Maharashtra Live Blog Updates: सुनेत्रा पवार राज्याच्या उपमुख्यमंत्री होणार? घडामोडींना वेग
Maharashtra Live Blog Updates: राज्यातील आणि देश-विदेशातील ताज्या घडामोडी आणि बातम्यांचे लाईव्ह अपडेटस् जाणून घेण्यासाठी क्लिक करा...
पार्श्वभूमी
Maharashtra Live Blog Updates: राज्याचे उपमुख्यमंत्री अजित पवार यांच्या निधनानंतर (Ajit Pawar Death) त्यांच्याकडे असलेल्या खात्यांची जबाबदारी कुणाकडे दिली जाणार याचा निर्णय होण्याची शक्यता आहे. अजित पवारांकडे असलेली खाती कुणाकडे द्यावीत,...More
नालासोपारा : येथे ठाकरे बंधूंविरोधात आक्षेपार्ह पोस्ट करणाऱ्या एका तरुणाला महाराष्ट्र नवनिर्माण सेनेच्या (मनसे) कार्यकर्त्यांनी चोप देत धिंड काढल्याची घटना घडली आहे. या घटनेचा व्हिडिओ सध्या सोशल मीडियावर मोठ्या प्रमाणात व्हायरल होत आहे. संबंधित तरुणाने मनसे अध्यक्ष राज ठाकरे आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांच्याबाबत अर्वाच्च भाषेत वक्तव्य करत त्याचा व्हिडिओ समाजमाध्यमावर प्रसारित केला होता. या पोस्टनंतर मनसे कार्यकर्ते आक्रमक झाले. त्यांनी या तरुणाचा शोध घेऊन त्याला राहत्या घरातून बाहेर काढत चोप देत धिंड काढली. या प्रकारावर विविध स्तरातून संताप व्यक्त होत आहे. दरम्यान, मनसेच्या अधिकृत ‘मनसे रिपोर्ट’ या ट्विटर हँडलवरूनही याबाबत प्रतिक्रिया देत, प्रसिद्धीसाठी खालच्या पातळीवर टीका करणाऱ्यांना इशारा देण्यात आला आहे.
अमरावती महानगरपालिकेत काँग्रेसचे ज्येष्ठ नेते व माजी महापौर विलास इंगोले यांची काँग्रेस गटनेतेपदी निवड करण्यात आली आहे. अमरावती मनपात काँग्रेसचे १५ नगरसेवक निवडून आले असून, पक्षाच्या वतीने इंगोले यांच्यावर ही महत्त्वाची जबाबदारी सोपवण्यात आली आहे. त्यांच्या निवडीमुळे महापालिकेतील काँग्रेसच्या भूमिकेला अधिक बळ मिळणार आहे.
मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यात काल रात्री उशिरा डिनर डिप्लोमसी पार पडली. या भेटीत मुंबई महापौर पदासह स्थायी समिती, विषय समित्या आणि इतर महत्त्वाच्या समित्यांबाबत सविस्तर चर्चा झाल्याची माहिती सूत्रांनी दिली आहे. युतीतील समन्वयाच्या दृष्टीने पुढील दोन ते तीन दिवसांत दोन्ही पक्ष एकत्र गट नोंदणीसाठी कोकण भवन येथे जाणार असल्याचेही समजते. त्यामुळे मुंबई महानगरपालिकेतील सत्तास्थापनेचा पेच सुटल्याचे संकेत मिळत आहेत. दरम्यान, तसेच अजितदादा यांच्या अपघाती मृत्यूनंतर राज्यात निर्माण झालेल्या राजकीय पोकळी संदर्भात देखील दोन्ही नेत्यांमध्ये चर्चा झाली.
पुणे महानगरपालिकेच्या भाजपच्या गटनेता पदाची घोषणा
गणेश बिडकर यांची गटनेते पदी निवड
गणेश बिडकर हे महापौर पदाचे दावेदार होते मात्र पुण्यासाठी महिला महापौर त्याचा आरक्षण पडलं आणि त्यानंतर गणेश बिडकर यांचे आता गटनेतेपदी भाजपकडून निवड करण्यात आली आहे.
गणेश बिडकर याआधी पुणे महानगरपालिकेचे सभागृह नेता देखील राहिलेले आहेत
बीड : येत्या आठ तारखेला दोन्ही राष्ट्रवादी काँग्रेस एक होईल याची घोषणा होईल असा दावा बीडचे जिल्हाध्यक्ष राजेश्वर चव्हाण यांनी केला. आठ ते दहा तारखेच्या दरम्यान दोन्ही पक्षाचे विलीनीकरण जाहीर होईल आणि पुन्हा कामाला लागू असे विधान अजित पवारांच्या शोक सभेदरम्यान करण्यात आलं.
शरद पवार आणि अजित दादा दोघांच्या कार्यकर्त्यांना एक व्हायच आहे. दोघे एकत्र येऊन शिव शाहू फुले आंबेडकरांचे राजकारण महाराष्ट्रात करायचे आहे. जनतेसाठी अहोरात्र काम करणारा माणूस आपल्यातून निघून गेला. म्हणून एकमेकांना भेटताना विकासाचे बोलू आणि काम करू आणि पुन्हा पक्ष उभारू अशी भूमिका दोन्ही राष्ट्रवादी काँग्रेसच्या कार्यकर्त्यांसमोर जिल्हाध्यक्षांनी मांडली.
राज्याचे उपमुख्यमंत्री अजितदादा पवार यांच्या निधनानंतर माजी मुख्यमंत्री पृथ्वीराज बाबा चव्हाण यांनी शरद पवार यांची सांत्वनपर गोविंदबाग या निवासस्थानी भेट घेतली
सुनेत्रा पवारांना उपमुख्यमंत्री आणि राष्ट्रवादीचे नेतृत्व द्या
राष्ट्रवादी अजित पवार गटाचे प्रदेश उपाध्यक्ष आनंद चंदनशिवे यांची मागणी
‘अजित पवारांच्या निधनामुळे कार्यकर्त्यांमध्ये मोठी पोकळी निर्माण झालीय‘
’अजित दादा असताना देखील सुनेत्रा पवार ह्या पक्षाचे काम बघत होत्या‘
त्यामुळे अजित पवारांच्या नंतर सुनेत्रा पवार यांना राज्याचे उपमुख्यमंत्री करावे
तसेच राष्ट्रवादी काँग्रेस पक्षाचे राष्ट्रीय नेतृत्व देखील त्यांना देण्यात यावं
अशी मागणी राष्ट्रवादीचे प्रदेश उपाध्यक्ष आनंद चंदनशिवे यांनी केलीय
Sunetra Pawar on DCM Post : उपमुख्यमंत्री अजित पवार यांचा बारामतीमध्ये झालेल्या भीषण अपघातानंतर त्यांची अकाली एक्झिट झाली. दादांच्या निधनाने राष्ट्रवादीमध्ये नेतृत्वाची मोठी पोकळी निर्माण झाली आहे. इतकेच नव्हे तर महायुती सरकारमध्ये अजित पवार यांच्याकडे उपमुख्यमंत्री पदासह अर्थ, उत्पादन शुल्क आणि क्रीडा खात्याचा कारभार होता. त्यामुळे आता या खात्यांचा कारभार कोणाकडे द्यायचा आणि पक्षाचे राष्ट्रीय नेतृत्व कोणाकडे द्यायचं याची चर्चा राष्ट्रवादीच्या नेत्यांमध्ये सुरू आहे. दरम्यान, दोन्ही राष्ट्रवादीच्या विलिनीकरणाची चर्चा शिगेला पोहोचली असतानाच आता अजित पवार यांच्या पक्षांमध्ये राष्ट्रवादी काँग्रेसचा अस्तित्व स्वतंत्र ठेवण्याचा प्रस्ताव राष्ट्रवादी काँग्रेसमधील नेत्यांचा असल्याचे समोर आलं आहे.
हार्बर मार्गावर गाड्या ३० ते ३५ मिनिटं उशिराने धावत आहेत...
गाड्यांचा वेग अतिशय कमी आणि संथ, थांबून थांबून जात आहेत.
पनवेल ते खारघर अंतर पार करायला ३० मिनिट लागत आहेत
उशिराने गाड्या का धावतायेत याचे रेल्वेकडून कोणतेही ठोस कारण सांगितलं जात नाही
वडाळा पनवेल AC ट्रेनला २० ते २५ मिनिटं उशीर
अनेक स्थानकांवर गर्दी, अनेक नियमित लोकल रद्द
मी पनवेलवरून १.३३ पकडली पण अजून खांदरेश्वर स्टेशनला सुद्धा गाडी पोहोचली नाही.
मिरा-भाईंदर महानगरपालिकेत एकूण ९५ जागांपैकी भाजपाने ७८ जागा जिंकत एकहाती सत्ता स्थापन केली आहे. तर काँग्रेसने १३ आणि शिवसेना (शिंदे गटाने) ३ जागा जिंकल्या आहेत. काँग्रेस आणि शिवसेना (शिंदे गट) यांनी एकत्र येत मिरा-भाईंदर विकास आघाडीची स्थापना केली आहे.
या विकास आघाडीतर्फे आज प्रभाग क्रमांक १९ मधील नगरसेविका रुबीना शेख यांनी महापौर पदासाठी, तर प्रभाग क्रमांक ११ मधील नगरसेविका वंदना पाटील यांनी उपमहापौर पदासाठी आपला उमेदवारी अर्ज दाखल केला आहे.
भारतीय जनता पार्टी अमरावती महानगरपालिका गट स्थापन...
गटनेतेपदी सर्वानुमते चेतन गावंडे यांची निवड...
आज विभागीय आयुक्त कार्यालयात भाजपचे 25 सदस्यांचा गट स्थापन.…
छत्रपती शिवाजी महाराजांच्या जयंती कार्यक्रमासाठी लखनऊ विद्यापीठाचा नकार
सभागृह आरक्षित करण्यासाठी लखनऊ विद्यापीठाचा नकार
लखनऊ विद्यापीठात यापूर्वी झालेला आहे शिवजन्मोत्सव
लखनऊ विद्यापीठ कर्मचारी संघटनेने दिले होते पत्र
शिवजन्मोत्सवासाठी सभागृह आरक्षित करण्याची कर्मचारी संघटनेने केलेली मागणी
लखनऊतील अन्य सभागृह पहावे , लखनऊ विद्यापीठाच्या निर्माण विभागाचे आयोजकांना पत्र
अजितदादा आपल्यात नाहीत ही कल्पनाच करवत नाही...राजकीय काय तोटा झाला हे आमच्यासाठी गौण, दादांच्या जाण्याने आमचे अपरिमित नुकसान.
मंत्र्यालयातील सहाव्या मजल्यावर दादा नाहीत ही कल्पनाही करवत नाही....
राष्ट्रवादी काँग्रेस पक्षाचे अजित पवार गटाचे आमदार शेखर निकम यांची प्रतिक्रिया.
तीन दिवस दुखवट्याचे असल्याने यावर चर्चा होणे योग्य नाही....मात्र शरद पवार हे आमचे कुटुंबप्रमुख, पुढचा निर्णय शरद पवार साहेब घेतील... शेखर निकम यांची प्रतिक्रिया.
जळगाव कृषी उत्पन्न बाजार समितीच्या मुख्य प्रवेशद्वाराजवळ शुक्रवारी सकाळी एका अनियंत्रित ट्रॅक्टरने महामार्गावर वळण घेत असतांनना ट्रॅक्टरचे ट्रॉली हे पटली झाली आहे. यात सुदैवाने कुणालाही दुखापत झालेली नाही.
मिळालेली माहिती अशी की, शुक्रवारी (३० जानेवारी) सकाळी १० वाजेच्या सुमारास शेतकऱ्यांचा माल खाली करून ट्रॅक्टर (क्र. MH 19 BG 8416) भाजीपाला मार्केटच्या मुख्य गेटमधून बाहेर पडत होते. मार्केटमधून बाहेर आल्यानंतर राष्ट्रीय महामार्गावर वळण घेत असताना चालकाचा ताबा सुटल्याने हे ट्रॅक्टर अचानक रस्त्यावरच पलटी झाले. सकाळी १० ची वेळ असल्याने बाजार समितीच्या परिसरात मोठी गर्दी होती. ट्रॅक्टर पलटी झाल्याने मोठा आवाज झाला आणि परिसरात एकच धावपळ उडाली.
मंत्री छगन भुजबळ वर्षा निवासस्थानी
मुख्यमंत्री देवेंद्र फडणवीस यांच्या भेटीसाठी भुजबळ पोहोचलेत
सुनिल तटकरे आणि प्रफुल्ल पटेल देखील वर्षावर पोहोचले आहेत
सोन्या चांदीच्या भावात आज मोठी घसरण
सोन्याचा भावात 7 हजार रुपयांची तर चांदीच्या भावात 13 हजार रुपयांची घसरण
कालच सोन्या-चांदीच्या भावाने ऐतिहासिक विक्रम गाठला होता मात्र आज दुसऱ्या दिवशी सोन्या चांदीच्या भावात झाली मोठी घसरण
जळगाव सुवर्णनगरीत आज जीएसटी विना सोन्याचे भाव 1 लाख 71 हजार रुपये तर जीएसटी सह सोन्याचे भाव 1 लाख 76 हजार 130 रुपये
जीएसटीविना चांदीचे भाव 3 लाख 80 हजार रुपये तर जीएसटी सह चांदीचे भाव 3 लाख 91 हजार 400 रुपये
सुनेत्रा पवार यांनाच उपमुख्यमंत्री करा
राष्ट्रवादी काँग्रेस पक्षातील नेत्यांकडून मुख्यमंत्र्यांकडे प्रस्ताव
सर्व नेते वर्षा निवासस्थानी १२ वाजत पुन्हा मुख्यमंत्र्यांना भेटणार
राष्ट्रवादी काँग्रेस पक्षाचे राष्ट्रीय अध्यक्ष पद प्रफुल पटेल याना द्याव असा पक्षातील नेत्यांचा आग्रह
Ajit Pawar Death News: ऐन जिल्हा परिषद निवडणुकीत अजितदादांच्या दुर्दैवी निधनानंतर जिल्हा परिषद निवडणुकीतील मुख्यमंत्री देवेंद्र फडणवीस यांच्या सर्व सभा रद्द झाल्या आहेत. आता प्रचाराची जबाबदारी पालकमंत्री जयकुमार गोरे यांच्यावर आली असून उद्यापासून त त्यांच्या दौऱ्याला सुरुवात होणार आहे. उद्या पालकमंत्री हे मोहोळ आणि टेंभुर्णी या दोन ठिकाणी सभा घेणार असले तरी या प्रचारात कोणताही डामडौल अथवा राजकीय टोलेबाजी पाहायला मिळणार नाही.
नागपूरच्या मानकापूर पोलीस स्टेशन हद्दीतील वाइन शॉप मध्ये चोरी
वाइन शॉप च शटर वाकवून चोरट्याने केला आत प्रवेश
तीन चोरट्यानी मिळून वाइन शॉप मध्ये केली चोरी
चोरीची संपुर्ण घटना सीसीटीव्ही मध्ये कैद
तोंडावर कापड बांधून तीन चोरटे क्वालिटी वाइन शॉप जवळ पोहचले आधी शटर वाकवून आत शिरण्याचा प्रयत्न केला
मात्र तो फसल्याने मोठा दगड शटर खाली लावत त्यातून एक चोरटा आत शिरला त्याने आत जाऊन काऊंटर मध्ये असलेले पैसे चोरी केले तर दोन जण बाहेर पहारा देत होते
काऊंटर मध्ये असलेली सगळी रक्कम घेऊन चोरट्यानी पळ काढला
पोलिसांनी अज्ञात तीन चोरट्या विरोधात गुन्हा दाखल करत सीसीटीव्ही च्या आधारे त्यांचा शोध सुरू केला
विजय वडेट्टीवार यांच्या समर्थक नगरसेवकांना शस्त्र दाखवत अपहरण करण्याचा प्रयत्न
सहलीसाठी गेलेले 19 नगरसेवक पुण्याहून परत येताना वर्धा येथील टोलनाक्याकवळ 25 ते 30 लोकांनी शस्त्र दाखवत वाहनाची अडवणूक करत सोबत येण्यासाठी धमकावलं
सोबतच एका नगरसेवकाचा कॉलर पकडण्यात आल्याने वर्धा येथे पोलिसात तक्रार
यामधील सौरभ ठोंबरे यांनी चंद्रपूर नगरपालिकेत काँग्रेकडून विठ्ठल मंदिर प्रभागातून नगरसेवक पदासाठी निवडणूक लढवली होती..
बाहेरून गुंडगिरी प्रवृत्तीच्या लोकांचा काँग्रेस पक्षात प्रवेश झाला... आता कोण कोणत्या गटाचे हे जिल्ह्यात माहिती... सर्व पोलिस चौकशीत समोर येणार...
सरकारी हवाई वाहनांसंदर्भात महत्त्वाचा निर्णय
सरकारी हवाई वाहनांच्या तातडीच्या महत्त्वाच्या कामांसाठी ६ कोटींचा निधी मंजूर
डिसेंबर २०२५च्या पुरवणी मागण्यांद्वारे केली होती मागणी
वित्त विभागाच्या व्यय अग्रक्रम समितीने खर्चास दिली मंजुरी
प्रत्येकी ३ कोटींच्या दोन पुरवणी मागण्यांद्वारे केली होती ६ कोटींची मागणी
लहान बांधकामे व यंत्रसामुग्री व साधनसामुग्री उद्दीष्टासाठी वित्त विभागाची संमती
दोन राष्ट्रवादीने एकत्र यायला पाहिजे हे माझं वैयक्तिक मत आहे. नवीन पिडीला संधी द्यायला पाहिले. राज्यातील पहिली महिला उप मुख्यमंत्री सुनेत्रा पवार झाल्या तर त्याचा आम्हाला आनंद आहे. - विजय वडेट्टीवार
अकोला: आज अकोला महापालिकेच्या महापौर आणि उपमहापौर पदाची निवडणूक होतीये. या निवडणुकीच्या पार्श्वभूमीवर अकोला महापालिकेसमोर पोलिसांचा प्रचंड बंदोबस्त लावण्यात आलाये. गांधी मार्गावरील महापालिकेसमोरून जाणारा रस्ता पोलिसांनी बंद केलाय. अकोला महापालिकेत सत्तेसाठी भाजप आणि काँग्रेस अशा दोन्ही आघाड्यांमध्ये प्रचंड चुरस आहेय. भाजपाने बहुमताचा 41 आकडा गाठल्यानंतरही काँग्रेस आज महापालिकेत चमत्कार होणार असल्याचं म्हणतेय. त्यामुळे अकोला महापालिकेच्या सभागृहात नेमकं काय होणार?, याची उत्सुकता सर्वांनाच लागली आहे आजच्या निवडणुकीच्या पार्श्वभूमीवर दोन्ही बाजूंच्या कार्यकर्त्यांची मोठी गर्दी महापालिकेसमोर होणार आहेय. त्याच अनुषंगाने पोलीस प्रशासनाने कोणताही अनुचित प्रकार घडू नये म्हणून मोठ्या प्रमाणात पोलीस बंदोबस्त लावलाय. पोलिसांनी विशेष खबरदारी म्हणून महापालिकेसमोरचा रस्ता बंद केलाय. यासोबतच महापालिकेच्या परिसरातील सर्व दुकानं दुपारी तीन वाजेपर्यंत बंद ठेवण्यास सांगितलेय. वरिष्ठ पोलीस अधिकारी, आरसीपी कमांडो यासोबतच पोलीस कर्मचाऱ्यांचा मोठा पोलीस बंदोबस्त या ठिकाणी पाहायला मिळतोय.
सुनेत्रा पवार यांची बारामतीमधे भेट घेतल्यानंतर तातडीने राष्ट्रवादीच्या नेत्यांनी मुख्यमंत्री देवेंद्र फडणवीस यांची रात्री उशिरा भेट घेतली
बैठकीला प्रदेशाध्यक्ष सुनील तटकरे, मंत्री छगन भुजबळ, राष्ट्रीय कार्याध्यक्ष प्रफुल पटेल आणि माजी मंत्री धनंजय मुंडे उपस्थित
अजित पवारांकडे असलेली खाती राष्ट्रवादी काँग्रेस पक्षालाच मिळावी याबाबत बैठकीत चर्चा
पक्षांतर्गत घडामोडींबाबत कदाचित प्रदेशाध्यक्ष सुनील तटकरे दुपारनंतर माध्यमांशी बोलण्याची शक्यता
शरद पवारांनी घेतलं अस्थी दर्शन
शरद पवारांसोबत सदानंद सुळे उपस्थित
Crime News : यवतमाळ शहरात देशी बनावट पिस्टलसह दोन काडतूस व एक धारदार चाकू बाळगणाऱ्या एका तरुणाला स्थानिक गुन्हे शाखा पथकाने अटक केली. अजिंक्य नाचपेलवार असे अटक करण्यात आलेल्या तरुणाचे नाव आहे ही कारवाई अवधूत वाडी पोलीस ठाण्याच्या हद्दीत करण्यात आली. त्याच्याकडून देशी पिस्तूल, चाकू दोन जिवंत काडतूस असा एकूण एक लाख 42 हजार रुपयाचा मुद्देमाल जप्त करण्यात आला असून याप्रकरणी पोलिसांनी गुन्हा दाखल केला आहे. आरोपी अजिंक्य नाचपेलवार हा धारदार चाकू आणि पिस्तल घेऊन फिरत आहे अशी माहिती स्थानिक गुन्हे शाखा पथकाला मिळाली होती त्यावरून त्यांनी सापळा रचून त्याला अटक केली.
Ajit Pawar Death Plane Crash: उपमुख्यमंत्री अजित पवार (Ajit pawar) यांच्या निधनाने राज्यभर शोककळा पसरली असून तीन दिवस शासकीय दु:खवटा पाळण्यात आला आहे. अशातच आता अजित पवारांच्या विमान दुर्घटनेच्या तपासाबाबत एक मोठी अपडेट पुढे आली आहे.
राज्य सरकारकडून अजित पवारांच्या विमानाच्या अपघाताचे सीआयडी चौकशीचे आदेश देण्यात आले आहे. त्याचबरोबर बारामती पोलीसांना अपघातस्थळावर कोणालाही जाऊ न देण्याच्या सूचनाही देण्यात आल्या आहेत. दरम्यान, फॉरेन्सिक टीमने आधीच या अपघातस्थळी जाऊन नमुने तपासणीसाठी गोळा केले आहेत. हा तपास करताना बारामती पोलीस ठाण्यात नोंद असलेल्या एक्सिडेंटल डेथ रिपोर्टच्या अनुषंगाने तपास करण्यात येणार आहे. पूर्णबातमीवाचण्यासाठीइथेक्लीककरा
अजित पवार यांच्या जाण्याने मंत्रालयातील ६ व्या मजल्यावरील त्यांच्या कार्यालयाबाहेर शुकशुकाट
जीथे नेहमी कार्यकर्ते आणि सामान्य जनतेची रेलचेल असायची, निवेदनं, फाईल्स आणि प्रशासकीय अधिकाऱ्यांचे कामकाज मंगळवार पर्यंत दिसत होती तीथे आता शांतता आहे.
मंगळवारी अजित पवारांच्या ह्याच ऑफिस मध्ये अनेक महत्वाच्या कामांना अजित पवार यांनी मंजूरी दिली होती
प्रशासनावर आर्थिक शिस्तीचा बोजा वाढणार
सन २०२५-२६ साठी निधी वितरणासंदर्भातील परिपत्रक शासनाकडून जारी
२०२५-२६ च्या आर्थिक वर्षातील बजेटमधील निधी वितरणाला कात्री
दरम्यान, दरवर्षी दिलेल्या बजेटमधील खर्च पूर्ण होताना दिसत नाही
अशात, सरकारकडून आधीच नियोजन करत खर्च कमी करण्याचा प्रयत्न केला जातोय
बांधकामे, वाहन खरेदी, यंत्रसामग्री, जाहिरात व इतर प्रशासकीय खर्चावर निर्बंध आणले गेले आहेत
दरम्यान, असं असलं तरी जाहिरात, बांधकामे, वाहन खरेदी, यंत्रसामग्री, अर्थसहाय्य आदी बाबींसाठी निधी वितरणाचे प्रस्ताव ठोस कारणांसह १२ फेब्रुवारीपर्यंत वित्त विभागाकडे सादर करण्याचे निर्देश दिले गेले आहेत
अशात, दिलेला निधी पूर्णपणे खर्च केला जात नसल्याने सरकारकडून बजेटला कात्री लावण्यात आल्याची माहिती
निधी वितरण करताना तो प्रत्यक्ष खर्चात वापरला जाईल याची खात्री करण्याचे प्रशासकीय विभागांना निर्देश
वेतन, निवृत्तीवेतन, व्याज, कर्ज परतफेड, आंतरलेखा हस्तांतरणे यांसारख्या अत्यावश्यक खर्चासाठी ९५ ते १०० टक्क्यांपर्यंत निधी वितरण ठेवण्यात आले आहेत
यंदा राज्याचा अर्थसंकल्प मुख्यमंत्री देवेंद्र फडणवीसच मांडण्याची शक्यता
अजित पवार यांच्या निधनामुळे मुख्यमंत्री देवेंद्र फडणवीस अर्थसंकल्प मांडण्याची शक्यता
२३ फेब्रुवारीपासून राज्याच्या अर्थसंकल्पीय अधिवेशनाला होणार सुरुवात
६ मार्च रोजी राज्याचा अर्थसंकल्प मांडला जाणार
या आधी एकनाथ शिंदे मुख्यमंत्री असताना अर्थ खात्याची जबाबदारी असल्याने फडणवीस यांनी मांडला होता अर्थसंकल्प
आदिवासी बहुल म्हणून ओळखल्या जाणाऱ्या गोंदिया जिल्ह्यातील कचारगड यात्रेला आजपासून सुरुवात होणार आहे... आदिवासी बांधवाचे श्रद्धास्थान असलेल्या गोंदिया जिल्ह्याचा सालेकसा तालुक्यातील कचारगड धनेगाव येथे माघ पौर्णिमेला आदिवासी गोंड समाजाची 5 दिवस चालणारी कचारगड यात्रा दरवर्षी भरत असते. यावर्षी 30 जानेवारी पासून या यात्रेला सुरुवात होणार असून ही यात्रा 3 फेब्रुवारीपर्यंत चालणार आहे. कचारगड येथे आपल्या आद्य पूर्वजांना, कुलदैवतांना स्मरण व नमन करण्यासाठी देशाच्या विविध भागांतून आदिवासी भाविकांचे आगमन सुरू झाले आहे. कचारगड यात्रेत धनेगाव ते कचारगड परिसर जय सेवा, जय जय सेवाच्या गजराने दुमदुमणार आहे......
अमरावती शहरात वाढलेल्या घरफोडीच्या घटनांना आळा घालण्यात अमरावती शहर गुन्हे शाखेला मोठे यश मिळाले आहे.. गुन्हे शाखेने रेकॉर्डवरील सराईत घरफोडी करणाऱ्या गुन्हेगारास अटक करून त्याच्याकडून 10 घरफोडीचे गुन्हे उघडकीस आणले असून लाखोंचा मुद्देमाल जप्त केला आहे..
चौकशीत त्याने अमरावती शहरातील विविध भागांमध्ये केलेल्या 10 घरफोड्यांची कबुली दिली.. आरोपीकडून पोलीसांनी सोन्या-चांदीचे दागिने, रोख रक्कम आणि अन्य मौल्यवान साहित्य असा एकूण 20 लाख 73 हजार रुपयांचा मुद्देमाल जप्त करण्यात आला आहे.. पुढील तपासात आणखी गुन्हे उघडकीस येण्याची शक्यता पोलिसांनी व्यक्त केली आहे...
सोशल मीडिया वर आक्षेपार्य पोस्ट करणाऱ्याला महाराष्ट्र नवनिर्माण सेनेकडून चोप
नालासोपारा येथे थेट अर्धनग्न करून एक ते दीड किमी धिंड काढण्यात आली आहे
सूरज महेंद्र शिर्के या तरुणाने सोशल मीडियावर महाराष्ट्र नवनिर्माण सेना पक्ष, ठाकरेंची शिवसेना, उद्धव ठाकरे, राज ठाकरे आणि आदित्य ठाकरे यांच्याबद्दल आक्षेपार्य पोस्ट करण्यात आलेल्या आहेत
याच कारणावरून मनसेच्या पदाधिकारी किरण नकाशे आणि मनसेच्या कार्यकर्त्यांनी पकडून त्याला चोल दिला आहे
मनसेच्या पदाधिकारी किरण नकाशे यांनी सूरज महेंद्र शिर्केला चोप देतानाचे व्हिडिओ समाज माध्यमांवर टाकत म्हंटले आहे की याला हीच भाषा समजत आहे
Raigad Crime : रायगड मधील नेरळ परिसरात पुन्हा एकदा एकावर जीवघेणा हल्ला झाल्याची घटना समोर आलीय.शिवसेना शिंदे गटाचे कार्यकर्ते सुरेश टोकरे यांच्या प्रचार वादातून एका तरुणावर चक्क चाकूने हल्ला करत या तरुणाला भोसकण्याचा प्रयत्न करण्यात आला या हल्ल्यात तरुण गंभीर जखमी झाला असून त्याच्यावर नेरळ मधील रायगड हॉस्पिटल येथे उपचार सुरू आहेतं.या घटनेप्रकरणी तिघांना नेरळ पोलिसांनी ताब्यात घेतलय.
उपमुख्यमंत्री अजितदादा यांना काल महाडमध्ये श्रद्धांजली वाहण्यात आली. महाड शहरातील व्यापाऱ्यांनी संपूर्ण दिवस भर दुकान बंद ठेवत अजितदादांना श्रद्धांजली वाहिली तर पत्रकार संघटनेने संध्याकाळी महाडच्या छत्रपती शिवाजी महराज चौकात श्रद्धांजली सभेचे आयोजन केले होते.या वेळी शिवसेनेचे विकास गोगावले, महाडचे उपनगराध्यक्ष संदिप जाधव, महाड तहसिलदार महेश शितोळे, पोलिस निरिक्षक रमेश तडवी यांच्या सह सर्व पक्षीय कार्यकर्ते, प्रशासकिय अधिकारी उपस्थित होते.
पुण्याचे माजी महापौर शांतीलाल सुरतवाला यांचे निधन
कॅन्सरच्या आजाराने निधन
पुण्यात रुबी हॉल क्लिनिकमध्ये आज पहाटे झाले निधन
१९९२- ९३ वर्षात पुण्याच्या महापौर पद भूषवले होते.
वयाच्या ७६ व्या वर्षी निधन
माजी शहराध्यक्ष राष्ट्रवादी काँग्रेस
शरद पवारांचे कट्टर समर्थक म्हणून ओळख
सुरतवाला हे पुण्यातील तंबाखूचे प्रसिद्ध व्यापारी आहेत
जिल्हा परिषद आणि पंचायत समितीच्या निवडणुका पुढे ढकलल्याने शिक्षकांची मोठी अडचण
या निवडणूका पुढे ढकलल्याने अनेक शिक्षकांची टीईटी बुडण्याची शक्यता
जिल्हा परिषद आणि पंचायत समितीच मतदान ७ जानेवारी तर ९ जानेवारीला मतमोजणी होणार आहे
तर सीटीईटी ७ आणि ८ फेब्रुवारीला परिक्षा पार पडणार आहे
त्यामुळे ७ तारखेला ज्यांचा पेपर आहे त्यांची परीक्षा बुडणार
तर आठ तारखेला ज्यांचा पेपर आहे त्यांच सेंटर इतर जिल्ह्यात आलं तर त्यांनाही मतदान प्रक्रिया पुर्ण करुन परीक्षेला जाण शक्य होणार नाही
उपमुख्यमंत्री अजित पवार यांच्या निधनामुळे तीन दिवसाचा दुखवटा जाहीर केल्याने पाच फेब्रुवारीला होणार मतदान ७ फेब्रुवारीला तर मतमोजणी ९ तारखेला राज्य निवडणूक आयोगाने केली आहे
त्यामुळे ही सीटीईटी पुढे ढकलावी अशी शिक्षक संघटनांची मागणी
मात्र ही परीक्षा केंद्र सरकारची असल्यामुळे जर ही परीक्षा पुढे ढकलायची असेल तर केंद्र सरकारला यावर निर्णय घ्यावा लागणार
एकीकडे न्यायालयाने ही परीक्षा बंधनकारक केली तर दुसरीकडे निवडणूक ड्युटी असल्याने काय भुमिका घ्यावा असा प्रश्न शिक्षकांच्या समोर आहे
कल्याण डोंबिवली महापालिका महापौर नामनिर्देशन पत्र दाखल करण्याचा आजचा शेवटचा दिवस
कल्याण डोंबिवली महापालिका मध्ये महापौर पदाचे आरक्षण अनुसूचित जमातीचे असल्याने एकमेव शिवसेना शिंदे गटाकडे दोन नगरसेवक असल्याने कोणाला महापौर पदावर विराजमान केले जाईल याकडे सर्वांचे लक्ष लागले आहे
शिवसेना भाजपाची कल्याण डोंबिवली महानगरपालिका मध्ये युती आहे
त्यातच शिवसेनेला मनसेने साथ दिल्याने मनसेकडे एक महिला नगरसेविका अनुसूचित जमाती मधील आहे
शिवसेना शिंदे गटात दोन गट निर्माण झाले आहेत
एका गटात किरण भांगले यांना महापौर पदी विराजमान करण्यासाठी जोर लावला जात आहे तर दुसऱ्या गटाकडून हर्षाली थविल यांना महापौर पदी विराजमान करण्यासाठी जोरदार हालचाली सुरू आहेत आज महापौर निवडणुकीसाठी नामनिर्देशन पत्र दाखल करण्याचा शेवटचा दिवस आहे
किरण भांगले की हर्षाली थविल कोण महापौर होणार याकडे सर्वांचे लक्ष लागले आहे
नामिर्देशन पत्र कोण दाखल करणार की महापौर निवडणूक बिनविरोध होणार याकडे सगळयांचे लक्ष लागले आहे
अजित पवारांवर काल अंत्यसंस्कार झाल्यानंतर आज सावडण्याचा विधी होणार आहे. सकाळी आठच्या सुमारास विधी होणार असल्याची माहिती आहे
विरार : विरार पूर्वेच्या भागातील गास कोपरी येथील वैष्णवी देवी डोंगराला भीषण आग लागल्याची घटना घडली आहे. सातच्या ७ च्या सुमारास ही घटना घडली यात. या लागलेल्या आगीमुळे मोठी खळबळ उडाली आहे. या आगीत मोठ्या प्रमाणात वनसंपदा जळून खाक झाली आहे. तर वन्य जीवांना ही धोका निर्माण झाला आहे. या घटनेची माहिती वन विभागा ला देण्यात आली आहे.मात्र अजून कोणीही आग विझविण्यासाठी आले नाही. नेमकी आग लागली की लावण्यात आली याबाबत संशय व्यक्त केला जात आहे.
अजित पवारांच्या अकाली निधनामुळे ठप्प झालेला जिल्हा परिषद निवडणुकीचा प्रचार पुन्हा सुरू झाला. या प्रचारात महाराष्ट्राच्या राजकीय सुसंस्कृतपणा पाहायला मिळाला. धाराशिवच्या वडगाव जिल्हा परिषद गटातील शिवसेना उबाठा पक्षाच्या उमेदवार लक्ष्मी राजेंद्र जाधव यांच्यासाठी नितीन बानगुडे पाटील यांचे सभा पार पडली. प्रचार सभेची सुरुवात ही अजित पवार यांना श्रद्धांजली अर्पण करत झाली. सभेसाठी उपस्थित शिवसेना उबाठा पक्षाचे नेते आणि कार्यकर्त्यांनी दोन मिनिट स्तब्ध उभे राहत अजित पवारांना श्रद्धांजली अर्पण केली आणि त्यानंतर सभा सुरू झाली. धाराशिवमध्ये भारतीय जनता पार्टीकडून जिल्हा परिषद निवडणुकीच्या तोंडावर मोठ्या प्रमाणात ऑपरेशन कमळ राबविण्यात आल आहे. ज्या गावात ऑपरेशन कमळ राबवलं त्या गावात आता शिवसेना उबाठा पक्षाकडून प्रचार सभा घेण्यात येत आहेत. शिवसेनेचे नेते नितीन बानगुडे पाटील यांचे प्रचार सभा चिलवडी गावात पार पडली.
कल्याण डोंबिवली महापालिका मध्ये महापौर पदाचे आरक्षण अनुसूचित जमातीचे असल्याने एकमेव शिवसेना शिंदे गटाकडे दोन नगरसेवक असल्याने कोणाला महापौर पदावर विराजमान केले जाईल याकडे सर्वांचे लक्ष लागले आहे
शिवसेना भाजपाची कल्याण डोंबिवली महानगरपालिका मध्ये युती आहे. त्यातच शिवसेनेला मनसेने साथ दिल्याने मनसेकडे एक महिला नगरसेविका अनुसूचित जमाती मधील आहे.
- मुख्यपृष्ठ
- बातम्या
- राजकारण
- Maharashtra Live Blog Updates: सुनेत्रा पवार राज्याच्या उपमुख्यमंत्री होणार? घडामोडींना वेग