Ramdas Kadam on Sunil Tatkare : विधान परिषदेत शिवसेनेकडे अधिक संख्याबळ असतानाही सुनिल तटकरे (Sunil Tatkare) यांच्या मुलाला आमदारकी मिळाल्याचा टोला शिवसेनेचे ज्येष्ठ नेते आणि माजी मंत्री रामदास कदम (Ramdas Kadam) यांनी लगावला. तटकरे यांच्याकडे नेमका कोणता जादूटोणा आहे? असा सवालही त्यांनी उपस्थित केला. भरत गोगावले यांना झेंडावंदनावेळी बाजूला उभे राहावे लागणे प्रोटोकॉलमध्ये बसणारे नव्हते, असे मत कदम यांनी व्यक्त केले. सुनील तटकरे खासदार, त्यांच्या कन्या मंत्री आणि आता कन्येकडे पालकमंत्रीपद? असे म्हणत रामदास कदमांनी तटकरे कुटुंबावर जोरदार निशाणा साधला.
Ramdas Kadam : रायगडच्या पालकमंत्रिपदी भरत गोगावले यांच्या नियुक्तीचे स्वागत
रायगडच्या पालकमंत्रिपदी भरत गोगावले यांच्या नियुक्तीचे शिवसेनेचे ज्येष्ठ नेते रामदास कदम यांनी स्वागत केलं आहे. मात्र ज्येष्ठतेचा योग्य सन्मान झाला पाहिजे, अशी भूमिका देखील कदम यांनी माडली. रायगडमध्ये शिवसेनेचे तीन आमदार, मग पालकमंत्रीपद राष्ट्रवादीला का? असा सवाल देखील कदमांनी उपस्थित केला. मेजॉरिटीच्या आधारावर पालकमंत्रीपद शिवसेनेला मिळायला हवं होते, अशी खंत रामदास कदमांनी यावेळी व्यक्त केली.
रायगडच्या पालकमंत्रीपदाचा तिढा सुटला
गेल्या अनेक दिवसांपासून रायगडच्या पालकमंत्रीपदाचा तिढा कायम होता. मात्र, अखेर रायगडच्या पालकमंत्रीपदाचा तिढा सुटला आहे. शिवसनेनचे नेते आणि मंत्री भरत गोगावले यांच्या गळ्यात पालकमंत्रीपदाची माळ पडली आहे. रायगडच्या पालकमंत्रीपदासाठी भरत गोगावले आणि मंत्री अदिती तटकरे यांच्याही नावाची चर्चा होती. मात्र, विधानपरिषदेच्या निवडणुकीत राष्ट्रवादी काँग्रेस अजित पवार गटाचे खासदार सुनिल तटकरे यांच्या पुत्र अनिकेत तटकरे यांना बिनविरोध निवडून दिले. यावेळी शिवसेने देखील सहकार्य केले. त्यानंतर रायग़डचे पालकमंत्री भरत गोगावले यांना मिळणार असल्याचे बोलले जात होते. अखेर गोगावले यांना पालकमंत्रीपद मिळालं आहे. यानंतर सर्वच स्तरातून त्यांचे स्वागत होत आहे. शिवसेनेचे ज्येष्ठ नेते आणि माजी मंत्री रामदास कदम यांनी देखील गोगावले यांचे स्वागत केले. तसेच त्यांच्या पुढील वाटचालीस शुभेच्छा दिल्या आहेत. मात्र, दुसरीकडे सुनिल तटकरे यांच्यावर मात्र, जोरदार टीका केली आहे.
Ashok Kharat Case : अशोक खरात प्रकरणातील काही भाग तटकरेविरोधातील राजकीय घडामोडींशी संबंधित आहे का?
नाशिकचा भोंदूबाबा अशोक खरात प्रकरणावरुनही रामदास कदम यांनी काही सवाल उपपस्थित केले. नाशिकच्या अशोक खरात प्रकरणातील काही भाग तटकरेविरोधातील राजकीय घडामोडींशी संबंधित आहे का? अशी शंका देखील कदमांनी उपस्थित केली आहे.