Live Blog Updates: एकनाथ शिंदे संसदेत, रिजिजू म्हणाले, श्रीकांत मेरा छोटा भाई, नेमकं काय घडलं?
Maharashtra Live Blog Updates: राज्यासह देश-विदेशातील महत्वाच्या घडामोडींचे सर्व अपडेट्स...
पार्श्वभूमी
Maharashtra Live Blog Updates: राज्याची आर्थिक स्थिती लक्षात घेता नव्या महाविद्यालयांना अनुदानित तत्वावर परवानगी न देण्याबाबतच्या धोरणात बदल करणे शक्य नाही. मात्र अनुदानित महाविद्यालयांमध्ये मोठ्या प्रमाणावर प्राध्यापक भरती केली जाणार...More
लातूर शहरात घरगुती गॅस सिलिंडरचा पुरवठा सुरळीत व्हावा आणि घरगुती सिलिंडरचा व्यावसायिक वापर टाळण्यासाठी जिल्हा प्रशासनाने शहरात दहा पथके कार्यान्वित केली आहेत. या पथकांकडून गेल्या रविवारपासून शहरातील वेगवेगळ्या भागातील छोट्या - मोठ्या हॉटेल्सची अचानक तपासणी करण्यात येत आहे. या पथकाकडून काल शहरात तपासणीदरम्यान नऊ सिलिंडर जप्त करण्यात आले आहेत. या दहा पथकांमार्फत यापुढेही तपासणीची मोहीम सुरू राहणार असल्याची माहिती जिल्हा पुरवठा अधिकारी व्यंकटेश रावलोड यांनी दिलीय.
भुसावळ: गॅस सिलेंडर टंचाईचा परिणाम आता धार्मिक उत्सवांवरही पाहायला मिळत असून महाप्रसादासाठी गॅस सिलेंडर उपलब्ध न झाल्याने भुसावळ येथील हिंगलाज देवीच्या मंदिरात प्रगट सोहळा हा महाप्रसादाविना करावा लागला आहे. हिंगलाज देवी ही भावसार समाजाची कुलदैवत मानली जाते मात्र हिंगलाज देवीचे मूळ स्थान हे बलुचिस्तान मध्ये असल्याने स्थानिक मंदिरांमध्येच भावसार समाज मोठ्या उत्साहात प्रगट दिवस हा साजरा करतात. मात्र, यावर्षी महाप्रसादासाठी गॅस सिलेंडर उपलब्ध न झाल्याने प्रथमच महाप्रसादाविना हा उत्सव साजरा करावा लागला आहे.
दापोडी येथील मुळा नदीच्या पात्रात आज दुपारी १२.३० वाजताच्या सुमारास एका अज्ञात महिलेचा मृतदेह आढळून आला आहे. या घटनेमुळे परिसरात मोठी खळबळ उडाली असून नागरिकांमध्ये भीतीचे वातावरण आहे. नदीपात्रात मृतदेह असल्याची माहिती मिळताच पिंपरी चिंचवड महानगरपालिकेच्या अग्निशमन दलाच्या पथकाने तात्काळ घटनास्थळी धाव घेतली. अग्निशमन दलाच्या जलपरी या विशेष वाहनासह जवानांनी नदीपात्रातून मृतदेह बाहेर काढला आहे. संबंधित महिलेने नदीपात्रात कधी आणि कोणत्या कारणाने उडी मारली, हे अद्याप स्पष्ट होऊ शकलेले नाही. पोलिसांनी मृतदेह ताब्यात घेतला असून, महिलेची ओळख पटविण्याचे सुरू आहे. पुढील तपास दापोडी पोलीस करत आहेत.
बीडच्या धारूरमध्ये दुचाकी चालकाला पेट्रोलची टाकी फुल करणे महागात पडले आहे.दुचाकीचालकाने आपल्या गाडीची पेट्रोलची टाकी फुल भरली.मात्र वाढलेल्या उष्णतेमुळे रस्त्यावरून जात असताना त्याच्या दुचाकीने अचानक पेट घेतला. दुचाकीचालकाने वेळेतच गाडी थांबवल्याने यात कुठलीही हानी झाली नाही. मात्र, दुचाकी स्वाराचा डोळ्यासमोरच त्याची गाडी जळून खाक झाली आहे.
मुंबईत बांधकामांच्या वेळेत बदलाचा ठराव; आज सभागृहात मांडणी
सकाळी ७ ते संध्याकाळी ७ या वेळेतच बांधकाम कामांना परवानगी देण्याची मागणी
या संदर्भात राज्य सरकारकडे योग्य निवेदन करण्याची महापौरांना विनंती
संबंधित ठरावाची सूचना आज पालिकेत मांडली जाणार
मुंबई शहरात पुनर्विकास व पायाभूत प्रकल्प मोठ्या प्रमाणावर सुरू
सध्या ध्वनी प्रदूषण नियमांनुसार सकाळी ६ ते रात्री १० पर्यंत कामांना परवानगी
मात्र, विकासकांकडून नियमबाह्य वेळेतही कामे सुरू असल्याच्या तक्रारी
स्थानिकांना ध्वनी व वायू प्रदूषणामुळे त्रास; आरोग्य समस्यांमध्ये वाढ
रात्रीच्या वेळी वृद्ध, लहान मुले व रुग्णांच्या झोपेचा भंग
कामाच्या ठिकाणी नियमांचे निरीक्षण व अंमलबजावणी अपुरी
यावर उपाय म्हणून बांधकामांची वेळ बदलण्याचा प्रस्ताव
एस्टी महामंडळ १७७४२ ड्राईव्हर, कंडक्टर कर्मचाऱ्यांची कंत्राटी भर्ती करणार
८३०० नव्या येणाऱ्या बसेससाठी ही कंत्राटी भर्ती केली जाणार
नियमित कर्मचाऱ्यासाठी अर्थ खात्याकडे अर्ज पाठविल्या आहेत.
पण तोवर या बसेस चालाव्या यासाठी ही कंत्राटू भर्ती करावी लागणार आहे.
लवकरच मुंबईत ३० स्लिपींग कोच बसेस असतील तर १७० बैठ्या खुर्च्यांच्या वोल्वो बसेस मागविण्यात आल्या आहेत.
आम्ही ताफ्यात लवकरच ८३०० बसेस समाविष्ट करणार आहोत परिवहन मंत्री प्रताप सरनाईक यांची माहिती
विधानपरिषदेत परिवहन मंत्री प्रताप सरनाईक यांची माहीती
आखाती देशांतील युद्धाच्या पार्श्वभूमीवर निर्माण झालेल्या गॅस टंचाईमुळे साताऱ्यात गॅस एजन्सीसमोर मोठ्या प्रमाणात गर्दी होत होती. काही ठिकाणी नागरिक आणि वितरकांमध्ये वादावादीचे प्रकारही घडत होते. ही परिस्थिती नियंत्रणात आणण्यासाठी जिल्हा पोलीस अधीक्षक तुषार दोशी यांच्या सूचनेनुसार होमगार्डच्या बंदोबस्तात गॅस सिलिंडरचे वितरण सुरू करण्यात आले. होमगार्डच्या उपस्थितीत वितरण होत असल्याने वादावादीचे प्रकार टाळण्यात प्रशासनाला यश आले आहे. दरम्यान, नागरिकांना घरपोच गॅस सिलिंडर मिळावा यासाठीही प्रयत्न सुरू असून, एजन्सीमार्फत ही सुविधा उपलब्ध करून देण्याचे आवाहन करण्यात आले आहे. त्यामुळे एजन्सीबाहेरील गर्दी कमी करण्यात प्रशासनाला यश आले आहे.
उपमुख्यमंत्री एकनाथ हे आज दिल्लीत दौऱ्यावर असून ते संसदेत दाखल झाले आहेत. यावेळी त्यांची केंद्रीय संसदीय कामकाज मंत्री आणि अल्पसंख्याक व्यवहार मंत्री किरेन रिजिजू यांच्याशी भेट झाली आहे. यावेळी श्रीकांत शिंदे देखील उपस्थित होते. यावेळी रिजिजू यांनी एकनाथ शिंदे यांना 'श्रीकांत मेरा छोटा भाई है', असे म्हटले. त्यांच्या संभाषणाचा व्हिडीओ सध्या सोशल मिडीयावर जोरदार व्हायरल होत आहे.
पुणे जिल्ह्याच्या ओतूर येथील श्री संत गाडगे महाराज विद्यालयातील एसएससी परीक्षा केंद्रात सोमवारी सकाळी धक्कादायक प्रकार घडला. एका अल्पवयीन मुलाने परीक्षा केंद्राच्या वर्गात घुसून दहावीच्या विद्यार्थ्यावर कोयत्याने हल्ला केला. विद्यार्थ्याने मानेवरील वार हातावर झेलल्याने मोठी दुर्घटना टळली, मात्र तो जखमी झाला. जुन्या वादातून हा हल्ला झाल्याची माहिती असून, ओतूर पोलिसांनी आरोपीसह आणखी चार जणांना ताब्यात घेतले आहे. हल्ल्यात वापरलेला कोयता जप्त करण्यात आला असून पुढील तपास सुरू आहे.
साताऱ्यातील अवघ्या तीन महिन्यांच्या गोंडस चिमुकलीचा व्हिडिओ सध्या सोशल मीडियावर तुफान व्हायरल होत आहे. महालक्ष्मी देवीचा साज चढवलेल्या या बाळाच्या निरागस हास्याने आणि गोंडस एक्सप्रेशन्सने महाराष्ट्रासह देशभरातील नेटकऱ्यांची मनं जिंकली आहेत. आई-वडिलांसोबत फोटोशूटसाठी स्टुडिओमध्ये गेलेल्या या चिमुकलीला कोल्हापूरच्या महालक्ष्मीप्रमाणे सजवण्यात आले होते. कॅमेऱ्यासमोर तिने दिलेले भाव आणि तिच्या डोळ्यांतील चमक पाहून अनेकांना जणू साक्षात देवीच अवतरल्याची भावना झाली. या व्हिडिओवर नेटकऱ्यांकडून “साक्षात महालक्ष्मी”, “खूपच गोड” अशा प्रतिक्रिया उमटत असून, या छोट्याशा परीवर कौतुकाचा वर्षाव होत आहे.
गॅस सिलिंडर तुटवड्याची सिनेसृष्टीलाही झळ
अभिनेता अक्षय कुमार आणि ट्विंकल खन्नालाही ही युद्धाचा फटका बसण्याची भीती
एलपीजी तुटवड्याच्या च्या भीतीनं अक्षय कुमार आणि ट्विंकल खन्नानं मागवल्या दोन इलेक्ट्रिक शेगडी
एलपीजी खंडीत झाला तर पुढे काय याची बॉलिवूडलाही भीती
पुणे- सोलापूर महामार्गावर भीषण अपघात..
इंदापूरमधील लोणी देवकर एमआयडीसी परिसरात भीषण अपघात...
क्रुझर गाडीचा टायर फुटल्याने गाडी दुसऱ्या लेन वर ट्रकवर जाऊन धडकली..
दोन्ही गाडीचा समोरासमोर झाला अपघात..
या भीषण अपघातात तीन कामगारांचा जागीच मृत्यू...
सकाळी सवा नऊ वाजताची घटना
राज्यातील गॅस सिलेंडर काळाबाजार आणि सिलेंडर जप्ती आकडेवारी
राज्यातील दक्षता पथकांनी जानेवारी ते १५ मार्च २०२६ या कालावधीत २१२९ तपासण्या केल्या आहेत.
या कारवाईत १२०८ गॅस सिलेंडर जप्त करण्यात आले असून जप्त मालाची किंमत ३३ लाख ६६ हजार ४११ रुपये आहे.
याप्रकरणी २३ गुन्हे दाखल करण्यात आले असून १८ जणांना अटक करण्यात आली आहे.
एम एम आर मधील सिलेंडर जप्तीच्या कारवाई -
मुंबईत वरळी कारवाई
या कारवाईत एचपी गॅस कंपनीचे पाच किलोचे सहा भरलेले आणि ५८ रिकामे सिलिंडर हस्तगत करण्यात आले.
तसेच सुपर गॅस कंपनीचे चार किलोचे ६४ भरलेले आणि १२ किलोचे १९ भरलेले सिलिंडर जप्त करण्यात आले.
याशिवाय १२, चार आणि दोन किलोचे विविध आकाराचे २५ रिकामे सिलिंडरही सापडले.
हे सिलिंडर बेकायदेशीररीत्या रिफिलिंग करून काळ्या बाजारात विकण्यासाठी ठेवण्यात आले होते
भिवंडी कारवाई
भिवंडी शहरातील कामतघर येथे अनधिकृत गॅस सिलेंडर गोदामावर छापा
नियंत्रक शिधा वाटप व संचालक नागरिक पुरवठा मुंबई व उपनियंत्रक ठाणे शिधावाटप विभाग फ परिमंडळ व भिवंडी शिधावाटप कार्यालय च्या भरारी पथकाची संयुक्त कारवाई
एक ट्रक तीन टेम्पो ने भरलेला गॅस सिलेंडर जप्त
या गोदामातून 330 सिलेंडर जप्त ज्यामध्ये व्यवसायिक व घरगुती सिलेंडर
56 सिलेंडर भरलेले व 274 रिकामे सिलेंडर जप्त
हे सर्व गॅस चढ्या भावाने विक्री केली जात असल्याची माहिती
वांद्रेत नर्गिस दत्तनगर येथील सहकारी गृहनिर्माण संस्था येथे कारवाईसाठी गेलेल्या अधिकाऱ्यांसमोर महिलेचा आत्मदहनाचे प्रयत्न
तर जमावाकडून अधिकाऱ्यांवर पेटवलेले गोणपाट टाकून शासकीय कामात अडथळा निर्माण करण्याचा प्रयत्न केल्याचा आरोप
वांद्रे पोलिस ठाण्यात साजिद मौला अली शेख, जुबेर दादामिया शेख, रुकिया शेख, मुमताज मौला अली शेख यांच्यावर वांद्रे पोलिस ठाण्यात गुन्हा दाखल
पालिकेच्या कर्मचाऱ्यांनी दिलेल्या तक्रारीनंतर वांद्रे पोलिसांनी गुन्हा नोंदवून तपास सुरू केला आहे
माहिमचे सेंट झेवियर्स काॅलेज बाॅम्बने उडवून देण्याची धमकी
काॅलेजच्या प्रन्सिपल यांनी मुख्य नियंत्रण कक्षाला दिलेल्या माहितीनुसार मुंबई पोलीस अलर्ट मोडमध्ये
काॅलेजच्या बाथरूममध्ये एक निनावी चिट्टी सोमवारी सापडली असून यात काॅलेज बाॅम्बने उडवून देण्याची धमकीबाबत लिहिले होते
या घटनेची माहिती मिळताच पोलिसांनी काॅलेज परिसरात सर्च आॅपरेशन राबवले असता संशयास्पद काही आढळून आले नाही
कोणीतरी खोडसाळपणे हे कृत्य केल्याचा पोलिसांना संशय असून पोलिस अधिक तपास करत आहेत
- म्हाडा भूखंड अपहर प्रकरणाचा तपास सरकारवाडा पोलिसांकडून गुन्हे शाखा युनिट एक कडे वर्ग...
- नाशिक म्हाडा भूखंड प्रकरणात पोलिसांकडून बांधकाम व्यावसायिक सोनू मनवानीला अटक तर कोर्टाकडून मनवानीला तीन दिवसीय पोलिस कोठडी...
- नाशिकच्या १५ बड्या बांधकाम व्यावसायिकानी फसवणूक केल्याचे निष्पन्न इतर बडे बांधकाम व्यावसायिक पोलिसांच्या रडारवर...
- पोलिसांच्या अठरा शोध पथकाकडून प्रकरणाचा तपास सुरू तर भूमी अभिलेख आणि महसूल विभागाकडून १०८ प्रकरणाची कागदपत्रांची पडताळणी सुरू...
- म्हाडा भूखंड प्रकरणात मोठ मोठ्या बांधकाम व्यावसायिकांचा पोलिसांकडून शोध तर अनेक व्यावसायिक फरार अन् भूमिगत झाल्याची माहिती...
आखाती देशातील युद्धाचा भंडाऱ्यातील गॅस सिलिंडरधारकांना मागील आठवडाभरापासून चांगलाच फटका बसला. दररोज मजुरी सोडून गॅस सिलिंडरसाठी भंडाराकरांची होणारी परवड आज काहीअंशी थांबल्याचं चित्र बघायला मिळालं. एचपी गॅस समोर दररोज गॅस सिलिंडरसाठी राडा होत होता. शेवटी आज पोलिस आणि गृहरक्षक जवानाच्या बंदोबस्तात वितरण करण्यात आलं. आठ दिवस ज्या सिलिंडरसाठी अनेकांनी मजुरी सोडली अशांना आज शेवटी त्यांच्या हक्काचा सिलेंडर मिळाल्यानं अनेकांच्या चेहऱ्यावर समाधान बघायला मिळालं.
बनावट मतदार याद्यांविरोधात भाजपची आक्रमक मोहिम सुरू
महाराष्ट्र भाजपकडून मतदार यादी शुद्धीकरणासाठी आज विशेष बैठकीचे आयोजन
मुख्यमंत्री देवेंद्र फडणवीस आणि भाजपचे राष्ट्रीय सरचिटणीस तरुण चुग करणार मार्गदर्शन
भाजपचे सर्व आमदार, महापौर, उपमहापौर, गटनेता, स्थायी समिती अध्यक्ष, प्रदेश पदाधिकारी, सर्व जिल्हाध्यक्ष आणि एसआयआर विधानसभा प्रमुखांना उपस्थित राहण्याचे आदेश
मुख्यमंत्री देवेंद्र फडणवीस आणि भाजपचे राष्ट्रीय सरचिटणीस तरुण चुग एसआयआर संदर्भात मार्गदर्शन करणार
के.सी काॅलेजमध्ये आज संध्याकाळी ५ वाजता विशेष बैठकीचं आयोजन
भाजपकडून एसआयआर अभियानाचा प्रारंभ केल्यानंतर पहिलीच महत्त्वाची बैठक पार पडणार
धाराशिवमध्ये गॅस वितरणातील गोंधळामुळे नागरिकांना मोठ्या त्रासाला सामोरे जावे लागत आहे. गॅस एजन्सी सुरू होण्याच्या आधीच पहाटे पाच वाजल्यापासून नागरिक रांगा लावत असल्याचे चित्र दिसत आहे. जिल्हाधिकाऱ्यांनी घरपोच गॅस सेवेचा लाभ घेण्याचे आवाहन केले असले, तरी प्रत्यक्षात ही सुविधा प्रभावीपणे मिळत नसल्याची तक्रार नागरिक करत आहेत. गॅस साठा उपलब्ध असतानाही योग्य नियोजनाच्या अभावामुळे सिलिंडर मिळत नसल्याने नागरिकांमध्ये तीव्र नाराजी व्यक्त होत आहे.
चंद्रभागेच्या पुढील तीरावर असणाऱ्या संस्थेचे वारकऱ्यांसाठी मोफत चालविण्यात येणारे अन्नछत्र गेल्या चार दिवसापासून गॅस अभावी बंद पडले असून वारकऱ्यांची मोठी अडचण होत आहे. चंद्रभागेच्या पैलतीरावर असणाऱ्या त्या इस्कॉन मंदिरात चंद्रभागा स्नानासाठी येणारे हजारो भावी महाप्रसाद घेण्यासाठी येत असतात. याचबरोबर भाविकांसाठी मोफत निवासव्यवस्था असणाऱ्या 65 एकर तळावरील भक्ती सागर येथे राहणारे वारकरी ही इस्कॉनच्या अन्नछत्रात प्रसाद घेण्यासाठी नेहमीच गर्दी करीत असतात. मात्र सध्या गॅसच्या टंचाईमुळे गेले चार दिवसापासून इस्कॉन मंदिरातील अन्नछत्र पूर्णपणे बंद पडले आहे. येथे राहणाऱ्या काही मोजक्या भाविकांसाठी सध्या चुलीवर स्वयंपाक बनविला जात असला तरी लाकडाच्या टंचाईमुळे हे सुद्धा या दोन दिवसात बंद पडेल अशी भीती संस्थेचे व्यवस्थापक शंकरआरण्य प्रभू यांनी बोलून दाखवली आहे. शासनाने तातडीने इस्कॉनला गॅस उपलब्ध करून दिल्यास येणाऱ्या हजारो वारकऱ्यांची अडचण होणार नाही अशी विनंती प्रभू यांनी केली आहे.
नागपूरला खाद्य तेलामध्ये सरासरी 8 ते 12 रुपयांपर्यंत दरवाढ
सोयाबीन तेल 138 वरून 150 रुपये प्रति लिटर झाले.
साईस ब्रँड 145 वरून 158 प्रति किलो दर झाले.
सन फ्लावर तेलाचे दर प्रति किलो 170 वरून 176 रुपये झाले.
शेंगदाणा तेल प्रति किलो 165 वरून 172 रुपये झाले.
मुंबई गोवा महामार्गावर तरुणाचा जीवघेणा स्टंट
दोन्ही पाय वर घेत मोटरसायकलवर चक्क मांडी घालून केला प्रवास
ताशी 80 ते 90 km च्या वेगात सुरू असलेल्या प्रवासामुळे स्वतःसह इतरांचं जीव देखील धोक्यात
मुंबई गोवा महामार्गावरील इंदापूर ते माणगाव दरम्यान ची घटना
केरळ विधानसभा निवडणुकीसाठी ‘महाराष्ट्र भाजप’ लावणार जोर
राज्यातील जवळपास ५५ भाजपचे आमदार केरळात प्रचारात उतरणार, सूत्रांची माहिती
केरळात २० मार्चपासून टप्प्याटप्प्याने आमदार प्रचारात सहभागी होणार
अनेक आमदारांवर केरळातील काही विधानसभा मतदारसंघातील जबाबदारी
केरळात ९ एप्रिल रोजी मतदान तर ४ मे रोजी मतमोजणी पार पडणार
पुण्यात 4 दिवसात 2500 अनधिकृत फलकांवर कारवाई
शहरातील रस्त्यांवर आणि चौकात जाहिरात फलक, फ्लेक्स आणि बॅनर हटवले
बेकायदा फलक लावले जाऊ नये यासाठी रात्रपाळी मध्ये पथकांची नियुक्ती
बेकायदा फलक लावणाऱ्यांवर गुन्हे दाखल केले जाणार
मागील आठवड्यात महापालिका आयुक्त नवल किशोर राम आणि पुणे पोलीस आयुक्त अमितेश कुमार यांनी पत्रकार परिषद घेऊन बेकायदा फलकांवर कारवाई करण्याचे दिले होते आदेश
महाड MIDC त वीजेचा शॉक लागून कामगाराचा मृत्यू
महाड मधील पिडिलाईट कंपनीतील दुर्घटना
महाड MIDC तील पिडिलाईट इंडस्ट्रिज या कंपनीत वीजेचा शॉक लागून कामगाराचा मृत्यू झाल्याची घटना समोर आली आहे.
आलम हरून खान वय वर्ष 25 सध्या राहणार आदर्श नगर बिरवाडी मुल राहणार बिहार असे या मृत कामगाराच नाव आहे.
तो पिडीलाईट कंपनीमध्ये इलेक्ट्रिशन म्हणून काम करीत होता. सदर प्रकरणी अपघात आणि मृत्यूची नोंद महाड MIDC पोलिस ठाण्यात करण्यात आली असून पोलिस अधिक तपास करीत आहेत.
जालना - गॅस एजन्सीचे गोडाऊन फोडून 110 सिलेंडर चोरीला..
काल प्रकार उघडकीस आल्याने एजन्सी व्यवस्थापकाची पोलिस ठाण्यात धाव..
अज्ञात चोरट्या विरोधात मौजपुरी पोलीस ठाण्यात गुन्हा दाखल..
जालना तालुक्यातील रामनगर परिसरात गॅस एजन्सीच्या गोडाऊनमध्ये चक्क गॅस सिलेंडर ची मोठी चोरी झाल्याचा प्रकार समोर आला आहे. आनंद भारत गॅस एजन्सीच्या उटवद शिवारातील गोडाऊनचे कुलूप तोडून चोरट्यांनी तब्बल 110 गॅस सिलिंडर लंपास केल्याने खळबळ उडाली आहे. चोरीस गेलेल्या सिलिंडरची अंदाजे किंमत साडेचार लाख रुपयांपेक्षा अधिक आहे. विशेष म्हणजे एकीकडे नागरिकांना गॅस टंचाईचा सामना करावा लागत असताना हा प्रकार घडल्याने आश्चर्य व्यक्त होत आहे. या प्रकरणी एजन्सीचे व्यवस्थापक सिद्धार्थ आढाव यांनी मौजपुरी पोलिस ठाण्यात तक्रार दिली असून अज्ञात चोरट्यांविरोधात गुन्हा दाखल करण्यात आला आहे. सध्या पोलिसांकडून या चोरीचा अधिक तपास सुरू आहे.
पोलीस सूत्रांच्या माहितीनुसार रविवारी गॅस एजन्सी बंद असताना मध्यरात्री ही चोरी झाल्याची शक्यता आहे, सोमवारी हा प्रकार उघडकीस आला. या घटनेत जवळपास 96 घरगुती सिलेंडर तसेच 12 निळ्या रंगाचे व्यावसायिक सिलेंडर आणि 5 किलोचे दोन व्यवसाय सिलेंडर असे एकूण 110 गॅस सिलेंडर चोरीला गेले आहेत, जवळपास 4 लाख 51 रुपये किमतीचा हा मुद्देमाल चोरीला गेला असून पोलिसांनी या प्रकरणाची सखोल चौकशी सुरू केलीय.
Pune News: पुण्यात मे आणि जून महिन्यात होणार जनगणना
नागरिकांना मोबाईलवर सुविधा उपलब्ध
पुण्यातील घरोघरी पडताळणी होणार
मोबाईल वरून स्वगणना (सेल्फ एन्यूमरेशन) करण्याची सुविधा उपलब्ध
देशातील 16 वी आणि स्वातंत्र्यानंतरची आठवी जनगणना पहिल्यांदाच मोबाईलच्या माध्यमातून होणार
Senses 2017 LHO या मोबाईल ॲपच्या माध्यमातून माहिती संकलित केली जाणार
या ॲपमध्ये नागरिकांना 33 प्रकारची वेगवेगळी माहिती भरावी लागणार
या माहितीची प्रशासनाकडून पडताळणी देखील होणार
Pune News : पुण्यात पुन्हा एकदा कोयता गॅंगकडून एका तरुणाचा खून....
तीन तरुणांनी एका तरुणावर कोयत्याने वार करत केला खून
सिंहगड रोड पोलीस स्थानकाच्या हद्दीतील घटना
करण गिरीश काशीद (वय.१९) असे खून झालेल्या तरुणाचे नाव
जुन्या वादातून खून केला असल्याची पोलिसांची माहिती
आरोपींना ताब्यात घेण्यासाठी पोलिसांची पथक रवाना केली असल्याची वरिष्ठ पोलीस निरीक्षकांची माहिती
Chiplun News: चिपळूण तालुक्यातील नायशी गावच्या ग्रामदेवता वाघेश्वरी देवीचा पारंपरिक शिंपणे उत्सव आणि शिमगोत्सवाची सांगता मोठ्या उत्साहात व भक्तिमय वातावरणात पार पडली. सुमारे पंधरा दिवस चाललेल्या शिमगोत्सवानंतर ग्रामस्थ व हजारो भाविकांच्या उपस्थितीत या उत्सवाची सांगता करण्यात आली. उत्सवाच्या निमित्ताने देवीची पालखी पारंपरिक ढोल, ताशे आणि सनईच्या तालावर गावातील सहाणेवरून पूर्वापार चालत आलेल्या मार्गाने मोठ्या उत्साहात देवळाकडे नेण्यात आली. पालखी सोहळ्यादरम्यान भक्तांनी ग्रामदेवतेच्या जयघोषात पालखी नाचवत उत्सवाचा आनंद लुटला. यावेळी मुंबईसह परिसरातील भाविक मोठ्या संख्येने उपस्थित होते. पारंपरिक रितीरिवाज आणि धार्मिक विधींसह शिमगोत्सव भक्तिमय वातावरणात साजरा करण्यात आला. कोकणातील अनेक गावांमध्ये साजऱ्या होणाऱ्या शिमगोत्सवाची सांगता आता हळूहळू होत असून नायशी गावातील वाघेश्वरी देवीचा शिंपणे उत्सवही मोठ्या उत्साहात पार पडला.
Nagpur News: नागपूर महानगर पालिकेच्या महापौर, उपमहापौर पदग्रहण सोहळ्यावर 16 लाखांचा खर्च
कोणत्याही प्रकाराची निविदा न काढता हा खर्च करण्यात आला.. आता स्थायी समितीची कार्योतर मंजुरी घेण्याचा प्रयत्न सुरू असल्याचा काँग्रेस नगरसेवकांचा आरोप..
कार्यक्रमासाठी स्टेज उभारणी, मंडप, पाणी, चहा, भोजन व्यवस्था यावर मोठ्या प्रमाणात खर्च..
फुल सजावटीसाठी अडीच लाख, माणसासाठी 2 लाख 57 हजार , रेड कार्पेटसाठी 51 हजार, एलइडी वॉलसाठी 32 हजार तर 1500 लोकांच्या भोजनासाठी 4 लाख 44 हजार खर्च दाखविण्यात आला आहे..
प्रशासनाच्या आर्थिक पारदर्शकतेवर प्रश्नचिन्ह उपस्थित करत या प्रकरणाची चौकशी करून संबंधितावर कारवाईची मागणी काँग्रेस नगरसेवकांनी केली आहे..
Nashik News: नाशिकमधील बहुचर्चित तपोवन वृक्षतोडीचा मुद्दा चर्चेत असताना तपोवनमध्ये एका झाडावर काळी विद्या करून एका कुटुंबाचा फोटो लावून त्यावर बिब्बे आणि खिळे ठोकण्याचा प्रकार पर्यावरण प्रेमींनी उघडकीस आणला आहे. या संदर्भात नाशिक महापालिका प्रशासन आणि पोलिसांनी कारवाई करावी अशी मागणी पर्यावरण प्रेमींकडून केली जात आहे. तपोवनातील ज्या झाडावर जादू टोना केला आहे
Pune News: गॅस टंचाईवर राज्य सरकारने तोडगा काढलाय. पण थेट पेट्रोल पंपावर केरोसीन अर्थात रॉकेल विक्री करणं धोक्याचं ठरेल. गॅस खरेदीसाठी जशी एजन्सी बाहेर गर्दी होत आहे, तसं रॉकेल खरेदीसाठी पेट्रोल पंपावर झुंबड उडेल. अशी भीती राज्य सरकारमान्य स्वस्त धान्य दुकानदार फेडरेशनने व्यक्त केलीये. त्यामुळं सरकारने रॉकेल विक्रीची परवानगी राज्यातील 56 हजार सरकारमान्य स्वस्त धान्य दुकानदारांना द्यावी, अशी मागणी राज्य फेडरेशनने केलीये. गॅसचा पुरवठा सुरळीत झाल्यानं 2016 साली म्हणजे दहा वर्षांपूर्वी या सरकारमान्य दुकानावर रॉकेल विक्री बंद करण्यात आली. मात्र आखाती युद्धामुळं पुन्हा एकदा गॅसची टंचाई निर्माण झाल्यानं सरकारने रॉकेलचा पर्याय खुला करण्याचं ठरवलं आहे. अशावेळी रॉकेल विक्रीचा अनुभव असलेल्या राज्यातील 56 हजार सरकारमान्य स्वस्त धान्य दुकानदारांना ही परवानगी द्यावी, आम्ही नागरिकांना ही सेवा पुरवण्यासाठी सज्ज असल्याचं राज्य फेडरेशनचं म्हणणं आहे.
42 वर्षीय एका व्यक्तीने कौटुंबिक वादातून आपल्या पत्नीला धावत्या लोकलसमोर ढकलून ठार केल्याची धक्कादायक घटना समोर आली असून, त्याला सुरतमधून अटक करण्यात आली आहे. आरोपी राजुकुमार गुप्ता हा इलेक्ट्रिशियन असून, 14 मार्च रोजी सकाळी त्याने आपल्या 36 वर्षीय पत्नी पुष्पा हिला लोकलसमोर ढकलले. या घटनेनंतर तो आपल्या धाकट्या मुलासह फरार झाला होता. विशेष म्हणजे, घटनेच्या काही तास आधीच मृत महिलेने पोलिसांत तक्रारही दाखल केली होती.
कोकणातील आंबा, काजू उत्पादक शेतकऱ्यांच्या नुकसान भरपाईच्या मागणीसाठी सिंधुदुर्गात शेतकरी आक्रमक झाले होते. शेतकरी नेते राजू शेट्टी यांच्या नेतृत्वाखाली सिंधुदुर्ग जिल्हाधिकारी कार्यालयावर भव्य मोर्चा देखील काढण्यात आला होता. यावेळी शासनाला १० दिवसांचा अल्टिमेटम देत २३ मार्च पर्यंत ठोस निर्णय न घेतल्यास मुंबई गोवा राष्ट्रीय महामार्ग बेमुदत रोखण्याचा इशारा दिला गेला होता. मात्र कोकणातील आंबा, काजू उत्पादक शेतकऱ्यांच्या प्रश्नावर मुख्यमंत्र्यांनी कोकणातील आमदार, शेतकऱ्याचे प्रतिनिधी, राजू शेट्टी, कोकणातील पाच जिल्ह्यांचे जिल्हाधिकारी, कोकण कृषी विद्यापीठाचे कुलगुरू, महसूल आणि कृषी विभागाचे सचिव यांच्या सोबत उद्या दुपारी ३ वाजता विधानभवनात बैठक लावली आहे. या बैठकीत मुख्यमंत्री, उपमुख्यमंत्री, कृषी मंत्री, उद्योगमंत्री, फलोद्यान मंत्री असे अनेक मंत्री आणि कोकणातील सर्वच आमदार उपस्थित असणार आहेत. कोकणातील आबा आणि काजू पिकावर झालेल्या वातावरणातील बदलामुळे नुकसान भरपाई देण्यासाठी ही बैठक असल्याने याकडे कोकणातील शेतकऱ्यांचे लक्ष लागले आहे.
गॅस टंचाईवर राज्य सरकारने तोडगा काढलाय. पण थेट पेट्रोल पंपावर केरोसीन अर्थात रॉकेल विक्री करणं धोक्याचं ठरेल. गॅस खरेदीसाठी जशी एजन्सी बाहेर गर्दी होत आहे, तसं रॉकेल खरेदीसाठी पेट्रोल पंपावर झुंबड उडेल. अशी भीती राज्य सरकारमान्य स्वस्त धान्य दुकानदार फेडरेशनने व्यक्त केलीये. त्यामुळं सरकारने रॉकेल विक्रीची परवानगी राज्यातील 56 हजार सरकारमान्य स्वस्त धान्य दुकानदारांना द्यावी, अशी मागणी राज्य फेडरेशनने केलीये. गॅसचा पुरवठा सुरळीत झाल्यानं 2016 साली म्हणजे दहा वर्षांपूर्वी या सरकारमान्य दुकानावर रॉकेल विक्री बंद करण्यात आली. मात्र आखाती युद्धामुळं पुन्हा एकदा गॅसची टंचाई निर्माण झाल्यानं सरकारने रॉकेलचा पर्याय खुला करण्याचं ठरवलं आहे. अशावेळी रॉकेल विक्रीचा अनुभव असलेल्या राज्यातील 56 हजार सरकारमान्य स्वस्त धान्य दुकानदारांना ही परवानगी द्यावी, आम्ही नागरिकांना ही सेवा पुरवण्यासाठी सज्ज असल्याचं राज्य फेडरेशनचं म्हणणं आहे.
नाशिकमधील बहुचर्चित तपोवन वृक्षतोडीचा मुद्दा चर्चेत असताना तपोवनमध्ये एका झाडावर काळी विद्या करून एका कुटुंबाचा फोटो लावून त्यावर बिब्बे आणि खिळे ठोकण्याचा प्रकार पर्यावरण प्रेमींनी उघडकीस आणला आहे. या संदर्भात नाशिक महापालिका प्रशासन आणि पोलिसांनी कारवाई करावी अशी मागणी पर्यावरण प्रेमींकडून केली जात आहे. तपोवनातील ज्या झाडावर जादू टोना केला आहे.
- मुख्यपृष्ठ
- बातम्या
- राजकारण
- Live Blog Updates: एकनाथ शिंदे संसदेत, रिजिजू म्हणाले, श्रीकांत मेरा छोटा भाई, नेमकं काय घडलं?