तक्रारी अन् पुरावे बघा.. रोहित पवारांनी शेअर केली कागदपत्रे; म्हणाले, हा फक्त ट्रेलर, MPSC अध्यक्षांनी राजीनामा द्यावा

एमपीएससी परीक्षांमधील कथित पेपरफुटी, अनिमित्तता आणि भोंगळ कारभाराविरोधात संपूर्ण महाराष्ट्रात संतापाची लाट उसळली आहे.

MPSC paperleak rohit pawar resigne

Source : Abp

मुंबई : राज्यात सध्या पेपरफुटीवरुन वातावरण तापलं असून एमपीएससी (MPSC) स्पर्धा परीक्षेतील औषध निरीक्षक पदाचा पेपर फुटल्याने विद्यार्थ्यांमध्ये असंतोष पाहायला मिळत आहे. त्यातच, काल पुण्यातल मोठ्या संख्येने विद्यार्थ्यांनी एकत्र येत मोर्चा काढला होता. या मोर्चात आमदार रोहित पवारांसह विरोधी पक्षातील नेतेही सहभागी झाले होते. त्यात, महाराष्ट्र लोकसेवा आयोगाचे (MPSC) अध्यक्ष विवेक भीमनवार यांच्या राजीनाम्याची मागणी करण्यात आली. त्यानंतर, माझ्याविरोधात कुणी एक जरी पुरावा दिला, तर एक क्षणसुद्धा मी या पदावर राहणार नाही, असं विवेक भीमनवार यांनी म्हटलं होतं. आता, आमदार रोहित पवार (Rohit Pawar) यांनी भीमनवार यांच्यावर यापूर्वी भ्रष्टाचारा आरोप झाल्याची तक्रारच पुरावा म्हणून दिली आहे. 

एमपीएससी परीक्षांमधील कथित पेपरफुटी, अनिमित्तता आणि भोंगळ कारभाराविरोधात संपूर्ण महाराष्ट्रात संतापाची लाट उसळली आहे. या वादाच्या पार्श्वभूमीवर एमपीएससीचे अध्यक्ष विवेक भीमनवार यांनी एका निवेदनाच्या माध्यमातून आपली बाजू मांडली. वस्तूस्थिती स्पष्ट करूनही माझ्यावर सातत्याने वैयक्तिक आणि प्रतिमा मलिन करणारे राजकीय आरोप होत असल्याने मी व्यथित झालो आहे. माझ्याविरोधात कुणी एक जरी पुरावा दिला, तर एक क्षणसुद्धा मी या पदावर राहणार नाही, असं विवेक भीमनवार म्हणाले. त्यानंतर, आमदार रोहित पवार यांनी भीमनवार यांच्याविरुद्धच्या काही तक्रारी समोर आणल्या आहेत. तसेच, या पदावर बसणाऱ्या  व्यक्तीसंदर्भात पुरावे काय तर साधा आरोप सुद्धा झालेला नसावा, असेही त्यांनी म्हटले. 

MPSC आयोगाचे अध्यक्षपद म्हणजे अत्यंत महत्त्वाचं आणि संवैधानिक पद आहे, या पदावर बसणाऱ्या  व्यक्तीसंदर्भात पुरावे काय तर साधा आरोप सुद्धा झालेला नसावा. भीमनवार साहेबांच्या कार्यकाळात झालेल्या ऐतिहासिक अशा पेपरफुटीवर विद्यार्थी राजीनामा मागत असताना नैतिकता दाखवत त्यांनी राजीनामा देणे अपेक्षित आहे, पण दुर्दैवाने ती नैतिकता त्यांच्याकडे दिसत नाही. पुरावे दिले तर क्षणाचाही विलंब न करता राजीनामा देईल, असे भीमनवार म्हणाले होते. परिवहन आयुक्त असताना भीमनवार यांनी कशाप्रकारे भ्रष्टाचार केला, यासंदर्भात त्यांच्याच विभागातील कनिष्ठ अधिकाऱ्यांनी केलेल्या तक्रारी आणि पुरावे बघा, असे म्हणत रोहित पवारांनी तक्रारीचे कागदपत्रे शेअर केली आहेत. 

हा फक्त ट्रेलर, आणखी खूप आहे...

हा फक्त ट्रेलर आहे, पूर्ण पिक्चर लवकरच दाखवतो.. बदल्या, पदोन्नती, ओव्हरलोड गाड्यांच्या लिस्ट, वरळी वाहनखरेदी प्रकरणी लाचलुचपत विभागाने केलेली चौकशी...... आणखी खूप काही आहे, असे म्हणत रोहित पवार यांनी भीमनवार यांच्या राजीनाम्याची मागणी करत थेट इशाराच दिलाय. 

MPSC आयोगाचे अध्यक्षपद म्हणजे अत्यंत महत्त्वाचं आणि संवैधानिक पद आहे, या पदावर बसणाऱ्या व्यक्तीसंदर्भात पुरावे काय तर साधा आरोप सुद्धा झालेला नसावा.

भीमनवार साहेबांच्या कार्यकाळात झालेल्या ऐतिहासिक अशा पेपरफुटीवर विद्यार्थी राजीनामा मागत असताना नैतिकता दाखवत त्यांनी राजीनामा… pic.twitter.com/vQlG11cLAJ

— Rohit Pawar (@RRPSpeaks) September 8, 2026

तक्रारी अर्जात काय?

परिवहन आयुक्त असताना भीमनवार यांच्याविरुद्ध एका आरटीओ अधिकाऱ्याने तक्रार केली होती. वाहन खरेदीच्या संबधाने अनुभवी व या कामकाजाशी संबंधीत सर्व तांत्रिक बाबींची पुर्तता करणाऱ्या एजन्सीज केंद्र शासनाच्या GeM पोर्टलवर उपलब्ध असताना देखील e-Tendering (ई-निविदा) करुन एका विशिष्ट कंपनीला व व्यक्तींच्या समुहाला फायदा व्हावा याकरीता अप्रमाणिक हेतूने संदर्भ क्र. 4 नुसार बेकायदेशीर कार्यादेश (Work Order) देण्यात आला. विवेक भीमणवार, परिवहन आयुक्त, भरत कळसकर, परिवहन सह आयुक्त यांनी संगनमताने सदर खरेदीमध्ये व्यावसायिक मक्तेदारी, लबाडी, अनुचित आर्थिक लाभाच्या फायद्यासाठी शासनाच्या GeM पोर्टलवर उपलब्ध असणाऱ्या उपकरणांची खरेदी न करता स्वतःचे आर्थिक हितसंबंध जपण्यासाठी एका विशिष्ट उद्योग समुहास फायदा व्हावा याकरिता स्पर्धा अधिनियम, 2002 च्या ईष्टतम स्पर्धेच्या धोरणास खालील प्रमाणे छेद दिलेला आहे.

हेही वाचा