Sunetra Pawar and Navneet Rana: राज्यसभेसाठी छगन भुजबळ 15 तास वेटिंगवर, अद्याप निर्णय नाही, राष्ट्रवादीत अंतर्गत घडामोडींना वेग

Sunetra Pawar and Navneet Rana: राज्यसभा निवडणुकीपूर्वी मोठी घडामोड, राष्ट्रवादी हक्काची जागा सोडणार?

Sunetra Pawar and Navneet Rana

Source : ABP Live

Rajya Sabha Election 2026 Chhagan Bhujbal and Navneet Rana: सुनेत्रा पवार यांच्या राजीनाम्यामुळे रिक्त झालेल्या राज्यसभेच्या जागेवर कोणाची वर्णी लागणार, यावरुन सध्या महाराष्ट्रात रंजक राजकीय परिस्थिती निर्माण झाली आहे. सुरुवातीला या जागेवर राष्ट्रवादी काँग्रेसचे (NCP) ज्येष्ठ नेते छगन भुजबळ (Chhagan Bhujbal) यांची वर्णी लागेल, अशी चर्चा होती. मात्र, या सगळ्यात अचानक भाजपच्या नेत्या नवनीत राणा (Navneet Rana) यांची एन्ट्री झाली झाली होती. भाजप नवनीत राणा यांच्यासाठी ही जागा राष्ट्रवादी काँग्रेसला (NCP) सोडायला सांगेल, असे बोलले जात होते. मात्र, शनिवारी छगन भुजबळ यांच्यासह राष्ट्रवादीच्या प्रमुख नेत्यांनी मुख्यमंत्री देवेंद्र फडणवीस (Devendra Fadnavis) यांची भेट घेतल्याने राज्यसभेच्या जागेवरील छगन भुजबळांचा दावा पक्का झाल्याची चर्चा होती. (Maharashtra Politics)

छगन भुजबळ यांनी काल पार्थ पवार, सुनील तटकरे आणि प्रफुल पटेल यांच्यासह मुख्यमंत्री देवेंद्र फडणवीस यांची भेट घेतली होती. त्यावेळी राष्ट्रवादीच्या नेत्यांनी छगन भुजबळ राज्यसभेवर गेल्यास राज्य मंत्रिमंडळातील त्यांचे पद पुतणे समीर भुजबळ यांना देण्यात यावे, अशी विनंती मुख्यमंत्र्यांना केली होती. मंत्री छगन भुजबळांच्या अटीबाबत 15 तास उलटून देखील अद्याप भाजप हायकमांडकडून ग्रीन सिग्नल मिळालेला नाही. मंत्री छगन भुजबळ यांच्याकडून आधी राज्यात समीर भुजबळ यांना कॅबिनेट मंत्रीपदाची शपथ द्या आणि त्यानंतरच राज्यसभेचा उमेदवारी अर्ज भरेन, अशी अट घालण्यात आली होती.

शनिवारी दुपारी दीड वाजता राष्ट्रवादीच्या शिष्टमंडळाने मुख्यमंत्री देवेंद्र फडणवीस यांची वर्षा निवासस्थानी भेट घेऊन भुजबळांची राज्यसभेची उमेदवारी आणि राज्यातील मंत्रीपदाबाबतची भूमिका याबाबत मुख्यमंत्र्यांना माहिती दिली. मुख्यमंत्र्यांकडून मंत्रीपदाचा फेर बदलाबाबत हायकमांडकडे विचारणा करावी लागेल, असे सांगण्यात आले होते. राष्ट्रवादी काँग्रेस छगन भुजबळ यांना राज्यसभेची उमेदवारी देण्यास तयार  आहे. मात्र, त्यांच्याकडून घालण्यात आलेल्या अटीमुळे अद्याप उमेदवारी जाहीर करण्यात आली नसल्याची माहिती बड्या नेत्याने 'एबीपी माझा'ला दिली. 

आणखी वाचा