Maharashtra Budget Session 2026: विमान डाव्या नव्हे उजव्या बाजूला झुकलं; रोहित पवारांकडून व्हिडीओ दाखवून DGCA च्या अहवालाची चिरफाड
Maharashtra Budget Session 2026: विधानसभेत आज सत्ताधारी आणि विरोधी पक्षाचा 293 च्या प्रस्तावावरती चर्चा होणार आहे.
पार्श्वभूमी
Maharashtra Budget Session 2026: विधानसभेत आज सत्ताधारी आणि विरोधी पक्षाचा 293 च्या प्रस्तावावरती चर्चा होणार आहे. विरोधी पक्षाकडून 293 च्या प्रस्तावावर चर्चा करत असताना दावोस दौऱ्यादरम्यान झालेल्या करारासंदर्भात आज आदित्य...More
मेहकर - खामखेड मार्गावरील औद्योगिक क्षेत्र परिसरात आज सकाळी एका 32 वर्षीय युवकाचा मृतदेह आढळला. राहुल बाजड असं मृतकाची ओळख असून तो तालुक्यातील बेळगाव येथील रहिवासी आहे. काल होळीनिमित्त राहुल व त्याची इतर चार मित्र पार्टी करण्यासाठी गेले होते. मात्र राहुलचा आज सकाळी मृतदेह आढळल्याने परिसरात खळबळ उडाली आहे. दरम्यान प्रेम प्रकरणातून राहुलची हत्या करण्यात आल्याचा आरोप मृतकाच्या नातेवाईकांनी केला आहे. पोलिसांनी मृतदेह शव विच्छेदनासाठी पाठवला असून पुढील चौकशी मेहकर पोलीस करत आहे. यामुळे मात्र मेहकर परिसरात खळबळ उडाली आहे.
बीडच्या गेवराई तालुक्यातील शिरसदेवी येथील विद्यार्थ्यांना एका पत्र्याच्या शेडमध्ये परीक्षा देण्याची वेळ आली आहे. केवळ एवढेच नाही तर या परीक्षा केंद्रावर सर्रासपणे कॉपी पुरविण्याचा व्हिडिओ देखील समोर आला आहे. तर या ठिकाणचे सीसीटीव्ही कॅमेरे देखील बंद असल्याचे आढळून आले. दहावी आणि बारावीच्या परीक्षेत शिक्षण विभागाने केलेल्या नियोजनाचा ढिसाळ कारभार समोर येतो आहे. या परीक्षा केंद्राची शिक्षण विभागाने पडताळणी केली नव्हती का? असा देखील सवाल उपस्थित केला जातो आहे. आज दहावीचा हिंदीचा पेपर असून हा सर्व प्रकार आजच्या दिवशी समोर आला आहे.
ज्या अल्पवयीन मुलीवर चोरीचा आरोप लावण्यात आला, त्या अल्पवयीन मुलींनं पोलीस चौकशी दरम्यानचं घरी विषप्राशन करून आत्महत्या केल्याची खळबळजनक घटना भंडाऱ्याच्या लाखांदुरात घडली. लाखांदूरच्या चिचोली गावातील एका किराणा व्यवसायिकान त्याच्या दुकानातून २५ हजार रुपयाची चोरी झाल्याची तक्रार लाखांदूर पोलिसात केली होती. दुकानदारानेच संशय व्यक्त केल्यावरून पोलिसांनी १७ वर्षीय अल्पवयीन तरुणीला ताब्यात घेऊन २ मार्चला तिची दिवसभर चौकशी केली. मात्र, या चौकशी दरम्यान पोलिसांनी जबरदस्त मारहाण केल्याचा आरोप करीत मुलींनं विषप्राशन करून आत्महत्या केल्याचा आरोप तरुणीच्या आई-वडिलांनी पोलिसांवर लावला आहे. याप्रकरणी भंडारा जिल्हा पोलीस अधीक्षक नुरुल हसन यांनी....२७ फेब्रुवारीला लाखांदुरात दाखल झालेल्या तक्रारीनंतर अल्पवयीन मुलीला चौकशीसाठी ताब्यात घेतलं...चौकशी सुरू असताना तिनं आत्महत्या केली. याप्रकरणी आता पोलिसांनी मर्ग दाखल केला आहे आणि अधिक तपास करीत असल्याचं सांगितलं. दरम्यान, मुलीच्या नातेवाईकाकडून चोरी झालेली पंचवीस हजार रुपयांची रक्कम ताब्यात घेण्यात आल्याची माहिती नुरुल हसन यांनी दिलीय.
ठाकरे बंधूंमध्ये पुन्हा एकदा वितुष्ठता,
राज ठाकरे यांनी एकनाथ शिंदेंची भेट घेतल्याने उद्धव ठाकरेंचा अबोला,
स्वीकृत नगरसेवक आणि प्रभाग समिती निवडणुकीवबाबत शिवतीर्थावरून एक पाऊल पुढे टाकत मातोश्रीवर विचारणा झाली
मात्र मातोश्रीवरून कोणतेच उत्तर आले नाही, उलट स्वीकृत नगरसेवक परस्पर जाहीर करण्यात आले यात मनसेला विश्वासात घेण्यात आले नाही
मात्र प्रभाग समिती निवडणुकीसाठी उद्धव ठाकरेंकडून राज ठाकरेंना विचारणा
अश्या वेळी राज ठाकरे यांनी तठस्थ भूमिका घेतल्याने उद्धव ठाकरे यांना प्रभाग समिती निवडणुकीत बसणार फटका
मनसे प्रमुख राज ठाकरेंकडून पक्षाच्या २० व्या वर्धापनदिनाबाबत कार्यकर्ते पदाधिका-यांना सूचना
वर्धापन कार्यक्रमाकरता पदाधिका-यांच्या १०० टक्के उपस्थितीसाठी प्रयत्न
वर्धापन दिन कार्यक्रमाकरता सर्व पदाधिकारी, नगरसेवक यांना रायगड येथे उपस्थित राहण्याचे आदेश
वर्धापन दिनाच्या दिवशी इतरत्र कुठेही जाण्याचे नियोजन करु नका - राज ठाकरेंच्या सूचना
VSR कंपनी इतकी बेजबाबदार आहे, त्याचा अनुभव 2023 मध्ये एकनाथ शिंदेंना आला. 16 ते 20 जानेवारी 2023 दरम्यान तत्कालीन मुख्यमंत्री एकनाथ शिंदे यांचा दावोसला प्रवास झाला होता. मुंबईहून उड्डाण केल्यानंतर पहिल्यांदा इंधन भरण्यासाठी बहरीन येथे थांबले. बहारीन वरून ते झुरिच येथे जायला निघाले. त्यावेळी इराणच्या फायटर जेटने आम्ही विमान पाडू असं सांगितल होतं. यात एकनाथ शिंदे बसले होते. त्यानंतर इराकच्या हद्दीत गेल्यावर देखील इराकने विमान पडू असं सांगितलं होतं. एवढे निष्काळजी हे VSR चे लोक आहेत
महाविकास आघाडीमध्ये शरद पवारांना मिळणारी उमेदवारी भाजपसाठी अनुकूल, भाजप शरद पवारांच्या उमेदवारीसाठी पडद्यामागून आग्रही??
- शरद पवारांना महाविकास आघाडीकडून उमेदवारी मिळाल्यास महाविकास आघाडीमध्ये पक्षांच्या काही नेत्यांमध्ये नाराजी उफाळू शकते आणि आघाडीमध्ये बिघाडी होऊ शकते
- शरद पवारांना उमेदवारी दिल्यास ठाकरेंच्या शिवसेनेचे महाविकास आघाडी मध्ये संख्याबळ जास्त असताना सुद्धा उमेदवारी पासून दूर ठेवण्यास भाजपला यश मिळेल
- काँग्रेसला राज्यसभेत विरोधी पक्षनेते पदासाठी राज्यसभेची उमेदवारी आवश्यक असताना शरद पवारांना उमेदवारी दिल्यास काँग्रेसला यामुळे फटका बसू शकतो, हे भाजपला राज्यसभेसाठी महत्त्वाचा असेल
- विलीनीकरणाची चर्चा राष्ट्रवादी काँग्रेसच्या दोन्ही पक्षांची सुरू असताना शरद पवारांना उमेदवारी दिल्यानंतर सुद्धा संभ्रम कायम राहू शकतो आणि हे महायुतीसाठी फायद्याचा ठरू शकतो
- महाविकास आघाडी कडून शरद पवारांना उमेदवारी न दिल्यास महायुतीकडून सुद्धा सातवा उमेदवार दिला जाऊ शकतो... त्यामुळे उमेदवारी महायुतीने सुद्धा जाहीर करण्यासंदर्भात वेट अँड वॉच ची भूमिका ठेवली आहे
राज्यसभेसाठी भाजपकडून चार नव्या चेहऱ्यांना संधी
नव्या चेहऱ्यांमध्ये एका महिलेचा देखील सहभाग
रामदास आठवले यांना देखील उमेदवारी मिळण्याची शक्यता कमीच, सूत्रांची माहिती
आज राज्यसभेसाठी भाजप उमेदवारांची यादी जाहीर होणार
एबीपी माझाचा इम्पॅक्ट विद्यार्थ्यांना मिळणार शुद्ध पिण्याचे पाणी
नंदुरबार जिल्ह्यातील तोरणमाळ इंटरनॅशनल शाळा संदर्भात जिल्हाधिकाऱ्यांनी दखल घेतली.....
विद्यार्थ्यांना पिण्याच्या पाण्याची सोय नसल्याची बातमी टीव्ही९णे दाखवल्यानंतर जिल्हाधिकाऱ्यांनी देखील दखल घेतली.....
शाळेत पाण्याची फिल्टर लावण्यात आले असून मी स्वतः तोरणमाळच्या शाळेवर लक्ष देणार आहे.....
दोषींवर कारणे दाखवा नोटीस बजावण्याचे आदेश देण्यात आलेले होते..
जळगाव जिल्ह्यातील नशिराबाद येथे महामार्गावरील एका हॉटेलला अचानक आग लागल्याची घटना घडली असून शॉर्ट सर्किट मुळे आग लागल्याचा प्राथमिक अंदाज वर्तवण्यात येत आहे. दरम्यान आग लागल्याचे लक्षात येताच हॉटेलमधील कर्मचाऱ्यांनी पाच ते सहा सिलेंडर बाहेर काढल्याने मोठा अनर्थ टळला असून घटनेची माहिती मिळताच नशिराबाद व जळगाव येथील अग्निशमन दलाच्या बंबांनी घटनास्थळी दाखल होत आगीवर नियंत्रण मिळवले. दरम्यान या घटनेत कोणालाही दुखापत झाली नसली तरी हॉटेल चे मात्र मोठे आर्थिक नुकसान झाले आहे.
परभणीतील पेट्रोल पंपावर गर्दी कायम
गर्दीमुळे अनेक ठिकाणी पंपावरचे इंधन संपले
युद्धामुळे पेट्रोल डिझेल मिळणार नाही दरही वाढतील अशा अफवांचे पेव
अमेरिका इजराइल आणि इराण मध्ये सुरू असलेल्या युद्धामुळे कुठेतरी इंधन पुरवठ्यावर परिणाम होऊन पेट्रोल डिझेल मिळणार नाही तसेच दरही वाढण्याची शक्यता असल्याच्या अफवांना मराठवाड्यातील विविध शहरांमध्ये मोठ्या प्रमाणावर पेव आले आहे आणि काल रात्रीपासून पेट्रोल पंपांवर नागरिकांनी पेट्रोल आणि डिझेल भरण्यासाठी मोठी गर्दी केल्याचे चित्र पाहायला मिळत आहे सकाळी ही गर्दी काहीशी कमी झाली असली तरी नागरिकांच्या रांगा मात्र कायम आहेत
गडचिरोली : मित्रांसोबत आंघोळीसाठी वैनगंगा नदीवर गेलेल्या आरमोरी येथील एका युवा अभियंत्याचा पाण्यात बुडून मृत्यू झाला. शुभम नामदेव रामटेके (25 वर्ष) असे त्याचे नाव आहे. भंगारच्या छोट्या व्यवसायातून कष्ट करून वडिलांनी एकुलता एक मुलगा असलेल्या शुभमला अभियंता केले होते. दोन महिन्यांपूर्वीच तो एका कंपनीत नोकरीला लागला असताना ही दुर्दैवी घटना घडल्याने हळहळ व्यक्त होत आहे. शुभम हा रंगपंचमीच्या दिवशी वैनगंगा नदीवर मित्रांसोबत आंघोळ करण्यासाठी गेला होता. पाण्याचा अंदाज न आल्याने तो खोल पाण्यात गटांगळ्या खात बुडाला. मित्रांनी त्याला वाचवण्याचे प्रयत्न केले, पण त्यात यश आले नाही. मासेमाऱ्यांच्या मदतीने त्याचा शोध घेतल्यानंतर त्याचा मृतदेह हाती लागला.
डाॅलरच्या तुलनेत रुपया ५५ पैशांनी कोसळला
पहिल्यांदाच रुपया डाॅलरच्या तुलनेत ९२ च्या पार
डाॅलरच्या तुलनेत रुपया ९२.०३ वर उघडला
अखाती देशातील युद्धाचे भारतीय अर्थव्यवस्थेवर परिणाम जाणवण्यास सुरुवात
कच्च्या तेलाच्या किंमतीत वाढ झाल्याने देखील रुपया घसरला
सोबतच, परकीय गुंतवणूकदारांकडून देखील हात आखडता घेतल्याने रुपया कमकुवत
मनसेची आज 11 वाजता महत्वाची बैठक
राज ठाकरे यांच्या शिवतीर्थ या निवासस्थानी होणार बैठक
मुंबईतील महत्वाचे पदाधिकारी राहणार उपस्थित
मनसेच्या वर्धापन दिनानिमित्त बैठकीचं आयोजन
9 मार्च रोजी मनसेचा वर्धापन दिवस
नव्या वर्षात प्रवेश करताना मनसेकडून सदस्य नोंदणी
पक्षाच्या अनेक नव्या उपक्रमांवर होणार चर्चा
मागील 17 वर्षापासून सुरू असलेल्या पेण तालुक्यातील बाळगंगा धरण प्रकल्पाचे काम 80 टक्के पूर्ण झाले असून उर्वरित काम सुरू करण्याआधी आमच्या प्रलंबित मागण्या पूर्ण करा या साठी स्थानिक प्रकल्पग्रस्त मागील पाच दिवसांपासून उपोषणाला बसले आहेत. दुसरीकडे या प्रकल्पा आमचा कोरा झालेला सातबारा मूळ मालकांच्या नावे परत मिळावा” या प्रमुख मागणीसाठी उपोषणकर्ते पेण च्या प्रांत कार्यालयासमोर बेमुदत उपोषणास बसले आहेत. शासनाने लवकरात लवकर आमच्या मागण्या पूर्ण कराव्यात अन्यथा तीव्र आंदोलन करण्यात येईल असा इशारा उपोषणकर्त्यांनी शासनाला दिल आहे.
आखाती देशातील युद्धामुळे सांगली जिल्ह्यातून द्राक्षनिर्यात ठप्प झाली आहे. यामुळे द्राक्षांनी कोल्ड स्टोरेज फुल झाली असल्याचे चित्र दिसून येतंय.या युद्धजन्य परिस्थितीमध्ये जर द्राक्ष निर्यात करायची असेल अधिकचा कर द्यावा लागेल असं सांगण्यात येत असल्याचे द्राक्ष निर्यातदार सांगत आहेत. यामुळे द्राक्ष बागायतरांच्या बरोबर द्राक्ष निर्यातदार देखील मोठ्या संकटात सापडला आहे. कॉल स्टोरेज मध्ये द्राक्ष वाढू लागल्याने पर्यायाने कंटेनर कुलिंगचा खर्च वाढणार आहे आणि तो या व्यापाऱ्यांनाच सोसावा लागणार आहे.
यवतमाळच्या वणी येथे होळीच्या धुळवडीच्या दिवशी शहरात पारंपरिक गुद्दलपेंडी खेळाचा थरार अनुभवायला मिळाला. दोरीच्या (नाड्याच्या) दोन्ही बाजूंना उभे असलेले स्पर्धक, ढोल-ताशांचा गजर आणि प्रेक्षकांचा जल्लोष यामुळे वातावरण भारावून गेले होते. प्राचीन रंगनाथ स्वामी मंदिरासमोरील यात्रा मैदानावर हा खेळ खेळला गेला. मैदानात सुमारे तीस ते चाळीस फुटांवर दोन खांब गाडून त्यामध्ये दोरी बांधण्यात येते. अंधार पडताच खेळाला सुरुवात झाली. खेळाची पद्धतही आगळीवेगळी आहे. एक हाताने नाडा पकडून दुसऱ्या हाताने प्रतिस्पर्ध्यावर ठोसे मारले जातात. नाडा सोडला किंवा स्पर्श तुटला तर तो स्पर्धक बाद ठरतो. दोन ते पाच मिनिटे चालणाऱ्या या लढतीत अखेर एक स्पर्धक बाद ठरतो. विजयी व पराभूत स्पर्धक शेवटी गळाभेट घेऊन खेळ संपवतात.
विशेष म्हणजे या खेळाला वयाची मर्यादा नाही. पाच वर्षांच्या चिमुकल्यांपासून ते साठ वर्षांच्या ज्येष्ठांपर्यंत सर्वजण यात सहभागी होतात. एकावेळी पाच ते दहा जोड्या मैदानात उतरतात आणि काही तासांत शेकडो लढती रंगतात. गुद्दलपेंडी हा केवळ मारामारीचा खेळ नसून कायमचे वैर संपवणारा खेळ अशी त्याची ओळख आहे. शंभर वर्षांहून अधिक परंपरा लाभलेल्या या गुद्दलपेंडी खेळामुळे वणी शहराची वेगळी ओळख निर्माण झाली आहे.
बच्चू कडू यांची मेळघाट संघर्ष महापदयात्रा
डोक्यात फक्त गांधी आहे अस समजू नका, छत्रपतींची तलवारही निघू शकते...
वन विभागामुळे 45 गावातील पाणी पुरवठा योजना थांबल्या असल्याचा बच्चू कडू यांचा आरोप...
बच्चू कडूंचा प्रशासनाला ईशारा...
फक्त बैठक घेऊन चालणार नाही, निर्णय झाला नाही तर आज रात्रभर आणि उद्या दिवसभर आम्ही वनविभागाच्या कार्यालयात घेराव टाकणार...
बच्चू कडूंच्या यात्रेचा आज चौथा दिवस...
जारीदा येथे पोहचल्यानंतर वनविभागाचे कार्यालय घेरणार...
पुणे शहरात उन्हाचा तडाका वाढला
शहराचा पारा 32 वरून 36 अंशावर
मार्चच्या पहिल्या आठवड्यातच तापमानाने गाठला 36 अंशाचा आकडा
यंदाच्या हंगामातील सर्वाधिक तापमान...
येत्या काही दिवसात तापमान 40° जाण्याची शक्यता
पुणेकरांनी बारा ते चार या वेळात फिरताना काळजी घेण्याच आवाहन
पुणे महापालिकेचा 2026- 27 चा अर्थसंकल्प सोमवारी सादर होणार
आयुक्त नवल किशोर राम स्थायी समिती समोर अर्थसंकल्प सादर करणार
गेल्या चार वर्षातला प्रशासक संपल्याने स्थायी समिती समोर अर्थसंकल्प सादर करावा लागणार
आयुक्ताने तयार केलेल्या अर्थसंकल्पाचा अभ्यास करून तरतुदीचा समावेश करून स्थायी समिती सर्वसाधारण सभेसमोर अर्थसंकल्प ठेवेल
- मुख्यपृष्ठ
- बातम्या
- राजकारण
- Maharashtra Budget Session 2026: विमान डाव्या नव्हे उजव्या बाजूला झुकलं; रोहित पवारांकडून व्हिडीओ दाखवून DGCA च्या अहवालाची चिरफाड