Maharashtra Live News Updates: शिवसेना पक्ष, चिन्हावर आज सलग पाचव्या दिवशी सुनावणी
Maharashtra Live News Updates: शिवसेना पक्ष आणि चिन्हावर आज सर्वोच्च न्यायालयात सलग पाचव्या दिवशी सुनावणी होणार आहे.
पार्श्वभूमी
Maharashtra Live News Updates: शिवसेना पक्ष आणि चिन्हावर आज सर्वोच्च न्यायालयात सलग पाचव्या दिवशी सुनावणी होणार आहे. दुपारी २ वाजता सुनावणीला सुरुवात होणार असून, काल झालेल्या सुनावणीत ठाकरेंच्या शिवसेनेचे वकील...More
अंबरनाथ रेल्वे अपडेट
मध्य रेल्वेची मुंबईकडे जाणारी लोकल सेवा 35 मिनिटं उशिराने
तर मुंबई हून कर्जतकडे जाणारी लोकल सेवा 30 मिनिटं उशिराने
पाऊस नसतानाही लोकल सेवा उशिराने असल्याने प्रवाशांना मनस्ताप
रेल्वेकडून कोणतीही उद्घोषणा नाही
ठाणे महानगरपालिका शाळांमधील 70 वर्ग होणार डिजिटल.
अत्याधुनिक साधनासह लर्निंग मॅनेजमेंट सिस्टमचा समावेश..
विद्यार्थ्यांना आधुनिक तंत्रज्ञानाच्या माध्यमातून शिकण्याचा अनुभव मिळणार
प्राथमिक व माध्यमिक शाळा मधील 70 वर्ग डिजिटल करण्यात येणार..
त्या अंतर्गत डिजिटल, पॅनल ,संगणक, कॅमेरा यूपीएस, स्टॅन्ड यासह लर्निंग मॅनेजमेंट सिस्टीम उपलब्ध करून देण्यात येणार...
या कामासाठी सुमारे एक कोटी 99 लाख 46 हजार 300 रुपयांची तरतूद आहे..
काँग्रेस प्रदेशाध्यक्ष हर्षवर्धन सपकाळ यांची दिल्लीत खासदारांसोबत झालेल्या बैठकीची इनसाइड स्टोरी
प्रदेशाध्यक्ष उपस्थित असलेल्या बैठकीला ६ खासदारांची दांडी
१६ पैकी फक्त १० खासदार बैठकीला उपस्थित
बैठकीत अनेक खासदारांनी वाचला तक्रारींचा पाढा
मतदार संघातील समस्या, नव्याने नियुक्त झालेले जिल्हाध्यक्ष यासह अनेक मुद्द्यांचा वाचला पाढा
महाराष्ट्रातील खासदारांचा समन्वय असलेल्या खासदार प्रणिती शिंदे यांच्याबाबत खासदारांनी व्यक्त केली नाराजी
खासदारांपर्यंत व्यवस्थित सूचना आणि माहिती पोहोचत नसल्याची तक्रार
सूत्रांची माहिती
शिवसेना नेते आणि उद्योग मंत्री उदय सामंत यांच्या हेलिकॉप्टर मध्ये बिघाड.
उदय सामंत नागपूर वरून गडचिरोली येथील सुरजागड येथे पहाणी दौरा करणार होते.
हेलिकॉप्टर उड्डाणा दरम्यान पायलटला तांत्रिक बिघाड लक्षात आला. आणि अनर्थ टळला.
हेलिकॉप्टर उड्डाणापूर्वी तांत्रिक तपासणीत बिघाड लक्षात का आला नाही याची चौकशी करण्याची स्थानिक शिवसैनिकांची मागणी.
मुंबईत सकाळपासून सुरू असलेला अधून मधून जोरदार पावसामुळे पश्चिम द्रुतगती महामार्गावर मोठी वाहतूक कोंडी
पश्चिम द्रुतगती महामार्गावर बोरिवलीहून वांद्रे कडे जाणारा साउथ रस्त्यावर मोठी वाहतूक कोंडी
पश्चिम द्रुतगती महामार्गावर मालाड,गोरेगाव, जोगेश्वरी,अंधेरी, विलेपार्ले या सर्व परिसरात रस्त्यावर वाहनांच्या लांबच लांब रांगा लागला आहे
गोरेगाव आरे कॉलनी परिसरात सुद्धा गाड्यांचा लांबच लांब रांगा पाहायला मिळत आहे
गोरेगाव आरे कॉलनी ते मरोळ नाका आणि पवई कडे जाणारा मुख्य रस्त्यावर आरे कॉलनी परिसरामध्ये मोठी वाहतूक कोंडी
खरंतर सकाळची वेळ आहे मोठा संख्या मध्ये चाकरमानी कामावर जाण्यासाठी खाजगी गाड्या घेऊन निघाले आहेत अशा मध्ये पश्चिम द्रुतगती महामार्ग ची या वाहतूक कोंडीचा मोठा फटका त्यांना बसत आहे
मालाड ते विलेपार्ले अर्धा तासाच्या प्रवास मात्र या वाहतूक कोंडीमुळे एक ते दीड तासांमध्ये वाहन चालकांना करावा लागत आहे
तर दुसरी बाजू पश्चिम द्रुतगती महामार्गावरची वाहतूक कोंडी काढण्याचे प्रयत्न देखील वाहतूक पोलिसांकडून युद्ध पातळीवर सुरू आहे
आता बातमी आहे गडचिरोलीतून. प्रवाशांना घेऊन धावणाऱ्या एसटी बसचे अचानक चाक निखळले. त्यामुळे 28 प्रवाशांचा जीव थोडक्यात बचावला. ही धक्कादायक घटना गडचिरोलीच्या सिरोंचा तालुक्यातील मेडाराम गावाजवळ घडली. अहेरी आगारातून सिरोंच्याकडे ही बस धावत होती. मेडाराम गावाजवळ अचानक बसचे मागचे एक चाक निखळले आणि तब्बल 100 फूट दूर जाऊन पडले. त्यावेळी बसमध्ये 28 प्रवासी होते. चालकाने प्रसंगावधान राखत बस सुरक्षितपणे थांबवल्याने मोठा अनर्थ टळला. काही दिवसांपूर्वी अहेरी आगारातीलच एका बसचा मागचा भाग अचानक निखळून पडल्याची घटना एटापल्ली शहरात घडली होती. त्यानंतर अहेरी आगारातील एका सहाय्यक कारागिराला निलंबित करण्यात आले होते. अशाच प्रकारची घटना पुन्हा घडल्याने एसटी प्रशासनाच्या कारभारापती रोष व्यक्त केला जात आहे. धावत्या बसचे चाक नेमके कसे निखळले, याचा तपास आता होणार आहे.
विदर्भातील सर्वात मोठे संत आणि स्वातंत्र्य लढ्यात योगदान असलेले राष्ट्रसंत तुकडोजी महाराज यांना मरणोत्तर भारतरत्न पुरस्कार द्यावा या मागणीसाठी गुरुदेव भक्तांकडून तिवसा तहसील कार्यालया समोर बेमुदत आमरण उपोषण सुरू आहे,या संदर्भात अमरावतीचे काँग्रेस खासदार बळवंत वानखडे यांनी लोकसभा अध्यक्ष ओम बिर्ला यांची भेट घेत त्यांना निवेदन दिलं आणि तुकडोजी महाराज यांना मरणोत्तर भारतरत्न पुरस्कार द्यावा अशी मागणी त्यांनी यावेळी केली, उद्या खासदार बळवंत वानखडे हे दिल्ली वरून अमरावती जिल्ह्यात येताच उपोषण स्थळी जाऊन त्यांची भेट घेणार आहे, दरम्यान पाच दिवसा पासून उपोषन सुरू असल्याने उपोषण कर्त्याची प्रकृती बिघडली आहे.
HSRP नंबर प्लेट बाबत परिवहन विभागाकडून आता कारवाईचा फास आवळला जाणार
परिवहन विभागाकडे आतापर्यंत १ कोटी १० लाख ८४ हजार वाहन चालकांनी HSRP नंबर प्लेटसाठी बुकिंग करण्यात आल्या आहेत.
यातील ९८ लाख ०८ हजार लोकांनी नंबर प्लेट लावल्याची माहिती परिवहन विभागाकडून देण्यात आली आहे,
मात्र अद्यापही १ कोटींहून अधिक वाहन धारकांना HSRP नंबरप्लेटबाबत कुठलिही नोंद किंवा अद्याप लावलेली नाही
त्यामुळे परिवहन विभागाकडून आता HSRP नंबरप्लेटबाबत कारवाईला सुरूवात केली आहे
या कारवाईसाठी परिवहन विभागाने विशेष पथकही नेमले असून आता कारवाईचा फास आणखी आवळला जाणार असल्याची माहिती सूत्रांनी दिली
एफडीएची राज्यभर धडक मोहीम
‘सुरक्षित अन्न, सुरक्षित औषध’ अभियानाअंतर्गत एफडीएकडून राज्यातील १०४ आस्थापनांची तपासणी करण्यात आली.
यामध्ये २ व्यावसाय तात्काळ बंद, ५ परवाने निलंबित तर ९५ सुधारणा नोटिसा बजावण्यात आल्या.
डॉमिनोज, केएफसी, पिझ्झा हट, मॅकडोनाल्ड, सबवे, बर्गरकिंग, स्टारबक्स आणि माँजिनिजसह प्रमुख साखळी आस्थापनांचीही तपासणी करण्यात आली.
महाराष्ट्र-छत्तीसगड राज्यांना जोडणारा 930 क्रमांकाचा राष्ट्रीय महामार्ग गडचिरोलीतून जातो. छत्तीसगडमधील मानपुर, रायपूर या मोठ्या शहरांना जोडणारा हा राष्ट्रीय महामार्ग सध्या धानोरा शहराच्या पुढे पूर्णतः खड्डेमय झालाय. त्यामुळे खड्ड्यात रस्ता की रस्त्यात खड्डा, अशी म्हणण्याची वेळ वाहनधारकांवर आली आहे. राष्ट्रीय महामार्ग आहे की, मृत्यूचा सापळा? असा सवाल नागरिक करीत आहे.
अमरावतीच्या डोमा गावातील निवासी आश्रम शाळेमध्ये भुतांची अफवा पसरल्याने या ठिकाणी विद्यार्थ्यांनी शाळा सोडून घरी पलायन केलं, त्या अनुषंगाने महाराष्ट्र अंधश्रद्धा निर्मूलन समितीचे सर्व ज्येष्ठ कार्यकर्ते मेळघाटात गेल्या तीन दिवसापासून तळ ठोकून आहेत. अनिसच्या वतीने विद्यार्थ्यांचा आणि पालकांचं समुपदेशन केलं जात आहे..भूत वगैरे असं काही नसतं. महाराष्ट्र अंधश्रद्धा निर्मूलन समितीचे सर्व कार्यकर्ते या ठिकाणी तळ ठोकून आहेत.. भुताची संपूर्ण या ठिकाणी अफवा आहे... विद्यार्थ्यांच्या मनातील भीती दूर करण्यासाठी आम्ही विद्यार्थ्यांचं समुपदेशन करत आहे. आम्ही पाचडोंगरी डोमा, खडीमल, यास अन्य गावात जाऊन विद्यार्थ्यांशी संवाद साधला... शेवटी विद्यार्थ्यांचा शिक्षण महत्वाचा आहे.. प्रतिकूल परिस्थितीत सुद्धा विद्यार्थी या ठिकाणी शिक्षण घेत आहे. विद्यार्थ्यांनी कुठलेही मनात शंका न बाळगता पुन्हा आपल्या शाळेमध्ये जाव असं आवाहन अंधश्रद्धा निर्मूलन समितीच्या ज्येष्ठ सदस्या नंदिनी जाधव यांनी केला आहे..
ठाकरेंच्या शिवसेनेचे आमदार युवासेना प्रमुख आदित्य ठाकरे आज नाशिक दौऱ्यावर
आदित्य ठाकरे करणार त्रंबकेश्वर तालुका आणि नाशिक शहरातील रस्त्यांची पाहणी
शहरातील खड्डे आणि कुंभमेळा च्या अर्धवट कामामुळे नाशिककर त्रस्त
आतापर्यंत 5 जणांचे बळी गेल्याने मुख्यमंत्री देवेंद्र फडणवीस यांनी तातडीची बैठक घेऊन अधिकाऱ्यांना तत्काळ कामे करण्याच्या दिल्या सुचना
मुख्यमंत्री च्या बैठकीनंतर ही राजकारण जोरात
आदित्य ठाकरे खड्याची पाहणी करून महापालिकेत घेणार नगरसेवकांची बैठक
त्रंबकेश्वर च्या पेगलवाडी पासून सुरू होणार दौरा
शालेय विद्यार्थ्यांचा पेगलवाडी च्या रस्ता दुरुस्ती ची तक्रार करणारा व्हिडिओ व्हायरल झाल्याने आदित्य ठाकरे पेगलवाडीच्या रस्त्याची करणार पाहणी
960 कोटी रुपयांचा मालमत्ता कर भरूनही पिंपरी चिंचवडकरांना खड्ड्यातून जीव मुठीत धरून प्रवास करावा लागतोय. अशा परिस्थितीत या समस्यांवर उपाय करण्याऐवजी आता सत्ताधारी भाजपने नागरिकांच्या खिशावर डल्ला मारण्याची तयारी केलीये. शहरात पुन्हा 'पे अँड पार्क' पॉलिसी राबवण्याचा घाट भाजपने घातलाय. स्थायी समितीने या प्रस्तावाला मंजुरी दिलीये. त्यानुसार शहरातील 350 किलोमीटर रस्त्यांवर तीन भागांमध्ये पे ऍण्ड पार्कचे दर ठरवण्यात आलेत. यात मेट्रोने प्रवास करणाऱ्या दुचाकीस्वाराला 10 तास पार्किंगसाठी 30 रुपये मोजावे लागणार आहेत, तर 18 मीटर रस्त्यालगत स्वतःच्या घरासमोर वाहन उभे करण्यासाठीही मासिक शुल्क आकारले जाणार आहे. वाढत्या वाहतुकीला शिस्त लावण्याच्या नावाखाली ही पार्किंग पॉलिसी करदात्यांवर लादली जात आहे,
आठवड्यात 5 दिवस कामकाज लागू करावे, या मागणीसाठी युनायटेड फोरम ऑफ बँक युनियन्सच्या वतीने सोलापुरात आंदोलन करण्यात आले. सोलापुरातील एसबीआयच्या बाळीवेस शाखेसमोर जिल्ह्यातील विविध बँकांमधील कर्मचारी आणि पदाधिकाऱ्यांनी निदर्शने केली.
पाच दिवसांचा आठवडा ही मागणी मागील पंचवार्षिक करारामध्ये मान्य करण्यात आली आहे. मात्र, अद्याप या निर्णयाची अंमलबजावणी झालेली नाही. रिझर्व्ह बँकेसह अनेक शासकीय कार्यालयांमध्ये आठवड्यातून 5 दिवस कामकाज सुरू आहे. त्यामुळे बँकिंग क्षेत्रातही पाच दिवसांचा आठवडा तातडीने लागू करावा, अशी मागणी यावेळी करण्यात आली. एसबीआय स्टाफ युनियनचे उपमहासचिव हारून सय्यद यांनी आंदोलनाला पाठिंबा देत मागणीची तातडीने अंमलबजावणी करण्याची मागणी केली. या आंदोलनात सोलापूर जिल्ह्यातील विविध बँकांमधील पदाधिकारी आणि कर्मचारी मोठ्या संख्येने सहभागी झाले होते.
- मुख्यपृष्ठ
- बातम्या
- राजकारण
- Maharashtra Live News Updates: शिवसेना पक्ष, चिन्हावर आज सलग पाचव्या दिवशी सुनावणी