एक्स्प्लोर

Manoj Jarange Patil Protest: मनोज जरांगेंकडून 11 सप्टेंबरची डेडलाईन, अंतरवालीत हायहोल्टेज ड्रामा; विखे-पाटील, सामंत, लाड यांच्यासमोर रात्री काय काय घडलं?

Manoj Jarange Patil Protest: मराठा आंदोलक मनोज जरांगे पाटील यांच्या उपोषणाचा आज सातवा दिवस आहे.

Written By : रवी मुंडे, एबीपी माझा | Edited By: मुकेश चव्हाण | Updated at : 04 Sep 2026 07:17 AM (IST)

Manoj Jarange Patil Protest

Source : ABP

Manoj Jarange Patil Protest: मराठा आंदोलक मनोज जरांगे पाटील (Manoj Jarange Patil Protest) यांच्या उपोषणाचा आज सातवा दिवस आहे. कालही राज्य सरकारच्या मंत्र्यांच्या शिष्टमंडळाने मनोज जरांगेंची (Manoj Jarange) भेट घेत समजूत काढण्याचा प्रयत्न केला. यामध्ये मंत्री राधाकृष्ण विखे-पाटील, मंत्री उदय सामंत आणि भाजपचे आमदार प्रसाद लाड यांचा समावेश आहे. मात्र सरकारच्या शिष्टमंडळाला यश आलं नाही. त्यामुळे मनोज जरांगे उपोषणावर कायम आहेत.

11 तारखेपर्यंत सगळ्या मान्य करा असं नवं अल्टिमेटम मनोज जरांगेंनी सरकारला दिलं आहे.11 तारखेला मागण्या मान्य झाल्यास मुंबईत गुलाल घेऊन येऊ आणि 12 तारखेच्या बैठकीत पुढचा निर्णय घेऊ असा निर्धार मनोज जरांगेंनी केला आहे. तर तुमच्या सर्व मागण्या मान्य पूर्ण होतील तुम्ही उपोषण मागे घ्या, अशी विनवणी वारंवार मंत्र्यांच्या शिष्टमंडळानं केली. मात्र पाणी पितो, सलाईन लावतो, मात्र उपोषण मागे घेणार नसल्याचा पवित्रा मनोज जरांगेंनी घेतला. अखेर जवळपास अडीच तासांच्या चर्चेनंतर मंत्र्यांचं शिष्टमंडळ रवाना झालं. (Manoj Jarange Patil Protest)

11 सप्टेंबरपर्यंत सगळ्या मागण्यांची अंमलबजावणी करा- मनोज जरांगे (Manoj Jarange News)

11 सप्टेंबरपर्यंत सगळ्या मागण्यांची अंमलबजावणी करा, त्यानंतर उपोषण मागे घेतो असं मनोज जरांगे म्हणाले. यापुढे मी उपोषण करू शकत नाही, शरीर साथ देत नाही. यापुढे जर उपोषण केलो तर मी मरून जाईन. त्यामुळे जे काही आहे आहे ते आताच आहे, आताच मराठा समाजाच्या सगळ्या मागण्या मान्य करून घेणार, असं मनोज जरांगे म्हणाले. मंत्र्यांच्या शब्दाला मान देतो, एकाच्या ठिकाणी दोन सलाईन लावून घेतो, मात्र सगळ्या मागण्या मान्य झाल्याशिवाय उपोषण मागे घेणार नसल्याचं मनोज जरांगे यांनी स्पष्ट केलं. 4 सप्टेंबरपासून ज्यांच्या नोंदी सापडल्या आहेत त्यांना प्रमाणपत्र देण्याची प्रक्रिया सुरू करण्याची घोषणा विखे पाटील यांनी केली. ज्यांच्या नोंदी सापडल्या आहेत त्यांनी जात प्रमाणपत्रासाठी अर्ज करावेत. ज्यांना अडचणी येतील त्यांनी त्या त्या जिल्हाधिकाऱ्यांशी संपर्क साधावा, असं आवाहन विखे पाटील यांनी केलं.

अंतरवालीत हायहोल्टेज ड्रामा, विखे-पाटील, सामंत, लाड यांच्यासमोर रात्री काय काय घडलं? (Manoj Jarange Patil Protest Marathi News)

मनोज जरांगे यांच्या संघर्षामुळे मराठा आरक्षणासाठी बऱ्याच मागण्या मान्य झाल्या आहेत. तब्येत ही खूप महत्त्वाची आहे, जरांगे यांनी रुग्णालयात दाखल व्हावं, उपचार घ्यावे, आंदोलनाला तुर्तास स्थगिती द्यावी, आंदोलन कायम ठेवा. सगळे जण प्रामाणिकपणे काम करत आहे, त्यामुळे उपोषण मागे घ्यावं, अशी विनंती प्रसाद लाड आणि उदय सामंत यांनी मनोज जरांगे यांना केली. मनोज जरांगे यांच्या संघर्षामुळे मराठा आरक्षणासाठी बऱ्याच मागण्या मान्य झाल्या आहेत. तब्येत ही खूप महत्त्वाची आहे, जरांगे यांनी रुग्णालयात दाखल व्हावं, उपचार घ्यावे, आंदोलनाला तुर्तास स्थगिती द्यावी, आंदोलन कायम ठेवा. सगळे जण प्रामाणिकपणे काम करत आहे, त्यामुळे उपोषण मागे घ्यावं, अशी विनंती सरकारच्या शिष्टमंडळाकडून करण्यात आली. मात्र मनोज जरांगे यांनी आंदोलन थांबवण्यान किंवा स्थगिती देण्यास नकार दिला. 11 सप्टेंबरपर्यंत तुम्ही मागण्या मान्य करा, मग मुंबईचा निर्णय आम्हाला घ्यावा लागेल, निर्णय झाल्यावर गुलाल घेऊनच मुंबईला जाऊया, 10 सप्टेंबरपर्यंत काही तरी काम करतील. 10 सप्टेंबरच्या आत निर्णयाच्या अंमलबजावणी केली तर आपण सगळ्यांनी गुलाल घेऊन 12 सप्टेंबरला मुंबईला जाऊ, असं मनोज जरांगेंनी सांगितले.