अमोल मिटकरींचं नशिब फळफळलं, महाराष्ट्राचे गृहमंत्री होणार; लवकरच नव्या 'भूमिके'त, म्हणाले, आवडेल मला

कधीकाळी राज्यात शिवव्याख्याते अशी ओळख असलेल्या अमोल मिटकरींना मे 2020 मध्ये अजितदादांनी रातोरात विधानपरिषदेचा आमदार करीत खळबळ उडवून दिली होती.

Amol mitkari become home minister

Source : abp

अकोला : प्रत्येक कार्यकर्त्याला आपण आमदार व्हावं अशी स्वप्नं कायम पडत असतात. तर प्रत्येक आमदाराला आपण मंत्री व्हावं अशी आस अन मनोमन ईच्छा असते. तर प्रत्येक मंत्र्याचा डोळा असतो तो 'मुख्यमंत्री' पदावर.  राष्ट्रवादीचे आमदार अमोल मिटकरींना (Amol Mitkari) थेट कॅबिनेट मंत्रीपदाची लॉटरी लागली आहे. अन तिही चक्क प्रत्येकाला हव्याहव्याशा असलेल्या गृहमंत्रीपदाची.... (Home minister)अमोल मिटकरी लवकरच 'गृहमंत्र्यां'च्या भूमिकेत दिसणार आहेत. मात्र, ही 'भूमिका' राजकारणाच्या 'रियल लाईफ'मधली नाही. तर ही भूमिका आहे चित्रपटाच्या 'रिल लाईफ'मधली. अमोल मिटकरी लवकरच एका मराठी चित्रपटात गृहमंत्र्यांच्या भूमिकेत दिसणार आहेत. लवकरच येऊ घातलेल्या 'बिल्लोरी' या मराठी चित्रपटात अमोल मिटकरी गृहमंत्र्यांच्या भूमिकेत दिसणार आहेत. ते या चित्रपटात आप्पासाहेब पाटील ही गृहमंत्र्यांची भूमिका साकारत आहेत. सदगृरु इंटरप्राजेस' निर्मित हा चित्रपट असून याचे निर्माते प्रशांत मानकर तर दिग्दर्शक सुनिल शिरसाठ आहेत.

 

अमोल मिटकरी बनलेत 'गृहमंत्री' : 

 

अमोल मिटकरी... राज्याच्या राजकारणातील राष्ट्रवादीची तोफ... अजित पवारांचा 'फायरब्रँड' नेता... कधीकाळी राज्यात शिवव्याख्याते अशी ओळख असलेल्या अमोल मिटकरींना मे 2020 मध्ये अजितदादांनी रातोरात विधानपरिषदेचा आमदार करीत खळबळ उडवून दिली होती. अमोल मिटकरींना लागलेल्या आमदारकीच्या 'लॉटरी'ने भल्याभल्या राजकीय पंडितांना चक्रावून सोडलं होतं. त्यानंतर आमदार अमोल मिटकरींनी सभागृहात, सभागृहाबाहेर, सभेच्या फडात अन् टीव्हीवरील चर्चेच आपल्या वक्तृत्वाची मोहोर उमटवली. महाविकास आघाडी अन नंतरच्या महायुतीच्या सरकारच्या काळात मंत्रिमंडळ विस्ताराच्या यादीत मिटकरींचं नाव चर्चेत यायला लागलं. 2024 मध्ये विधानसभेचे निकाल लागल्यानंतर त्यांचं नाव संभाव्य मंत्र्यांच्या यादीतही चर्चेत आलं. मात्र, आमदार मिटकरी इतर संभाव्य दावेंदारांसारखे 'वेटींग'वरच राहिलेत. मात्र, आज अमोल मिटकरींचं नशीब फळफळलंय. अन त्यांना थेट राज्याचं गृहमंत्रीपद मिळालं आहे. मात्र, ही 'भूमिका' राजकारणाच्या 'रियल लाईफ'मधली नाही. तर ही भूमिका आहेय चित्रपटाच्या 'रिल लाईफ'मधली. अमोल मिटकरी लवकरच 'बिल्लोरी' या मराठी चित्रपटात राज्याच्या गृहमंत्र्यांच्या भूमिकेत दिसणार आहेत. ते या चित्रपटात आप्पासाहेब पाटील ही गृहमंत्र्यांनी भूमिका साकारत आहेत

 

'रियल लाईफ'मध्येही प्रत्यक्षात गृहमंत्री व्हायला आवडेल : आमदार अमोल मिटकरी 

 

'रियल लाईफ' मध्ये नसलं तरी 'रिल लाईफ'मधल्या या औटघटकेच्या गृहमंत्रीपदाच्या भूमिकेनं आमदार मिटकरींना आनंद झाला आहे. गाड्यांचा ताफा, पोलिसांचा कडक सॅल्युट असा मंत्रिपदाचा सर्व तामझाम त्यांना चित्रीकरणादरन्यान काही काळ सुखावून गेला. या चित्रपटाचं शुटींग मार्च 2024 मध्ये ऐन लोकसभा निवडणुकीच्या धामधुमीत झालं. अकोल्यातील 'श्री.शिवाजी महाविद्यालयात वर्षभरापूर्वी हे शुटींग पार पडलं. आता हा चित्रपट बनून तयार आहे. नुकताच या चित्रपटाच्या पोस्टर लॉन्चिंगचा कार्यक्रम अकोल्यात पार पडला. खऱ्या आयुष्यातही त्यांना गृहमंत्री बनायला आवडेल, असं आमदार अमोल मिटकरी 'एबीपी माझा'शी बोलतांना म्हणालेत. मात्र, आपल्यासारख्या एका सर्वसामान्य गरीब शेतकऱ्याच्या मुलाला अजितदादांनी आमदार केलं हेच आपल्यासाठी त्यांचे कधीच न फिटणारे उपकार असल्याचं आमदार मिटकरी म्हणाले.

हेही वाचा