Rohit Pawar on Ajit Pawar Plane Crash: अजित पवारांच्या विमान अपघाताबाबत रोहित पवारांचं मोठं वक्तव्य, 10 तारखेच्या पत्रकार परिषदेत बडा गौप्यस्फोट होणार?
Rohit Pawar on Ajit Pawar Plane Crash: अशातच विलीनीकरण, अजित पवार यांच्या अपघाताबाबत व्यक्त होणाऱ्या शंका याबाबत रोहित पवारांनी मोठं भाष्य केलं आहे.
पुणे: उपमुख्यमंत्री अजित पवार यांच्या निधनानंतर आता त्यांच्या पक्षासह विरोधी पक्षातील नेत्यांनी अपघाताबाबात शंका उपस्थित केल्या आहेत. अजित पवार मुंबईहून बारामतीला जिल्हा परिषद आणि पंचायत समितीच्या निवडणुकीच्या प्रचारासाठी निघाले होते. यादरम्यान त्यांच्या विमानाचा अपघात (Ajit Pawar Plane Crash) झाला आणि मोठा स्फोट होऊन सर्वांचा मृत्यू झाला. अजित पवार यांच्या निधनानंतर संपूर्ण पवार कुटुंबावर दु:खाचा डोंगर कोसळला. त्यानंतर अजित पवारांच्या जागी सुनेत्रा पवार यांनी उपमुख्यमंत्रिपदाची शपथ घेतली. आता पवार कुटुंब एकत्र येताना दिसत आहे. अशातच विलीनीकरण, अजित पवार यांच्या अपघाताबाबत व्यक्त होणाऱ्या शंका याबाबत रोहित पवारांनी मोठं भाष्य केलं आहे.(Rohit Pawar on Ajit Pawar Plane Crash)
अजित दादांची काही इच्छा होती....
अपघाताबद्दलच्या शंकांवर मी दहा तारखेला बोलेन, त्याचबरोबर विलीनीकरणावर अजित दादांची काय इच्छा होती, ती 12 तारखेला सांगणार असेही रोहित पवार यांनी म्हटलं आहे. अजित दादांची काही इच्छा होती ते पत्रकार परिषद घेऊन मी सांगणार असंही त्यांनी म्हटले आहे. विलीनीकरणाबाबत नेमकं काय घडलं तेही ते पत्रकार परिषदेत सांगणार आहेत. दहा तारखेला विमानाबद्दलच्या शंका ज्या आमच्या मनात आहेत, त्या शंका मी मुंबईत प्रेझेंटेशन नाहीतर प्रेस कॉन्फरन्स घेऊन लोकांसमोर मांडेल, विलीनीकरणाबद्दल काय घडलं, दादांची काय इच्छा होती, हे मी 12 तारखेला मुंबईला प्रेस कॉन्फरन्स घेऊन सांगेन, 12 तारीख का? तर त्या दिवशी दादांची एक इच्छा होती, ती काय होती कशी होती याबद्दल मी बोलेन, असंही रोहित पवारांनी म्हटलं आहे.(Ajit Pawar Plane Crash)
दोन्ही परिवारामध्ये कुठेही राजकीय चर्चा झालेली नाही
अजून पर्यंत सुनेत्र काकी, पार्थ, जय किंवा आम्ही असो, कोणीही या दुःखातून सावरलेला नाही. राजकीय विचार हे मनामध्ये दुर्दैवाने येत नाही येत. कारण घटनाच इतकी दुर्दैवी घडलेली आहे. त्यामुळे हळूहळू जसं आम्हाला राजकीय विचार करण्याची क्षमता आमच्यामध्ये येईल, नक्कीच त्याबद्दल मी स्पष्टपणे मांडेल, पण आतापर्यंत दोन्ही परिवारामध्ये कुठेही राजकीय चर्चा झालेली नाही. नऊ तारखेनंतर त्या चर्चांना कुठेतरी सुरुवात होईल, असं मला वाटतं असेही पुढे रोहित पवार यांनी म्हटलं आहे.(Ajit Pawar Plane Crash)
सगळ्यांच्या मनात शंका आहे. आमच्या मनामध्ये काही प्रश्न आहेत. का घडलं, कसं घडलं असावं, याबाबत दहा तारखेला सविस्तर बोलणार आहे. अमोल मिटकरी हे दादांचा जवळचा कार्यकर्ता होता. काही गोष्टी योग्य पद्धतीने मांडत आहेत, काही विषयाच्या बाबतीत ते भावनिक आहेत. भावनिकतेच्या भरात अनेक प्रश्न लोकांना पडलेले आहेत. काही गोष्टी प्रेझेंटेशनमध्ये मांडेन किंवा पत्रकार परिषद घेऊन सांगेन, असंही रोहित पवारांनी म्हटलं आहे.(Ajit Pawar Plane Crash)
दादांचे जे स्वप्न होते की...
रोहित पवार यांनी म्हटले की, दादांचे जे स्वप्न होते या जिल्हा परिषद आणि पंचायत समितीच्या निवडणुकीमध्ये दादांचे जे कार्यकर्ते आहेत ते जास्तीत जास्त निवडून यावेत, ही त्यावेळीची त्यांची इच्छा आणि स्वप्न आज आपल्याला म्हणावे लागेल की, ते त्यांचे अंतिम स्वप्न होतं. आज मी माझ्या परिवारासोबत येऊन मी माझा मतदानाचा हक्क बजावला आहे. मला विश्वास आहे की, दादांचे जे स्वप्न होते की, जिल्हा परिषदेला त्यांचे कार्यकर्ते जास्त निवडून येतील ते स्वप्न मतदार आणि कार्येकर्ते पूर्ण करतील. अजित पवारांची जी इच्छा होती, परिवार म्हणून सर्वजण एकत्र यायला हवे आणि त्याकरिता दादांकडूनही प्रयत्न केला जात होता. सुप्रिया ताई असतील किंवा पवार साहेब आम्ही सर्वजण काहीसा असाच प्रयत्न करत होतो. पवार म्हणून आम्ही एकत्रित आहोत आणि अजित दादांचे जे स्वप्न आहे पवार कुटुंब एकत्र राहिले पाहिजे तसेच काहीतरी होईल. आज कोणीही न ठरवून सर्वजण एकत्र आले. परिवार पुन्हा एकदा एकत्र येत आहे.
महत्त्वाच्या बातम्या
