Maharashtra Live Blog Updates: तब्बल 20 वर्षानी शिवतीर्थावर संयुक्त शिवगर्जना; राज्यातील सर्व घडामोडी, एका क्लिकवर...
Maharashtra Live Blog Updates: राज्यातील आणि देश-विदेशातील ताज्या घडामोडी आणि बातम्यांचे लाईव्ह अपडेटस् जाणून घेण्यासाठी क्लिक करा...
पार्श्वभूमी
Maharashtra Live Blog Updates: महायुतीचा मुंबईकरांसाठीचा जाहीरनामा प्रसिद्ध होणार आहे. आज सकाळी 11 वाजता वांद्र्यातील एमसीएमध्ये हा जाहीरनामा प्रसिद्ध होणार आहे. मुख्यमंत्री देेवेंद्र फडणवीस आणि उमुख्यमंत्री एकनाथ शिंदेंच्या उपस्थिती हा...More
कुठला ही परिवार एकत्र येत असेल तर मला आनंद आहे
राज ठाकरे यांनी मला क्रेडिट दिलं त्यांचं मी आभार मानतो, त्यांचा मला आशीर्वाद मिळेल
भाऊ बहीण एकत्र आले तर ते धन्यवाद मला देणार का १५ तारखेनंतर कळेल
पुण्यातून जेवढी उडणारे विमान आहेत ते मोफत देऊ महिलांना, घोषणा करायला आपल्या बापाचं काय जातं
जिंकून येणार नसेल तर काही ही जाहीरनामा करतात किमान विश्वास बसेल असं तरी सांगा
Aaditya Thackeray: आदित्य ठाकरेंनी आपल्या भाषणात लाव रें तो फोटो म्हणत राज ठाकरेंची स्टाईल मारली, यावेळी राज ठाकरे माझे काका आहेत, थोडी लिबर्टी घेतो असेही ते म्हणाले. कोस्टल रोडचे भूमिपूजनचे फोटो तुम्हाला दाखवतो... देवेंद्र फडणवीस कुठे आहेत... आता फडणवीस तुम्हाला 3000 हजार रुपये देतो... लगेच देतो... दाखवा तुमचे फोटो कुठे आहेत? असे चॅलेंजच आदित्य यांनी फडणवीसांना दिले. तर, भाजपच्या अण्णामलाईला सांगतो... स्वतः तुमचा मतदार संघ बघा, तुमचं डिपॉझिट जप्त झालं आहे, आम्हाला सांगू नका मुंबई काय आहे? अशा शब्दात पलटवार केला.
मुख्यमंत्री देवेंद्र फडणवीसांसाठी आज उपमुख्यमंत्री अजित पवारांचा ताफा पंधरा मिनिटं रोखण्यात आला. पिंपरी चिंचवड पोलिसांच्या ढिसाळ कारभाराचा फटका अजित दादांना ही बसला. पोलीस आयुक्त विनयकुमार चौबे यांचं दुर्लक्ष झालं का? की त्यांनी फक्त मुख्यमंत्र्यांच्या दौऱ्याकडेचं लक्ष दिलं? असा प्रश्न यानिमित्ताने उपस्थित करण्यात आलाय. दुसरीकडे मुख्यमंत्री ही रोड शो वेळी पिंपरी चिंचवड पोलिसांवर संतापल्याचं पहायला मिळालं. मतदारांना रोखून धरण्यासाठी मुख्यमंत्र्यांच्या रथाला दोरीचा वेढा लावण्यात आला होता. हे पाहून मुख्यमंत्र्यांनी पोलिसांवर चिडल्याचं पहायला मिळालं. अशातच रोड शो वेळी आगीची घटना ही घडली. फटाक्यांच्या आतिषबाजीमुळं ही आग लागल्याचं दिसून आलं. इतके फटाके फुटत असताना पोलीस आयुक्त चौबे यांचं याकडे ही दुर्लक्ष झालं. याप्रकरणी ते पोलीस आयुक्त कारवाई करण्याचं धाडस करणार का? याकडे सर्वांचं लक्ष लागून आहे.
Pune News : राज्यात महापालिका निवडणुकांच्या प्रचाराचा धुरळा उडाला असून आज सर्वच राजकीय पक्षाच्या प्रमुख नेत्यांच्या जाहीर सभा होत आहेत. मुख्यमंत्री देवेंद्र फडणवीस (Devendra Fadanvis) यांनी नाशिकच्या गोदावरी काठावर सभा घेतल्यानंतर पुण्यात (Pune) रोड शोसाठी दाखल झाले आहेत. दुसरीकडे मुंबईत ठाकरे बंधूंची एकत्र जाहीर सभा होत आहे. त्यामुळे, मुंबईसह महाराष्ट्राचे लक्ष मुंबईकडे लागले असतानाचा पुण्यात देवेंद्र फडणवीस यांच्या स्वागतासाठी उडवण्यात आलेल्या फटाक्यांमुळे आगीची घटना घडली. भोसरीत मुख्यमंत्र्यांचा रोड शो सुरु असताना ही आगीची (Fire) घटना घडली, येथील एका इमारतीवर रोड- शो दरम्यान फटाके वाजवताना आग लागली होती. संपूर्ण बातमी वाचण्यासाठी इथे क्लिक करा
भिवंडी तालुका पोलीस ठाण्याच्या हद्दीतील खार्डी गाव खाडीलगत झाडाझुडपामध्ये विजय काशिनाथ तागडी हा गावठी दारू उत्पादन करण्याच्या हेतूने दारूची हातभट्टी लावून गावठी दारूची निर्मिती करत आहे अशी खात्रीशीर मिळालेल्या माहितीनुसार पोलिसांनी सापळा बसला असता खाडी पलीकडे गावठी हातभट्टी असल्याचे दिसून आले सदर ठिकाणी जाण्यासाठी कोणताही मार्ग नसल्याने खाडीमध्ये पोहत सदर ठिकाणी पोचून छापा टाकला असता पोलिसांची चाहूल लागतात विजय तांगडी आजूबाजूच्या झाडाझुडपात आडोसा घेऊन पळून गेला असून घटनास्थळी पोलिसांनी चार लाख बत्तीस हजार सातशे रुपये किमतीचा मुद्देमाल जप्त केला असून यामध्ये 46 निळ्या रंगाचे ड्रम मध्ये 9,200 नवसागर मिश्रित गुळाचा वॉच 11 ड्रम मध्ये प्रत्येकी 35 लिटर तयार गावठी हातभट्टी दारू मिळून आली असून या विरोधात कलम बी एन एस एफ 173 च्या अंतर्गत महाराष्ट्र दारूबंदी अधिनियम 1949 65b, 65c 65f गुन्हा दाखल करण्यात आला आहे.
डोंबिवलीत धक्कादायक प्रकार
प्रचारादरम्यान पैसे वाटप
डोंबिवली तुकाराम नगर परिसरातील दशरथ भुवन परिसरात भाजपच्या तीन हजार रुपयाची पाकीट नागरिकांच्या घरी
शिवसेनेचे उमेदवार नितीन पाटील आणि त्यांच्या कार्यकर्त्यांनी पैसे वाटणाऱ्याना रंगेहाथ हात पकडले
निवडणूक आयोगाचे पथक व पोलीस घटनास्थळी दाखल
परभणी महानगरपालिकेतील MIM च्या उमेदवारांच्या प्रचारार्थ आज MIM चे प्रमुख असदोद्दीन ओवेसी यांची जाहीर सभा पार पडली यावेळी ओवेसी यांनी MIM ही भाजपची बी टीम असल्याचा प्रचार काँग्रेस करत असल्याने अनेक उदाहरण देवून ओवेसीनी काँग्रेसवर जोरदार शरसंधान साधले आहे एवढेच नाही तर राज्यातील दोन्ही राष्ट्रवादी दोन्ही शिवसेना भाजप,काँग्रेस आणि काही अपक्षांचा ही जोरदार समाचार घेतला.
शहरातील दर्गाह रोडवरील मैदानावर ओवेसींची सभा पार पडली या सभेला मोठ्या संख्येने मुस्लिम तरुण तरुणी तसेच मुस्लिम समाज बांधव सहभागी झाला होता..यावेळी बोलताना ओवेसींनी मोदी ३ वेळा काय मुस्लिम समुदायामुळे पंतप्रधान झाले का ? असा सवाल काँग्रेसला विचारलाय.तुम्हाला त्यांना हरवता येत नाही आणि माझे नाव घेवून ओरडता ओरडा..बिहार मध्ये केवळ ५ जागा मागितल्या त्या दिल्या नाहीत आणि यांनी ६० जागा लढवून ५ जागा जिंकल्या बाकीच्या जागेवर कोण जिंकले सांगा कांग्रेस वाल्यांनो ? तुम्ही केलेल्या अन्यायाचा पाढा मी नेहरू पासून ते मनमोहन सिंग पर्यंत द्यायला तयार आहे मला दोन मिनिटे द्या तुम्हाला चुल्लुभर पाण्यात जीव द्यावा लागेल…आमच्या बरबादीची दास्तान हे लोक लिहितात आणि सांगतात आम्ही सेक्युलर आहोत…नथुराम गोडसे हा टुई होता इथे नाही बोलता येत त्यालाही कपडे पाहण्याचा नाद होता त्याच्याच ह्या औलादी आहेत त्यांचेच विचार हे लोक घेवून आलेत असेही ओवेसी म्हणाले आहेत…
शिवसेना राष्ट्रवादी काँग्रेस युतीच्या जाहीरनामा प्रकाशित होत आहे
नाशिक महापालिका निवडणुकीसाठी शिंदेंची शिवसेना आणि अजित पवारांच्या राष्ट्रवादी काँग्रेस चा जाहीरनामा प्रकाशित होणार आहे
पत्रकार परिषदेत जाहीरनामा प्रकाशित होईल
मंत्री, नरहरी झिरवाल माजी खासदार समीर भुजबळ, हेमंत गोडसे याच्या उपस्थितीत जाहीरनामा प्रकाशित होत आहे
अँकर : अकोल्यात आज प्रचाराचा 'सुपर संडे' आहेय. या प्रचाराच्या 'सुपर संडे'ला अकोल्यात सर्वाधिक उत्कंठावर्धक आणि हाय व्होल्टेज लढत असलेल्या प्रभाग क्रमांक 5 मध्ये भाजपने आज पदयात्रा करीत वातावरण निर्मिती करण्याचा प्रयत्न केलाय. या प्रभागात भाजपचे माजी महापौर विजय अग्रवाल आणि भाजपाचे महानगराध्यक्ष जयंत मसने उमेदवार आहेत. जयंत मसने हे 5 अ मधून उमेदवार आहेत. तर विजय अग्रवाल 5 ड मध्ये भाजपचे उमेदवार आहेत. विजय अग्रवाल हे सातव्या टर्मसाठी रिंगणात आहेत. आज सकाळपासूनच अग्रवाल आणि मसने यांनी प्रभागातील अनेक भागांत पदयात्रा केल्यात. यावेळी भाजप 80 पैकी 60 पेक्षा अधिक जागा जिंकण्याचा विश्वास व्यक्त केलाय. या दोघांनीही संवाद साधलाय प्रतिनिधी उमेश अलोणे यांनी....
टिकटॅक : विजय अग्रवाल आणि जयंत मसने, भाजप उमेदवार, प्रभाग 5, अकोला.
Anchor.महानगरपालिका निवडणुकीसाठी 15 जानेवारी रोजी मतदान प्रक्रिया पार पडणार असून, त्यासाठी प्रशासनाकडून सर्व तयारी अंतिम टप्प्यात आली आहे. मतदान केंद्रांवर लागणारे साहित्य, ईव्हीएम मशिन्स यांची सखोल तपासणी करून ती संबंधित केंद्रांवर पाठवण्याची प्रक्रिया सुरू आहे.
पुणे शहरात एकूण 35 लाख 52 हजार मतदार आहेत. यामध्ये 18 लाख 32 हजार पुरुष मतदार, 17 लाख 19 हजार महिला मतदार, तर 488 तृतीयपंथी मतदारांचा समावेश आहे.
पुणे महानगरपालिकेच्या निवडणुकीसाठी शहरात एकूण 4,001 मतदान केंद्रे उभारण्यात येणार आहेत. या निवडणूक प्रक्रियेच्या यशस्वी अंमलबजावणीसाठी सुमारे 35 हजार अधिकारी व कर्मचारी नियुक्त करण्यात आले आहेत.
यासंदर्भात बातचीत केली आहे पुणे महानगरपालिका अतिरिक्त आयुक्त यांच्याशी TT..
नाशिक : शिंदेंच्या शिवसेनेच्या उमेदवारासाठी आमदार हिरामण खोसकर आणि माजी आमदार जयंत जाधव हे मैदानात उतरले असून शिंदे शिवसेना आणि राष्ट्रवादीच्या उमेदवारांसाठी प्रचार सुरू आहे. काल एकनाथ शिंदे आणि सुनील तटकरे यांच्या झालेल्या सभेनंतर नाशिकमध्ये परिवर्तन होईल अशा पद्धतीची अपेक्षा आमदार हिरामण खोसकर यांच्याकडून व्यक्त करण्यात आली आहे.
नाशिकच्या प्रभाग क्रमांक 8 मध्ये शिवसेना उमेदवार विलास शिंदे यांनी विरोधकांवर जादूटोणा केल्याचा संशय व्यक्त केला आहे. आनंदवली परिसरात त्यांच्या कार्यकर्त्यांच्या घरासमोर गुलाल, हळद-कुंकू आणि तांदूळ टाकण्यात आल्याचा आरोप करण्यात आला आहे. प्रचारादरम्यान अनेक ठिकाणी हळद-कुंकू लावलेले तांदूळ आढळून आल्याचे कार्यकर्त्यांचे म्हणणे आहे. आम्हाला निवडणुकीत हरवण्यासाठीच हा प्रकार करण्यात आल्याचा आरोप करत या प्रकरणी पोलिसांकडे तक्रार करणार असल्याचे शिंदे यांनी सांगितले.
पुण्यात भाजपच्या महिला उमेदवार ऐश्वर्या पठारे यांनी खास महिलांसाठीचा जाहीरनामा प्रकाशित केला आहे. प्रभाग क्रमांक 2 मधून निवडणूक लढवणाऱ्या ऐश्वर्या पठारे यांनी महिलांची सुरक्षा, स्वयंरोजगार आणि सुरक्षित व स्वाभिमानी जीवन यावर भर देणारा विशेष जाहीरनामा जाहीर केला. भाजप–राष्ट्रवादीत जाहीरनाम्यांवरून आरोप-प्रत्यारोप सुरू असतानाच पुण्यात महिलांसाठी स्वतंत्र जाहीरनामा सादर झाल्याने राजकीय वर्तुळात त्याची जोरदार चर्चा सुरू आहे.
नवी मुंबईत आमदार रोहित पवार यांच्या नेतृत्वाखाली बाईक रॅली काढण्यात आली. या रॅलीच्या माध्यमातून नागरिकांना महाविकास आघाडीला मतदान करण्याचे आवाहन करण्यात आले. यावेळी रोहित पवार यांनी सत्ताधाऱ्यांवर जोरदार टीका केली. नवी मुंबईत सत्ताधारी गणेश नाईक आणि उपमुख्यमंत्री एकनाथ शिंदे यांच्यात अंतर्गत वाद सुरू असून “नळावरची भांडणे” चालू असल्याचा आरोप त्यांनी केला. सत्ताधाऱ्यांनीच महापालिका लुटल्याने जनता त्रस्त झाली असून, हीच जनता येत्या निवडणुकीत महाविकास आघाडीला मतदान करेल, असा विश्वास त्यांनी यावेळी व्यक्त केला .
मुख्यमंत्री देवेंद्र फडणवीस यांची आज नाशिकमध्ये जाहीर सभा होणार आहे. नाशिकच्या गोदाकाठावर दुपारी चार वाजता ही सभा आयोजित करण्यात आली आहे. ठाकरे बंधू आणि उपमुख्यमंत्री एकनाथ शिंदे यांच्या सभेनंतर मुख्यमंत्री फडणवीस नाशिककरांना काय संदेश देतात, याकडे राजकीय वर्तुळाचे लक्ष लागले आहे. दरम्यान, फडणवीसांच्या सभेआधीच भाजपने कारवाई करत प्रभाग क्रमांक २६ मधून भाजपच्या चिन्हावर निवडणूक लढवणाऱ्या अलका अहिरे यांच्यावर कारवाई केली आहे. अहिरे दाम्पत्याची पक्षातून हकालपट्टी करण्यात आली आहे. एबी फॉर्म वाटपात झालेल्या गोंधळानंतर पवार आणि अहिरे यांना एबी फॉर्म मिळाला होता. मात्र माघार घेण्याच्या सूचना देत पक्षाने पुष्पावती अहिरे यांना अधिकृत उमेदवारी दिली होती.
मुख्यमंत्री सौरकृषी वाहिनी योजना २.० अंतर्गत गंभीर आर्थिक फसवणुकीचा प्रकार उघडकीस आला आहे.
तक्रारीनुसार, २०२४ ते जानेवारी २०२६ दरम्यान मे. ओम यश सी.जे.आर. लामाट विया प्रोजेक्ट्स प्रा. लि. या कंपनीचे संचालक भावेशकुमार अश्विनभाई पटेल, हितेशभाई आणि हिरेनकुमार लावजीभाई कनानी यांनी संगनमताने ९९ कोटी ५० लाख रुपयांची बनावट बँक गॅरंटी तयार केल्याचा आरोप आहे.
आरोपींनी स्टेट बँक ऑफ इंडिया, जुनागड शाखा (गुजरात) यांच्या नावाची बनावट बँक गॅरंटी तयार करून त्यावर एसबीआयचा बनावट ई-मेल वापरल्याचे तपासात समोर आले आहे.
ही बनावट बँक गॅरंटी महाराष्ट्र राज्य वीज वितरण कंपनी लिमिटेड (महावितरण), मुंबई येथील नवीकरणीय ऊर्जा विभागाकडे सादर करण्यात आली.
याप्रकरणी महावितरणच्या नवीकरणीय ऊर्जा विभागातील सहाय्यक महाव्यवस्थापक राहुल पन्हाळे यांनी सादर केलेली बँक गॅरंटी खरी असल्याचे भासवून संबंधित कंपनीला काम मिळवून देण्यास मदत केल्याचा आरोप आहे.
बँक गॅरंटी बनावट असल्याची माहिती असूनही ती खरी असल्याचे जाणीवपूर्वक दाखवून वैयक्तिक आर्थिक फायद्यासाठी हा प्रकार केल्याचे तक्रारीत नमूद करण्यात आले आहे.
या बनावट बँक गॅरंटीच्या आधारे मुख्यमंत्री सौरकृषी वाहिनी योजना २.० अंतर्गत प्रकल्पासाठी वीज खरेदी करार (पीपीए) प्राप्त करण्यात आला.
परिणामी, महावितरणला संबंधित बँक गॅरंटी इनव्होक करता आली नाही. या प्रकारामुळे महावितरण तसेच शासनाची सुमारे ९९.५० कोटी रुपयांची फसवणूक झाल्याचा आरोप करण्यात आला आहे
या प्रकरणी महावितरणचे कर्मचारी यांनी दिलेल्या तक्रारीनंतर निर्मलनगर पोलिस ठाण्यात हितेशभाई राविया, हिरेनकुमार कनानी, राहुल पन्हाळे, भावेशकुमार पटेल यांच्यावर गुन्हा नोंद करण्यात आला आहे.
पुणे शहरातील ७०६ गुन्हेगारांवर प्रतिबंधात्मक कारवाई
गुन्हेगारी पार्श्वभूमी असलेल्या तब्बल ७०६ गुन्हेगारांवर भारतीय नागरिक सुरक्षा संहिता कलम १६३ (२) अंतर्गत प्रतिबंधात्मक कारवाई
आगामी महानगरपालिका निवडणुकीच्या अनुषंगाने शहरातील कायदा व सुव्यवस्था अबाधित राखण्याच्या पार्श्वभूमीवर ही कारवाई
परिमंडळ दोन अंतर्गत येणाऱ्या विविध पोलिस ठाण्यांच्या गुन्हे अभिलेखांचा आढावा घेऊन ही कारवाई
खून, खुनाचा प्रयत्न, गंभीर दुखापत, मारहाण, शिवीगाळ, धमकी, बेकायदेशीर अग्निशस्त्र व घरफोडी, जबरी चोरी, दहशत माजवणे तसेच सार्वजनिक शांततेला धोका निर्माण करणाऱ्या विविध गंभीर गुन्ह्यांमध्ये सहभागी असलेल्या आरोपींचा यामध्ये समावेश
बारावीचे हॉल तिकीट उद्यापासून मिळणार
महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी मार्च 2026 मध्ये घेण्यात येणाऱ्या परीक्षांचे हॉल तिकीट उद्यापासून होणार उपलब्ध
इयत्ता बारावीच्या परीक्षेला बसणाऱ्या विद्यार्थ्यांची हॉल तिकिटे ऑनलाईन पद्धतीने मिळणार
संबंधित शाळा व ज्युनिअर कॉलेज यांनी हॉल तिकिटांचे प्रिंट आऊट काढून विद्यार्थ्यांना वितरित करावी, राज्य मंडळाची सूचना
पुण्यातील प्रभाग ११ मध्ये भाजपच्या उमेदवारांसाठी पदयात्रेचे आयोजन केले होतं. यावेळी राज्याचे उच्च व तंत्र शिक्षण मंत्री चंद्रकांत पाटील यांनी सुद्धा या पदयात्रेत सहभागी घेतला होता. पदयात्रा संपल्यानंतर चंद्रकांत पाटील यांनी जनतेले संबोधण्यासाठी कुठला ही स्टेज न वापरत थेट गाडीच्या टपावर चढून भाषण केलं. याचे अनेक व्हिडिओ आता सोशल मीडियावर व्हायरल झाले आहेत. पुण्यात प्रभाग क्रमांक ११ चे उमेदवार अजय मारणे, अभिजीत राऊत, मनीषा बुटाला, शर्मिला शिंदे यांच्या प्रचारार्थ कोथरुड भागात पदयात्रेचे आयोजन करण्यात आले होते.
पिंपरी चिंचवड परिसरातून एक अत्यंत हृदयद्रावक घटना समोर आली आहे. रस्त्याचे सपाटीकरणाचे काम सुरू असताना रोड रोलरखाली चिरडून एका सहाय्यक अभियंत्याचा जागीच मृत्यू झाला. अपघाताची ही घटना सीसीटीव्ही कॅमेऱ्यात कैद झाली आहे. सीसीटीव्ही फुटेजनुसार रोड रोलरच्या मागे उभा असलेला सहाय्यक अभियंता मोबाईल फोनवर काहीतरी पाहत असतानाच अचानक रोलरने रिव्हर्स घेतला आणि अभियंता थेट चाकाखाली आल्याने त्याचा जागीच मृत्यू झाला. या घटनेने परिसरात हळहळ व्यक्त केली जात आहे.
भंडारा: विविध प्रकारच्या गुन्ह्यात आरोपी असलेल्या दोघांनी गावात दहशत वाजविण्याचा प्रयत्न करून एका दांपत्याचे दागिने बळजबरीनं हिसकावून मारहाण करीत त्यांच्या अंगावर पेट्रोल ओतून जीवे मारण्याचा प्रयत्न केला. ही घटना भंडारा जिल्ह्यातील लाखनी पोलिस ठाण्याच्या हद्दीतील पोहरा गावात घडली. धम्मराज मेश्राम (32) आणि भीमराज मेश्राम (29) असं आरोपींचं नावं आहे. दोन्ही आरोपी हे सख्खे भाऊ आहेत. हे दोघेही नुकतेच कारागृहातून बाहेर आले असून त्यांनी पुन्हा एकदा या माध्यमातून दहशत पसरविण्याचा प्रयत्न ग्रामीण भागात केला आहे. विरांगणा आणि त्यांचे पती विलास मेश्राम असं दांपत्याच नाव आहे ज्यांना मारहाण शिवीगाळ करून दागिणे हिसकावून त्यांच्या अंगावर पेट्रोल टाकून जाळण्याचा प्रयत्न करण्यात आला. याप्रकरणी लाखनी पोलिसांनी दोघांनाही अटक केली आहे.
मुंबईसाठी महायुतीचा जाहीरनामा
महायुतीच्या जाहीरनाम्यात महिला आणि युवकांसह पायाभुत सुविधांवर फोकस
राज्य सरकारच्या धर्तीवर लाडक्या बहिणींना आत्मनिर्भर बनविण्यासाठी ५ लाखांच्या बिनव्याजी कर्जाची तरतूद
युटिलिटी कॉरिडॉरसह मुंबईत सुरू असलेले सिमेंट काँक्रीटचे सर्व रस्ते पूर्ण करण्यावरही भर
मुंबईला प्रदुषणापासून वाचविण्यासाठी तब्बल १७ हजार कोटींचा निधी तसेच पर्यावरण प्राधिकरणाच्या स्थापनेचाही उल्लेख
भ्रष्टाचाराचा आरोप होणाऱ्या पालिकेच्या कारभारात पारदर्शकता आणण्यासाठी एआय आणि डिजिटल प्लॅटफॉर्मचा वापर केला जाणार
तर तरुण उद्योजक आणि स्टार्टअपसाठी होणार इनोव्हेशन हबची घोषणा
लाडकी बहीण योजनेचा डिसेंबर–जानेवारीचा हप्ता मतदानानंतरच जमा करावा, अशी मागणी काँग्रेसने पत्राद्वारे निवडणूक आयोगाकडे केली आहे. १५ तारखेला मतदान होणार असताना १४ तारखेला हप्ता जमा करण्यास काँग्रेसने विरोध दर्शवला आहे. नोव्हेंबरचा हप्ता डिसेंबरच्या शेवटच्या आठवड्यात देण्यात आल्याचा दावा काँग्रेसने केला आहे. या तक्रारीवर विचार करू, असे उत्तर निवडणूक आयोगाने दिले असून, या मागणीमुळे योजनेच्या हप्त्यावरून राजकीय वाद पेटण्याची शक्यता आहे.
बीड : लोकनेते गोपीनाथ मुंडे ऊसतोड कामगार महामंडळाचे मुख्य कार्यालय बीडच्या परळी येथे कार्यान्वित करण्यात आले होते. परंतु नव्या वर्षात सामाजिक न्याय विभागाने हे कार्यालय संभाजीनगर येथे हलवले आहे. त्या ठिकाणी कर्मचाऱ्यांची देखील नियुक्ती करण्यात आली असून प्रशासकीय कारणास्तव हा निर्णय घेतल्याची समोर आले आहे. प्रशासनाची व अधिकारी कर्मचाऱ्यांची या स्थलांतरामुळे सोय होणार असली तरी बीड जिल्ह्यात असलेल्या लाखो ऊसतोड मजूर कामगारांना मात्र एखाद्या योजनेचा लाभ मिळवण्यासाठी आता संभाजीनगरपर्यंत पाठपुरावा करावा लागणार आहे. यामुळे नाराजी व्यक्त केली जात असून बीडसह शेजारच्या जिल्ह्यांना बीड हे मध्यवर्ती ठिकाण असल्याने याच ठिकाणी हे कार्यालय सुरू करावे, अशी देखील मागणी केली जात आहे.
बीड : परळीमध्ये ज्योतिर्लिंग वैद्यनाथाच्या दर्शनासाठी इतर राज्यांमधील भाविक येतच असतात. मात्र आता विदेशी नागरिक देखील येथे दर्शनासाठी दाखल होत आहेत. रशियाच्या नागरिकांनी वैद्यनाथाचे दर्शन घेतलेय. या रशियन भाविकांनी नुसते दर्शनच नाही घेतले तर त्यांनी वैद्यनाथाचे तीर्थ देखील त्यांनी मनोभावे घेतल्याचे दिसून आलेय. यानंतर त्यांनी हातात माळा घेत तासभर गाभाऱ्यामध्ये शिवनामाचा जप देखील केल्याचे दिसून आले आहे. नववर्षाला दहा दिवस उलटून गेले असले तरी आता देशभरातल्याच नाही तर देशाबाहेरील नागरिक सुद्धा पाचवी ज्योतिर्लिंग असलेल्या वैद्यनाथाच्या दर्शनासाठी येत असल्याचं पाहायला मिळाला आहे.
चंद्रपूर महानगरपालिकेच्या निवडणुकीत मोठी राजकीय घडामोड घडली आहे. दिग्गज काँग्रेस नेते व माजी खासदार नरेश पुगलिया यांनी पहिल्यांदाच सोशल मीडियावरून राष्ट्रवादी काँग्रेस (अजित पवार गट) च्या ‘घड्याळ’ चिन्हावरील ४० उमेदवारांना निवडून देण्याचे उघड आवाहन केले आहे. गेल्या आठ वर्षांत मनपात झालेल्या कथित बजबजपुरीला कंटाळून हा निर्णय घेतल्याचे पुगलिया यांनी म्हटले आहे. राज्यात काँग्रेस व अजित पवार गटात कुठेही युती नसताना, माजी काँग्रेस खासदाराच्या या खेळीमुळे चंद्रपूरसह राज्यातील काँग्रेस नेतृत्वाची डोकेदुखी वाढली आहे.
महापालिका निवडणुकांचा प्रचार आता अंतिम टप्प्यात आलाय.. आज प्रचाराचा शेवटचा रविवार आहे..
१
आज ठाकरे बंधूंची तोफ मुंबईत धडाडणार आहे.. आजच्या सभेत ठाकरे बंधू काय बोलणार याकडे लक्ष लागलंय.
२
तर मुख्यमंत्री देवेंद्र फडणवीसांची आज नाशिकमध्ये सभा पार पडणार आहे.. पिंपरी चिंचवडमध्ये रोड शो आणि सायंकाळी पुण्यात मुलाखत पार पडणार आहे..
३
उपमुख्यंत्री एकनाथ शिंदेंची आज त्यांच्या ठाण्यात प्रचार रॅली आहे
तर उपमुख्यमंत्री अजित पवारांची आज
पिंपरी चिंचवडमध्ये सभा होणार आहे
- मुख्यपृष्ठ
- बातम्या
- राजकारण
- Maharashtra Live Blog Updates: तब्बल 20 वर्षानी शिवतीर्थावर संयुक्त शिवगर्जना; राज्यातील सर्व घडामोडी, एका क्लिकवर...