Maharashtra Live Blog Updates: सुनेत्रा पवार यांनी घेतली उपमुख्यमंत्रीपदाची शपथ, अजित पवार अमर रहेच्या घोषणा
Maharashtra Live Blog Updates: अजित पवारांच्या निधनानंतर उपमुख्यमंत्री म्हणून सुनेत्रा पवार यांनी शपथ घेतली आहे.
पार्श्वभूमी
Maharashtra Live Blog Updates: राज्याचे उपमुख्यमंत्री अजित पवार (Ajit Pawar) यांच्या अकाली निधनानंतर त्यांच्या पत्नी सुनेत्रा पवार (Sunetra Pawar) राज्याच्या उपमुख्यमंत्रीपदी विराजमान झाल्या आहेत. मुख्यमंत्री देवेंद्र फडणवीस, उपमुख्यमंत्री एकनाथ शिंदे...More
"आदरणीय अजितदादांनी आयुष्यभर शेतकरी, कष्टकरी, महिला, युवक आणि वंचित घटकांसाठी जगण्याचा मंत्र दिला. आज त्यांच्या विचारांचा वारसा पुढे नेत ‘शिव-शाहू-फुले-आंबेडकर’ यांच्या विचारांवर निष्ठा ठेवून कर्तव्य भावनेने उपमुख्यमंत्री पदाची जबाबदारी स्वीकारताना मन अक्षरशः भरून येत आहे. दादांच्या अकाली जाण्याने मनावर दुःखाचा मोठा डोंगर कोसळला असला, तरी त्यांनी शिकवलेली कर्तव्यनिष्ठा, संघर्षाची ताकद आणि जनतेप्रतीची बांधिलकी हाच माझा खरा आधार आहे. त्यांच्या स्वप्नातील न्यायप्रिय, समताधिष्ठित आणि विकसित महाराष्ट्र घडवण्यासाठी अखंड प्रामाणिकपणे काम करत राहीन. या कठीण क्षणी महाराष्ट्रातील जनतेने दिलेला प्रेमाची साथ हेच माझे बळ आहे. आपल्या विश्वासाच्या जोरावर, दादांच्या विचारांना उजाळा देत, नव्या आशेने पुढे चालत राहीन." - सुनेत्रा पवार, उपमुख्यमंत्री
राज्याच्या पहिल्या महिला उपमुख्यमंत्री म्हणून मा. सुनेत्राकाकी यांनी शपथ घेतली, याचा आनंद आहे. खरं म्हणजे मा. अजितदादांची जागा कुणीच घेऊ शकत नाही पण किमान सुनेत्राकाकींच्या रुपात तरी आम्ही तिथं अजितदादांना पाहू..! डोक्यावर डोंगराएवढं दुःख असताना आणि आम्ही सर्वजण शोकाकूल असताना त्यांना शुभेच्छा तरी कशा द्याव्यात, हे कळत नाही..! : रोहित पवार
राज्याचे उपमुख्यमंत्री अजित पवार यांच्या निधनानंतर आज सुनेत्रा पवार यांनी उपमुख्यमंत्रीपदाची शपथ घेतली. त्या राज्याच्या पहिल्या महिला उपमुख्यमंत्री ठरल्या आहेत. राज्यपाल आचार्य देवव्रत यांनी सुनेत्रा पवार यांना उपमुख्यमंत्रिपदाची पद आणि गोपनियतेची शपथ दिली. यानंतर राष्ट्रवादी काँग्रेस पक्षाचे अध्यक्ष कोण होणार? असी देखील चर्चा सुरु आहे. याबाबत महाराष्ट्र नवनिर्माण सेनेचे अध्यक्ष राज ठाकरे यांनी प्रतिक्रिया दिली आहे. राष्ट्रवादी काँग्रेस पक्षासारख्या अस्सल मराठमोळ्या मातीतला, आणि रांगड्या पक्षाचा अध्यक्ष हा कोणीही मराठी असावा, पाटील असावा पण पटेल नाही, अशी पोस्ट करत राज ठाकरे यांनी नाव न घेता खासदार प्रफुल्ल पटेल यांच्यावर निशाणा साधला आहे.
महाराष्ट्राच्या राजकारणाचा गेल्या काही काळात पार विचका झाला आहे त्यावर खरंतर भाष्य पण करावं असं वाटत नाही. पण तरीही आज दिवसभर ज्या घडामोडी सुरु आहेत त्यावर बोलावंच लागेल. राष्ट्रवादी काँग्रेस पक्षासारख्या अस्सल मराठमोळ्या मातीतला, आणि रांगड्या पक्षाचा अध्यक्ष हा कोणीही मराठी असावा, पाटील असावा पण पटेल नाही ! - राज ठाकरे
शपथविधी सोहळ्यानंतर उपमुख्यमंत्री सुनेत्रा पवार तातडीने बारामतीत रवाना होणार. अजित पवारांचा दशक्रिया विधी होईपर्यंत सुनेत्रा पवार बारामतीतच राहणार असल्याची माहिती.
सुनेत्रा पवार यांचा शपथविधी सोहळा लोकभवन दरबारात पार पडला. राज्याला आजपासून पहिल्या महिला उपमु्ख्यमंत्री मिळाला आहे. यावेळी लोकभवन दरबार 'अजित पवार अमर रहे'च्या घोषणेने दुमदुमला होता. अगदी शांततेत हा शपथविधी सोहळा पार पडला आहे.
Sunetra Pawar DCM Oath : सुनेत्रा पवार (Sunetra Pawar) यांनी राज्याच्या उपमुख्यमंत्रीपदाची शपथ घेतली आहे. यावेळी अजित पवार अमर रहे अमर रहेच्या च्या घोषणा दिल्या जात आहे
अजित पवार यांच्या पत्नी सुनेत्रा पवार हे उपमु्ख्यमंत्रीपदासाठी शपथ घेत आहेत. व्यासपिठावर राज्यपाल आचार्य देवव्रत, मुख्यमंत्री देवेंद्र फडणवीस आणि उपमुख्यमंत्री एकनाथ शिंदे उपस्थित आहेत. यावेळी लोकभवन दरबार 'अजित पवार अमर रहे' च्या घोषणेने दुमदुमला.
अजित पवार यांच्या निधनानंतर आज त्यांच्या पत्नी सुनेत्रा पवार उपमुख्यमंत्रीपदाची शपथ घेतील. शपथविधीला जाण्यापूर्वी सुनेत्रा पवार यांच्याकडून अजित पवार यांना अभिवादन.
सुनेत्रा पवार यांनी शपथविधी पूर्वी देवगिरी निवासस्थानी अजित पवारांच्या प्रतिमेला अभिवादन करून लोकभवनच्या दिशेनं दाखल झाल्या आहेत.
सुनेत्रा पवार लोकभवन दरबारात दाखल झाले आहेत. उपमुख्यमंत्रीपदाच्या शपथविधीसाठी सज्ज झाले आहेत.
सुनेत्रा पवार यांच्या उपमुख्यमंत्रीपदाच्या शपथविधी सोहळ्यासाठी नेते मंडळी लोकभवन दरबारात उपस्थित होत आहे. दरम्यान, लोकभवन दरबारात राज्यपाल आचार्य देवव्रत दाखल झाले आहेत. थोड्याच वेळात मुख्यमंत्री देवेंद्र फडणवीस देखील दाखल होती.
Sunetra Pawar oath ceremony: सुनेत्रा पवार यांच्या शपथविधीसाठी नेते लोकभवनातील दरबार हॉलमध्ये जमण्यास सुरुवात.लवकरच शपथविधी सोहळा पार पडेल. अमदार संजय खोडके, मंत्री झिरवाळ, मंत्री इंद्रनील नाईक, अनिल पाटील, हिरामण खोसकर शपथविधी सोहळ्यासाठी पोहचले. तसेच निलम गोऱ्हे, सुनील तटकरे, प्रफुल पटेल, धनंजय मुंडेही दरबारात पोहोचले.
Sunetra Pawar oath ceremony: सुनेत्रा पवार यांच्या शपथविधीसाठी नेते लोकभवनातील दरबार हॉलमध्ये जमण्यास सुरुवात.लवकरच शपथविधी सोहळा पार पडेल. अमदार संजय खोडके, मंत्री झिरवाळ, मंत्री इंद्रनील नाईक, अनिल पाटील, हिरामण खोसकर शपथविधी सोहळ्यासाठी पोहचले. तसेच निलम गोऱ्हे, सुनील तटकरे, प्रफुल पटेल, धनंजय मुंडेही दरबारात पोहोचले.
थोड्याच वेळात सुनेत्रा पवार उपमुख्यमंत्री पदाची शपथ घेणार आहेत. या शपथविधी सोहळ्यासाठी मंत्री, आमदार येण्यास सुरुवात झाली आहे.
उपमुख्यमंत्री अजित पवार (Ajit Pawar) यांच्या विमान अपघातातील अकाली निधनानंतर त्यांच्या पत्नी सुनेत्रा पवार (Sunetra Pawar) या राज्याच्या उपमुख्यमंत्रीपदी विराजमान होणार आहेत. या शपथविधी सोहळ्यासाठी अमदार संजय खोडके, मंत्री नरहरी झिरवाळ, मंत्री इंद्रनील नाईक, अनिल पाटील, हिरामण खोसकर लोकभवनवर पोहचले आहेत.
सुनेत्रा पवार शपथविधीनंतर बारामतीला रवाना होणार असल्याची माहिती आहे. अजित पवारांचा दहावा होईपर्यंत त्या बारामतीत असतील.
उपमुख्यमंत्री पदाची शपथ घेतल्यानंतर सुनेत्रा पवार तातडीने बारामतीला रवाना होणार . अजित पवारांचा दहावा होईपर्यंत सुनेत्रा पवार बारामतीमधेच थांबणार. दुखवटा संपेपर्यत नेते कार्यकर्त्यांना तर भेटणार मात्र कोणतेही हार-तुरे स्विकारणार नसल्याची माहिती
सुप्रिया सुळे अजित पवारांच्या काटेवाडी येथील निवासस्थानी दाखल, अजित पवारांच्या आईंना भेटण्यासाठी सुप्रिया सुळे पोहोचल्या.
तर आमदार रोहितदादा पवार यांनी तरडगाव (ता. फलटण) येथे मा.अजितदादा यांचे सुरक्षारक्षक विदीप जाधव यांच्या कुटुंबीयांची भेट घेऊन त्यांचं सांत्वन केलं, धीर दिला आणि जाधव परिवाराच्या पाठीशी पवार कुटुंब ठामपणे उभा असल्याचा विश्वास व्यक्त केला.
NCP Sunetra Pawar: उपमुख्यमंत्री पदाची शपथ घेतल्यानंतर सुनेत्रा पवार तातडीने बारामतीला रवाना होणार
अजित पवारांचा दहावा होई पर्यंत सुनेत्रा पवार बारामती मधेच थांबणार
दुखवटा संपे पर्यत नेते कार्यकर्त्यांना तर भेटणार मात्र कोणतेही हार-तुरे स्विकारणार नसल्याची माहिती
NCP Sunetra Pawar: महाराष्ट्र लोकभवनच्या बाहेर पोलिसांचा बंदोबस्त वाढला
शासकिय अधिकार्यांची रेलचेल वाढली
पाच ते सहाच्या दरम्यान दिवंगत अजीत पवार यांच्या पत्नी सुनेत्रा पवार घेणार उपमुख्यमंत्री पदाची शपथ…
राज्याच्या पहिल्या महिला उपमुख्यमंत्री होणार, लोक भवनातील हाॅलमध्ये शपथवीधीचा कार्यक्रम आयोजित…
पोलिसांकडून प्रत्येक वाहनांची तपासणी सुरू
NCP Sunetra Pawar: संध्याकाळी 5 वाजता राजभवनात सुनेत्रा पवार राज्याच्या पहिल्या महिला उपमुख्यमंत्री म्हणून शपथ घेणार आहेत.
NCP Sunetra Pawar: सुनेत्रा पवार मुंबईत दाखल होण्याच्या आधी काल बारामतीत पवार कुटुंबीयांची बैठक पार पडली. या बैठकीला शरद पवार, सुप्रिया सुळे, सुनेत्रा पवार, अजित दादांची आई आणि कुटुंबीय उपस्थित होते. शपथविधीचा निर्णय तात्काळ घेतला जाऊ नये अशी शरद पवारांची भूमिका होती. मात्र पार्थ पवार आणि सुनेत्रा पवार आपल्या भुमिकेवर ठाम असल्याने त्या मुंबईकडे रवाना झाल्या. त्यामुळे शपथविधीच्या आधी पवार कुटूंबीयाची बैठक पार पडली होती. या बैठकीत सुनेत्रा पवार यांची समजुत काढण्याचा प्रयत्न शरद पवार यांनी केल्याची विश्सवासनीय सुत्रांची माहिती.
NCP Sunetra Pawar: राज्याचे उपमुख्यमंत्री अजित पवार यांच्या अपघाती दुर्दैवी निधनानंतर आज त्यांच्या पत्नी सुनेत्रा पवार उपमुख्यमंत्री पदाची शपथ घेत आहेत, या निर्णयाबाबत शरद पवार आणि त्यांच्या नेत्यांना काहीही कल्पना नसल्याचं शरद पवार यांनी सकाळी माध्यमांशी सांगितले, अशातच आता शशिंकात शिंदे म्हणाले की, "सुनेत्रा पवार यांच्या उपमुख्यमंत्री पदाच्या शपथविधीची घाई गडबड का केली जात आहे. याचे उत्तर सुनेत्रा वहिनी आणि त्यांचे कुटुंबीय आणि त्याचबरोबर पक्षाचे ज्येष्ठ नेते किंवा मुख्यमंत्री आणि त्यांची सहकारी देतील. दादांचा जाणं हे महाराष्ट्राला दुःखदायक आहे. महाराष्ट्र दुःखात असताना हा निर्णय का घेतला कशासाठी घेतला ते आम्हाला माहिती नाही यावर तेच बोलतील.."
NCP Sunetra Pawar: शरद पवार गटाचे आमदार उत्तम जानकर यांनी आज होणाऱ्या सुनेत्रा पवार यांच्या उपमुख्यमंत्री पदाच्या शपथ विधी बाबत उपस्थित केले गंभीर प्रश्न
भाजपावर केले गंभीर आरोप
कोणालातरी लाभ मिळवून देण्यासाठी इतक्या तातडीने हा शपथविधी केला जात आहे ..
या सहानुभूतीचा फायदा उठविण्याचा भाजपचा प्रयत्न आहे ..
अजून दुःख संपलेले नाही अशा परिस्थितीत इतक्या तातडीने शपथविधी करणे आणि तेही पवार साहेबांना डावलून हे काही योग्य झालेले नाही ..
या परिस्थितीत पवार साहेब आणि सर्व कुटुंबांना एकत्रित करून हा निर्णय होणे अपेक्षित होते ..
हा झालेला निर्णय योग्य नसून हे किती दिवस चालेल सांगता येत नाही ..
उपमुख्यमंत्री पद हे काही घटनात्मक पद नाही जर मुख्यमंत्री अथवा पंतप्रधान गेले असते तर तातडीने शपथविधी मान्य होता मात्र ज्या पद्धतीने हा शपथविधी होतोय हे नक्कीच कोणालातरी फायदा मिळवून देण्यासाठी सुरू आहे
NCP Sunetra Pawar: सुनेत्रा पवारांच्या शपथविधीसाठी लोकभवनात हालचाली
लोकभवनातील दरबार हॉलमध्ये तयारीला वेग
दरबार हॉलमध्ये शपथविधीच्या अनुषंगाने तयारी सुरू
राज्यपाल आचार्य देवव्रत संध्याकाळी 4 वाजेच्या सुमारास मुंबईत दाखल होणार
संध्याकाळी 5:33 वाजता होणार शपथविधी
सुनेत्रा पवार उपमुख्यमंत्री पदाची शपथ घेणार
मर्यादित लोकांना शपथविधीसाठी उपस्थित राहण्याची परवानगी
शपथविधी सोहळा अवघ्या 10 मिनिटांचा साधेपणाने पार पडणार
विश्वसनीय सूत्रांची माहिती
NCP Sunetra Pawar: थोड्याच वेळात सुनेत्रा पवार या आपल्या राज्यसभेच्या खासदारकीचा राजीनामा देणार असल्याची माहिती
राजीनामा हा राज्यसभेचे सभापती सीपी राधाकृष्णन यांच्याकडे पाठविला जाणार
राज्यसभेच्या खासदारकीच्या राजीनाम्या नंतर सुनेत्रा पवार यांची विधीमंडळ गटनेता म्हणून निवड आज दुपारी करण्यात येणार
अवघ्या १० मिनिटांचा शपथविधीचा कार्यक्रम आज असणार आहे
NCP Sunetra Pawar: विलीनीकरणाची चर्चा मी ऐकलीच नाही, मला यावर काही बोलायचंच नाही- छगन भुज बळ
बाकी कोणत्याही विषयापेक्षा गटनेता आणि उपमुख्यमंत्रीपद नेमलं जाणं महत्वाचं- छगन भुजबळ
NCP Sunetra Pawar, Sharad Pawar: अजितदादांच्या निधनानंतर आता सुनेत्रा पवार उपमुख्यमंत्रीपदी विराजमान होणार आहेत. अशातच आज सकाळी शरद पवारांनी पत्रकार परिषद घेत आपल्या पक्षाची भूमिका स्पष्ट केली. तसेच, सुनेत्रा पवारांच्या शपथविधीबाबत मला माहिती नाही, असंही शरद पवार म्हणालेले. अशातच आता पार्थ पवार शरद पवारांचं निवासस्थान असलेल्या बारामतीतील गोविंद बागेत पोहोचले आहेत.
NCP Sunetra Pawar: राष्ट्रवादी काँग्रेस पक्षाची विधिमंडळ पक्षाची दुपारी 2 वाजता बैठक सुरू होईल
बैठकीच्या सुरुवातीला अजित पवारांच्या निधनाचा शोक प्रस्ताव मांडला जाईल
शोक प्रस्ताव संमत झाल्यानंतर गटनेता निवडीचा प्रस्ताव मांडला जाईल यासाठी सुचक एक आणि अनुमोदक एक किंवा एक पेक्षा जास्त नेमले जातील
सर्वानुमते सुनेत्रा पवार यांना गटनेता केल्याचा ठराव मंजूर केला जाईल त्यावर सर्व आमदार सह्या करतील
गटनेता निवड प्रक्रिया पार पडल्यानंतर गटनेत्याला संविधानिक अधिकार देण्याचा ठराव मंजूर केला जाईल
यानंतर अध्यक्ष सुनील तटकरे यांना ऐनवेळी इतर काही प्रस्ताव आणायचे असतील तर ते आणू शकतात
यानंतर आमदारांच्या सह्यांचं पत्र मुख्यमंत्र्यांना देण्यात येईल
राजभवनला उपमुख्यमंत्री पदासंदर्भतील नावाचा प्रस्ताव पाठवला जाईल आणि त्यानंतर शपथविधी पार पडेल
NCP Sunetra Pawar: सुनेत्रा पवार यांनी उपमुख्यमंत्री पदाची शपथ घेतल्यानंतर अर्थ खातं वगळता इतर खात्याची जबाबदारी पवार यांच्याकडेच राहणार
सुनेत्रा पवार यांच्याकडे राज्य उत्पादन शुल्क आणि क्रीडा विभागाची जबाबदारी कायम राहणार
बजेट नंतर कदाचित अर्थ खात्याची जबाबदारी पुन्हा सुनेत्रा पवार यांना मिळू शकते
आज केवळ उपमुख्यमंत्री म्हणून सुनेत्रा पवार शपथ घेतील इतर कुणाचा ही शपथविधी नसेल
NCP Sunil Tatkare: माध्यमांना प्रतिक्रिया देताना सुनिल तटकरे म्हणाले की, "मला या मुद्द्यांवर बोलायचं नाहीये आमची बैठक होईल बैठक झाल्यानंतर सगळ्या विषयांवर मी बोलेल, आज बैठकीनंतर आम्ही मुख्यमंत्र्यांची भेट घेऊ, आमचं म्हणणं मुख्यमंत्र्यांसमोर ठेवू, मुख्यमंत्री त्यावर निर्णय घेतील..."
NCP Sunetra Pawar: राष्ट्रवादी काँग्रेसच्या कार्यालयात पक्षाच्या प्रमुख नेत्यांची बैठक होण्याची शक्यता
थोड्याच वेळात बैठक सुरू होण्याची शक्यता
बैठकीला प्रफुल पटेल, सुनील तटकरे आणि इतर प्रमुख नेते असतील उपस्थित
गटनेता निवडीच्या बैठकी पूर्वी राष्ट्रवादी काँग्रेसच्या प्रमुख नेत्यांची बैठक होण्याची शक्यता
NCP Sharad Pawar: पवार कुटुंबियांची अंतर्गत बैठक सुरू, बैठकीला शरद पवार, सुप्रिया सुळे, रोहित पवार, राजेंद्र पवार, युगेंद्र पवार उपस्थित
NCP Sunetra Pawar: राजभवन येथेच राज्यपाल यांच्या कार्यालय हाॅलमध्ये साध्या पद्धतीनं पाच वाजता सुनेत्रा पवार यांचा शपथविधी होणार आहे. जास्त फुलांची सजावट रोषनाई आवर्जून टाळली जाणार.
Sharad Pawar On Sunetra Pawar: सुनेत्रा पवार यांच्या शपथविधीबाबत मला माहिती नाही, सुनेत्रा पवार शपथ घेणार, हा त्यांच्या पक्षाचा निर्णय, विलीनीकरणाची चर्चा होती, पण अपघात झाला आणि त्यात खंड पडला, अशी प्रतिक्रिया शरद पवार यांनी दिली आहे.
NCP Sunetra Pawar And Sharad Pawar: शरद पवार यांच्या पत्रकारपरिषदेनंतर सर्वांच्या भुवया उंचावल्या आहेत. शरद पवार म्हणाले की, "प्रत्येक व्यक्तीचं काही ना काही योगदान असतं, अजित अनेक वर्षं संघटनेचे आणि सामान्य लोकांशी सुसंवाद ठेवून काम करणारा कर्तृत्वान नेता होता, त्याचं वैशिष्ट्य होतं की लोकांच्या प्रश्नावर माहिती घ्यायची आणि त्यांना न्याय देण्याचं काम करत होता, अजित ची कामाची सुरुवात सकाळीच होत असते, आज हयात असते तर ते घरी नसते, कामामध्ये त्याने कधीही अजित ने कमतरता दाखवली नाही, कर्तृत्व व्यक्ती सोडून जाणे ही आघात आहे हा सगळ्यांवर झाला आहे."
"या परिस्थितीला समोरं जावं लागेल, लोकांचं दुःख कमी करण्यासाठी आम्हाला लोकांची कामं करावे लागतील, नव्या पिढीची जबाबदारी जास्त आहे, कुठली ही चर्चा आमच्याकडे झाली नाही , मुंबईत झाली चर्चा झाली असावी, पटेल, तटकरे यांना अधिकार आहेत त्यांनी काही ठरवलं असेल पण आमच्याकडे कुठे ही काही चर्चा नाही त्यावर मी बोलणार नाही, हा त्यांचा अंतर्गत प्रश्न आहे, कुठल्या ही चर्चेत मी नव्हतो. अजित दादा, जयंत पाटील, शशिकांत शिंदे हे या चर्चेत मध्ये सातत्याने होते. आमच्या नव्या पिढीला पुढे आणलं जाईल. जो आघात झाला आहे तो भरून काढला आहे. मी कसा उपस्थित होईल आहे का नाही शपथविधी आहे का नाही माहिती नाही...", असं शरद पवार म्हणाले.
"नरेश अरोरा कोण यांना मी ओळखत नाही, लोकांना पाण्यामुळे खूप यातना होत आहेत, दोन्ही राष्ट्रवादी एकत्र याव्या ही चर्चा 4 महिने सुरू होती याचं नेतृत्व अजित दादा आणि जयंत पाटील यांच्यावर होती, अपघात झाला आणि यात खंड झाला, आमच्या पक्षात आणि त्यांच्या पक्षात एकत्र काम करण्याचं एकमत होतं हा निर्णय 12 तारखेला जाहीर करायचं ही तारीख अजित दादा यांनी दिलीं होती, दोन्ही पक्षात सकारात्मक चर्चा होती पण अचानक ही घटना झाली, दादांची इच्छा होती ती इच्छा पूर्ण व्हावी अशी सुद्धा आमची इच्छा आहे, Civil एविएशन ने तपास सुरू केला आहे आता त्यांचा तपास सखोल होईल...", असं शरद पवार म्हणाले.
Sharad Pawar NCP: सुनेत्रा पवारांच्या शपथेबद्दल माहिती नाही, तटकरे, पटेल यांनी घडवून आणलं असावं, शरद पवारांच्या प्रतिक्रियेने भुवया उंचावल्या
NCP Sunetra Pawar Parth Pawar: सुनेत्रा पवार यांनी उपमुख्यमंत्री पदाची शपथ घेतल्यानंतर रिक्त राज्यसभेच्या जागेवर पार्थ पवारांनी स्वतःला संधी मिळावी अशी इच्छा व्यक्त केली
पक्षाच्या दुसऱ्या फळीतील नेत्यांसमोर पार्थ पवार यांनी आपली भूमिका मांडल्याची सूत्रांची माहिती
पार्थ पवार याना राज्यसभेची संधी मिळणार का याकडे लक्ष
NCP Sunetra Pawar And Sharad Pawar: सुनेत्रा पवार यांना इतक्या लवकर तात्काळ गटनेते निवड आणि उपमुख्यमंत्री पदावर निवड हा अंतिम निर्णय एनसीपी कोअर टीमचाच - सूत्र
दोन एनसीपी एकत्रीकरण चर्चा मुद्दाम काहीजण घडवू पाहत असल्यानेच इतक्या घाईत सुमित्रा पवार यांची निवड करण्याच्या हालचाली - सूत्र
एनसीपी कोअर टीम आणि सुनित्रा पवार यांच्या सहमतीनेच सीएम यांची भेट घेत शपथविधी लवकर करण्याची भूमिका - सूत्र
सुनित्रा पवार यांना डीसीएम करणे आणि एनसीपी पार्टी राष्ट्रीय अध्यक्ष करणे ही भूमिका प्रफुल पटेल तटकरे भुजबळ मुंडे यांच्याच भूमिकेतून - सूत्र
संतश्रेष्ठ तुकाराम महाराजांनी ज्या डोंगरावर गाथेची रचना केली असा भामचंद्र गडाला बिल्डर आणि भू-माफीयांची नजर लागली आहे आणि त्यामुळे या डोंगराच अवैधरित्या उत्खनन सुरू आहे. संत तुकोबारायांची संतभूमी असलेला भामचंद्र गड वाचवण्यासाठी आता संतभूमी संरक्षण संघर्ष समिती आक्रमक झाली आहे. राज्यातील प्रत्येक जिल्ह्यात वारकऱ्यांचा मेळावा घेऊन येत्या 10 मार्च रोजी मुंबईतील आझाद मैदानात भामचंद्र गड व परिसरात सुरू असलेलं अवैध उत्खनन थांबवण्याच्या मागणीसाठी लाखो वारकऱ्यांना मुंबईत येण्याच आवाहन संतभूमी संरक्षण संघर्ष समितीकडून वारकऱ्यांना करण्यात येत आहे. काल बुलढाणा जिल्ह्यातील अनेक भागात वारकऱ्यांच्या सभा पार पडल्या. यात 10 मार्च रोजी भामचंद्र गड ही संत तुकोबारायांची भूमी वाचवण्यासाठी या आंदोलनात मुंबई येथे येण्याचआवाहन अनेक ज्येष्ठ कीर्तनकार व महाराजांनी वारकऱ्यांना केलं. यामुळे मात्र आगामी काळात भामचंद्र गड व परिसरात सुरू असलेल्या अवैध उत्खननाचा मुद्दा गाजण्याची चिन्ह आहेत.
सोनं शुद्ध करून देण्याच्या बहाण्यानं एका सराफा व्यावसायिकाला तब्बल ४२ लाख ३७ हजारांनी गंडविल्याचा प्रकार धक्कादायक प्रकार भंडाऱ्याच्या तुमसरात समोर आलाय. शेख रहमत उर्फ बबलू अली शेख सोरब अली असं फसवणूक झालेल्या व्यापाऱ्याचं नावं आहे. तर, विशाल भारती (३५) असं फसवणूक करणाऱ्याचं नावं आहे. फिर्यादी शेख रहमत हे आरोपीकडे मागील १५ वर्षांपासून सोनं शुद्ध करण्याचं काम करीत आहेत. ९ ते १६ जानेवारी या कालावधीत रहमत शेख यांनी विशाल भारती याच्याकडे ४८८ ग्रॅम सोनं शुद्ध करण्यासाठी दिलं होतं. त्यापैकी ८६.४०० ग्रॅम सोनं शुद्ध करून उर्वरित ३००.५०० ग्रॅम सोनं परत केलं नाही. याप्रकरणी फिर्यादीनं तुमसर पोलिसात दाखल केलेल्या तक्रारीवरून आरोपी विरोधात गुन्हा दाखल करण्यात आलेला आहे. या घटनेने तुमसरच्या सराफा व्यवसायकांमध्ये मोठी खळबळ उडाली आहे.
बीडच्या केज तालुक्यातील डोका या गावच्या माजी सरपंच सह अन्य एकाजणास तामिळनाडू पोलिसांनी अटक केली आहे. या दोघांनी तामिळनाडूमध्ये गाडीमध्ये पेट्रोल भरल्यानंतर दिलेल्या नोटा बनावट असल्याचे त्या पेट्रोल पंप चालकाला निदर्शनास आले होते. यानंतर त्याने स्थानिक पोलिसांना माहिती दिल्यानंतर पोलिसांनी त्यांच्या गाडीची झडती घेतली असता आठ लाख रुपयांच्या बनावट नोटा आढळून आल्या.रमेश भांगे व नारायण राम असे या दोघांची नावे आहेत.
या दोघांनी तामिळनाडूतील इतर काही शहरांमध्ये देखील अशाच पद्धतीने बनावट नोटा चलनात आणण्याची माहिती समोर आली आहे.आता या बनावट नोटांच्या रॅकेटमध्ये आणखी कोणाचा सहभाग आहे का याचा तपास तामिळनाडू पोलीस करत आहेत.
- मला बोलवण्यात आलेलं नाही आहे. मला सूचना आले आहे म्हणून मी मुंबईकडे रवाना होत आहे.
- पवार कुटुंबाच्या महाराष्ट्रात एक वेगळे महत्त्व आहे. माझ्या राजकीय जीवनात अजितदादांनी मला मदत केली आहे.
- चंद्रपूरच्या राजकीय घडामोडी संदर्भात मी आज पक्षांच्या वरिष्ठ नेत्यांशी चर्चा करणार आहोत.
- सरकार स्थिर आहे महाराष्ट्रात महिला उपमुख्यमंत्री सुनेत्रा पवार यांच्या माध्यमातून मिळत आहे चांगली बाब आहे.
भाजप आमदार किशोर जोरगेवार
मुंबई महापालिकेसाठी भाजप आणि शिवसेना एकत्र गटनोंदणी करणार
दोन्ही पक्षांकडून कोकण भवनात एकत्र जात सोमवारी गटनोंदणी करणार
शिवसेना आणि भाजपचे नगरसेवक मुंबई महापालिका येथे जमणार
आणि त्यानंतर एकत्रित कोकण भवन येथे जाणार
उपमुख्यमंत्री अजित पवार यांच्या निधनानंतर आज चार दिवसांनी राज्याच्या मंत्रिमंडळात मोठ्या हालचाली होत असताना अजित दादांचे उपमुख्यमंत्री पद हे सुनेत्रा पवार यांना मिळणार आहे त्यासाठी सुनेत्रा पवार या आज उपमुख्यमंत्री पदाची शपथ घेत आहेतं. सुनेत्रा पवार यांच्या रूपाने महाराष्ट्राला पहिल्यांदाच महिलेच्या रूपाने उपमुख्यमंत्री पद मिळत असून त्यांना आमच्या शुभेच्छा राहतील अस वक्तव्य राज्याचे मंत्री भरत गोगावले यांनी केलं आहे. अजित दादांच्या जाण्याने महाराष्ट्राचे झालेले नुकसान त्यांच्या रुपाने भरून निघेल अस सुद्धा ते म्हणाले.
छत्रपती संभाजीनगर जिल्यात जिल्हा परिषद , पंचायत समिती निवडणुकांच्या प्रचाराला आता सुरवात झाली आहे .भाजप बजाजनगर येथे भाजपचे प्रचार कार्यालय उद्घाटन कार्यक्रमात भाजप नेते तथा मंत्री अतुल सावे यांनी शिवसेनेवर गंभीर आरोप करत राजकीय वातावरण तापवले आहे. मंत्री अतुल सावे म्हणाले की, “शिवसेनेने भाजपला धोका दिला आहे. सुरुवातीला शिवसेनेकडून गरीब उमेदवार देण्यात आल्यामुळे आम्ही उमेदवार दिला नाही. मात्र ऐन वेळी जमीन लाटणाऱ्या आणि पैशाच्या जोरावर उमेदवारी मिळवलेल्या उमेदवाराला तिकीट देऊन आमच्याशी दगाबाजी करण्यात आली.”
“आम्ही गाफील राहिलो, आमच्यावर विश्वासघात झाला; मात्र आम्हाला मतदारांवर पूर्ण विश्वास आहे. मतदार योग्य उमेदवारालाच निवडून देतील आणि अशा उमेदवाराला जनता धडा शिकवेल,” असेही सावे यांनी ठामपणे सांगितले.
बहुचर्चित जान्हवी कुकरेजा हत्ये प्रकरणी आज फैसला
मुंबई सत्र न्यायालय देणार निकाल
१ जानेवारीला २०२१ ला ३१ डिसेंबरच्या पार्टी दरम्यान १९ वर्षीय जान्हवीची हत्या झाली होती
जान्हवीची मैत्रीण दिया पडळकर आणि श्री जोगधनकर यांच्यावर हत्येचा आरोप
३१ डिसेंबरच्या पार्टी दरम्यान दोन्ही आरोपी आणि जान्हवीमध्ये तुफान हाणामारी झाली होती
हाणामारीत जान्हवीला पाचव्या मजल्यावरून फरफटत खाली आणण्यात आल होत
त्यात तिचा मृत्यू झाला होता
याप्रकरणी अटक करण्यात आलेली दिया पडळकर सध्या जामिनावर आहे तर जोगधनकर अद्याप कारागृहात आहे
- नांदेडच्या अर्धापूरचे तहसीलदार रेणुकादास देवणीकर यांच्या गाडीला अपघात.
- अर्धापूर शहरातील वनविभागाच्या कार्यालयासमोर ट्रॅक्टर व तहसीलदारांच्या गाडीचा अपघात.
- ट्रॅक्टरचा टायर फुटल्याने अपघात झाल्याची प्राथमिक माहिती समोर
- या अपघातात तहसीलदार रेणुकादास देवणीकर, चालक व शिपाई जखमी असे तिघेजण जखमी
- तहसीलदार रेणुकादास देवणीकर यांच्यावर अर्धापूर येथील रुग्णालयात तर एकावर नांदेड येथील रुग्णालयात उपचार सुरू
सरकारकडे थम्पिंग मेजॉरिटी आम्ही विरोधक त्याला पाशवी बहुमत म्हणतो
सरकार बहुमताच्या फार पुढे आहे, सरकारला कसलाही धोका नाही
अशा परिस्थितीत त्यांना पुढे जाण्याची घाई का ? यावर मी बोलू शकत नाही
सुनेत्रा पवारांच्या घाईगडबडीत होणाऱ्या शपथविधीवर काँग्रेसचे प्रदेशाध्यक्ष हर्षवर्धन सपकाळ त्यांनी उपस्थित केला प्रश्न
जिल्हा परिषद निवडणुकीच्या काँग्रेस उमेदवाराच्या प्रचारासाठी हर्षवर्धन सपकाळ धाराशिवमध्ये आले असता संवाद
- मुख्यपृष्ठ
- बातम्या
- राजकारण
- Maharashtra Live Blog Updates: सुनेत्रा पवार यांनी घेतली उपमुख्यमंत्रीपदाची शपथ, अजित पवार अमर रहेच्या घोषणा