Nilesh Rane Ravindra Chavan Meet: मालवण नगरपरिषद निवडणुकीच्यानिमित्ताने गेल्या काही दिवसांपासून भाजपा आणि शिंदे गटाचे (BJP vs Shivsena Shinde Group) आमदार निलेश राणे (Nilesh Rane) यांच्यातील संघर्षाची राज्यभर चर्चा झाली. निलेश राणे यांनी भाजपाचे प्रदेशाध्यक्ष रवींद्र चव्हाण (Ravindra Chavan) यांच्यावर पैसे वाटपाचे थेट आरोप केले होते. यानंतर रवींद्र चव्हाण यांनी देखील आरोप फेटाळत निलेश राणेंना प्रत्युत्तर दिले.
निलेश राणे आणि रवींद्र चव्हाण यांच्यामुळे महायुतीमध्ये गेल्या काही दिवासांपासून तणाव निर्माण झाला होता. तसेच निलेश राणेंनी रवींद्र चव्हाण यांच्यावर आरोप केल्यानंतर मंत्री आणि भाजपाचे नेते नितेश राणे यांनी हल्लाबोल केला. या सगळ्या प्रकरणानंतर आज नागपूरमध्ये सुरु असलेल्या हिवाळी अधिवेशनात (Maharashtra Winter Session Nagpur 2025) रवींद्र चव्हाण आणि निलेश राणे (Nilesh Rane Ravindra Chavan Meet) पहिल्यांदाच समोरा-समोर आले.
विधानभवन परिसरात निलेश राणे-रवींद्र चव्हाणांची भेट, काय घडलं? (Nilesh Rane Ravindra Chavan Meet)
रवींद्र चव्हाण आणि निलेश राणे यांनी विधीमंडळ परिसरात हसतखेळत भेट घेतली. यावेळी दोघांमध्ये गळाभेटही झाली. या भेटीनंतर माझं आणि रवींद्र चव्हाण यांचं काहीही वितुष्ट नाही. जे काही होतं ते निवडणुकीपुरतं होतं, अशी प्रतिक्रिया निलेश राणेंनी दिली. रवींद्र चव्हाण माझ्या मोठ्या भावासारखे आहेत, असंही निलेश राणेंनी सांगितले.
निलेश राणे विरुद्ध रवींद्र चव्हाण, नेमकं प्रकरण काय? (Nilesh Rane vs Ravindra Chavan)
मालवणमधील नगरपरिषदेच्या निवडणुकीदरम्यान शिवसेना शिंदे गटाचे आमदार निलेश राणे (Nilesh Rane) यांनी 26 नोव्हेंबर मालवणमधील भाजपाचे पदाधिकारी विजय किनवडेकर यांच्या राहत्या घरी धाड टाकली. निलेश राणे यांनी स्टिंग ऑपरेशन (Nilesh Rane Sting Opration Malvan) करत विजय किनवडेकर यांच्या राहत्या घरी पोहोचले. यावेळी निलेश राणेंना विजय किनवडेकर यांच्या राहत्या घरी अवैध आणि हिशोबी नसलेली मोठी रोख रक्कम आढळून आली. विजय किनवडेकर यांच्या घरी बेहिशोबी 25 लाख रुपये मिळाले. एका खोलीत हिरव्या रंगाच्या पिशवीत हे पैसे असल्याचे दिसून आले. यानंतर निलेश राणेंनी रवींद्र चव्हाण यांच्यावर टीका केली होती. रवींद्र चव्हाण (Ravindra Chavan) मालवणमध्ये येऊन गेले, कालपासूनच वेगाने पैसे वाटपाची पद्धत सुरू झाली आहे, असे म्हणत निलेश राणे यांनी रवींद्र चव्हाण यांच्यावर आरोप केले. पैसे वाटप करुन निवडणूक लढवायची पद्धत आहे का? मैदानात येऊन लढा. त्या घरात अजून पैशाच्या बॅग आहेत, असा आरोपही निलेश राणेंनी केला. रोज यांच्याकडे बॅग पोहोचवण्याची यंत्रणा तयार आहे. मी अनेक दिवसांपासून म्हणतोय की, रविंद्र चव्हाण जेव्हा जेव्हा सिंधुदुर्ग जिल्ह्यात येतात तेव्हा वेगळं वातावरण निर्माण होतो. ते काल जिल्ह्यात आले. मला थोडा संशय आला की हे असेच सहज आलेले नाहीत, अशी टीकाही निलेश राणेंनी एबीपी माझाशी बोलताना केली. दरम्यान, बेकायदेशीरपणे घरात घुसल्याची तक्रार विजय केनवडेकर यांनी मालवण पोलीस स्टेशनमध्ये दिली होती. त्यानुसार निलेश राणे यांच्यावर गुन्हा दाखल करण्यात आला आहे.