Rajya Sabha Election 2026 Navneet Rana: राज्यसभेची जागा भाजपला मिळाली असती तर नवनीत राणा या खासदार झाल्या असत्या. मुख्यमंत्री देवेंद्र फडणवीस यांनी त्यादृष्टीने नियोजन केले होते, असे वक्तव्य आमदार रवी राणा (Ravi Rana) यांनी केले. राज्यसभेची जागा सुनेत्रा पवार यांची होती. ती जागा भारतीय जनता पार्टीला (BJP) मिळाली असती तर नक्कीच नवनीत राणा त्या ठिकाणी राज्यसभेवर (Rajya Sabha Election 2026) जातील, अशा पद्धतीने राज्याचे मुख्यमंत्री देवेंद्र फडणवीस (Devendra Fadnavis) यांनी सुद्धा निश्चित केले होते, असे रवी राणा यांनी सांगितले. ते मंगळवारी प्रसारमाध्यमांशी बोलत होते. (Maharashtra Politics news)
सुनेत्रा पवार आणि पार्थ पवार यांनी नवनीत राणांना राष्ट्रवादी काँग्रेसच्या उमेदवार म्हणून राज्यसभेचा उमेदवारी अर्ज भरला पाहिजे, अशी अट टाकली तेव्हा त्यावेळेस त्यांच्या भावना चांगल्या होत्या. त्यांच्या पक्षानेदृष्टीने चांगले लोक त्यांच्या पक्षामध्ये आले पाहिजेत. राज्यसभा म्हणून नवनीत राणा राष्ट्रवादी पक्षातर्फे गेल्या पाहिजेत, अशी भावना सुनेत्रा पवार आणि पार्थ पवार यांच्या मनामध्ये होती. त्याबद्दल त्यांचे मनापासून आभार व्यक्त करतो.
मात्र, नवनीत राणा यांचे विचार हे भारतीय जनता पार्टीचे विचार आहेत, हिंदुत्वाचे विचार आहेत. देशाचे पंतप्रधान नरेंद्रजी मोदी, गृहमंत्री अमित शहा, देवेंद्र फडणवीस यांच्या नेतृत्वामध्ये नवनीत राणा काम करतात आहेत. त्यांच्या नेतृत्वामध्ये शेवटपर्यंत मी काम करत राहील, असा निर्धार नवनीत राणा यांनी केला होता.
नवनीत राणा या भारतीय जनता पार्टीची कार्यकर्ता म्हणून सातत्याने त्या विचारावर काम करून जनतेची सेवा करत राहतील. पदासाठी इकडे तिकडे उड्या मारण्यापेक्षा निष्ठेने आणि आपल्या विचाराने विचारला धरून काम केले पाहिजे, हा नवनीत राणा यांचा कायम संकल्प राहिलेला आहे. त्यामुळे नवनीत राणा यांनी मुख्यमंत्री देवेंद्र फडणवीस, सुनेत्रा पवार यांचे आभार मानले व मी शेवटपर्यंत भारतीय जनता पार्टीचे काम करत राहील, असे सांगितले.
Eknath Shinde and Ravi Rana: मला एकनाथ शिंदेंनी ऑफर दिली होती: रवी राणा
एकनाथ शिंदे यांनी अनेकदा मला विदर्भाच्या दृष्टिकोनातून जिल्ह्याच्या दृष्टिकोनातून आणि त्यांच्या पक्षाच्यादृष्टीने शिवसेनेत येऊन काम करण्याची ऑफर दिली होती. पण मी आधीच सांगितलं की, मी स्वतः देवेंद्र फडणवीस यांचा एक निष्ठावान सैनिक म्हणून मी काम करत आहे. जिथपर्यंत राजकारणामध्ये देवेंद्र फडणीस आहेत, तिथपर्यंत त्यांच्यासोबत सुद्धा मी ताकदीने काम करेन,मी कुठेही जाणार नाही. मी एकनाथजी शिंदे, बच्चू कडू यांचे आभार मानतो.
नवनीत राणा यांना भारतीय जनता पक्षाकडून राज्यसभा मिळाली पाहिजे, असे अनेकांना वाटत होते. ती लोकांची इच्छा होती. ती जागा भारतीय जनता पक्षाला सुटावी ही देवेंद्र फडणवीस यांची इच्छा होती. नवनीत राणा यांची इच्छा होती, मी तसं सुनेत्रा पवार यांना सांगितलं होते. यासाठी देवेंद्र फडणवीस सुद्धा पॉझिटिव्ह होते. मात्र, राष्ट्रवादी काँग्रेसकडून नवनीत राणा यांनी लढले पाहिजे, अशी अट त्यांनी टाकली होती, त्यामुळे त्यांनी दुसरा उमेदवार शोधला, असे रवी राणा यांनी स्पष्ट केले.
Ravi Rana: माझ्या मंत्रिपदाचा निर्णय देवेंद्र फडणवीस घेतील: रवी राणा
मला मंत्री बनवण्याचा निर्णय देवेंद्र फडणवीस घेतील. मला मंत्री बनवलं काय नाही बनवलं काय मला त्याची पर्वा नाही. एक सक्षम नेतृत्व म्हणून देवेंद्र फडणवीस काम करत आहेत. त्यांच्या नेतृत्वात आम्ही काम करतो, विदर्भाचा आमदार मुख्यमंत्री आहे त्याचा आम्हाला गर्व आहे. जनतेची इच्छा आहे रवी राणा मंत्री झाले पाहिजे. या जिल्ह्यामध्ये बच्चू कडू, यशोमती ठाकूर,अनिल बोंडे, प्रवीण पोटे हे मंत्री झाले. मात्र, आता मुख्यमंत्री जो निर्णय घेईल तो मला मान्य राहील, असे रवी राणा यांनी सांगितले.
आणखी वाचा