Maharashtra Live News Updates: मोठी बातमी! मनोज जरांगेंकडून 29 ऑगस्टपासून मराठा आरक्षण आंदोलनाची घोषणा
Maharashtra Live News Updates: राज्यासह देश-विदेशातील महत्वाच्या घडामोडी एका क्लिवकवर...
पार्श्वभूमी
Maharashtra Live News Updates: मुंबईत मराठा आरक्षण उपसमितीची महत्त्वपूर्ण बैठक मराठा आरक्षण उपसमितीचे अध्यक्ष राधाकृष्ण विखे पाटील यांच्या अध्यक्षतेखाली पार पडली..या बैठकीत मराठा आरक्षण कक्षाचे कामकाज अधिक गतिमान करण्यासाठी पुढील...More
राहुल गांधींच्या भाषणामुळे गदारोळ, रिजिजू यांनी आदेशाच्या प्रतीची मागणी केली. किरेन रिजिजू म्हणाले, "तुम्ही म्हणालात की गृहमंत्रींनी आदेश दिला आहे. तुम्हाला त्याची प्रत मिळायला हवी. तुम्ही त्यांना कोणत्या अधिकाऱ्याला सांगितले? प्रत सभागृहातच ठेवा. यावर चर्चा करण्याची ही पद्धत नाही. केवळ प्रसिद्धी मिळवण्यासाठी तुम्ही काहीही बोलून मोकळे होऊ शकत नाही. संसदेत जबाबदारीने बोलायला हवे. तुमची इच्छा नसेल तर नका बोलू, पण तुम्ही असे काहीही बोलू शकत नाही जे चुकीचे असेल."
Kiren Rijiju On Rahul Gandhi : राहुल गांधींनी पुरावा द्यावा, अन्यथा माफी मागावी- किरेन रिजीजू
या देशाच्या तथाकथित गृहमंत्र्यांमध्ये संसदेत बसण्याचे धाडस नाही. मी गृहमंत्र्यांना पाहिले, तो ताफा पाहिला, 30 गाड्या आणि त्यातील एका गाडीत बसलेले गृहमंत्री. ते थरथरत होते. गृहमंत्र्यांनी विद्यार्थ्यांवर लाठीचार्ज, बंदुका, पॅलेट गन वापरण्याचे आदेश दिले : राहुल गांधी,
राहुल गांधींना कोणी सांगितलं, राहुल गांधी कशाच्या आधारावर बोलत आहेत? अशा खोट्या आरोपाप्रकरणी त्यांनी माफी मागावी : किरण रिजीजू,
सरपंच संतोष देशमुख हत्या प्रकरणात पुढील सुनावणी 3 ऑगस्ट रोजी.
आरोपी महेश केदार याच्याकडून जामिनासाठी अर्ज दाखल
3 ऑगस्ट पुढील तारखेला जामिन अर्जावर होणार युक्तिवाद
इतर तीन अर्जांवर युक्तिवाद करण्यासाठी आरोपीच्या वकिलांनी पुढची तारीख मागितली
निशाणी क्र 189 वर पेन्ड्राईव्ह संदर्भातील लेखी म्हणणे सरकारी पक्षाकडून न्यायालयासमोर सादर. त्यासोबत पेन्ड्राईव्ह दिला होता मात्र आरोपीच्या वकिलाने तो रिसिव्ह केला नाही.
वारंवार निरनिराळे अर्ज देऊन प्रकरण लांबवण्याचा प्रयत्न केला जात असल्याचे सरकारी पक्षाच्या वतीने कोर्टाच्या निदर्शनास आणून दिले आहे-सरकारी वकील बाळासाहेब कोल्हे.
मुंबईच्या पश्चिम द्रुतगती महामार्गावर मोठी वाहतूक कोंडी
अंधेरी कडून बोरिवलीच्या दिशेने जाणारा मार्गावर वाहनांच्या लांबच लांब रांगा
वाहतूक पोलिसांकडून साउथ बॉण्ड वरची वाहतूक कोंडी नॉर्थ बॉण्डवर डायव्हर्शन केल्यामुळे ही वाहतूक कोंडी
अंधेरी जोगेश्वरी गोरेगाव परिसरात पश्चिम द्रुतगती महामार्गावर ही मोठी वाहतूक कोंडी
अंधेरी ते गोरेगाव दहा ते पंधरा मिनिटांचा प्रवास मात्र वाहन चालकांना एक ते दीड तासांमध्ये करावा लागत आहे
पश्चिम द्रुतगती महामार्गाची वाहतूक कोंडी काढण्याचे प्रयत्न वाहतूक पोलिसांकडून सुरू आहे
भंडारा जिल्ह्याच्या साकोली तालुक्यातील सुंदरी गावात मुसळधार पावसानंतर काल रात्री सुमारे १० एकर परिसरातील खासगी मालगुजारी तलाव अचानक फुटला आहे. यामुळं तलावात साचलेलं लाखो लिटर पाणी थेट लगतच्या शेतात शिरल्यानं शेतकऱ्यांची लागवड केलेली भातशेती पूर्णपणे पाण्याखाली गेली. तसेच, या तलावाच्या पाण्यावर ज्या ढीवर बांधवांचा उदरनिर्वाह चालतो, त्यांच्यावरही आर्थिक संकट कोसळलं आहे. या तलावाच्या माध्यमातून गेल्या अनेक वर्षांपासून आपल्या कुटुंबाचा उदरनिर्वाह करणाऱ्या ढीवर (मासेमार) बांधवांचेही अतोनात नुकसान झालं आहे. तलाव फुटल्यानं तलावातील सर्व लहान-मोठी मासोळी पाण्यासोबत वाहून गेली आहे. त्यामुळं ऐन कमाईच्या मोसमात मासेमारी करणाऱ्या बांधवांचा रोजगाराचा मुख्य आधारच हिरावला गेला असून, त्यांच्यावर आता उपासमारीची वेळ आली आहे
काँग्रेस प्रदेशाध्यक्ष हर्षवर्धन सकपाळांच्या अडचणी वाढणार?
औसा पोलीस स्टेशनमध्ये सपकाळांविरुद्ध तक्रार दाखल
भाजपा आमदार अभिमन्यू पवारांकडून तक्रार दाखल
एमपीएससी पेपर फुटीबाबत अभिमन्यू पवारांवर सपकाळांनी आरोप केले होते
या प्रकरणाशी आपला काहीही संबंध नाही - अभिमन्यू पवार
सकपाळांनी बदनामी केल्याचा पवारांचा आरोप
समाजामध्ये प्रतिमा मलिन केल्याप्रकरणी कारवाईची मागणी
भिवंडी तालुक्यातील कोनगाव ग्रामपंचायतीच्या स्वागत कमानीवर छत्रपती शिवाजी महाराजांच्या नावात झालेल्या स्पेलिंग चुकीची बातमी एबीपी माझाने ठळकपणे प्रसारित केल्यानंतर प्रशासन खडबडून जागे झाले आहे. कमानीवर 'छत्रपती' ऐवजी 'छत्रपत्ती' असा चुकीचा उल्लेख करण्यात आल्याने शिवप्रेमींमध्ये तीव्र संताप व्यक्त झाला होता. या प्रकरणाची गंभीर दखल घेत ग्रामपंचायत प्रशासनाने तातडीने कारवाई करत चुकीचा फलक हटवला असून त्याऐवजी योग्य शब्दलेखन असलेला नवीन स्वागत फलक बसवण्यात आला आहे.
एबीपी माझाने हा मुद्दा उचलून धरल्यानंतर नागरिकांच्या भावना लक्षात घेत प्रशासनाने तत्परता दाखवत चूक सुधारली. छत्रपती शिवाजी महाराजांच्या नावाचा योग्य सन्मान राखत स्वागत कमानीवरील मजकूर दुरुस्त करण्यात आल्याने शिवप्रेमी आणि स्थानिक नागरिकांनी समाधान व्यक्त केले आहे. प्रशासनाच्या या तातडीच्या कारवाईमुळे एबीपी माझाच्या बातमीचा प्रभाव पुन्हा एकदा अधोरेखित झाला आहे.
ठाण्यातील कापूरबावडी पुलाजवळ ठाण्याहून मुंबईच्या दिशेने ट्रकचा अपघात... घोडबंदरहून ठाण्याच्या दिशेने तर ठाण्याहून घोडबंदरच्या दिशेने झाली होती वाहतूक कोंडी... ओव्हरटेक करत असताना चालकाचा ताबा सुटल्याने भरधाव मल्टी एक्सेलर ट्रक रस्त्याच्या मधील दुभाजकावर जाऊन दिली धडक... सुदैवाने चालक बचावला असून किरकोळ जखमी असून जवळच्या खाजगी रुग्णालयात उपचार सुरू.. दुभाजकावर अडकलेला मल्टी एक्सेलर ट्रक तीन क्रेनच्या साहाय्याने बाजूला करण्यात आली असून वाहतूक संथ गतीने सुरू..
आज अंतरवेली सराटी येथे मराठा आरक्षणा संदर्भात महत्वाची बैठक होत आहे आणि या बैठकीसाठी बीडमधून मराठा सेवक ,समाजबांधव हे अंतरवेलीच्या दिशेने निघाले आहेत.आज दुपारी 12 वाजता मनोज जरांगे पाटील हे बैठकीला संबोधित करणारा असून या बैठकीमध्ये एसओपी तसेच हैदराबाद गॅझेट, सातारा गॅझेट आणि कुणबी नोंदीसाठी समाज बांधवांना असलेल्या अडचणीवर मार्गदर्शन करणार असल्याचे माहिती मराठा सेवक गंगाधर काळकुटे यांनी दिली आहे.
वाई तालुक्यातील कवठे, ओझर्डे, खडकी व कुडाळ परिसरातील शेतकऱ्यांच्या गोठ्यातून जनावरे चोरी करणाऱ्या तिघांना भुईंज पोलिसांनी अटक केली. आरोपींनी दोन मुर्रा म्हशींसह एकूण सहा जनावरे चोरी करून पुणे, अहिल्यानगर व सोलापूर जिल्ह्यातील गुरांच्या बाजारात विकल्याची कबुली दिली.
सीसीटीव्ही व तांत्रिक विश्लेषणाच्या आधारे पोलिसांनी पाचवड चौकात सापळा रचून सुरेश ऊर्फ सूर्यकांत चव्हाण, संदेश पिसाळ व हर्षद चव्हाण यांना ताब्यात घेतले. गुन्ह्यात वापरलेली पिकअप गाडी जप्त करण्यात आली असून चोरीची जनावरे परत मिळविण्याची कार्यवाही सुरू आहे. बेंदूर सणाच्या दिवशी झालेल्या या कारवाईचे शेतकऱ्यांनी स्वागत केले
- नाशिक शहर कार्यक्षेत्रात 11 ऑगस्टपर्यंत शस्त्र आणि जमावबंदी आदेश जारी
- कायदा आणि सुव्यवस्था अबाधित राखण्यासाठी पोलीस आयुक्त संदीप कर्णिक यांनी शस्त्र आणि जमावबंदी आदेश केला जारी
- नाशिक शहर कार्यक्षेत्रात 28 जुलै 2026 रोजी मध्यरात्रीपासून ते 11 ऑगस्ट 2026 रोजी रात्री 24.00 वाजेपर्यंत शस्त्र व जमावबंदी आदेश जारी
- सदरचे आदेश लग्नकार्य, मिरवणुका, आठवडे बाजार किंवा प्रेतयात्रेच्या जमावास आणि रितसर परवानगी घेतली असलेल्या व्यक्तींना लागू राहणार नाहीत
- शस्त्र आणि जमाबंदी आदेशाचे उल्लंघन केल्यास संबंधितावर कायदेशीर कारवाईचा इशारा
विद्यार्थ्यांना घडविणाऱ्या शिक्षकानेच पुन्हा एकदा गुरु-शिष्याच्या पवित्र नात्याला काळिमा फासल्याचा धक्कादायक प्रकार गोंदिया जिल्ह्यातील रावणवाडी पोलिस ठाण्यांतर्गत घडला आहे. या प्रकरणात पोलिसांनी बाललैंगिक अत्याचार अधिनियमांमर्गत गुन्हा दाखल करण्यात आला आहे. प्राथमिक शाळेतील एका शिक्षकाने एका अल्पवयीन विद्यार्थिनीचा विनयभंग केल्याची घटना घडली. या घटनेमुळे परिसरात संतापाची लाट पसरली. संतप्त ग्रामस्थांनी रावणवाडी पोलिस ठाण्यात धाव घेत तक्रार नोंदवली आहे. पोलिसांनी आरोपी शिक्षकावर अत्याचार अधिनियम कलम 8, 10 अन्वये गुन्हा दाखल केला आहे. आरोपी शिक्षकाची विकृत वर्तनाची ही पहिलीच वेळ नसून, यापूर्वी गोंदिया तालुक्यातील डांगोर्ली येथील शाळेत कार्यरत असतानाही त्याच्यावर अल्पवयीन मुलीचा विनयभंग केल्याप्रकरणी गुन्हा दाखल करण्यात आला होता. त्यानंतर या शिक्षकाची बदली करण्यात आली. मात्र बदली झालेल्या ठिकाणी देखील या शिक्षकाने असेच कृत्य केल्याने शिक्षकाच्या विरोधात पालकांमध्ये रोष आहे... आतातरी शिक्षण विभागाने या घटनेची गंभीर दखल घेऊन संबंधित शिक्षकाला तत्काळ सेवेतून बडतर्फ करावे, अशी मागणी ग्रामस्थांसह पालकांकडून केली जात आहे...
सातारा:महाबळेश्वर-मेढा रस्त्यावरील केळघर घाट सर्व वाहतुकीसाठी पूर्णपणे बंद; पर्यायी मार्गांचा वापर करण्याचे आवाहन
सातारा केळघर घाटातून महाबळेश्वरकडे जाणाऱ्यांसाठी प्रवाशांसाठी महत्त्वाची बातमी....सातारा जिल्ह्याच्या पश्चिम भागात अतिवृष्टीमुळे महाबळेश्वर-मेढा-सातारा रस्त्यावरील केळघर घाटात काळा कडा ठिकाणी वारंवार दरड कोसळून दगड आणि माती रस्त्यावर येत असल्याने सुरक्षेचा उपाय म्हणून आज २८ जुलै पासून हा घाट सर्व प्रकारच्या वाहतुकीसाठी पूर्णपणे बंद करण्यात आला आहे. सार्वजनिक बांधकाम उपविभागाने प्रत्यक्ष पाहणी केल्यानंतर हा निर्णय घेतला असून जीवित आणि वित्तहानी टाळण्यासाठी प्रवाशांनी खालील पर्यायी मार्गांचा वापर करावा असे पत्रक काढण्यात आले आहे..
पर्यायी मार्ग
१) मेढा - मालदेव मंदिर - मार्ली - भिलार - महाबळेश्वर
२) मेढा - कुसुंबी - सह्याद्रीनगर - माचुतर - महाबळेश्वर
अतिवृष्टीग्रस्त पालघरसाठी विशेष पॅकेज, कायमस्वरूपी उपाययोजनांना गती
मुख्यमंत्री देवेंद्र फडणवीस यांच्या अध्यक्षतेखाली मंत्रालयात आढावा बैठक पार पडली. यावेळी पालघर जिल्ह्यातील अतिवृष्टी, पूरस्थिती व मदतकार्यासंदर्भात सविस्तर आढावा घेण्यातआला. पालघर हा मुबलक पाऊस पडणारा आणि वेगाने नागरीकरण होत असलेला जिल्हा आहे. या पार्श्वभूमीवर भविष्यातील विविध प्रकारच्या आपत्ती टाळण्यासाठी प्रभावी उपाययोजना कराव्यात. अतिवृष्टी आणि महापुरामुळे बाधित कुटुंबांना नियमांतील तरतुदींपेक्षा अधिक मदत उपलब्ध करून देण्याच्या दृष्टीने विशेष पॅकेज मंजूर करण्यात येईल. त्यासाठी पालघर आणि नाशिक जिल्ह्यांसाठी एकात्मिक मदत आराखडा तयार करण्यात यावा, असे निर्देश मुख्यमंत्री देवेंद्र फडणवीस यांनी दिले.
मुख्यमंत्री फडणवीस म्हणाले, अतिवृष्टी आणि पुरामुळे बाधित नागरिकांना तातडीची मदत उपलब्ध करून देतानाच भविष्यात अशा आपत्तींचा परिणाम कमी करण्यासाठी कायमस्वरूपी पायाभूत सुविधा उभारण्यावर भर द्यावा. जनजीवन पूर्वपदावर आणण्यासाठी दळणवळण आणि रस्ते सुविधा प्राधान्याने पूर्ववत कराव्यात. यासाठी सार्वजनिक बांधकाम विभाग, ग्रामविकास विभाग आणि संबंधित यंत्रणांनी आवश्यक पूर्वनियोजन करून युद्धपातळीवर काम करावे.
ऊर्जा विभागांतर्गत महावितरण आणि संबंधित कंपन्यांनी वीज वितरण व्यवस्था अधिक सक्षम करण्यासाठी पायाभूत संरचनेची पुनर्रचना करावी. आपत्तीच्या काळातही अखंडित वीजपुरवठा राखता यावा, यासाठी तिन्ही वीज कंपन्यांनी आवश्यक उपाययोजना करत इन्फ्रास्ट्रक्चरल अपग्रेडेशन करावे. तसेच, जलसाठे आणि पाण्याच्या प्रवाहांचा सखोल अभ्यास करून त्यांचे नकाशे तयार करावेत आणि त्यांचा विकास आराखड्यांमध्ये समावेश करावा, भविष्यात विकास परवानग्या देताना या अभ्यासाचा आधार घेतला जाईल, असे मुख्यमंत्री फडणवीस यांनी नमूद केले.
गुरुपौर्णिमा अर्थातच गुरुला नमन करण्याचा दिवस... श्री साईबाबांना गुरु स्वरूप मानणाऱ्या लाखो साई भक्तांनी शिर्डीत गर्दी केली आहे.. साईबाबा संस्थानच्या वतीने देखील भक्तांच्या देणगीतून साई मंदिराला आकर्षक फुलांची सजावट केली असून मंदिर व परिसराला केलेल्या विद्युत रोषणाईने देखील सर्वांचे लक्ष वेधले आहे... साईराज डेकोरेटर्स मुंबई यांच्या वतीने विद्युत रोषणाई तर कर्नाटक येथील साईभक्त एस. प्रकाश यांच्या देणगीतून आकर्षक फुलांची सजावट करण्यात आली आहे...
मुख्यमंत्री देवेंद्र फडणवीस यांच्या अध्यक्षतेखाली आज मंत्रालय, मुंबई येथे पालघर जिल्ह्यातील अतिवृष्टी, पूरस्थिती व मदतकार्यासंदर्भात सविस्तर आढावा बैठक पार पडली. पालघर हा मुबलक पाऊस पडणारा आणि वेगाने नागरीकरण होत असलेला जिल्हा आहे. या पार्श्वभूमीवर भविष्यातील विविध प्रकारच्या आपत्ती टाळण्यासाठी प्रभावी उपाययोजना कराव्यात. अतिवृष्टी आणि महापुरामुळे बाधित कुटुंबांना नियमांतील तरतुदींपेक्षा अधिक मदत उपलब्ध करून देण्याच्या दृष्टीने विशेष पॅकेज मंजूर करण्यात येईल. त्यासाठी पालघर आणि नाशिक जिल्ह्यांसाठी एकात्मिक मदत आराखडा तयार करण्यात यावा, असे निर्देश मुख्यमंत्री देवेंद्र फडणवीस यांनी दिले.
मुख्यमंत्री फडणवीस म्हणाले, अतिवृष्टी आणि पुरामुळे बाधित नागरिकांना तातडीची मदत उपलब्ध करून देतानाच भविष्यात अशा आपत्तींचा परिणाम कमी करण्यासाठी कायमस्वरूपी पायाभूत सुविधा उभारण्यावर भर द्यावा. जनजीवन पूर्वपदावर आणण्यासाठी दळणवळण आणि रस्ते सुविधा प्राधान्याने पूर्ववत कराव्यात. यासाठी सार्वजनिक बांधकाम विभाग, ग्रामविकास विभाग आणि संबंधित यंत्रणांनी आवश्यक पूर्वनियोजन करून युद्धपातळीवर काम करावे.
ऊर्जा विभागांतर्गत महावितरण आणि संबंधित कंपन्यांनी वीज वितरण व्यवस्था अधिक सक्षम करण्यासाठी पायाभूत संरचनेची पुनर्रचना करावी. आपत्तीच्या काळातही अखंडित वीजपुरवठा राखता यावा, यासाठी तिन्ही वीज कंपन्यांनी आवश्यक उपाययोजना करत इन्फ्रास्ट्रक्चरल अपग्रेडेशन करावे. तसेच, जलसाठे आणि पाण्याच्या प्रवाहांचा सखोल अभ्यास करून त्यांचे नकाशे तयार करावेत आणि त्यांचा विकास आराखड्यांमध्ये समावेश करावा, भविष्यात विकास परवानग्या देताना या अभ्यासाचा आधार घेतला जाईल, असे मुख्यमंत्री फडणवीस यांनी नमूद केले.
- मुख्यपृष्ठ
- बातम्या
- राजकारण
- Maharashtra Live News Updates: मोठी बातमी! मनोज जरांगेंकडून 29 ऑगस्टपासून मराठा आरक्षण आंदोलनाची घोषणा