Rohit Pawar : कॅप्टनला नोकरी नव्हती, तो वैफल्यग्रस्त होता का? अकाउंटेबल, फ्लाईट सेफ्टी मॅनेजरची चौकशी नाही, कंपनी अधिकाऱ्यांवर अत्याचाराचे आरोप; रोहित पवारांचा दिल्लीतून नवा बाॅम्ब

Rohit Pawar Delhi PC on Ajit Pawar :  राज्याचे दिवंगत उपमुख्यमंत्री अजित पवार (Ajit Pawar Death News) यांच्या विमान अपघाताबाबत आमदार रोहित पवार (Rohit Pawar) यांनी आज आणखी काही खळबळजनक आरोप केलेत.

Rohit Pawar Delhi PC on Ajit Pawar

Source : ABP Majha

Rohit Pawar Delhi PC on Ajit Pawar :  राज्याचे दिवंगत उपमुख्यमंत्री अजित पवार (Ajit Pawar Death News) यांच्या विमान अपघाताबाबत आमदार रोहित पवार (Rohit Pawar) यांनी आज आणखी काही खळबळजनक आरोप केलेत. दिवंगत अजित दादांच्या अपघातातील विमानाची  (Ajit Pawar Plane Crash) किंमत 35 कोटी होती, मात्र विमानाचा विमा 210 कोटींचा होता. तर पायलटचा विमा 50 कोटींचा होता. गुजरातमधील एका गुंतवणूकदाराने तो विकत घेतला. मात्र त्याचा त्यात काही संबंध नाही. सोबतच विमानात जाणीवपूर्वक पेट्रोलचा साठा ठेवण्यात आला होता. तर विमानाचा पायलट हा मानिसक तणावात होता का? त्याला 4 वर्ष नोकरी नव्हती, जेट ऐयरवेजमध्ये जेव्हा हे कपूर कामाला होते तेव्हा त्यांना महिन्याला 10-12 लाख पगार होता. मात्र अलीकडे त्यांना कुठेही नोकरी न मिळाल्याने त्यांनी व्हीआरएस जॉईन केलं होतं. इथं त्यांना 3 ते 4 लाख महिन्याला पगार मिळत होता. त्यामुळे ते वैफल्यग्रस्त होते, आर्थिक तणावात होते, असं आमचं म्हणणं आहे. असा दावा राष्ट्रवादी शरद पवार गटाचे आमदार रोहित पवार यांनी केला आहे. ते दिल्ली येथे पत्रकार परिषदेत बोलत होते.

दरम्यान, यावेळी बोलताना रोहित पवारांनी दिवंगत अजित पवार यांच्या विमान अपघाताबाबत पुन्हा एकदा पत्रकार परिषद घेत खळबळजनक दावा केला आहे. सोबतच यावेळी व्हीआरएस कंपनीवर काही गंभीर आरोप करत भाजपच्या ट्रॉलर्सलाही खडेबोल सुनावले आहे.

Rohit Pawar on BJP: ....तर मग या कटात भाजपही सहभागी आहे का?

दरम्यान, अकाउंटेबल, फ्लाईट सेफ्टी मॅनेजरची चौकशी झाली का? त्यांना अटक झाली का? या जबाबदार व्यक्ती आहेत. हि व्यक्ती मोठं प्रस्त आहे, म्हणून त्यांना वाचनावण्यात येतंय. यातील एका कंपनी अधिकाऱ्यांवर अत्याचाराचे आरोप आहेत. लायसन्स नसताना अनधिकृतपणे विमान चावण्यात येत होते. तर भाजपचे ट्रोल या पत्रकार परिषदेला ट्रोल करत आहेत. आम्हाला प्रश्न पडतो की भाजपच्या ट्रोलकडून इतका विरोध का? त्या ट्रोलला पैसे कोण देतंय? ते भाजपची बाजू मांडत असतात हे आम्हाला माहिती आहे. यांनी पूर्वी रोहित शेट्टींना ब्लॅकमेल केलं होतं. भाजपचे ट्रोल जर विरोध करतात तर मग या कटात भाजपही सहभागी आहे का? अशी शंका निर्माण होते. असेही रोहित पवार म्हणाले.

Rohit Pawar Delhi PC  : पंतप्रधान नरेंद्र मोदी, अमित शाह राहुल गांधी यांनाही विनंती करतो की...

व्हीएसआर (VSR) नावाच्या कंपनीला खूप मोठ्या लोकांचा पाठिंबा असून यात सत्तेतील आणि राजकीय संबंध असलेले मोठे उद्योगपती सामील आहेत. हे एक राजकीय किंवा व्यावसायिक कटकारस्थान असू शकते आणि डीजीसीएचे मोठे अधिकारीही यामागे आहेत. अजित दादांना न्याय मिळवून देण्यासाठी या देशातील सर्वात शक्तिशाली व्यक्ती, म्हणजेच पंतप्रधान नरेंद्र मोदी आणि अमित शाह यांनीच या तपासात लक्ष दिले पाहिजे, कारण यात गुंतलेले इतर लोकही तितकेच प्रभावशाली आहेत.  मी विरोधी पक्षनेते राहुल गांधी यांनाही विनंती करतो की, त्यांनी हा विषय आपल्या हाती घ्यावा आणि नागरी उड्डाण मंत्र्यांचा राजीनामा मागण्यात आम्हाला साथ द्यावी, अशी मागणी देखील रोहित पवारांनी केली आहे.

इतर महत्वाच्या बातम्या