Metro Slab Accident: ‘सो कॉल्ड Infra Man’ मुख्यमंत्री फडणवीस जबाबदारी घेतील का? मुलुंडमधील मेट्रो अपघातावरुन काँग्रेसची सडकून टीका, आदित्य ठाकरेही कडाडले
Mumbai Metro Slab Collapsed : ‘सो कॉल्ड Infra Man’ मुख्यमंत्री देवेंद्र फडणवीस हे निर्माणाधीन बांधकाम कोसळल्याची जबाबदारी घेतील का? असा सवाल काँग्रेस प्रदेशाध्यक्ष हर्षवर्धन सपकाळ यांनी केला आहे.
Mumbai Accident Metro Slab Collapsed मुंबई: मुंबईतील मुलुंड (पश्चिम) परिसरात आज (14 जानेवारी) शनिवारी दुपारच्या सुमारास एक दुर्दैवी अपघाताची घटना घडलीय. एलबीएस रोड (LBS Road) वरील मेट्रो बांधकामादरम्यान भीषण अपघात घडला असून बांधकाम सुरू असलेल्या मेट्रो पिलरचा सिमेंटचा एक भाग अचानक तुटून (Mumbai Accident Metro Slab Collapsed) खाली पडलाय. हा तुकडा रस्त्यावरून जात असलेल्या ऑटो रिक्षा आणि एका कारवर कोसळला. ही घटना जॉन्सन अँड जॉन्सन कंपनीजवळ घडली.
प्राथमिक माहितीनुसार, दुपारी सुमारे 12.20 वाजता या अपघाताची माहिती संबंधित यंत्रणांना मिळाली. या दुर्घटनेत ऑटोमध्ये प्रवास करणाऱ्या तीन ते चार जण जखमी झाल्याची माहिती समोर आली आहे. तर मिळालेल्या प्राथमिक माहितीनुसार एकाचा मृत्यू झाला आहे. दरम्यान या अपघाताच्या घटनेनं सर्वत्र खळबळ उडाली असून विरोधकांनीही या घटनेवरून प्रशासनावर सडकून टीका केली आहे. (Mumbai Accident Metro Slab Collapsed)
Harshvardhan Sapkal : ‘सो कॉल्ड Infra Man’ मुख्यमंत्री फडणवीस निर्माणाधीन बांधकाम कोसळल्याची जबाबदारी घेतील का?
मुलूंड मधील LBS रोड वर बांधकाम सुरू असलेल्या मेट्रोचा स्लॅब कोसळल्याचे वृत्त आहे. प्राथमिक माहितीनुसार एकाचा मृत्यू झाला असून 3-4 जण जखमी आहेत. ‘सो कॉल्ड Infra Man’ मुख्यमंत्री देवेंद्र फडणवीस हे निर्माणाधीन बांधकाम कोसळल्याची जबाबदारी घेतील का? की यातील भ्रष्टाचारात त्यांचीही भागीदारी असल्याने मलमपट्टी करण्यासाठी पुन्हा काहीतरी दुसरे मुद्दे काढून हे प्रकरण दाबण्याचा प्रयत्न करतील? असा सवाल काँग्रेस प्रदेशाध्यक्ष हर्षवर्धन सपकाळ (Harshvardhan Sapkal) यांनी केला आहे.
एमएमआरडीए जबाबदारी घेणार का? हे कोणते कंत्राटदार आहे? त्यांच्यावर कारवाई होणार का? मेट्रोची काम लोकवस्तीच्या ठिकाणी होत असताना सुरक्षेची काळजी का घेतली जात नाही? यात सामन्यांचा जीव जातोय. मेट्रोची काम किती वेगाने सुरू आहे, दाखवण्याचा नादात त्याचा दर्जा आणि सुरक्षा प्रशासन बघणार आहे की नाही? मुंबईकर एकतर खड्ड्यात, नाहीतर मेट्रो बांधकामादरम्यान होणाऱ्या जिवघेण्या अपघातात भरडला जात आहे! अशा शब्दात हर्षवर्धन सपकाळ यांनी टीका केली आहे.
मुलूंड मधील LBS रोड वर बांधकाम सुरू असलेल्या मेट्रोचा स्लॅब कोसळल्याचे वृत्त आहे. प्राथमिक माहितीनुसार एकाचा मृत्यू झाला असून ३-४ जण जखमी आहेत.
— Harshwardhan Sapkal (@INCHarshsapkal) February 14, 2026
‘सो कॉल्ड Infra Man’ मुख्यमंत्री देवेंद्र फडणवीस हे निर्माणाधीन बांधकाम कोसळल्याची जबाबदारी घेतील का? की यातील भ्रष्टाचारात त्यांचीही… pic.twitter.com/v6aAsXqBqD
Varsha Gaikwad : मुंबईकरांचा जीव इतका स्वस्त झालाय का?
मुलुंड पश्चिम, एलबीएस रोडवर जॉन्सन अँड जॉन्सन कंपनीजवळ आज दुपारी मेट्रोच्या निर्माणाधीन पिलरचा भाग कोसळून मोठी दुर्घटना घडली. यात काही निष्पाप नागरिक गंभीर जखमी झाले आहेत. सरकार आणि एमएमआरडीए प्रशासनाला काही देणंघेणं आहे की नाही? फक्त इन्फ्रा मॅन म्हणून PR करायचे, मार्केटिंग करायचं पण मुंबईकरांचा जीव टांगणीला लागला आहे, त्याच काय? असा सवाल काँग्रेस खासदार वर्षा गायकवाड यांनी केला आहे.
Varsha Gaikwad : विकास हवाय, पण तो मुंबईकरांच्या जीवावर बेतणारा नको!
मेट्रोचे काम सुरू असताना सुरक्षेचे नियम फक्त कागदावरच का? वर्दळीच्या रस्त्यावर काम सुरू असताना खालून जाणाऱ्या वाहतुकीसाठी पुरेशी सुरक्षा व्यवस्था का नव्हती? मेट्रोची कामं वेगाने होत आहेत, हे दाखवण्याच्या नादात त्याचा दर्जा आणि तांत्रिक सुरक्षेकडे दुर्लक्ष होतंय का? जबाबदारी कोणाची? दरवेळी अशा घटना घडल्यानंतर फक्त 'चौकशी'चं नाटक होतं. याची जबाबदारी कोण घेणार? विकास हवाय, पण तो मुंबईकरांच्या जीवावर बेतणारा नको!
Aaditya Thackeray : आदित्य ठाकरे नेमकं काय म्हणाले?
बांधकामाधीन मेट्रो 4 मार्गाचा एक मोठा तुकडा आज एका रिक्षा आणि एका कारवर पडला. त्याचप्रमाणे गेल्या वर्षी एक भिंत कोसळली होती आणि तत्कालीन नव्याने उद्घाटन झालेल्या मेट्रो मार्ग 3 मध्ये पावसाचे पाणी भरले होते. सरकार या कंत्राटदाराला काळ्या यादीत टाकेल का? कदाचित नाही, कदाचित काही लाखांचा दंड दाखवेल आणि कंत्राटदाराला आणखी निविदा काढू देईल. जर तुम्हाला लक्षात आले तर, काम पूर्ण होण्यापूर्वीच खांब रंगवलेले आहेत. यासाठी राज्याला काही कोटींचा खर्च येईल आणि नंतर काम पूर्ण झाल्यावर, ते पुन्हा करण्यासाठी कोट्यवधी रुपये लागतील. आजही, बहुतेक पायाभूत सुविधांच्या कामांमध्ये भयानक बॅरिकेडिंग आहेत ज्यामुळे वाहतूक कोंडी होते किंवा वाहने उघड्या खड्ड्यात पडतात.
भाजप राजवटीत जीवनाचे काही मूल्य नाही. मेट्रो मार्गावरून पडणारे तुकडे, वाहतुकीचे असुरक्षित मार्ग, तासनतास मदतीशिवाय कार/बाईक उघड्या खड्ड्यात पडणे. किती लाजिरवाणी गोष्ट आहे! लवकरच असा दिवस येईल जेव्हा देश आपल्या देशातही अशा गोष्टींसाठी प्रवासाचे इशारे देतील. असे आदित्य ठाकरे म्हणाले.
महत्त्वाच्या बातम्या
