Maharashtra Live News Updates: सर्पदंश झालेल्या विद्यार्थिनींच्या मृत्यूची होणार उच्चस्तरीय चौकशी, नाशिक आणि नागपूरची पथके आश्रमशाळेची पाहणी करणार
Maharashtra Live News Updates: राज्यासह देश-विदेशातील महत्वाच्या घडामोडी, एका क्लिकवर...
पार्श्वभूमी
Maharashtra Live News Updates: देशाच्या राजकारणातील हायव्होल्टेज मिटिंग आज सकाळी होणार आहे. शरद पवारांच्या राष्ट्रवादी पक्षाचे (Sharad Pawar NCP) सर्व आठ खासदार आज नवी दिल्लीत पंतप्रधान नरेंद्र मोदी (Narendra Modi) यांची...More
A/c : लातूर जिल्ह्यातील रेणापूर तालुक्यात यंदाच्या खरीप हंगामात संततधार पावसामुळे सोयाबीन उत्पादक शेतकरी अडचणीत सापडले आहेत... सततच्या पावसामुळे सोयाबीन पिकावर पिवळेपणा तसेच पाने कुरतडणाऱ्या अळींचा प्रादुर्भाव वाढला आहे... महागडी कीटकनाशकांची फवारणी करूनही अपेक्षित परिणाम मिळत नसल्याने शेतकऱ्यांची चिंता वाढलीय...
पावसामुळे फवारणी केलेल्या औषधांचा प्रभाव कमी होत असल्याने शेतकऱ्यांना पुन्हा फवारणी करावी लागत आहे... त्यामुळे उत्पादन खर्चात मोठी वाढ होत असून, यंदा सोयाबीनच्या उत्पादनात घट होण्याची भीती शेतकऱ्यांकडून व्यक्त केली जात आहे...
Byte : धुंडाजी भताने, शेतकरी, गोढाळा, तालुका रेणापूर
अँकर : भारत छोडो आंदोलन दिनाचे औचित्य साधत संयुक्त किसान मोर्चाने सोमवारी गडचिरोली जिल्हाधिकारी कार्यालयावर धडक देत विविध मागण्यांचे निवेदन सादर केले. सर्व पिकांना कायदेशीर हमीभाव द्या, भारत-अमेरिका मुक्त व्यापार करार रद्द करा, अशी प्रमुख मागणी शेतकऱ्यांनी केली. यासोबतच शेतकरी कर्जमाफी, मनरेगात २०० दिवस रोजगार, वन्यप्राण्यांकडून होणाऱ्या पीक नुकसानीची पूर्ण भरपाई आणि स्मार्ट मीटर योजना रद्द करण्याची मागणी करण्यात आली. शेतकरी, शेतमजूर आणि कामगारांच्या मागण्यांवर तातडीने निर्णय न घेतल्यास आंदोलन तीव्र करण्याचा इशारा संयुक्त किसान मोर्चाने दिला आहे.
ब्रेकिंग
मुंबई वाहतूक पोलिसांची ‘डॅझलिंग लाईट’ मोहीम सुरू
रात्री वाहनांवर वापरल्या जाणाऱ्या तीव्र व डोळे दिपवणाऱ्या फ्लॅश लाईट्स, एलईडी बार आणि फॅन्सी हेडलाईट्सविरोधात मुंबई वाहतूक पोलिसांची विशेष कारवाई.
६ ते ९ ऑगस्टदरम्यान ४७ वाहतूक विभागांत १,१९४ वाहनांवर कारवाई, तर एकूण ७.७० लाखांचा दंड वसूल
वाहनचालकांना लो-बीमचा वापर करण्याचे आणि बेकायदेशीर तीव्र दिवे न वापरण्याचे आवाहन.
ऍंकर : राज्यभर सुरु असलेल्या दूध भेसळीचं केंद्रबिंदू पुण्यात आहे. मंचरमधील एका कवलारू घरातून हा काळाबाजार सुरु होता. अजित पवार राष्ट्रवादीचे जिल्हा परिषद सदस्य विष्णू हिंगे यांचा पुतण्या सुशांत हिंगे या रॅकेटचा सूत्रधार आहे. त्याच्या नवलाख डिस्ट्रिब्युटर्स फर्म कडून दूध भेसळीचं साहित्य बनवलं जायचं. सुशांतने बनवलेलं हे साहित्य वापरुन गावागावातील दूध संकलन केंद्रावर नकली दूध बनवलं जायचं. सुशांतच्या या गोडाऊन बाहेरून आढावा घेतलाय नाजिम मुल्ला यांनी.
Wkt
१ लाख ३६ हजार ९१९ क्युसेक वेगानं पाण्याचा विसर्ग
Anchor : गोसेखुर्द धरणाच्या पाणलोट क्षेत्रात सातत्यानं पाऊस सुरू आहे. यासोबतच पुजारीटोला आणि धापेवाडा धरणातूनही मोठ्या प्रमाणात पाण्याचा विसर्ग सुरू करण्यात आला आहे. त्यामुळं वैनगंगा नदी दुथडी भरून वाहू लागली आहे. परिणामी, वैनगंगा नदीवर बांधण्यात आलेल्या गोसेखुर्द धरणाच्या जलसाठ्यातही मोठी वाढ झाली आहे. धरणाचा जलसाठा नियंत्रित राहावा यासाठी धरण प्रशासनानं धरणातून मोठ्या प्रमाणात पाण्याचा विसर्ग सुरू केला आहे. आता धरण प्रशासनानं गोसेखुर्द धरणाचे सर्वच्या सर्व ३३ दरवाजे अर्धा मीटरनं उघडले आहे. धरणातून सध्या १ लाख ३६ हजार ९१९ प्रति सेकंद वेगानं पाण्याचा विसर्ग करण्यात येत आहे. पाऊस सातत्यानं पडत राहिल्यास धरणाच्या पाण्याच्या विसर्गात वाढ करण्याची शक्यता धरण प्रशासनानं व्यक्त केली आहे.
बीड - जिल्हाभरात शेतकऱ्यांच्या विविध मागण्यांसाठी किसान सभेचे जेलभरो आंदोलन
अँकर - बीडमध्ये आज शेतकऱ्यांच्या विविध मागण्यांसाठी किसान सभा आक्रमक झालेली दिसून आली.शेतकऱ्यांच्या विविध मागण्यांसाठी जिल्हाभरात आज जेलभरो आंदोलन करण्यात आलंय.अंबाजोगाई, सिरसाळा,धारूर,वडवणी,धारूर या गावामध्ये हे जेलभरो आंदोलन करण्यात आलंय.या आंदोलनात पिक विमा, कर्जमाफी,ऊसतोड मजुरांचा त्रिपक्षीय करार, गायरान जमिनी कसणाऱ्यांच्या नावे करा यासह विविध मागण्या किसान सभेकडून करण्यात आल्या.या जेलभरो आंदोलनात मोठ्या संख्येने शेतकरी,शेतमजूर आणि किसान सभेच्या पदाधिकाऱ्यांनी सहभाग नोंदवत सरकार विरुद्धचा आपला रोष व्यक्त केलाय.
*ब्रेकिंग*
मुंबई पाठोपाठ पुण्यात ही निघणार तिरंगा रॅली
पुण्यातील फर्ग्युसन महाविद्यालय येथे उद्या तिरंगा रॅलीचे आयोजन
मुख्यमंत्री देवेंद्र फडणवीस व भाजप प्रदेशाध्यक्ष रविंद्र चव्हाण राहणार उपस्थित
उद्या दुपारी चार वाजता रॅलीचे आयोजन
हाती तिरंगा घेत मुख्यमंत्री फडणवीस व रविंद्र चव्हाण हे देणार देशभक्तीचा नारा
तरुणांनी मोठ्या संख्येने उपस्थित राहण्याचे आवाहन
*ब्रेकिंग*
जंतरमंतरवरील आंदोलनाचा फटका बसल्यानंतर युवकांच्या मनात देशप्रेम जागृत करण्यासाठी भाजपकडून देशभरात तिरंगा रॅलींचे आयोजन
राज्यात देखील विविध शहरांमध्ये तिरंगा रॅलींचे आयोजन १७ ऑगस्टपर्यंत होताना दिसणार
जेनझी आणि जेनअल्फांना अधिकाधिक सहभागी करुन घेण्याचा भाजपकडून प्रयत्न
आज मुंबईतील वरळी प्रोमेनेड परिसरात भव्य ‘तिरंगा यात्रा’चे आयोजन
मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण, मुंबई प्रदेशाध्यक्ष अमित साटम यांच्यासह लोकप्रतिनिधी देखील सहभागी होणार
स्वातंत्र्याच्या ८०व्या वर्षात प्रवेश करत असताना राष्ट्रभावना जागवण्यासाठी मुंबईकरांना एकत्र येण्याचे आवाहन
मालेगाव शहरातील रस्त्यांवर पडलेल्या मोठमोठ्या खड्ड्यांच्या प्रश्नावरून मनपा प्रशासनाविरोधात नागरिकांचा संताप आता रस्त्यावर उतरला आहे. मालेगाव सार्वजनिक सुविधा समितीच्या वतीने मनपा आयुक्तांच्या विरोधात ‘ भीक मांगो ’ आंदोलनाला सुरुवात करण्यात आली आहे.शहरातील रस्त्यांची दुरुस्ती करून खड्डे बुजवावेत, यासाठी वारंवार निवेदने आणि आंदोलने करूनही मनपा प्रशासनाकडून ठोस कारवाई होत नसल्याचा आरोप आंदोलकांनी केला आहे.त्यामुळे मनपा प्रशासनाचा निषेध म्हणून आंदोलनादरम्यान भीक मागून जमा होणारी रक्कम मनपा आयुक्तांना देण्यात येणार असल्याची भूमिका आंदोलकांनी घेतली आहे.शहरातील खड्ड्यांमुळे अपघातांच्या घटनांमध्ये वाढ होत असून, नागरिकांच्या सुरक्षेचा प्रश्न गंभीर बनल्याचा आरोपही करण्यात आला आहे. रस्त्यांची तातडीने दुरुस्ती करून नागरिकांना दिलासा द्यावा, या मागणीसाठी हे आंदोलन करण्यात येत आहे.खड्ड्यांवरून मालेगाव मनपा प्रशासनाविरोधात नागरिकांचा संताप पुन्हा एकदा समोर आला आहे.
रत्नागिरी जिल्ह्यातील आडे–उटंबर खाडीतील मच्छीमारांसाठी तब्बल ५४ कोटी रुपयांचा निधी मंजूर झाला आहे. समुद्रकिनारी ग्रोइन बंधारा अर्थात किनारी संरक्षण बंधारा उभारण्याचा मार्ग मोकळा झाला असून, खाडीत वर्षानुवर्षे साचलेला गाळ काढण्यासही शासनाने हिरवा कंदील दाखवला आहे. गाळामुळे समुद्र आणि खाडीच्या मुखाशी बोटी अडकून उलटण्याचे, जलसमाधी मिळण्याचे प्रकार घडत होते आणि मच्छीमारांचे मोठे नुकसान होत होते. आता बंधारा आणि गाळ काढण्याचे काम पूर्ण झाल्यास बोटी समुद्रात लोटणे आणि मासेमारीनंतर सुरक्षितपणे किनाऱ्यावर आणणे सुलभ होणार आहे. शासनाच्या या निर्णयामुळे आडे–उटंबरच्या मच्छीमारांच्या जगण्याला नवी दिशा मिळणार आहे
वाशिमच्या मालेगाव शहरात FDA ने मोठी कारवाई करत तब्बल १८ लाख ८५ हजार १६५ रुपयांचा गुटखा आणि तंबाखूजन्य पदार्थांचा साठा जप्त केला आहे. हा मुद्देमाल मालेगाव शहरातील एका गोदामातून जप्त करण्यात आला आहे. या कारवाईत गुटखा, सुगंधित तंबाखू आणि विविध प्रकारचे तंबाखूजन्य पदार्थ मोठ्या प्रमाणात आढळून आले. एफडीएच्या पथकाने हा संपूर्ण मुद्देमाल ताब्यात घेतला असून, संबंधितांकडून गुटख्याची वाहतूक आणि तस्करी केली जात असल्याचे समोर आले आहे.
या प्रकरणी अन्न व औषध प्रशासनाच्या अधिकाऱ्यांनी मालेगाव पोलिस ठाण्यात संबंधित तस्करांविरुद्ध गुन्हा दाखल केला आहे. जप्त केलेल्या मुद्देमालाची एकूण किंमत १८ लाख ८५ हजार १६५ रुपये आहे.दरम्यान, एवढ्या मोठ्या प्रमाणात गुटखा साठा कुठून आणण्यात आला आणि तो नेमका कुठे वितरित केला जाणार होता, याचा तपास आता पोलिसांकडून सुरू आहे. या तस्करीच्या मागे आणखी कोणाचा सहभाग आहे का, याचाही शोध घेतला जात आहे. एफडीएच्या या कारवाईमुळे मालेगाव परिसरातील अवैध गुटखा विक्री आणि तस्करी करणाऱ्यांचे धाबे दणाणले आहेत.
गडचिरोलीच्या धानोरा तालुक्यातील जपतलाई आश्रमशाळेत सर्पदंशाने तीन विद्यार्थिनींचा दुर्दैवी मृत्यू झाल्यानंतर प्रशासन खडबडून जागे झाले आहे. या धक्कादायक घटनेची आता उच्चस्तरीय चौकशी होणार आहे. आदिवासी विकास आयुक्तालय नाशिक आणि नागपूरची पथके आज घटनास्थळी दाखल होऊन आश्रमशाळेची पाहणी करणार आहेत. विद्यार्थिनींच्या निवासाची व्यवस्था, सुरक्षेच्या उपाययोजना आणि व्यवस्थापनाकडून नियमांचे पालन झाले होते का, याची सखोल तपासणी केली जाणार आहे. दरम्यान, सर्पदंशानंतर उपचार घेत असलेल्या आणखी तीन विद्यार्थिनींना तातडीने अँटी व्हेनम देण्यात आले असून, त्यांच्या प्रकृतीवर डॉक्टरांचे बारकाईने लक्ष आहे. चौकशीत निष्काळजीपणा किंवा सुरक्षाव्यवस्थेत त्रुटी आढळल्यास दोषी कोणताही असो, जबाबदारी निश्चित करून कारवाई केली जाईल, असा स्पष्ट इशारा प्रशासनाने दिलाय. दरम्यान या घटनेवर सहपालकमंत्री ॲड. आशिष जयस्वाल यांनीही तीव्र दुःख व्यक्त केला असून, उपचाराधीन विद्यार्थिनींना सर्वोत्तम वैद्यकीय उपचार देण्याच्या सूचना प्रशासनाला दिल्या आहेत. मात्र आश्रमशाळेतील निष्पाप विद्यार्थिनींच्या सुरक्षेत नेमकी चूक कुठे झाली, तीन जीव गेल्यानंतर प्रशासनाला जाग का आली, असे प्रश्न आता उपस्थित होत आहेत.
पुण्यातील उरुळी कांचन पोलीस ठाण्यात हाय-व्होल्टेज ड्रामा
पैसे देवाण घेवाण वरून पोलीस ठाण्यातच महिलांनी घातला राडा
व्याजाच्या पैशावरून झाला गोंधळ
सावकाराविरोधात तक्रार देण्यासाठी आलेली महिला आणि सावकाराच्या समर्थनात आलेल्या महिलांनी चक्क पोलीस अधिकाऱ्यांसमोरच राडा घातल्याची माहिती
घेतलेल्या पैशावर मनमानी व्याज लावल्याचा तक्रारदार महिलेचा आरोप
पोलीस स्टेशन मध्ये तक्रार द्यायला गेलेल्या महिलेच्या विरोधात दुसऱ्या महिलांनी घातला गोंधळ
सावकाराने उसने घेतलेले पैसे , मनमानी आणि तिपटीने व्याज लावून परत मागितल्याचा आरोप करत महिला उरुळी कांचन पोलीस स्टेशन मध्ये संबंधित सावकाराविरोधात गुन्हा दाखल करण्यासाठी गेली होती
त्याचवेळी ज्या सावकाराने या महिलेला व्याजाने पैसे दिले होते तो सावकार देखील पोलीस स्टेशनमध्ये होता हजर
याने माझ्याकडून जास्ती व्याज घेतला असून याच्या विरोधात सावकारी गुन्हा दाखल करा महिलेने पोलीस स्टेशनमध्ये केली होती मागणी
तक्रारदार महिलेने ३ लाख १४ हजारांच्या कर्जापोटी तब्बल १० लाख ८४ हजार रुपये परत करूनही सावकारांकडून तिला आणखी पैशांसाठी धमकावले गेला असल्याच सांगत याच्या विरोधात सावकारी गुन्हा दाखल करण्याची मागणी केली होती
या सगळ्या घटनेनंतर आता तक्रारदार महिलेविरोधात आणि सावकारा विरोधात उरुळी कांचन पोलीस स्टेशन मध्ये गुन्हा दाखल करण्यात आला आहे
पिंपरी चिंचवडमध्ये अतिशय धक्कादायक घटना घडलीये. चार वर्षीय चिमुरडीवर सात कुत्र्यांनी जीवघेणा हल्ला केलाय. म्हेत्रे वस्ती येथील या हल्ल्याची दृश्य सीसीटीव्हीत कैद झालीत. ही दृश्य खूप विचलित करणारी आहेत. रविवारच्या दुपारी ती घरातून समोरच्या मोकळ्या जागेत खेळायला बाहेर पडली. पण त्याचवेळी दबा धरुन बसलेल्या कुत्र्यांच्या टोळीने तिला घेरलं. बचावासाठी ती धावली पण दोन कुत्र्यांनी चावा घेत तिचा ताबा घेतला. मग इतर पाच कुत्रे ही चावा घेण्यासाठी धावले. या कुत्र्यांनी किती अमानुषपणे या चिमुरडीवर हल्ला केलाय, हे या दृश्यातून दिसतंय. या हल्ल्यात गंभीर जखमी झालेल्या चिमुरडीवर उपचार सुरुयेत. या हल्ल्यानंतर भटक्या कुत्र्यांचा बंदोबस्त करण्याची मागणी होतेय.
ठाणे जिल्ह्याची तहान भागवणार बदलापूर जवळील बारवी धरण पूर्ण क्षमतेने भरले आहे. आज पहाटे 4 वाजता धरणाच्या 11 दरवाजांमधून पाण्याचा विसर्ग सुरू झाला. गेल्या काही दिवसांपासून पावसाने विश्रांती घेतली असली, तरी धरण क्षेत्रात आतापर्यंत 2002 मिलीमीटर इतक्या दमदार पावसाची नोंद झाली आहे. त्यामुळे धरण 100% भरून ओव्हरफ्लो झाले आहे. पहाटेपासून धरणाच्या सर्व 11 दरवाजांमधून 2500 क्यूसेक्स वेगाने पाण्याचा विसर्ग सुरू झाला आहे. बारवी धरणातून ठाणे, कल्याण-डोंबिवली, उल्हासनगर, अंबरनाथ, मिरा-भाईंदर, आणि औद्योगिक क्षेत्राला पाणी पुरवठा केला जातो. धरण पूर्ण भरल्यामुळे आता ठाणे जिल्ह्याची आगामी वर्षाची पाण्याची चिंता पूर्णपणे मिटली आहे. धरणातून पाण्याचा विसर्ग सुरू झाल्याने प्रशासनाकडून नदी काठच्या सर्व गावांना सतर्क राहण्याचे आवाहन करण्यात आले आहे.
अमरावतीच्या अर्जुननगर भागात एका थरारक घटनेने मोठी खळबळ उडाली. पोलीस दप्तरी फरार असलेला निलंबित तलाठी विपुल ठाकरे यांच्या घराच्या दिशेने अज्ञात इसमानी दोन बंदुकीच्या गोळ्या झाडल्याची घटना घडली. कुटुंबीय आतमध्ये असल्याने मोठा अनर्थ टळला. रात्री उशिरा पोलीस आयुक्त राकेश ओला यांच्यासह पोलिसांचा मोठा ताफा या ठिकाणी होता. गोळीबार करणारे आरोपी अद्याप फरार असून पोलीस त्यांचा शोध घेत आहे. मात्र अर्जुननगर परिसरात एका घराच्या दिशेने गोळीबार झाल्याची घटना उघडकीस आल्याने चांगलीच खळबळ उडाली आहे.
सायन पूल पुन्हा लांबणीवर; सप्टेंबरच्या मध्यात सुरू होण्याची शक्यता
मुंबईतील सायन रेल्वे ओव्हरब्रिजच्या पुनर्बांधणीचे काम पुन्हा लांबणीवर पडले आहे. १५ ऑगस्टपर्यंत पूल सुरू करण्याचे नियोजन होते, मात्र आता सप्टेंबरच्या मध्यात पूल वाहतुकीसाठी खुला होण्याची शक्यता आहे.
मध्य रेल्वेने पुलाच्या दोन्ही मुख्य स्टील गर्डरचे लॉन्चिंग पूर्ण केले आहे. प्रत्येक गर्डरचे वजन सुमारे ५०० टन असून, आता डेक स्लॅब, जोडरस्ते, डांबरीकरण आणि क्रॅश बॅरिअरची कामे केली जाणार आहेत.
महापालिकेच्या माहितीनुसार, उर्वरित कामांसाठी आणखी सुमारे ४५ दिवसांचा कालावधी लागणार आहे. ११० वर्षे जुना हा पूल ऑगस्ट २०२४ पासून बंद असल्याने सायन आणि पूर्व उपनगरातील वाहतुकीवर मोठा परिणाम झाला आहे.
शिवसेना शिंदे गटाच्या मुंबईतील नगरसेवकांची आज बैठक
विधानपरिषद उपसभापती सचिन अहिरांच्या अध्यक्षतेखाली बैठक
दुपारी ४ वाजता विधान भवनात बैठकीच आयोजन
सचिन अहिर यांच्यावर मुंबईतील नगरसेवकांची जबाबदारी
अहिर नगरसेवकांना कामकाज, धोरण, पक्षाच्या भूमिकेवर आज मार्गदर्शन करणार
मनसे अध्यक्ष राज ठाकरे यांच्या उपस्थितीत आज बैठकीचे आयोजन
सकाळी ११ वाजता शिवतीर्थावर बैठकीला सुरुवात होणार
मनसेत पालिका निवडणुकांमध्ये बंडखोरी केलेल्या अनिशा माजगावकर आणि राहुल चव्हाण पुन्हा पक्षात सक्रिय होणार.
मनसे अध्यक्ष राज ठाकरे यांच्याकडून दोघांनाही आज पुन्हा नवीन जबाबदारी दिली जाणार असल्याची माहिती.
पश्चिम उपनगरातील नवीन नियुक्त्या आणि पक्षात बदल करण्यात येणार.
महापालिका कंत्राटी कर्मचारी धीरज परदेशी मृत्यूप्रकरणी 5 आरोपींना 15 तारखेपर्यंत पोलीस कोठडी...
रात्री उशिरा आरोपींना अहिल्यानगरच्या जिल्हा सत्र न्यायालयात मोठ्या पोलीस बंदोबस्तात केले होते हजर..
तर आज अहिल्यानगर शहर बंदची हाक...
मुख्य आरोपीच्या अटकेपर्यंत पोलीस अधीक्षक कार्यालयात ठेवणार,आमदार संग्राम जगताप यांची आक्रमक भूमिका..
काल धीरज परदेशी यांचा मृतदेह संभाजीनगरच्या घाटी रुग्णालयात शिवविच्छेदनासाठी केला होता दाखल...
मुख्य आरोपीला अटक होईपर्यंत आंदोलन सुरूच ठेवण्याचा दिला आहे इशारा.
आश्रम शाळेतील तीन विद्यार्थिनींचा सर्पदंशाने मृत्यू
गडचिरोलीच्या धानोरा तालुक्यातील जपतलाई आश्रम शाळेतील धक्कादायक प्रकार
जपतलाई येथे अनुदानित निवासी आश्रम शाळा
रात्री विद्यार्थिनी खोलीत झोपलेले असताना सापाने दंश केल्याची प्राथमिक माहिती
मृतक तीनही विद्यार्थिनींना आणले जिल्हा सामान्य रुग्णालयात
दीड महिन्यांपासून लेकराप्रमाणे जपलेलं कपाशीचं पीक... मेहनत, खर्च आणि आशेने उभं केलेलं दोन एकरांतील पीक... मात्र, एका रात्रीत अज्ञात व्यक्तीने मुळासकट उपटून नष्ट केल्याची धक्कादायक घटना अकोला तालुक्यातील चिंचखेड शिवारात घडलीय. वढवी येथील शेतकरी पुंडलिक लसनकुटे यांचं चिंचखेड शिवारात सुमारे तीन एकर शेत आहेय. डांबरी रस्त्यालगत असलेल्या या शेतात त्यांनी 30 जून रोजी कपाशीची लागवड केली होतीय. गेल्या दीड महिन्यांपासून खुरपणी, फवारणी आणि डवरणी करत त्यांनी पिकाची काळजी घेतली. मेहनतीमुळे कपाशीचं पीक चांगलंच बहरलं होतंय.
मात्र 7 ऑगस्टच्या रात्री अज्ञात व्यक्तीने शेतात प्रवेश केला आणि तब्बल दोन एकर क्षेत्रातील हजारो कपाशीची रोपे मुळासकट उपटून नष्ट केलीये. एवढंच नाही, तर उपटलेली रोपे शेतातच एका ठिकाणी एकत्र करून टाकण्यात आलीय. सकाळी शेतात गेल्यानंतर हा प्रकार समोर आला आणि शेतकरी पुंडलिक लसनकुटे यांना मोठा धक्का बसलाय. उभं पीक डोळ्यादेखत उद्ध्वस्त झाल्याने शेतकऱ्याचं मोठं आर्थिक नुकसान झालं आहेय.
माणगावमध्ये इको कार थेट दुकानात घुसल्याचा धक्कादायक प्रकार समोर आला आहे. माणगाव शहरातील कचेरी रोडवरील वंदन सोसायटी परिसरात रिव्हर्स गिअरमध्ये असलेली इको कार अचानक सुरू झाली आणि थेट एका दुकानात घुसली. १५ ते १६ वर्षांच्या मुलाकडून चुकून कार सुरू झाल्याची प्राथमिक माहिती आहे. सुदैवाने या घटनेत जीवितहानी टळली; मात्र दुकानाचे मोठे नुकसान झाले आहे. या थरारक घटनेचा संपूर्ण प्रकार सीसीटीव्हीत कैद झाला आहे.
गुरुवारी पहाटे ज्या विश्वकर्मा कुटुंबाच्या घरात दोन हत्या झाल्या त्याच घराला आज पहाटे भीषण आग लागून हे घर खाक झाले. गुरुवारी शुल्लक कारणावरून सुनील विश्वकर्मा त्यांचा मुलगा श्लोक विश्वकर्मा यांची त्यांच्या दोन भावानी याच घरात हत्या केली. पोलिसांनी चौकशीसाठी हे घर सील केले होते. मात्र आज पहाटे पाच वाजताच्या दरम्यान या घराला भीषण आग लागली. त्यात गॅस सिलेंडरचा स्फोट ही झाला. घटनास्थळी अग्निशमन दल, पोलीस दाखल झाले. परंतु आगीत हे पूर्ण घर खाक झाले. मात्र, हा योगायोग आहे की घातपात याचा शोध आता पोलीस घेत आहेत.
तळकोकणात पावसाची संततधार सुरु आहे. जिल्ह्यातील दोडामार्ग, सावंतवाडी, कुडाळ, कणकवली, वैभववाडी तालुक्यात पावसाची संततधार सुरू आहे. जिल्ह्यात आतापर्यंत १६०८ मी.मी. पावसाची नोंद झाली आहे. मात्र गेल्या वर्षीच्या तुलनेत ३० टक्के तूट आहे. सिंधुदुर्ग जिल्ह्यातील शेतकऱ्यांनी भात शेतीची लागवड पूर्ण केली आहे. तिलारी धरण ८३.१२ टक्के भरले असून धरणातून तिलारी नदीत पाण्याचा विसर्ग सुरू आहे. जिल्ह्यातील १५ छोटी मोठी धरणे तुडुंब भरली असून सांडव्यावरून पाणी वाहत आहे. तर जिल्ह्यातील एकूण धरणांमध्ये ८१ टक्के पाणीसाठा झाला आहे.
अहिल्यानगर महानगरपालिकेचा कंत्राटी कर्मचारी धीरज परदेशी यांच्या मृत्यूनंतर अहिल्यानगर शहरात तणावपूर्ण शांतता पाहायला मिळते आहे...धीरज परदेशी हा तीन दिवसांपूर्वी शहरातील मुकुंदनगर परिसरात विद्युत वितरण विभागाचे काम करण्यासाठी गेला असता त्याला जमावाने मारहाण केली...काल दुपारी त्याचा उपचारादरम्यान मृत्यू झाला, त्यानंतर हिंदुत्ववादी कार्यकर्ते प्रचंड आक्रमक झाले असून हिंदुत्ववादी संघटनांच्या वतीने आज अहिल्यानगर शहरात बंदची हाक देण्यात आली आहे...सकाळच्या टप्प्यात या बंदला प्रतिसाद मिळताना दिसतो आहे.
गोसेखुर्द धरणाच्या पाणलोट क्षेत्रात सातत्यानं पाऊस पडत असल्यानं धरणाचा जलसाठा नियंत्रित ठेवण्यासाठी धरण प्रशासनानं पाण्याचा विसर्ग मध्यरात्री वाढविला आहे. काल सायंकाळी धरणाच्या ११ दरवाज्यांमधून ४९ हजार ४०५ क्युसेक पाण्याचा विसर्ग करण्यात येत होता. त्यात आणखी ४ दरवाजे अर्धा मीटरनं उघडण्यात आले आहे. १५ हजार ८५६ क्युसेक पाण्याचा विसर्ग वाढविण्यात आला आहे. सध्या धरणाचे १५ गेट अर्धा मीटरनं उघडले असून त्यातून ६२ हजार २६१ क्युसेक पाण्याचा प्रति सेकंद वेगानं पाण्याचा विसर्ग करण्यात येत आहे. नदी काठावरील नागरिकांनी स्वतःची काळजी घ्यावी आणि सतर्क रहावं, असं आवाहन धरण प्रशासनानं केलं आहे.
- मुख्यपृष्ठ
- बातम्या
- राजकारण
- Maharashtra Live News Updates: सर्पदंश झालेल्या विद्यार्थिनींच्या मृत्यूची होणार उच्चस्तरीय चौकशी, नाशिक आणि नागपूरची पथके आश्रमशाळेची पाहणी करणार