नाशिक : गांधीजींची हत्या करणाऱ्या नथुराम गोडसेंच समर्थन करणारे कीर्तनकार संग्राम बापू भंडारेंनी (Sangram Bapu Bhandare) काँग्रेसचे (Congress) नेते बाळासाहेब थोरत नेते (Balasaheb Thorat) यांना पुन्हा एकदा इशारा दिला आहे. संग्राम भंडारे यांचा एक नवा व्हिडीओ (Video) सध्या सोशलमीडियावर (Social Media) व्हायरल (Viral) होत आहे. बाळासाहेब थोरत यांनी आपल्यावर झालेल्या हल्ल्याचे समर्थन केल्यानंतर आळंदीमधील महाराजांच्या गाड्या फोडा, असे लोक म्हणू लागले आहेत, असा आरोप संग्राम बापू भंडारेंनी केला आहे. या व्हिडीओमध्ये त्यांनी काँग्रेसचे नेते बाळासाहेब थोरत यांना थेट इशारा दिला आहे. "आपली गाडी फोडायची तर फोडा, पण इतर धर्मप्रचारकांवर हल्ला केला तर मला संग्राम बापूमधील बापू शब्द काढून संग्राम भंडारे व्हावं लागेल" असे त्यांनी म्हटले आहे. या इशाऱ्यामुळे राजकीय वर्तुळात चर्चांना उधाण आले आहे. हा व्हिडीओ (Video) सध्यासोशलमीडियावर मोठ्या प्रमाणात प्रसारित होत आहे.

... तर मला संग्रामबापूमधील बापू शब्द काढून संग्राम भंडारे व्हावे लागेल

काँग्रेसचे नेते बाळासाहेब थोरत यांच्यावर मी हल्ला करणार असं म्हणालो नाही. तर त्यांना अंतर्मुख करण्यासाठी मला नथुराम गोडसे व्हावं लागेल, असं मी म्हटल्याचं कीर्तनकार संग्राम भंडारेंनी याआधी खुलासा केला आहे. संगमनेरमधील 16 ऑगस्टच्या किर्तनावेळी माझ्यावर हल्ला झाला. कीर्तनकारांवर असे हल्ले व्हायला लागले तर ही धोक्याची घंटा आहे, असं असताना या घटनेचं बाळासाहेब थोरातांनी मात्र समर्थन केलं. त्यामुळं बाळासाहेब थोरातांना या हल्ल्याचं गांभीर्य लक्षात यावं म्हणून मी नथुराम गोडसेंचे नाव घेतल्याचं भंडारे यांनी म्हटलं आहे. असेहीतेम्हणालेत. दरम्यान कीर्तनावरून झालेल्या राड्यानंतर संगमनेरमध्ये राजकीय वाद उफाळून आला असताना  संग्राम भंडारे यांचा अजूनएक नवा व्हिडीओ सध्या सोशलमीडियावरव्हायरल होत आहे.

उपमुख्यमंत्री एकनाथ शिंदे आज संगमनेर दौऱ्यावर

विधानसभा निवडणुकांचे निकाल लागल्यानंतर संगमनेर विधानसभा मतदारसंघात धक्कादायक निकाल समोर आला.. चाळीस वर्षापासून सत्तेत असणारे बाळासाहेब थोरात यांचा पराभव करत शिवसेना शिंदे गटाचे अमोल खताळ विजयी झाले.. निकालानंतर प्रथमच मतदारांचे आभार मानण्यासाठी पक्षाचे नेते व उपमुख्यमंत्री एकनाथ शिंदे संगमनेर शहरात येणार आहे.. आज चार वाजता  भव्य रॅली व जाहीर सभेचे आयोजन करण्यात आले आहे.. एकनाथ शिंदे थोरात यांच्यावर काय टीका करणार आणि गेल्या काही दिवसापासून सुरू असलेल्या संग्राम भंडारे यांच्या वक्तव्याबाबत काय बोलणार हे पाहणे महत्वाचे आहे.

Balasaheb Thorat Vs Sangram Bhandare : प्रकरण नेमकं काय?

संग्रामबापू भंडारे हे कीर्तनाचे काम करतात. 16 ऑगस्ट रोजी संगमनेरच्या घुलेवाडीत त्यांचे कीर्तन सुरू असताना तिथे शाब्दिक बाचाबाची झाल्याचा प्रकार घडला. कीर्तनाच्या कार्यक्रमात संग्रामबापू भंडारे यांनी राजकीय भाष्य केल्याचा आरोप नितीन गायकवाड याने केला. त्यानंतर त्या ठिकाणी गोंधळ निर्माण झाला. गोंधळ घालणारे काँग्रेसचे नेते बाळासाहेब थोरातांचे कार्यकर्ते होते असा महायुतीचा आरोप आहे. यावेळी आपल्यावर हल्ला झाल्याचा आरोप संग्रामबापू भंडारे यांनी केला. या प्रकरणी त्यांनी संगमनेर पोलिसात तक्रारही केली.

इतर महत्त्वाच्या बातम्या