Rajendra Ghanwat wife Manali Ghanwat: राजेंद्र घनवटांच्या बायकोला ज्युपिटर हॉस्पिटलमध्ये नेणाऱ्या लोकांनी सांगितलं की, त्यांच्या हातामध्ये.... अंजली दमानियांचा नवा दावा
Manali Ghanwat Pune News: काही दिवसांपूर्वी अंजली दमानिया यांनी एक पत्रकार परिषद घेत राजेंद्र घनवट यांचा उल्लेख केला होता. त्यांच्यावर शेतकऱ्यांच्या जमिनी लाटल्याचा आरोप
पुणे: राज्याचे माजी मंत्री धनंजय मुंडे यांच्याशी व्यावसायिक संबंध असल्याचा आणि शेतकऱ्यांच्या जमिनी लाटल्याचा ठपका असणारे राजेंद्र घनवट यांच्या पत्नी मनाली घनवट (वय 46) यांचे निधन झाले होते. प्रकृती बिघडल्यामुळे मनाली घनवट (Manali Ghanwat) यांना पुण्यातील ज्युपिटर रुग्णालयात दाखल करण्यात आले होते. मात्र, उपचारादरम्यान त्यांचा मृत्यू झाला. या घटनेनंतर ज्येष्ठ सामाजिक कार्यकर्त्या अंजली दमानिया (Anjali Damania) यांनी खळबळजनक आरोप केले होते. मनाली राजेंद्र घनवट (Rajendra Ghanwat) यांचा मृत्यू नैसर्गिक नसून ती आत्महत्या असल्याचा संशय अंजली दमानिया यांनी मंगळवारी प्रसारमाध्यमांशी बोलताना व्यक्त केला होता. यामुळे राजकीय वर्तुळात खळबळ उडाली होती.
मला मनाली घनवट यांच्या मृत्यूबाबत काल रात्री उशीरा कळाले. मनाली घनवट या धनंजय मुंडे यांचे निकटवर्तीय असणाऱ्या राज घनवट यांच्या पत्नी आहेत. त्यांचा आकस्मिक मृत्यू झाला. मनाली घनवट यांचा मृत्यू नैसर्गिक दाखवायचा प्रयत्न होता. पण जेव्हा पुण्यातील ज्युपिटर रुग्णालयात त्यांना दाखल करण्यात आले. तेव्हा जे काही लोक त्यांना घेऊन गेले होते त्यांनी सांगितले की, मनाली घनवट यांच्या हातात गोळ्यांची एक स्ट्रीप होती. या स्ट्रिपमधील काही गोळ्या गायब होत्या, असे त्या लोकांचे म्हणणे होते. त्यामुळे मी मनाली घनवट यांच्या मृत्यूचा तपशील समजल्यावर पोस्टमार्टेमची विनंती केली होती. त्यानुसार मनाली घनवट यांचे पोस्टमार्टेम करण्यात आले असून आता त्यांचा व्हिसेरा तपासणीसाठी ससून रुग्णालयात पाठवण्यात आला आहे. याचा रिपोर्ट समोर आल्यानंतर मनाली घनवट यांच्या मृत्यूचे नेमके कारण स्पष्ट होईल, असे अंजली दमानिया यांनी सांगितले.
मंत्री पंकजा मुंडे विरोधात सामाजिक कार्यकर्ता अंजली दमाने आक्रमक
पंकजा मुंडे यांचे जे वक्तव्य होतं, ते मी अतिशय व्यवस्थितपणे ऐकलं. अशी घटना सगळीकडे घडत असतात, मी जालन्याची पालकमंत्री आहे, तिथे देखील अशा घटना घडतात. मानसिक विकृती आहे त्याला कठोर शिक्षा झाली पाहिजे, असे पंकजा मुंडे यांनी म्हटले होते. मला पंकजा मुंडे यांना विनम्रपणे सांगायचं आहे की, अशा घटना ज्या इतर ठिकाणी घडतात, ते गँग वॉर नसते. बीडमध्ये एक नेता आहे, त्याने कराड सारखा माणूस ही सगळी कृत्य करण्यासाठी ठेवला आहे. या कराडचा गँगच्या विरोधात कोणी गेले तर त्याची हत्या होते. अशा घटना सगळीकडे घडत नाही, असे अंजली दमानिया यांनी म्हटले.
माजी मंत्री धनंजय मुंडे परदेश दौऱ्यावर, केनियाला गेल्याची माहिती!
माजी मंत्री धनंजय मुंडे हे सध्या परदेश दौऱ्यावर गेल्याची माहिती समोर आली आहे. पुढील आठ दिवस धनंजय मुंडे केनियाला गेल्याची सूत्रांची माहिती. सोमवारी रात्री उशिरा कुटुंबासह मुंडे परदेश दौऱ्यावर रवाना झाले.
आणखी वाचा
महत्त्वाच्या बातम्या
