Pune MNS : पिट्या भाईने भाजपमध्ये जाताना मनसेची चित्रपट सेना फोडली, राज ठाकरेंनी आक्रमक शिलेदार पुण्यात पाठवला
Pune MNS: पुण्यातील मनसेच्या पदाधिकाऱ्यांन भाजपमध्ये प्रवेश केल्यामुळे आता पुण्यात मनसेला मोठं खिंडार पडल्याचं दिसतंय. असे असताना आता मनसेकडून पुण्यात नव्यानं मोर्चेबांधणी केली जात असल्याचे चित्र आहे.
Pune MNS: 'मुळशी पॅटर्न' चित्रपटफेम पिट्या भाई अर्थात अभिनेते रमेश परदेशी (Ramesh Pardeshi) यांनी नुकतेच मनसे प्रमुख राज ठाकरेंची साथ सोडत भाजपचे कमळ हाती घेतले. भाजपचे प्रदेशाध्यक्ष रवींद्र चव्हाण (Ravindra Chavan) आणि भाजपचे नेते व मंत्री चंद्रकांत पाटील (Chandrakant Patil), केंद्रीय राज्यमंत्री मुरलीधर मोहोळ यांच्या उपस्थितीत रमेश परदेशी (Ramesh Pardeshi) यांनी भाजपमध्ये पक्ष प्रवेश केला. या पक्षप्रवेशाने ऐन निवडणुकीच्या काळात पुण्यात मनसेला भाजपने धक्का दिलाय. महत्त्वाची बाब म्हणजे, पिट्या भाईसोबतच पुण्यातील (Pune) मनसेच्या पदाधिकाऱ्यांन भाजपमध्ये प्रवेश केल्यामुळे आता पुण्यात मनसेला मोठं खिंडार पडल्याचं दिसतंय.
दरम्यान, असे असताना आता मनसेकडून देखील पुण्यात नव्यानं मोर्चेबांधणी केली जात असल्याचे चित्र आहे. अभिनेते रमेश परदेशी यांच्या भाजप प्रवेशानंतर मनसे नेते अमेय खोपकर (Ameya Khopkar) आज पुण्यात दाखल झाले आहे. पुण्यात मनसे चित्रपट सेनची आज महत्वाची बैठक पार पडणार असून अनेकांचा मनसेत पक्षप्रवेश होणार असल्याचीही माहिती आहे.
Pune MNS: राज ठाकरेंनी आक्रमक शिलेदार पुण्यात पाठवला; अनेकांचा मनसेत पक्षप्रवेश
दरम्यान, पुण्यात आज मनसे शहर कार्यालयात चित्रपट सेनेची महत्वाची बैठक पार पडणार आहे. अभिनेते रमेश परदेशी यांनी नुकताच भाजपमध्ये प्रवेश केला होता. त्यांनतर आता आज अमेय खोपकर पुण्यातील चित्रपट सेनेच्या पदाधिकाऱ्यांची भेट घेत संवाद साधणार आहेत. तर अनेकांचा पक्ष प्रवेश सोहळा देखील आज पार पडणार असल्याची माहिती आहे. त्यामुळे पुण्यात एकीकडे पिट्या भाईने भाजपमध्ये जाताना मनसेची चित्रपट सेना फोडली असताना राज ठाकरेंनी आक्रमक शिलेदार पुण्यात पाठवत पक्षाची पुनर्बांधणी करत असल्याचे चित्र आहे.
Ameya Khopkar : आम्ही आणखी जोमाने काम करू, रमेश परदेशी यांना माझ्या शुभेच्छा
दरम्यान, यावेळी बोलताना स्वतः मनसे नेते अमेय खोपकर यांनी पत्रकार परिषद घेत माहिती दिली. यावेळी ते म्हणाले कि, कार्यकर्त्यांना कोणताही कानमंत्र दिला नाही. चित्रपट सेनेचे पदाधिकारी गेले 18 वर्षांपासून राज साहेबांच्या सोबत आहेत. पक्षासोबत आहेत. त्यांनी आज आम्ही कुठेही जाणार नाही, शेवटपर्यंत राज साहेबांच्या सोबतच आहोत आणि काम करू, अशी ग्वाही दिली. रमेश परदेशी यांनी का पक्ष सोडला हा त्यांचा प्रश्न आहे, त्यांना शुभेच्छा आहेत. आम्ही आणखी जोमाने काम करू. याआधी देखील अशा प्रकारच्या बैठका व्हायच्या. मला रमेश परदेशीं बाबत काही बोलायचं नाही. भाजपमध्ये गेले तर ते काय करतील याबद्दल देखील मला बोलायचं नाही. माझ्या त्यांना शुभेच्छा आहेत. असेही अमेय खोपकर म्हणाले.
महत्त्वाच्या इतर बातम्या
Before You Go
Tandulwadi Accident Savior : तांदूळवाडीतील अपघात कसा घडला? 'देवदूत' इरफानने पाच जणांचा जीव वाचवला!
महत्त्वाच्या बातम्या
