MNS Vardhapan Din 2026 : रायगडाच्या पायथ्याशी मनसेच्या सदस्य नोंदणी अभियानाचा शुभारंभ, राज ठाकरे म्हणाले, 'हजारो लोकांना आपल्या पक्षाचा सदस्य व्हायचंय, मनसैनिकांनी...
MNS Vardhapan Din 2026 : महाराष्ट्र नवनिर्माण सेनेचा 20 वा वर्धापन दिन किल्ले रायगडाच्या पायथ्याशी मोठ्या उत्साहात साजरा करण्यात आला.
MNS Vardhapan Din 2026 : महाराष्ट्र नवनिर्माण सेनेचा (MNS Vardhapan Din 2026) 20 वा वर्धापन दिन किल्ले रायगडाच्या पायथ्याशी मोठ्या उत्साहात साजरा करण्यात आला. मनसे अध्यक्ष राज ठाकरे (Raj Thackeray) हे त्यांची पत्नी शर्मिला ठाकरे (Sharmila Thackeray) आणि पुत्र अमित ठाकरे (Amit Thackeray) यांच्यासह सहकुटुंब या सोहळ्यासाठी उपस्थित होते. त्यांनी रोपवेद्वारे रायगडावर पोहोचून छत्रपती शिवाजी महाराजांच्या समाधीचे दर्शन घेतले आणि अभिवादन केले. यावेळी मनसेच्या प्राथमिक सदस्य नोंदणी अभियानाचा शुभारंभ करण्यात आला. राज ठाकरे यांनी भाषण करताना महाराष्ट्रातील मनसैनिकांना आवाहन केले आहे.
राज ठाकरे म्हणाले की, यावर्षी मी ठरवले की, नऊ तारखेला वर्धापन दिन आहे आणि 19 तारखेला गुढीपाडव्याचा मेळावा आहे. त्यामुळे दोन वेळेस बोलण्यापेक्षा जे काही बोलायचे आहे ते 19 तारखेला एकदाच बोलून टाकू. त्यामुळे आम्ही ठरवले की, पक्ष सदस्य नोंदणी बऱ्याच दिवसांपासून करायची होती. त्यामुळे मनसेच्या वर्धापन दिनाच्या निमित्ताने पक्ष सदस्य नोंदणी सुरू करण्याचा निर्णय घेण्यात आला. आज महाराष्ट्रातल्या सर्व सैनिकांना माझं आवाहन आहे की, अनेक लोकांना आपल्या पक्षाचे सदस्य व्हायचे आहे. नुसते सदस्य नाही तर त्यांना सक्रिय सदस्य व्हायचं आहे. त्यामुळे ज्या ज्या वर्दळीच्या जागा आहेत, त्या सर्व ठिकाणी आपल्या महाराष्ट्र नवनिर्माण सेनेच्या सदस्य नोंदणीचे स्टॉल्स लागली पाहिजेत. तुम्ही लोकांपर्यंत गेले पाहिजे. लोकांशी बोलले पाहिजे. हजारो लोकांना आपल्या पक्षाचे सदस्य व्हायचे आहे. त्यांना तुम्ही सदस्य करून घ्या, असे आवाहन त्यांनी यावेळी मनसैनिकांना केले.
MNS Vardhapan Din 2026 : रायगडावर पक्षाच्या सदस्य नोंदणीची सुरुवात
राज ठाकरे पुढे म्हणाले की, आज महाराजांच्या आशीर्वादाने रायगडावर पक्षाच्या सदस्य नोंदणीची सुरुवात आपण करत आहोत. महाराजांचा आशीर्वाद घेऊन संपूर्ण महाराष्ट्रभर तुम्ही जा. येत्या 19 तारखेला माझा जो महाराष्ट्र सैनिक आहे, जे महाराष्ट्राचे हितचिंतक आहेत, त्यांनी सर्वांनी गुलाल उधळत शिवतीर्थावर यावे. सदस्य नोंदणीच्या उपक्रमाला सुरुवात झाली असे मी जाहीर करत असल्याचे त्यांनी यावेळी सांगितले.
इतर महत्त्वाच्या बातम्या
महत्त्वाच्या बातम्या
