एक्स्प्लोर

VIDEO : हाती सिगारेट, शेजारी पैशांची बॅग, व्हिडीओ समोर आल्यानंतर संजय शिरसाट यांची पहिली प्रतिक्रिया

Sanjay Shirsat first reaction on bed room video : हाती सिगारेट, शेजारी पैशांची बॅग असलेला व्हिडीओ समोर आल्यानंतर मंत्री संजय शिरसाट यांनी पहिली प्रतिक्रिया दिली आहे.

By : जयदीप मेढे | Updated at : 11 Jul 2025 03:16 PM (IST)

Sanjay Shirsat first reaction on bed room video

Sanjay Shirsat first reaction on bed room video : हाती सिगारेट आणि शेजारी पैशांची बॅग असलेला मंत्री संजय शिरसाट यांचा व्हिडीओ समोर आलाय. त्यानंतर खासदार संजय राऊत यांनी केलेले आरोप खरे ठरल्याची चर्चा सुरु झालीये. संजय शिरसाट यांच्या या व्हिडीओमध्ये ती सिगारेट ओढताना पाहायला मिळत आहेत आणि त्यांच्या शेजारी पैशांची मोठी बॅग देखील आहे. हा व्हिडीओ समोर आल्यानंतर संजय शिरसाट यांनी प्रतिक्रिया दिली आहे.

पैशांची बॅग ठेवायची असेल तर कपाटं मेली आहेत का?

संजय शिरसाट म्हणाले, तुमच्या चॅनेलच्या एका मित्राकडून मी तो व्हिडीओ पाहिला. व्हिडीओ काय दाखवतोय? माझं घर आहे. जे घर तुम्ही पाहात आहात ते माझ घर आहे, बेडरुम आहे. बेडरुममध्ये मी बसलेलो आहे. बाजूला माझा सर्वात लाडका कुत्रा आहे. तिथे एक बॅग ठेवलेली आहे. याचा अर्थ असा होतो की, मी कुठून तरी प्रवासातून आलोय. कपडे काढले आहेत, मी माझ्या बेडवर बसलेलो आहे. अरे मुर्खांनो एवढी मोठी पैशांची बॅग ठेवायची असेल तर कपाटं मेली आहेत का? मी नोटा कपाटात ठोसल्या असत्या. यांना पैशाशिवाय काहीच दिसत नाही.

पैसे नाहीत, ते कपडे आहेत, संजय शिरसाट यांचा दावा

पुढे बोलताना संजय शिरसाट म्हणाले, एकदा एकनाथ शिंदे यांच्या सुरक्षारक्षकांकडील बॅगांमध्ये देखील पैसे असल्याचं म्हणाले होते. यांना कपडे ठेवायला बॅगा लागत नाहीत. तर पैसे ठेवायला बॅगा लागतात. असं एकत्रित यांचं वर्तन आहे. प्रवासातून आल्यानंतर ठेवलेली ती बॅग आहे. आमच्याकडे मातोश्री, मातोश्री 2 नाही. एखाद्याने व्हिडीओ काढला असेल त्याच्यात त्याचा काही दोष नाहीये. माझ्याकडे कोणाकडे चिठ्ठी देऊन कोणाला आतमध्ये घेतलं जात नाही. कोणी व्हिडीओ काढला असेल तर गैर नाही. असे लोक टार्गेट करतात. माझं नाव पुढे आणत आहेत. पैशांच्या बॅगा दरवाज्यात पडत नाहीत. अशा प्रकारच्या व्हिडीओमुळे माझ्या करिअरवर परिणाम होणार नाही. ते कपडे होते, पैसे नव्हते.