Raj Thackeray Shiv Rajyabhishek din 2026: शिवराज्याभिषेक दिनी राज ठाकरेंचं मराठीजनांना खास आवाहन, म्हणाले...

छत्रपती शिवाजी महाराजांचा 352वा शिवराज्याभिषेक सोहळ्याच्या निमित्यने मनसे अध्यक्ष राज ठाकरे यांनी एक खास पोस्ट करत शुभेच्छा दिल्या आहे. सोबतच राज ठाकरेंनी मराठीजनांना खास आवाहन देखील केलं आहे.

Raj Thackeray Shiv Rajyabhishek din 2026:

Source : ABP Majha

Raj Thackeray on Shivrajyabhishek Din Sohala 2026 : देशासह जगात आज (6 जून) छत्रपती शिवाजी महाराजांचा 352वा शिवराज्याभिषेक सोहळा साजरा करण्यात येतोय. या सोहळ्यानिमित्य किल्ले रायगडावर देशभरातून हजारो शिवभक्तांची मांदियाळी राजगडावर जमली आहे. तर राज्यातील इतर भागात देखील विविध कार्यक्रमांचे आयोजन करण्यात आलं आहे. या पवित्र सोहळ्याच्या निमित्यने मनसे अध्यक्ष राज ठाकरे (Raj Thackeray On Shivaji Maharaj) यांनी एक खास पोस्ट करत शिवराज्याभिषेक दिनाच्या शुभेच्छा दिल्या आहे. सोबतच राज ठाकरेंनी मराठीजनांना खास आवाहन देखील केलं आहे.

Raj Thackeray : राज ठाकरेंच्या खास पोस्टमध्ये नेमकं काय?

आज शिवराज्याभिषेक दिन. या निमित्त महाराष्ट्र नवनिर्माण सेनेचा छत्रपती शिवाजी महाराजांना मानाचा मुजरा. ६ जून १६७४ ला जेंव्हा छत्रपती शिवाजी महाराजांचा राज्याभिषेक झाला असेल त्यावेळचं वातावरण काय आनंदी, उत्साही असेल. छत्रपती शिवाजी महाराजांच्या आधी काही शतकं फक्त महाराष्ट्रच नव्हे, तर संपूर्ण हिंद प्रांत हा परकीयांच्या आक्रमणाने पूर्ण खचला होता. आक्रमकांच्या फौजांपुढे आपला टिकाव लागणारच नाही हे गृहीत धरून जवळपास प्रत्येक जण आक्रमकांना शरण गेला होता. अशावेळेला 'स्वराज्य' असावं असं स्वप्न बघायचं, आणि वयाच्या 15 व्या वर्षी स्वराज्याची शपथ घ्यायची आणि पुढे 1 वर्षांत तोरणा किल्ला जिंकून स्वराज्याची मुहूर्तमेढ करायची.

पुढे जवळपास 29 वर्ष झुंज देऊन एक असं राज्य जिथे आपली संस्कृती, आपली भाषा, यांना कुठलाही अटकाव नाही, आपली करपद्धती, आपली राज्यशासन पद्धती असलेलं एक राज्य उभं करायचं आणि त्याची घोषणा राज्याभिषेकाच्या निमित्ताने जगासमोर करायची. हा दिवस असा दिवस आहे ज्याने पुढे मरहट्ट्यानी हिंद प्रांतावर राज्य केलं, त्याची बीज रोवलीच पण पुढे ब्रिटिशांच्या विरोधात उभारल्या गेलेल्या स्वातंत्र्यलढ्याची प्रेरणा देखील राज्याभिषेक दिनातूनच मिळाली.

Raj Thackeray on Shiv Rajyabhishek din 2026: छत्रपती शिवाजी महाराजांचा राज्याभिषेक तुलना केवळ....

या दिवसाची तुलना ही 4 जुलै 1776 रोजी अमेरिकेतील 13 वसाहतींनी स्वातंत्र्याची घोषणा केली त्याच्याशी होऊ शकते किंवा 14 जुलै 1789 साली झालेल्या फ्रेंच क्रांतीच्या दिवसाशी होऊ शकते. या दोन्ही घटना घडायच्या आधी जवळपास 100 वर्ष आधी छत्रपती शिवाजी महाराजांचा राज्याभिषेक झाला, ज्यातून त्यांनी स्वातंत्र्याचा, स्वराज्याचा विचार रुजवला. जसं या दोन घटनांनी अमेरिका आणि युरोप यांचा भूगोल बदलला आणि भविष्यच बदललं तशीच ताकद आपल्या शिवराज्याभिषेक दिवसांत आहे.

Raj Thackeray Shiv Rajyabhishek din 2026: शिवराज्याभिषेक दिन फक्त महाराष्ट्रात नव्हे तर देशभरात सण म्हणून साजरा व्हायला हवा

हा दिवस फक्त महाराष्ट्रात नव्हे तर देशभरात सण म्हणून साजरा व्हायला हवा. कारण छत्रपती शिवाजी महाराजांनी जर स्वराज्याची आस सामान्यांच्या मनात जागृत केली नसती तर ती कदाचित पुढची अनेक शतकं हा हिंद प्रांत खितपत पडला असता. म्हणून हा दिवस राष्ट्रीय सणासारखा साजरा व्हायला हवा. आणि मराठी जनतेने फक्त सजावट, मिरवणुका याच्या पलीकडे जाऊन आपण कोणाचे वारस आहोत याचं स्मरण करत हा दिवस साजरा करावा. पुन्हा एकदा छत्रपती शिवाजी महाराजांना मानाचा मुजरा! अशा शब्दात भाष्य करत राज ठाकरे यांनी मराठी जणांना आवाहन केलं आहे.

इतर महत्वाच्या बातम्या