Maharashtra Live Blog Updates: उद्धव ठाकरे आणि राज ठाकरे यांची आज अखेर पहिली संयुक्त सभा
Maharashtra Live Blog Updates: राज्यातील आणि देश-विदेशातील ताज्या घडामोडी आणि बातम्यांचे लाईव्ह अपडेटस् जाणून घेण्यासाठी क्लिक करा...
पार्श्वभूमी
Maharashtra Live Blog Updates: महापालिका निवडणुकांच्या पार्श्वभूमीवर उद्धव ठाकरे आणि राज ठाकरे यांची आज अखेर पहिली सभा होणार आहे. नाशिकमध्ये दोन्ही नेत्यांची आज पहिली संयुक्त सभा होणार आहे. खासदार संजय...More
पुण्याचा महापौर शिवसेना आमच्या शिवाय बसू शकणार नाही..
युती झाली नाही तरी देखील आम्ही 120 गुण अधिक उमेदवार रिंगणात उतरवले आणि तेही पूर्ण ताकतीने..
आमची एमआयएम बरोबर कुठलीही युती झालेली नाही. आणि ते आम्हाला मान्य नाही..
उद्धव ठाकरे काय म्हणतात ते सोडा आम्ही गौमातेला राज्यमातेचा दर्जा दिलाय..
पुण्यात सुद्धा भगवाच फडकणार पुणे महानगरपालिकेवर आम्हाला विश्वास आहे
नवी दिल्ली: महाराणी ताराराणी यांच्या ३५० व्या जयंतीनिमित्त सरहद, पुणे यांच्या वतीने देशभर विविध उपक्रम राबविण्यात येत असून सरहदच्या वतीने केंद्रीय दुरसंचार मंत्री मा. ज्योतीरादित्य शिंदे यांच्याकडे महाराणींच्या नावे टपाल तिकिट जाहीर करण्याबद्दल मागणी करण्यात आली होती. सरहदच्या विनंतीला मान देऊन भारताच्या गौरवशाली इतिहासातील एक तेजस्वी आणि प्रेरणादायी व्यक्तिमत्त्व असलेल्या महाराणी ताराराणी यांच्या स्मृतीप्रित्यर्थ ज्योतिरादित्य शिंदे यांच्या पुढाकाराने आणि महाराष्ट्र सरकारच्या अनुमोदनाने केंद्र सरकारने त्यांच्या नावे टपाल तिकिट काढण्याचा निर्णय घेतला आहेः (पोस्टेज स्टॅम्प केल्याचा निर्णय स्वराज्याच्या रक्षणासाठी आणि विस्तारासाठी अतुलनीय पराक्रम गाजविणाऱ्या महाराणी ताराराणी यांच्या कार्याला राष्ट्रीय पातळीवर मान्यता देणारा आहे.
आज सकाळी सात साडे सातच्या सुमारास घोडबंदर मार्गावरील गायमुख घाट या परिसरात तब्बल सात ते दहा वाहनांचा भीषण अपघात झाला ही माहिती राष्ट्रवादी शरद पवार पक्षाच्या उमेदवारार्थी ॲड.आरती खळे- गावकर यांना मिळतात तात्काळ त्या प्रचार सोडत अपघातग्रस्तांच्या मदतीकरिता धावून गेल्या आहेत.. यावेळी आरती यांनी सांगितले की रुग्णांना उपचाराकरिता जो काही खर्च लागेल तो सर्व पक्षाकडून दिला जाईल यामुळे रुग्णांना मोठा दिलासा मिळाला आहे
वसई : वसई–विरार शहर महानगरपालिका निवडणुकीच्या पार्श्वभूमीवर ईव्हीएम मशिनबाबत गंभीर आरोप समोर आले आहेत. ईव्हीएममध्ये उमेदवारांचे नाव व चिन्ह दर्शवणाऱ्या कागदावर (बॅलेट युनिट/प्रिंट स्लिप) काही विशिष्ट पक्षांची चिन्हे ठळकपणे दिसत असून इतर पक्षांची चिन्हे फिकी (डल) दिसत असल्याचा आरोप विविध पक्षांच्या उमेदवारांनी केला आहे. विशेषतः ‘कमळ’ आणि ‘धनुष्यबाण’ ही चिन्हे गडद दिसत असताना उर्वरित पक्षांची चिन्हे अस्पष्ट असल्याचे उमेदवारांचे म्हणणे आहे.
भाजप कार्यकर्त्यांकडून "50 खोके,एकदम ओके"च्या घोषणा
भाजपच्या कार्यकर्त्यांनी दिल्या शिंदेंच्या शिवसेनेनला बघून दिल्या ५० खोके एकदम ओके
मुंबई महापालिकेच्या वॉर्ड क्रमांक १७३ मधे प्रचार सध्या जोरात सुरू आहे... या ठिकाणी शिंदे शिवसेना विरुद्ध भाजप असा सामना रंगला आहे शिल्पा केळुसकर या भाजपकडून उमेदवार आहेत तर पूजा कांबळे या शिंदे यांच्या शिवसेनेकडून
या वॉर्ड मधे भाजप विरुद्ध शिंदेची शिवसेना असा सामना रंगला आहे आणि वॉर्ड मधे भाजपकडून शिल्पा केळुसकर या उमेदवार आहेत आणि त्यांच्याकडून ५० खोके एकदम ओके असा प्रचार करत आहेत
ठाण्यातील घोडबंदर गायमुख घाटावर भीषण अपघात
दहा ते बारा गाड्यांमध्ये समोरा समोर झाली टक्कर
विरुद्ध दिशेने गाड्या जात असल्याने झाला अपघात...गाड्यांचे मोठे नुकसान
ठाण्यातील घोडबंदर रोडवरील गायमुख घाटात झाला भीषण अपघात
सकाळी ७ ते ७:३० सुमारास घडली घटना
यामुळे घोडबंदर रोडवर मोठी वाहतूक कोंडी
या अपघातात चार ते पाच जण गंभीर जखमी तर ईतर काही जण किरकोळ जखमी... खाजगी रुग्णालयात उपचार सुरू..
मुंबईचा अंधेरी पूर्व विधानसभा मतदारसंघात राष्ट्रवादी शरद पवार गटाला मोठा धक्का
राष्ट्रवादी शरद पवार गटाचे प्रदेश सचिव शिवनाथ खैरनार आणि मुंबई सचिव अशोक देसाई करणार आज भाजपात पक्षप्रवेश
शिवसेना शिंदे गटाचे आमदार मुरजी पटेल यांच्या नेतृत्वाखाली अंधेरीत ऑपरेशन लोटाच्या अंतर्गत वेगवेगळ्या पक्षाचे पदाधिकारी आणि कार्यकर्ता आज भाजप मध्ये करणार पक्षप्रवेश
संध्याकाळी सव्वा सात वाजता अंधेरी पूर्वेत शेरे पंजाब ग्राउंड मध्ये महायुतीचा उमेदवारांच्या प्रचारासाठी मुख्यमंत्री देवेंद्र फडणवीस यांचा सभा आहे
याच सभे मध्ये राष्ट्रवादीचे मोठे पदाधिकारी आणि शेकडो कार्यकर्त्यांचा मुख्यमंत्री देवेंद्र फडणवीस यांच्या हस्ते भाजप मध्ये पक्षप्रवेश होणार आहे...
यापूर्वी मुरजी पटेल कडून अंधेरी मनसेला मोठा धक्का देऊन मनसेचे पदाधिकारी आणि कार्यकर्ते केलेत शिवसेना शिंदे गटात पक्षप्रवेश...
भाजपकडून बंडखोर 28 कार्यकर्त्यांवर निलंबनाची कारवाई
माजी उपमहापौर, 4 माजी नगरसेवकांसह 28 जणांवर कारवाई करण्यात आलीय
सोलापूर महापालिका निवडणुकीत बंडखोरी करणे पदाधिकाऱ्यांना भोवले
पक्षाच्या अधिकृत उमेदवारांविरोधात लढणाऱ्यांवर पक्षाकडून कडक कारवाई
शहराध्यक्ष रोहिणीताई तडवळकर यांची माहिती
पक्षशिस्त भंग केल्याचा ठपका तसेच अपक्ष व इतर पक्षांच्या चिन्हावर उमेदवारी घेतल्याने निलंबन
भाजपचे 102 अधिकृत उमेदवार जाहीर करण्यात आले होते
त्यानंतर बंडखोरी आणि पक्षविरोधी भूमिका सहन केली जाणार नसल्याचा ईशारा बंडखोरांना देण्यात आला होता
मात्र अनेक पदाधिकाऱ्यांनी बंडखोरी कायम ठेवल्याने अखेर त्यांच्यावर कारवाई करण्यात आलीय
सांगली मिरज कुपवाड महापालिकेच्या प्रचारार्थ उपमुख्यमंत्री अजित पवार यांची मिरजेत काही वेळात सभा पार पडणार आहे. अजित पवार यांचे मिरजेमध्ये आगमन झाले असून उद्योजक शरद जाधव यांच्या निवासस्थानी अजित पवार सर्व नगरसेवकांची एक बैठक घेत आहेत.या बैठकीनंतर अजित पवार सभेला रवाना होतील. अजित पवार यांनी मिरजेमध्ये मोठ्या संख्येने माजी नगरसेवक पक्षात घेत या ठिकाणचे बहुतांश उमेदवार निवडून आणण्याचा निर्धार केल्यामुळे काही दिवसापूर्वी झालेल्या पक्षप्रवेशानंतर लगेचच आज एक प्रचार सभा मिरजेत घेतल्याचे दिसून येतेय. दुसरीकडे अजित पवार यांच्या राष्ट्रवादीचे प्रभाग क्रमांक 6 मधील सर्वसाधारण गटातील उमेदवार आझम काझी याच्यावर हद्दपारीची कारवाई करण्यात आल्याने अजित पवार या सभेत काय बोलणार याकडे लक्ष असणार आहे
“बटोगे ते फसोगे” नागपूर महानगरपालिका निवडणूकीत भाजपची नवी घोषणा...
- ‘बटोगे तो कटोंगे’ नाऱ्यानंतर नागपूर मनपा निवडणुकीत भाजप नेते परिणय फुके यांनी दिला “बटोगे ते फसोगे” चा नारा
- काल मुख्यमंत्री देवेंद्र फडणवीस यांच्या नागपूरातील सभेत परिणय फुके यांनी दिला “बटोगे ते फसोगे”चा नारा दिला...
- फुके यांनी आपल्या भाषणात सांगितले की, समाज, पक्ष आणि विकासाच्या दृष्टीने एकत्र राहिलो तरच आपली ताकद टिकून राहते
- फूट पाडणाऱ्या शक्तींच्या भूलथापांना बळी पडलो, तर आपलेच नुकसान होईल. त्यामुळे कोणाच्याही खोट्या आश्वासनांना, अफवांना किंवा दिशाभूल करणाऱ्या प्रचाराला बळी न पडण्याचं आवाहन त्यांनी केले..
सरकारी नोकरी लावतो, असे आमिष दाखवून तरुणांची सुमारे ४१ लाख रुपयांची फसवणूक झाल्याचा खळबळजनक प्रकार उघडकीस आला आहे. संबंधिताने गरजू ८ तरुणांना गंडा घातला. त्याने चारचाकी, दुचाकी व मोबाईलही घेतल्याचं पुढे आले आहे.. याबाबत पेणमधील एकावर चिपळूण पोलीस ठाण्यात गुन्हा दाखल करण्यात आला आहे.. महेश भास्कर म्हात्रे असं त्याचं नाव आहे..
बार्शीत अवैध गर्भलिंग निदान आणि गर्भपात करणारा बोगस डॉक्टर अटकेत; पोर्टेबल सोनोग्राफी मशीनसह कार जप्त.
बार्शी तालुक्यातील जामगाव गावाजवळ आलिशान कारमधून गर्भलिंग निदान आणि बेकायदेशीर गर्भपात सुरू असल्याचा प्रकार उघडकीस
अजित सुरेश मस्तूद असे अटकेत घेतलेल्या बोगस डॉक्टरचे नाव.
बार्शीतील जामगाव जवळील पडीक शेतात आरोपी बोगस डॉक्टर कार मध्ये अवैध गर्भापात करत असल्याची माहिती प्रशासनाला मिळाली
त्यानुसार पोलीस आणि आरोग्य विभागाच्या अधिकाऱ्यांनी एकत्रितपणे ही कारवाई केली
आरोपीकडून पोर्टेबल सोनोग्राफी मशीन, गर्भपातासाठी वापरल्या जाणाऱ्या मिफेप्रिस्टोन आणि मिसोप्रोस्टोलच्या 144 सीलबंद गोळ्या, 51 रिकामी पाकिटे, रक्त लागलेले क्युरेटेज साहित्य, इंजेक्शन, सलाईन बाटल्या, ग्लोव्हजसह इतर वैद्यकीय साहित्य जप्त करण्यात आलं आहे
आरोपीविरोधात गर्भधारणा पूर्व आणि प्रसवपूर्व रोगनिदान तंत्र अधिनियम 1994 अंतर्गत कलम 3(अ), 18 व 23 अन्वये गुन्हा दाखल करण्यात आलंय
तसेच या आधी आरोपीने किती जणांचे अवैध गर्भलिंग निदान आणि गर्भपात केलेत याचा तपास सध्या पोलिसांकडून घेतला जातोय
बारामती तालुक्यातील वडगाव निंबाळकर पोलिसांनी शेतकऱ्यांच्या शेळ्या आणि बोकड चोरणाऱ्या टोळीचा पर्दाफाश केला. या टोळीकडून पोलिसांनी तब्बल 12 लाख 95 हजार 850 रुपये किमतीचा मुद्देमाल ताब्यात घेतलाय. या टोळीकडून लहान-मोठ्या अशा 32 शेळ्या आणि बोकड पोलिसांनी जप्त करून चोरी झालेल्या शेतकऱ्यांना वाटप केले.. याप्रकरणी वडगाव निंबाळकर पोलिसांनी सातारा जिल्ह्यातील शिरवळ येथून अशोक बाबुराव जाधव याला अटक केली असून अन्य दोन आरोपी फरार आहेत. अशोक बाबुराव जाधव यांच्यावर वडगाव निंबाळकर लोणंद आणि हडपसर पोलीस ठाण्यात विविध गुन्हे देखील दाखल आहेत.पोलिसांनी ताब्यात घेतलेल्या पिक अप गाडी मधून 2 तलवारी, 3 कोयते, 1 लोखंडी रॉड, 1 स्क्रू ड्रायव्हर, 1 तार कटर, 1 चाकू, 1 लाकडी काठी, 1 प्लॅस्टीक पाईप आदी साहित्य जप्त केले आहे. सदर टोळी कडून आणखीन मोठे गुन्हे उघड होण्याची शक्यता वडगाव निंबाळकर पोलिसांनी व्यक्त केली आहे.
बीडच्या परळी मध्ये नगरपरिषद निवडणुकीनंतर नवीन समीकरण पाहायला भेटले आहे एमआयएम सोबत अजित पवार गट आणि शिंदे सेनेने गटनेता निवडीत युती केली आहे. नगरपरिषद निवडणुकीत राष्ट्रवादी काँग्रेस पार्टी व मित्र पक्षाच्या गटात मंत्री पंकजा मुंडे माजी मंत्री धनंजय मुंडे यांच्यावर आक्षेपारी आरोप करत निवडून आलेल्या एमआयएमच्या सदस्याचा समावेश करण्यात आलाय यामुळे याची चर्चा होऊ लागली आहे.
परळी नगरपरिषद निवड जिल्हाधिकारी बीड यांच्या उपस्थितीत करण्यात आली. यामध्ये राष्ट्रवादी काँग्रेस पार्टी व मित्र पक्षाच्या गटनेतेपदी नगरसेवक तथा राष्ट्रवादीचे तालुकाध्यक्ष वैजनाथ सोळंके यांची निवड करण्यात आली या गटात राष्ट्रवादी काँग्रेस अजित पवार गट, मित्रपक्ष, अपक्ष अशा 24 जणांचा समावेश आहे या मित्र पक्षांमध्ये एमआयएमच्या नगरसेविका शेख आयशा मोहसीन यांचा समावेश असून उर्वरित सदस्यांमध्ये अपक्ष, राष्ट्रवादी काँग्रेस अजित पवार गट, आणि शिंदे सेना यांच्या नगरसेवकांचा समावेश आहे.
ठाकरे बंधूंच्या शिवाजी पार्कवर होणाऱ्या संयुक्त सभेची तय्यारी अंतिम टप्प्यात
रविवारी ११ तारखेला शिवाजी पार्कवर ठाकरे बंधूंची तोफ धडाडणार
मराठी भाषेच्या मुद्द्यावर आणि मुंबई वाचवण्यासाठी एकत्र आल्यानंतर ठाकरे बंधूंची मुंबईतील पहिली संयुक्त सभा
राज-उद्धव या सभेत मराठी माणसाला कशी साद घालतात याकडे समस्त महाराष्ट्राच्या लक्ष
नागपूर - रायपूर या राष्ट्रीय महामार्गावर भंडारा शहरानजीक 14 किलोमीटर लांबीचा 735 कोटी रुपये खर्चून बायपास महामार्ग तयार करण्यात आला. बायपास महामार्गावरील वैनगंगा नदीच्या कोरंबी पुलावर काही भागातील एक्सपान्शन जॉइंट्स आणि लोखंडी सळख निखळल्यानं काही भागात पुलावर भगदाड पडले आहे. या महामार्गावरून वाहनांची 24 तास मोठी वर्दळ असते. त्यामुळं मोठी दुर्घटना होण्याची शक्यता नाकारता येत नाही. केंद्रीय मंत्री नितीन गडकरी यांच्या हस्ते या बायपास महामार्गाचे जुलै महिन्यात लोकार्पण करण्यात आलं होतं. तत्पूर्वी, पुलाचं निकृष्ट दर्जाचं काम करण्यात आल्यानं उद्घाटनापूर्वीच या पुलाच्या कडा कोसळल्याची घटना घडली होती, तेव्हापासूनच या पुलाच्या निर्मितीबाबत आरोप करण्यात येत होते.
ठाकरे बंधूंच्या शिवाजी पार्कवर होणाऱ्या संयुक्त सभेची तय्यारी अंतिम टप्प्यात
रविवारी ११ तारखेला शिवाजी पार्कवर ठाकरे बंधूंची तोफ धडाडणार
मराठी भाषेच्या मुद्द्यावर आणि मुंबई वाचवण्यासाठी एकत्र आल्यानंतर ठाकरे बंधूंची मुंबईतील पहिली संयुक्त सभा
राज-उद्धव या सभेत मराठी माणसाला कशी साद घालतात याकडे समस्त महाराष्ट्राच्या लक्ष
मुंबई भाजपकडून बंडखोरी करणाऱ्यांचं निलंबन
मुंबई महापालिकेत अपक्ष उमेदवारी करत बंडखोरी केलेल्यांचे निलंबन
मुंबई भाजपकडून २६ जणांचे ६ वर्षांसाठी निलंबन
महापालिका निवडणुकीत पक्षविरोधी कारवाई केल्याचा ठपका ठेवत निलंबन
पक्षातील वरिष्ठ नेत्यांच्या निर्देशानुसार कारवाई झाल्याची सूत्रांची माहिती
माजी नगरसेविका आसावरी पाटील, नेहल शहा, जान्हवी राणे यांचे निलंबन
सोबतच, दिव्या ढोले, जयमुरगन नाडार, शोभा साळगावकर यांच्यावर देखील पक्षविरोधी कारवाया केल्याने निलंबनाची कुऱ्हाड
CSMT परिसरात 6 जानेवारी 2025 रोजी झालेल्या सोन्याचे दागिने घेऊन जाणाऱ्या व्यक्तीवर गोळीबार करून त्याला लुटले होते.
या प्रकरणातील फरार मुख्य आरोपी कैलास मथुरा सूर्यवंशी (54) याला एमआरए मार्ग पोलिसांनी नेरळ (जि. रायगड) येथून अटक केली आहे. तब्बल एक वर्ष तो पोलिसांना गुंगारा देत होता.
या प्रकरणात BNS, आर्म्स अॅक्ट, मुंबई पोलीस कायदा तसेच मकोका अंतर्गत गंभीर गुन्हे दाखल आहेत. दरोड्यावेळी अंगडिया व्यापाऱ्याचे कर्मचारी ₹47 लाख रोख रक्कम घेऊन जात असताना चौघांनी हल्ला केला होता. झटापटीत गोळीबार होऊन एका तरुणाला दुखापत झाली होती.
यापूर्वी जानेवारी 2025 मध्ये दोन आरोपींना अटक करण्यात आली होती, तर फेब्रुवारीत मास्टरमाइंड जावेद शेख याला दिल्लीहून अटक झाली होती. सूर्यवंशी वारंवार ठिकाणे बदलत असल्याने फरार होता. मिळालेल्या गुप्त माहितीनंतर नेरळ रेल्वे स्थानक परिसरात सापळा रचून त्याला अटक करण्यात आली.
पुढील तपास सुरू आहे.
माजी मंत्री तानाजी सावंत यांच्या एका वक्तव्याने नवा वाद निर्माण झाला आहे. तानाजी सावंताविरोधात तुळजापुरातील पुजारी आक्रमक झालेत. तानाजी सावंत यांच्या विरोधात गुन्हा दाखल करत कायदेशीर कारवाई करावी. अशी मागणी पुजाऱ्यांनी केली. त्याबाबत जिल्हाधिकारी तथा मंदिर संस्थानचे अध्यक्ष कीर्ती किरण पुजार यांना निवेदन दिले. दोन दिवसांपूर्वी जिल्हापरिषद निवडणुकीच्या अनुषंगाने घेतलेल्या मेळाव्यानंतर तानाजी सावंत यांनी तुळजापूरात ड्रग्ज प्रकरणातील आरोपी नगराध्यक्ष म्हणून निवडून दिला, आता मातेचा प्रसादा देण्याऐवजी येणाऱ्या भक्तांना ड्रग्जची एक पुडी दिली जाईल अस वक्तव्य केलं होतं. त्यावरूनच पुजारी आक्रमक झालेत. तसेच जाहीर सभेत तानाजी सावंतांनी तुळजाभवानी देवीच्या गाभाऱ्याच्या पवित्रतेवरही संशय निर्माण केला म्हणत पुजाऱ्यांनी तानाजी सावंतांविरोधात गुन्हा दाखल करत कायदेशीर कारवाई करण्याची मागणी केली आहे. तसेच तानाजी सावंत यांनी चूक मान्य करत जाहीर माफी मागावी अशीही मागणी करण्यात आली.
- मुख्यपृष्ठ
- बातम्या
- राजकारण
- Maharashtra Live Blog Updates: उद्धव ठाकरे आणि राज ठाकरे यांची आज अखेर पहिली संयुक्त सभा