Maharashtra Live Blog Updates: अकोल्याच्या राजकारणात मोठे उलटफेर; ठाकरेंचे सहापैकी चार नगरसेवक

18/03/2026 09:24:57

अकोल्याच्या राजकारणात मोठे उलटफेर; ठाकरेंचे सहापैकी चार नगरसेवक शिंदेंच्या शिवसेनेत

अकोल्याच्या राजकारणात मोठे उलटफेर. अकोल्यात ठाकरेंच्या शिवसेनेला मोठा झटका. महापालिकेतील सहापैकी चार नगरसेवक शिंदेंच्या शिवसेनेत. नुकत्याच झालेल्या महापालिका निवडणुकीत निवडून आलेले सहापैकी चार नगरसेवक शिंदेंच्या शिवसेनेत रात्री दोन वाजता केला शिंदेंच्या ठाण्यातील नंदनवन निवासस्थानी पक्षप्रवेश. चार नगरसेवकांसह ठाकरे गटाचे जिल्हाप्रमुख मंगेश काळे यांचाही शिंदेंच्या शिवसेनेत पक्षप्रवेश. पक्ष प्रवेश केलेल्या नगरसेवकांमध्ये मनोज पाटील सागर भारुका सुरेखा काळे आणि सोनाली सरोदे या नगरसेवकांचा समावेश. आता अकोला महापालिकेत ठाकरे उरले फक्त दोन नगरसेवक. प्रवेश केलेल्या नगरसेवकांमध्ये नुकतीच महापौर पदाच्या महाविकास आघाडीने वंचित बहुजन आघाडीच्या पाठिंबावर उमेदवार असलेल्या सुरेखा काळे यांचाही समावेश.

ग्राफिक्स शिंदे गटात प्रवेश केलेले नगरसेवक आणि पदाधिकारी.

मंगेश काळे (जिल्हा प्रमुख उबाठा)
मनोज पाटील (नगरसेवक उबाठा )
सागर भरुका ( नगरसेवक उबाठा)
सोनाली सरोदे ( नगरसेवक उबाठा)
सुरेखा काळे ( नगरसेवक उबाठा)

18/03/2026 09:18:57

गडचिरोली जिल्ह्यात वादळी वाऱ्यासह अवकाळी पावसाची हजेरी

आज पहाटेच्या सुमारास गडचिरोली जिल्ह्यातील अनेक भागात वादळी वाऱ्यासह अवकाळी पावसाने हजेरी लावली. त्यामुळे नागरिकांची चांगलीच तारांबळ उडाली. अहेरी उपविभागातील मुलचेरा, अल्लापल्ली परिसरात सकाळी सात वाजता पासून रिमझिम पाऊस झाला. तर गडचिरोली, चामोर्शी आरमोरी या भागाला जोरदार वादळाचा तडाखा बसला. 17 ते 20 गडचिरोली जिल्ह्यासह विदर्भातील काही जिल्ह्यात वादळी वाऱ्यासह पावसाची शक्यता हवामान विभागाने वर्तवली होती. हा अंदाज खरा ठरला आहे.

18/03/2026 09:18:38

बिबट्याच्या हल्ल्यात सहा शेतकरी जखमी

चंद्रपूर जिल्ह्यात बिबट्याने एका मागून एक केलेल्या हल्ल्यात सहा शेतकरी जखमी झाले आहेत. ब्रह्मपुरी तालुक्यातील चिखलगाव आणि पिंपळगाव भोसले या गावातील ही घटना असून जखमींमध्ये तीन महिलांचा समावेश आहे. ही दोन्ही गावं वैनगंगा नदीच्या लगत असून काल दुपारच्या दरम्यान हे सर्व शेतकरी आपल्या शेतात काम करत होते. याच दरम्यान बिबट्याने शेतात काम करणाऱ्या या शेतकऱ्यांवर हल्ले केले. हल्ल्यांमध्ये जखमी झालेल्या सर्व शेतकऱ्यांना ब्रह्मपुरी ग्रामीण रुग्णालय आणि गडचिरोली जिल्हा रुग्णालयात दाखल करण्यात आलं आहे. वनविभागाने घटनेची माहिती मिळताच या भागात ट्रॅप कॅमेऱ्याच्या माध्यमातून हल्ला करणाऱ्या बिबट्याचा शोध सुरू केलाय.

18/03/2026 09:18:18

रशिया इराण शस्त्रास्त्रांच्या बाबतीत एकमेकांचे बांधव

रशिया - इराण भाई भाई

रशिया इराण शस्त्रास्त्रांच्या बाबतीत एकमेकांचे बांधव

मध्यपूर्वेतील युद्धात झेलेन्स्की यांचे वक्तव्य

युक्रेनचे राष्ट्रप्रमुख व्लादमिर झेलेन्स्की यांच्याकडून इराणविरोधात भूमिका

रशिया आणि युक्रेन मध्ये सुरू असलेल्या युद्धानंतर झेलेन्स्की यांनी आता मध्यपूर्वेतील युद्धाच्या अनुषंगाने थेट इराण आणि रशिया दोघांचे कनेक्शन जोडले आहे.

18/03/2026 09:17:55

पालघर जिल्ह्यातील पेसा नोकर भरती विरोधात आज बिगर आदिवासींचा एल्गार

पालघर जिल्ह्यातील पेसा नोकर भरती विरोधात आज बिगर आदिवासींचा एल्गार . बिगर आदिवासींचा भव्य मोर्चा पालघर जिल्हाधिकारी कार्यालयावर धडकणार . जिल्ह्यात नोकर भरतीत आदिवासींना 100% आरक्षण दिल्याने बिगर आदिवासी समाज आक्रमक . हुतात्मा चौकापासून सुरू होणाऱ्या भव्य मोर्चाची पालघर जिल्हाधिकारी कार्यालयावर होणार सांगता . जिल्ह्यातील बिगर आदिवासींच्या मोर्चाला अनेक संघटनांचा पाठिंबा.

18/03/2026 08:39:05

दहावी-बारावी परीक्षेत कॉपी करणाऱ्या ४३ विद्यार्थ्यांवर कारवाईचे संकेत

- दहावी-बारावी परीक्षेत कॉपी करणाऱ्या ४३ विद्यार्थ्यांवर कारवाईचे संकेत

- नागपूर विभागातून १२वीत २७ तर १०वीत १६ कॉपी प्रकरणे उघड

- पेपर लीक आणि परीक्षा केंद्रांवरील कॉपी करणारे विद्यार्थी कारवाईच्या कक्षेत

- एक ते तीन वेळा परीक्षा देण्यास बंदीची शक्यता कारवाई नंतर होणार स्पष्ट..

- सुनावणीनंतर तज्ज्ञ समितीकडून कारवाई संदर्भात अंतिम निर्णय होणार

- विद्यार्थ्यांना सुनावणीदरम्यान बाजू मांडण्याची संधी

- यंदा १०वीपेक्षा १२वीत कॉपी प्रकरणे अधिक, कॉपीच्या गंभीरतेनुसार शिक्षेचा निर्णय ठरणार

- बोर्डाचे विभागीय अध्यक्ष डॉ. शिवलिंग पटवे यांची माहिती

- कॉपी प्रकरणांमध्ये परीक्षा केंद्रांवरही कारवाईचे संकेत

- जास्त कॉपी आढळलेल्या केंद्रांची मान्यता रद्द होण्याची शक्यता

- केंद्रप्रमुख व पर्यवेक्षकांच्या वेतनवाढीवर स्थगितीची शिफारस केली जाऊ शकते.

18/03/2026 07:58:34

भंडाऱ्यात वाहतूक पोलिसाला धक्काबुक्की

भंडारा शहरातील पोस्ट ऑफिस चौकात कर्तव्यावर असलेल्या वाहतूक शिपायाला धक्काबुक्की करीत शासकीय कामात अडथळा निर्माण केल्याचा गंभीर प्रकार रात्री भंडारा शहरात घडला. मद्यप्राशन करून दुचाकी चालविणाऱ्यावर कारवाई करण्याच्या दरम्यान वाद निर्माण झाल्यानंतर हा प्रकार घडला. याप्रकरणी वाहतूक पोलीस शिपाई सुधीर करमकर यांच्या तक्रारीवरून भंडारा पोलिसांनी तिघांविरोधात गुन्हा दाखल करीत त्यांना अटक केली. आरोपींमध्ये मानव मोगरे (२५) आणि मयूर मोगरे (२२) या दोन सख्ख्या भावांसह आशू सोनेकर (२१) या तिघांचा समावेश आहे.

18/03/2026 07:58:14

एलपीजी तुटवड्याबाबत दाखल याचिका मुंबई उच्च न्यायालय नागपूर खंडपीठात निकाली

एलपीजी तुटवड्याबाबत दाखल याचिका मुंबई उच्च न्यायालय नागपूर खंडपीठात निकाली काढली आहे.. केंद्र सरकारच्या हमीनंतर न्यायालयाने याचिका निकाली काढली आहे.. नागपूरच्या कॉन्फिडन्स इंडिया गॅस कंपनीशी संबंधित सहा वितरकांनी ही याचिका दाखल केली होती.. मात्र या याचिकेच्या सुनावणी संदर्भात सरकारच्या वतीने शपथपत्र दाखल करून एलपीजी गॅसच्या तुटवड्यासंदर्भात काय प्रयत्न केले जात आहे याची माहिती देण्यात आली.. ते ग्राह्य धरत खंडपीठाने याचिका निकाली काढली आहे...

18/03/2026 07:50:28

एसआयआर मोहिमेला भाजपकडून वेग

एसआयआर मोहिमेला भाजपकडून वेग

मुख्यमंत्री देवेंद्र फडणवीस आणि प्रदेशाध्यक्ष रविंद्र चव्हाणांच्या उपस्थितीत पार पडली एसआयआर कार्यशाळा

महाराष्ट्रात २००२ साली झालेल्या एसआयआरचा संदर्भ घेतला जाणार

बीएलओ आणि बीलएच्या समन्वयातून राबविली जाणार प्रक्रिया

एसआयआर अभियान राबविण्यासाठी ३ महिन्यांचा कार्यक्रम

पुढील दहा दिवसांत एसआयआर संदर्भात आवश्यक त्या सर्व नियुक्त्या करण्याचे आदेश

18/03/2026 07:14:22

लहान मुलं, महिला, वृद्ध माणसं पहाटेपासून गॅसच्या रांगेत

धाराशिवमध्ये पहाटेपासूनच गॅस एजन्सी बाहेर नंबर लावण्यासाठी लोकांची धडपड

लहान मुलं, महिला, वृद्ध माणसं पहाटेपासून गॅसच्या रांगेत

दिवसभरात गॅस साठी गर्दी होत असल्याने पहाटेच नंबर लावून गॅस मिळवण्यासाठी कसरत

गॅस एजन्सीचे कुलूप उघडले नाही, सर्वत्र अंधार अशा परिस्थितीत महिला, लहान मुले रांगेत

कामावर जायचे, घरी गॅस संपलेला; हॉटेल मधून पार्सल आणून जेवण्याची वेळ

भाड्याच्या घरात चुलही पेटवता येत नाही, अनेकांची अडचण

18/03/2026 06:24:13

गॅस तुटवड्याचा परिणाम खानावळ व्यवसायावर

आखाती देशांमध्ये सुरू असलेल्या युद्धाचा परिणाम आता थेट स्थानिक व्यवसायांवर होताना दिसतोय. भारतात कमर्शियल गॅसचा तुटवडा निर्माण झाल्यामुळे हिंगोली शहरासह अनेक ठिकाणी खानावळ आणि हॉटेल व्यवसाय अडचणीत आला आहे. गॅस पुरवठा विस्कळीत झाल्याने अनेक हॉटेल्समध्ये आता चुली पेटवून स्वयंपाक केला जातोय. हिंगोली शहरालगत असलेल्या एका हॉटेलमध्ये दररोज लागणारे चार गॅस सिलेंडर उपलब्ध होत नसल्यामुळे मालकांनी पर्याय म्हणून चुलीचा वापर सुरू केला आहे. हॉटेलमध्ये एक-दोन नव्हे तर तब्बल चार चुली पेटवून स्वयंपाक केला जातोय. गॅसच्या तुलनेत चुलीवर स्वयंपाक करण्यास अधिक वेळ लागत असल्याने ग्राहकांना सेवा देण्यात उशीर होत आहे. याचा थेट परिणाम व्यवसायावर दिसून येतोय. परिस्थिती इतकी गंभीर झाली आहे की, हॉटेलमधील मेनू कार्डमधून अनेक पदार्थ कमी करण्यात आले आहेत. विशेषतः चायनीज पदार्थ आणि तळणीचे पदार्थ बनवणे पूर्णपणे बंद करण्यात आले आहे.

18/03/2026 06:23:49

महानगरपालिका प्रिंटिंग प्रेसमध्ये 6.60 कोटींचा घोटाळा?; सभागृहात मुद्दा गाजला

मुंबई महानगरपालिकेच्या प्रिंटिंग प्रेस विभागात आर्थिक अनियमिततेचा गंभीर आरोप समोर आला आहे. भाजपचे नगरसेवक प्रविण छेडा यांनी सभागृहात पॉइंट ऑफ ऑर्डर उपस्थित करत या प्रकरणाची चौकशी करण्याची मागणी केली.डिजिटल मोनोक्रोम प्रोडक्शन प्रिंटर खरेदीसाठी काढलेल्या निविदेत FSMA (फुल सर्व्हिस मेंटेनन्स अ‍ॅग्रीमेंट) दर बाजारभावापेक्षा जवळपास दुप्पट ठेवण्यात आल्याचा आरोप करण्यात आला आहे. निविदेत प्रति क्लिक ₹0.72 दर मंजूर करण्यात आला असून, सध्या त्याच सेवेसाठी केवळ ₹0.40 प्रति क्लिक दराने देयक दिले जात असल्याचे समोर आले आहे. त्यामुळे प्रति क्लिक ₹0.32 चा फरक निर्माण होत आहे.

Maharashtra Live Blog Updates: अकोल्याच्या राजकारणात मोठे उलटफेर; ठाकरेंचे सहापैकी चार नगरसेवक शिंदेंच्या शिवसेनेत

Maharashtra Live Blog Updates: राज्यासह देश-विदेशातील महत्वाच्या घडामोडींचे सर्व अपडेट्स...

पार्श्वभूमी