Maharashtra Live News Updates: परीक्षा सुधारणा विधेयक आज राज्यसभेत मांडणार, काल लोकसभेत मंजूर
Maharashtra Live News Updates: राज्यासह देश-विदेशातील महत्वाच्या घडामोडी एका क्लिवकवर...
पार्श्वभूमी
Maharashtra Live News Updates: मुंबई विद्यापीठाच्या दूरस्थ शिक्षण विभागाच्या प्रथम वर्ष कला आणि वाणिज्य शाखांच्या परीक्षेचा निकाल चार महिन्यांनंतरही लावण्यात आलेला नाही. त्यामुळं अनेक विद्यार्थ्यांनी मुंबई विद्यापीठाला जाब विचारला असून, त्यांना...More
मालेगाव ( नाशिक ) : ब्रेकींग..
- मोसम नदीवरील ' नोमानी ' पुलाचे अर्धवट काम...
- पुलाचे काम पूर्ण करा ; मागणीसाठी नागरिक रस्त्यावर..
Anchor - मालेगाव शहरातून वाहणाऱ्या मोसम नदीवर असलेल्या ' नोमानी ' पुलाचे गेल्या 4 वर्षा पासून रखडलेले काम पूर्ण करण्याच्या मागणीसाठी नागरिक रस्त्यावर उतरले असून पुलाचे काम पूर्ण व्हावे यासाठी धरणे आंदोलन करण्यात आले...नदीवर छोटा पूल असून त्याला कठडे देखील नाही..पावसाळ्यात हा पूल पाण्याखाली जातो..चार दिवसा पूर्वी या पुलावरून जाताना पाय घासरून सात वर्षाचा मुलगा वाहून गेला..आज एक रिक्षा वाहून गेली या अगोदर देखील अशा घटना घडल्याचे नागरिकांचे म्हणणे आहे.जर पुलाचे काम पूर्ण झाले असते तर जीवित हानी झाली नसती..त्यामुळे तातडीने अर्धवट असलेले पुलाचे काम पूर्ण करण्याची मागणी नागरिकांनी केली आहे
√ बाईट - स्थानिक नागरिक
फ्लॅश
15 वर्षांपासून फरार आरोपी साकीनाका पोलिसांच्या ताब्यात 2010 मधील सरकारी कर्मचाऱ्यावर हल्ला व दंगल प्रकरणातील आरोपीला विरारमधून अटक अयुब मोहम्मद सफात चौधरी (वय 38) याच्याविरोधात स्टँडिंग अजामीनपात्र वॉरंट जारी होते गोपनीय माहितीच्या आधारे साकीनाका पोलिसांच्या तडीपार पथकाची शिताफीची कारवाई विरार (पश्चिम) येथून आरोपीला जेरबंद करून न्यायालयात हजर न्यायालयाकडून आरोपीला न्यायालयीन कोठडी 15 वर्षांनंतर फरार आरोपीला पकडण्यात साकीनाका पोलिसांना मोठे यश वरिष्ठ अधिकाऱ्यांच्या मार्गदर्शनाखाली तडीपार पथकातील नंदकिशोर सांडव व अरविंद होळकर यांची उल्लेखनीय कामगिरी
15 वर्षांपासून फरार आरोपी साकीनाका पोलिसांच्या ताब्यात
2010 मधील सरकारी कर्मचाऱ्यावर हल्ला व दंगल प्रकरणातील आरोपीला विरारमधून अटक
अयुब मोहम्मद सफात चौधरी (वय 38) याच्याविरोधात स्टँडिंग अजामीनपात्र वॉरंट जारी होते
गोपनीय माहितीच्या आधारे साकीनाका पोलिसांच्या तडीपार पथकाची शिताफीची कारवाई
विरार (पश्चिम) येथून आरोपीला जेरबंद करून न्यायालयात हजर
न्यायालयाकडून आरोपीला न्यायालयीन कोठडी
15 वर्षांनंतर फरार आरोपीला पकडण्यात साकीनाका पोलिसांना मोठे यश
वरिष्ठ अधिकाऱ्यांच्या मार्गदर्शनाखाली तडीपार पथकातील नंदकिशोर सांडव व अरविंद होळकर यांची उल्लेखनीय कामगिरी
बीडच्या माजलगाव जिल्हा परिषद अंतर्गत येणाऱ्या तालखेड ते झिंजुर्डी तांडा येथील मुख्य रस्त्याची आणि वाहून गेलेल्या पुलाची समस्या गेल्या एक वर्षापासून अत्यंत गंभीर बनली आहे.याबाबत स्थानिक आमदार आणि संबंधित प्रशासन वारंवार निवेदने देऊनही जाणीवपूर्वक दुर्लक्ष करत असल्याचा आरोप ग्रामपंचायत सदस्य विजय राठोड यांनी केलाय.रस्ता, पूल नसल्यामुळे पावसाळ्यात व इतर वेळी या मार्गावरील वाहतूक पूर्णपणे ठप्प असते चारचाकी वाहने सोडाच, पण साधी बैलगाडीसाठी नागरिकांना जीवघेणी कसरत या रस्त्यावर करावी लागते. या रस्त्याचे आणि पुलाचे काम मार्गी न लावल्यास ग्रामपंचायत सदस्य व ग्रामस्थानी तीव्र आंदोलनाचा इशारा प्रशासनाला दिलाय.
महाबळेश्वर तालुक्यात साज हॉटेलजवळ आज एक प्रचंड झाड अचानक रस्त्यावर कोसळल्याने वाहतूक पूर्णपणे ठप्प झाली होती. सुदैवाने यात कोणतीही जीवितहानी झाली नाही, मात्र काही काळ वाहनांच्या लांबच लांब रांगा लागल्या होत्या. घटनेची माहिती मिळताच स्थानिक ग्रामस्थ, पोलीस प्रशासन आणि वन विभागाच्या कर्मचाऱ्यांनी तातडीने घटनास्थळ गाठले. सर्वांच्या एकत्रित प्रयत्नातून आणि जेसीबी मशीनच्या मदतीने झाडाचे तुकडे करून रस्त्याच्या बाजूला करण्यात आले. प्रशासनाच्या या तत्परतेमुळे मोठा अनर्थ टळला असून अवघ्या काही तासातच या मार्गावरील वाहतूक पूर्ववत सुरू करण्यात आली आहे.
बदलापुरातील पूर्व आणि पश्चिमेला जोडणाऱ्या उड्डाण पुलाच्या पूर्व बाजूस गेल्या तीन वर्षांपासून पडलेल्या एका मोठ्या खड्ड्याने वाहनधारक त्रस्त आहेत. दरवर्षी पावसाळ्यात या खड्ड्यामुळे उड्डाण पुलावर प्रचंड वाहतूक कोंडी होऊन वाहनचालकांना त्रास सहन करावा लागतो. त्यामुळे या खड्ड्याकडे प्रशासनाचे लक्ष वेधण्यासाठी आज राष्ट्रवादी काँग्रेस शरदचंद्र पवार आणि महाविकास आघाडीच्या वतीने खड्ड्याचा तिसरा वाढदिवस साजरा करून आंदोलन करण्यात आले. आंदोलनादरम्यान आंदोलकांनी खड्ड्यामध्ये केक कापून नगरपालिका प्रशासनाच्या कारभाराचा निषेध नोंदवला.
हवामान विभागानं आज भंडाऱ्याला ऑरेंज अलर्ट दिलेलं असताना सकाळपासून कडक ऊन निघालेली होती. मात्र, दुपारी अचानक वातावरणात बदल झाला...काळे ढग एकत्र आले आणि भंडारा जिल्ह्यात सर्वत्र मुसळधार पावसानं हजेरी लावली. तुमसरमध्ये तब्बल तासभर मुसळधार पावसाची धुमशान होती. तुमसरात मुसळधार पाऊस पडल्यानं अनेक सखलभागांमध्ये पावसाचं पाणी साचलं. सलग पाचव्या दिवशी भंडारा, तुमसर, मोहाडी, साकोली, लाखांदूर, लाखनी आणि पवनी तालुक्यातही या पावसानं जोरदार हजेरी लावली.
अचानक प्रकृती बिघडल्यानं उपचार करण्याकरिता नातवाला खाजगी रुग्णालयात दाखल केलं. मात्र, उपचारादरम्यान नातवाचा मृत्यू झाला. ही बाब आजोबाला माहित होताच नातवाच्या मृत्यूचा विरह सहन न झाल्यानं आजोबानंही प्राण सोडला. हृदय पिळवटून टाकणारी ही घटना भंडारा जिल्ह्याच्या मोहाडी तालुक्यातील पालोरा या गावात घडली. नितीन मते असं ४९ वर्षीय नातवाचं नावं आहेत तर, रामचंद्र मते असं ७९ वर्षीय आजोबांचं नावं आहे. या दोघांवर पालोरा गावातील स्मशानभूमीत एकाचवेळी अंत्यसंस्कार करण्यात आलं. आजोबा आणि नातवावर एकाच वेळी अंत्यसंस्कार होत असताना उपस्थितांचे डोळे पानावलेत.
आंदोलनावेळी मुलांवर जे फायरिंग झालं, त्यासाठी केंद्रीय गृहमंत्री अमित शाह जबाबदार आहेत. त्यांचा राजिनामा झालाच पाहिजे.
-अभिजीत दीपके, संस्थापक, कॉकरोच जनता पार्टी
परभणी जिल्ह्यातील जिंतूर-परभणी मार्गावरील पांगरी ते चांदज दरम्यान आज सकाळी नऊ वाजण्याच्या सुमारास राज्य परिवहन महामंडळाच्या वसमत आगाराची संभाजीनगर-वसमत ही बस अपघातग्रस्त झाली. एमएच-20 बीएल-2240 क्रमांकाच्या या बसचे ब्रेक निकामी झाल्याने चालकाचे नियंत्रण सुटले आणि बस रस्त्याखाली पलटी झाली.या अपघातात बसमधील सुमारे 15 ते 20 प्रवासी जखमी झाले. अपघाताची माहिती मिळताच स्थानिक नागरिक, पोलिस आणि प्रशासनाने तातडीने घटनास्थळी धाव घेत मदतकार्य सुरू केले. जखमींना तातडीने बाहेर काढून उपचारासाठी बोरी, जिंतूर येथील ग्रामीण रुग्णालय तसेच परभणी येथील रुग्णालयात हलविण्यात आले आहे.
दिल्लीत शरद पवारांच्या कार्यकर्त्याचा दिपकेंना आश्रय ?
अभिजीत दिपके दिल्लीत असताना शरद पवारांच्या पक्षाच्या कार्यकर्त्याच्या घरी मुक्कामी होते
शरद पवारांचे राष्ट्रीय प्रवक्ता अनिश गवांडे यांच्या घरी होता अभिजीत दीपकेंचा मुक्काम
विशेष म्हणजे शरद पवारांनी जंतर मंतरवर अभिजीत दिपकेंची भेट घेतली त्यानंतर दुसऱ्याच दिवशी पवारांची मोदींसोबत भेट झाली होती
ड्रग्स फ्री मुंबई' अभियानाचे मॉडेल आता संपूर्ण राज्यात राबवणार
मुख्यमंत्री देवेंद्र फडणवीस यांच्या हस्ते आज अभियानाचा होणार शुभारंभ
मंत्री मंगलप्रभात लोढांनी मुंबईत सुरु केलेले अभियान
महाराष्ट्रात नशामुक्ती अभियान सुरु करण्याची केली होती मागणी
आज वरळी डोम येथे होणार राज्यव्यापी अभियानाचा शुभारंभ
मुंबईसह राज्यातील सर्व शाळा आणि महाविद्यालयांमध्ये अभियान राबविणार
'नशामुक्ती मार्गदर्शन व समुपदेशन समिती'च्या माध्यमातून विद्यार्थ्यांमध्ये व्यसनांविषयी जनजागृती केली जाणार
लोकचळवळीतून विद्यार्थी, पालक, शिक्षक, स्वयंसेवी संस्था तसेच सर्व नागरिकांना सहभागी होण्याचे मुख्यमंत्री करणार आवाहन
भारताचा क्रिकेटपटू अंजिक्य राहाणे यांच्याकडून निवृत्तीची घोषणा
Cap 278now signing off असं म्हणत अंजिक्य रहाणे यांनी निवृत्ती घेतली आहे
भारताचा माजी कर्णधार अजिंक्य रहाणे यांनी निवृत्ती घेतली आहे
निवृत्तीची घोषणा करताना अजिंक्य रहाणे भावूक
राज्यातील दुसऱ्या क्रमांकाचे थंड हवेचे ठिकाण असलेल्या तोरणमाळ येथील सीताखाई पॉईंटवर झिप लाइन लाईन वर अडकलेल्या पर्यटकाची सुखरूप सुटका करण्यात आली. तोरणमाळच्या सिताखाई पॉईंटवर असलेल्या 3 हजार 500 फूट खोल दरीवर पर्यटकांच्या साहसी खेळासाठी नव्याने सुरू करण्यात आलेल्या झिप लाईनवर एका पर्यटकाचा थरारक अनुभव घेण्याचा प्रयत्न असतानाच पर्यटक झिप लाईनवरून जात असताना अचानक तांत्रिक अडचणीमुळे तो दरीच्या मध्यभागीच अडकला. यामुळे परिसरात काही काळ मोठा थरार आणि घबराट पसरली होती. मात्र, घटनेचे गांभीर्य ओळखून झिप लाईनच्या सतर्क कर्मचाऱ्यांनी तत्परतेने मदतकार्य सुरू केले. अतिशय कौशल्याने रेस्क्यू ऑपरेशन राबवून या पर्यटकाला सुखरूप बाहेर काढण्यात कर्मचाऱ्यांना यश आले.
धाराशिव जिल्ह्यातील ढोकी येथील नागेश्वर मंदिरात देवीचा रोप्य मुकुट आणि पादुका चोरीला गेल्याचा धक्कादायक प्रकार समोर आला आहे. मंदिरातील तुळजाभवानी देवीच्या मूर्तीवरील चांदीचा मुकुट तसेच देवी समोरील पादुका चोरीला गेले आहेत. सकाळी भाविक दर्शनासाठी आल्यावर हा प्रकार समोर आला. धार्मिक स्थळी झालेल्या चोरीच्या घटनेमुळे भाविकांमध्ये नाराजी असून सीसीटीव्ही बसवण्याची मागणी करण्यात येत आहे.
गडचिरोली : गडचिरोलीत सध्या पावसाने विश्रांती घेतली असली तरी मध्यरात्री झालेल्या मुसळधार पावसामुळे शेकडो हेक्टर शेती पाण्याखाली गेली आहे. पावसाचा रेड अलर्ट पाहता गडचिरोली, कुरखेडा, धानोरा, अहेरी आणि सिरोंचा या पाच तालुका प्रशासनाने आज सर्व शाळा महाविद्यालयांना सुट्टी जाहीर केली आहे. आजही मोठा पाऊस झाल्यास अनेक भागांमध्ये पूर परिस्थिती निर्माण होण्याची शक्यता वर्तवली जात आहे.
नाशिकमधील सिंहस्थ कुंभमेळ्याच्या अनुषंगाने शहरात रस्त्यांचे काम सुरू असून नाशिक मधला नाशिक -त्रंबकेश्वर रस्ता हा नव्याने तयार करण्यात आला आहे. मात्र नव्याने तयार झालेल्या रस्त्यावर तडे पडले असून ठिकठिकाणी खड्डे पडले आहेत. तर काही ठिकाणी तडे जाऊन रस्त्याच्या आतमधील टाकलेले गज रस्त्याच्या वरती निघाल्याचे दिसून येत आहे. त्यामुळे नाशिकमधील सिंहस्थ कामांची गुणवत्तेचा प्रश्न या निमित्ताने पुन्हा एकदा ऐरणीवर येत आहे.
शाहुवाडी तालुक्यातील शिरगावच्या माजी सरपंच सुरेखा न्यारे खून प्रकरणाला वेगळं वळण
न्यारे यांचा खून अनैतिक संबंधातून नव्हे तर आर्थिक कारणातून
न्यारे कुटुंबीयांचा आरोप
मदत म्हणून दिलेले 8 तोळे दागिने आणि 3 लाख रुपये परत मागितल्यानेच सुरेखा न्यारे यांचा खून झाल्याचा नातेवाईकांचा आरोप
संशयित आरोपी प्रकाश पाटील याने कुटुंबीयांच्या संगनमताने खून केल्याचा नातेवाईकांचा दावा
आरोपी प्रकाश त्याची पत्नी मंगल मुलगा शिवाजी आणि भाचा संदेश मोरेवरही गुन्हा दाखल करा
न्यारे कुटुंबियांनी कोल्हापूरचे पोलीस अधीक्षक निलोत्पल यांची भेट घेऊन केली मागणी
सुरेखा न्यारे यांचा मृतदेह भिवंडी कडे गाडीतून घेऊन जाताना चा सीसीटीव्ही एबीपी माझाच्या हाती
- नाशिक जिल्ह्यात पुढील तीन दिवस पावसाचा जोर राहण्याची शक्यता, हवामान विभागाचा ‘यलो अलर्ट - १ ऑगस्टपर्यंत मध्यम ते मुसळधार पावसाची शक्यता - जिल्ह्यासह घाटमाथ्यासाठी हवामान विभागाकडून यलो अलर्ट जारी - नाशिक जिल्ह्यात पावसाचा मुक्काम कायम , अनेक ठिकाणी धारण क्षेत्रात पावसाच्या सरी - काही दिवस पावसाचा जोर वाढल्यास परिस्थितीनुसार धरणांमधील विसर्गातही वाढ करण्याची शक्यता - जिल्हा प्रशासन अलर्ट मोडवर - सध्या जिल्ह्यातील 26 पैकी 14 धरणांतून केला जात आहे विसर्ग - जिल्ह्यातील आजचा उपयुक्त पाणीसाठा 85 टक्यावर
- नागपुरात सायबर फसवणुकीसाठी खातेधारकांना कमिशन देऊन बँक खात्यांचा वापर होत असल्याचा धक्कादायक प्रकार उघडकीस आला आहे.
- जरिपटका पोलिसांनी 11 खातेदारांविरुद्ध तीन वेगवेगळे गुन्हे दाखल केले आहेत. एनसीआर पोर्टलवरील माहितीनुसार 62 संशयित बँक खात्यांची तपासणी करण्यात आली.
- त्यापैकी 11 खात्यांमधून सुमारे 36 लाख रुपयांचे संशयास्पद व्यवहार झाल्याचे समोर आले.
- सायबर गुन्हेगार खातेदारांना पैशांचे आमिष दाखवून त्यांची खाती वापरत होते आणि फसवणुकीची रक्कम विविध खात्यांमध्ये वळवली जात होती.
- या प्रकरणी सारिका कवारे, ऐश्वर्या सूर्यवंशी, निरंजन दांडसी, शेख सलीम शेख यांच्यासह 11 जणांवर गुन्हे दाखल करण्यात आले असून पोलिसांचा पुढील तपास सुरू आहे.
आरपीआय आठवले गटाचे मोठा पदाधिकाऱ्यावर मुंबईच्या पवई पोलीस स्टेशनमध्ये गुन्हा दाखल
अंधेरी पूर्व मरोळ भागामध्ये एका व्यक्तीचा खाजगी प्लॉट कब्जा केल्याप्रकरणी आरपीआय आठवले गटाचे अंधेरी तालुका अध्यक्ष आणि टायगर ग्रुपचे मुंबई अध्यक्ष संजय खंडागळे विरोधात गुन्हा दाखल
संजय खंडागळे यांनी त्याचा मित्र छोटा कन्ना आणि त्याचा भाऊ मोठा कन्ना यांच्यासोबत 10 ते 15 महिला आणि पुरुष घेऊन खाजगी प्लॉट कब्जा करण्याचा केला प्रयत्न
खाजगी प्लॉट कब्जा करण्याच्या प्रयत्न केल्या प्रकरणी खाजगी प्लॉट मालकाचं तक्रारीवरून पवई पोलिसांनी आरपीआय आठवले गटाचे अंधेरी तालुका अध्यक्ष संजय खंडागळे सोबत 10 ते 15 लोकांना विरोधात गुन्हा दाखल केले
या टोळीकडून मुंबईच्या अंधेरी आणि गोरेगाव आरे कॉलनी परिसरात दहशत पसरून सरसपणे घरात घुसून घर खाली आणि प्लॉट कब्जा करण्याचा काम करत असल्याचा स्थानिकांचा आरोप
या टोळीचे संजय खंडागळे वर अनेक गुन्हे दाखल आहेत तर छोटा कन्ना वर 10 गुन्हे तर मोठा कन्ना वर 14 पेक्षा जास्त गुन्हे खून आणि खुनाचे प्रयत्न केल्याचा मुंबई च्या वेग वेगळा पोलीस स्टेशनमध्ये गुन्हे दाखल आहेत
विटामध्ये मायाक्कानगर भागात किरकोळ कारणावरून झोपलेल्या ठिकाणी डोक्यात लाकडी दांडके घालून एका परप्रांतीय तरुणांचा परप्रांतीय तरुणाने खून केल्याची घटना समोर आली आहे. राजमन राजाराम कुम्हार (वय २८, रा. धामोरा, चौरी खुर्द, रायठ, सिद्धार्थनगर, बॉसी, उत्तर प्रदेश) असे खून झालेल्या व्यक्तीचे नाव आहे. या प्रकरणी अशोक कुम्हार (रा. सिद्धार्थनगर, उत्तर प्रदेश) याच्याविरुद्ध विटा पोलिसांत गुन्हा दाखल झाला असून, मारेकरी फरार झाला आहे.
विटा येथील मायाक्कानगर येथे बँकेतील सेवानिवृत्त कर्मचारी दयानंद पांडुरंग साबळे यांच्या घराचे बांधकाम सुरू आहे. त्या ठिकाणी मयत राजमन कुम्हार व संशयित अशोक कुम्हार हे दोघे जण मजूर काम करीत होते. या दोघांत कामावरून नेहमीच वाद होत होती. काल सायंकाळच्या सुमारास नवीन इमारती बेडरूममध्ये राजमन राजाराम झोपलेला असताना चिडून जाऊन अशोक याने राजमन याच्या डोक्यात लाकडे दांडक्याने मारहाण केली. त्यात तो गंभीर जखमी झाला, हॉस्पीटल मध्ये उपचार सुरू असताना त्याचा मृत्यू झाला. या घटनेनंतर अशोक हा पसार झाला आहे. त्याच्या शोधासाठी पोलिस व पथक रवाना झाले आहे. या प्रकरणी बांधकाम मालक दयानंद साबळे यांनी विटा पोलिसांत फिर्याद दिली
नागपुरात कळमना पोलिसांनी पेट्रोलिंगदरम्यान वाहनचोरांच्या मुसक्या आवळत कारवाई केली आहे. विना नंबर प्लेटची दुचाकी चालवताना संशयित तरुणांना अडवून चौकशी केली असता, त्यांच्या ताब्यातील वाहने चोरीची असल्याचे उघड झाले. या प्रकरणात एका अल्पवयीनासह मोहम्मद साजिद मोहम्मद सलीम आणि जुनेद खान या तिघांना ताब्यात घेण्यात आले आहे. विशेष म्हणजे तिन्ही आरोपी रेकॉर्डवरील गुन्हेगार असल्याची माहिती पोलिसांनी दिली आहे. आरोपींकडून चोरीच्या तीन दुचाकी जप्त करण्यात आल्या असून, त्यांची एकूण किंमत सुमारे १ लाख २५ हजार रुपये आहे. दैनंदिन खर्च आणि स्वतःचे शौक पूर्ण करण्यासाठी ते वाहनचोरी करत असल्याची प्राथमिक माहिती तपासात समोर आली आहे. या प्रकरणाचा पुढील तपास कळमना पोलीस करत आहेत.
- मुख्यपृष्ठ
- बातम्या
- राजकारण
- Maharashtra Live News Updates: परीक्षा सुधारणा विधेयक आज राज्यसभेत मांडणार, काल लोकसभेत मंजूर