का याकडे सर्वांचं लक्ष लागलं आहे. दरम्यान, माळेगाव सहकारी साखर कारखाना बारामती तालुक्यातील एक प्रमुख साखर उत्पादन केंद्र आहे, ज्याने शेतीमालकांनासाठी उल्लेखनीय कामगिरी केली आहे:
आज अजित पवारांच्या पॅनेलची अंतिम यादी जाहीर होणार-
माळेगाव साखर कारखान्याच्या निवडणुकीत अजित पवारांकडे 21 पैकी पवार गटाने 6 जागा मागितल्या असल्याची सूत्रंची माहिती आहे. अजित पवार 6 पैकी किती जागा देतात याकडे सर्वांचे लक्ष लागले आहे. आज उमेदवारी अर्ज मागे घेण्याचा शेवटचा दिवस आहे. आज सकाळी साडेदहा वाजता अजित पवारांच्या पॅनेलची अंतिम यादी जाहीर होणार आहे. त्यामुळे कारखान्याच्या निवडणुकीत अजित पवार आणि शरद पवार एकत्र येण्याची दाट शक्यता वर्तवण्यात येत आहे. तर माळेगाव साखर कारखानाच्या निवडणुकीत शरद पवार गटाला किती जागा मिळतात हे पाहणं महत्त्वाचे ठरणार आहे.
दोन्ही पवारांनी ठरवलचं असेल तर अखंड राष्ट्रवादी होण्याला कोणीच रोखू शकत नाही-
एबीपी माझाला मिळालेल्या सूत्रांच्या माहितीनुसार सध्या अजित पवारांच्या पक्षातील दोन वरिष्ठ नेत्यांकडून शरद पवारांच्या राष्ट्रवादीलासोबत घेण्यासाठी विरोध आहे. जर शरद पवारांची राष्ट्रवादी अजित पवारांकडे विलीन झाली तर सध्याच्या लोकसभेच्या संख्याबळानुसार सुप्रिया सुळे यांच्या गळ्यात केंद्रीय मंत्रिपदाची माळ पडू शकते. त्यामुळे अजित पवारांकडून इच्छुक एका वरिष्ठ नेत्याचा केंद्रीय कॅबिनेट पदाचा पत्ता कट होऊ शकतो. दुसऱ्या नेत्याचा विरोध आहे कारण जयंत पाटील राष्ट्रवादीत आले तर आपोआपच एक तर मंत्रीपद किंवा प्रदेशाध्यक्षपद त्यांना द्यावं लागेल. मंत्रिपद देण्यासाठी सध्या पक्षातील आमदारांचा जयंत पाटलाना विरोध आहे. राहता राहीला प्रदेशाध्यक्षपदाचा तर सध्या त्या पदावर सुनील तटकरे अध्यक्ष म्हणून काम पाहत आहेत. त्यांचा कार्यकाळ अद्याप पूर्ण झालेला नाही. एकंदरीत सध्याची दोन्ही पक्षातील ही परिस्थिती पाहता याक्षणी तरी अखंड राष्ट्रवादी होण्याची शक्यता दिसत नाही. शेवटी जाता जाता इतकंच सांगता येईल अजित पवार हे त्यांच्या पक्षातील सर्वेसर्वा आहेत तर शरद पवार हे त्यांच्या पक्षाचे सर्वेसर्वा आहेत. जर दोन्ही पवारांनी ठरवलचं असेल तर अखंड राष्ट्रवादी होण्याला कोणीच रोखू शकत नाही.
राज्यासह देशभरातील महत्वाच्या घडामोडी, VIDEO:
संबंधित बातमी:
महत्त्वाच्या बातम्या
