मुंबईच्या बोरिवली विधानसभा मतदारसंघात मध्यरात्री अवैध दारू, गांजा आणि ड्रग्स विक्रीविरोधात भाजप आमदार संजय उपाध्याय यांनी आक्रमक भूमिका घेतली. भाजपच्या नगरसेवकांसह त्यांनी विविध ठिकाणी धाडी टाकत मोठ्या प्रमाणात गांजा, अवैध दारू व ड्रग्स जप्त केले. या कारवाईदरम्यान संबंधित विक्रेत्यांना पकडून त्यांना पोलिसांच्या ताब्यात देण्यात आले. यावेळी आमदार संजय उपाध्याय यांनी पोलिसांकडे कठोर कारवाईची मागणी केली असून, बोरिवलीत कोणत्याही परिस्थितीत अवैध धंदे खपवून घेतले जाणार नाही, असा इशाराही दिला.
Maharashtra Live Blog Updates: अजित पवारांच्या विमान अपघातावर अमोल मिटकरींचे गंभीर सवाल; सरकारकडे स्पष्टीकरणाची मागणी
Maharashtra Live Blog Updates: राज्यासह देश-विदेशातील महत्वाच्या घडामोडींचे सर्व अपडेट्स...
मुकेश चव्हाणLast Updated: 01 Feb 2026 04:07 PM
पार्श्वभूमी
दिवंगत उपमुख्यमंत्री अजित पवार यांच्या पत्नी सुनेत्रा पवारांनी, काल संध्याकाळी पाच वाजता उपमुख्यमंत्रीपदी शपथ घेतली. पक्षनेता म्हणून सुनेत्रा पवारांकडे सर्व संवैधानिक अधिकारही सोपवण्यात आले. त्यामुळे सुनेत्रा पवारांचा राष्ट्रीय अध्यक्ष होण्याचा...More
दिवंगत उपमुख्यमंत्री अजित पवार यांच्या पत्नी सुनेत्रा पवारांनी, काल संध्याकाळी पाच वाजता उपमुख्यमंत्रीपदी शपथ घेतली. पक्षनेता म्हणून सुनेत्रा पवारांकडे सर्व संवैधानिक अधिकारही सोपवण्यात आले. त्यामुळे सुनेत्रा पवारांचा राष्ट्रीय अध्यक्ष होण्याचा मार्गही मोकळा झाल्याचं सांगण्यात येतंय. दरम्यान कालच्या शपथविधीनंतर मुख्यमंत्री देवेंद्र फडणवीसांनी देवगिरी जाऊन उपमुख्यमंत्री सुनेत्रा पवारांची भेट घेतली. सुनेत्रा पवारांच्या शपथविधीनंतर मुख्यमंत्र्यांनी त्यांच्यासोबत चर्चा केली. तसंच पंतप्रधान नरेंद्र मोदींनी सुनेत्रा पवारांना सांत्वनपर पत्र दिलं आहे. ते पत्र मुख्यमंत्री देवेंद्र फडणवीसांनी व्यक्तीशःजात सुनेत्रा पवारांना दिलं आहे. राज्यासह देश-विदेशातील महत्वाच्या घडामोडींचे सर्व अपडेट्स...
Ajit Pawar Death: परभणीत सर्वपक्षीय नेत्यांकडून अजित पवारांना श्रद्धांजली
परभणी : अजित पवार अकाली निधनानंतर आज त्यांना भावपूर्ण श्रद्धांजली अर्पण करण्यासाठी परभणीत सर्वपक्षीय शोकसभेचे आयोजन करण्यात आलं होतं. यावेळी अजित दादांच्या आठवणी सांगताना राष्ट्रवादीचे आमदार राजेश विटेकर, परभणीचे शहराध्यक्ष प्रताप देशमुख यांच्यासह अनेक नेते पदाधिकारी, कार्यकर्ते हे भावूक झाल्याचे पाहायला मिळालं. सर्वच नेत्यांनी अजित दादांबद्दलच्या आठवणी यावेळी सांगितल्या आणि अजितदादांना श्रद्धांजली अर्पण केली आहे.
Amol Mitkari: अजित पवारांच्या विमान अपघातावर अमोल मिटकरींचे गंभीर सवाल; सरकारकडे स्पष्टीकरणाची मागणी
माजी उपमुख्यमंत्री अजित पवार यांच्या विमान अपघातावर आमदार अमोल मिटकरी यांनी गंभीर प्रश्न उपस्थित केले आहेत. ‘एबीपी माझा’शी एक्सक्लूझिव्ह बातचीत करताना त्यांनी सरकार आणि संबंधित यंत्रणांनी या प्रश्नांची स्पष्ट उत्तरे द्यावीत, अशी मागणी केली.
मिटकरी यांनी सांगितले की, अपघातानंतर डीजीसीएने सहा मृत्यू झाल्याचे जाहीर केले होते, मात्र प्रत्यक्षात पाच मृतदेहच समोर आले, हे संशयास्पद आहे. तसेच, विमान आणि वैमानिकाचा पूर्व इतिहास माहिती असूनही तेच विमान व तोच वैमानिक कसा देण्यात आला, असा सवाल त्यांनी उपस्थित केला.
याशिवाय, आदल्या रात्री अजित पवारांचा दौरा वेगळा असताना ऐनवेळी विमानाने प्रवास करण्याचा निर्णय कसा झाला, याबाबतही त्यांनी प्रश्नचिन्ह उपस्थित केले. या प्रकरणी लवकरच पंतप्रधान केंद्रीय गृहमंत्र्यांची भेट घेणार असल्याचेही त्यांनी सांगितले.
Beed : अपघाती मृत्यू झालेल्या शेतकऱ्याच्या मुलांचे शिंदे सेनेच्या नेत्यांनी घेतले शैक्षणिक पालकत्व
Beed News : बीडच्या काकडहिरा गावातील दूध उत्पादक शेतकरी विश्वनाथ बागलाने यांचा दूध विक्री करून गावी येताना एसटीने धडक दिल्याने अपघाती मृत्यू झाला. घरातील कर्ता व्यक्ती गेल्याने कुटुंब उघड्यावर आले. हीच बाब लक्षात घेऊन कुटुंबातील 3 मुलांचे शैक्षणिक पालकत्व घेत शिंदे शिवसेनेच्या वतीने आर्थिक मदत करण्यात आली. शिंदे सेनेचे गणेश उगले यांनी आज आर्थिक मदत पीडित कुटुंबाला सुपूर्द केली. तर यातील एका पाल्याला एसटी महामंडळात सामावून घ्यावे अशी मागणी परिवहन मंत्री प्रताप सरनाईक यांच्याकडे केली जाणार आहे.
अधिकाऱ्यांच्या गावाला मिळणार 50 लाख रुपयाची अभ्यासिका; पालकमंत्र्यांची जाहीर सभेत दिले आश्वासन
राज्यात अधिकाऱ्यांचे गाव म्हणून ओळख असणाऱ्या माढा तालुक्यातील उपळाई गावात अभ्यासिकेसाठी पालकमंत्र्यांनी थेट पन्नास लाख रुपये देण्याचे आश्वासन भर सभेत दिले आहे. जिल्हा परिषद पंचायत समिती प्रचारात माढा तालुक्यातील उपळाई या गावी पालकमंत्र्यांनी हे भर सभेत आश्वासन दिले आहे.
माढा तालुक्यातील उपळाई हे गाव अधिकाऱ्यांचे गाव म्हणून राज्यात ओळखली जाते. या गावाने आजवर केंद्रीय लोकसेवा आयोग आणि महाराष्ट्र स्पर्धा परीक्षेतून अनेक अधिकारी देशाला आणि राज्याला दिले आहेत. पूर्वी दुष्काळामुळे या गावातील विद्यार्थी हे स्पर्धा परीक्षेकडे वळले होते आणि यानंतर अनेक आयपीएस आहेस अधिकारी या गावातून देशाला मिळाले आहेत. यामुळेच राज्यात या गावाची ओळख अधिकाऱ्यांचे गाव अशी आहे. या छोट्याशा गावात आता प्रत्येक विद्यार्थ्याला स्पर्धा परीक्षेत नाव मिळवायचे असल्याने प्रत्येक निवडणुका आलेल्या नेत्यांकडे हे ग्रामस्थ गावातील अभ्यासिकेची मागणी करीत होते. आजवर अनेकांनी आश्वासन दिले मात्र गावात अभ्यासिका होऊ शकली नव्हती.
याचा धागा पकडत पालकमंत्री जयकुमार गोरे यांनी उपळाई गावासाठी आचारसंहिता संपताच अभ्यासिका उभारणार असल्याचे जाहीर केले. या अभ्यासिकेसाठी 50 लाखांचा निधी जाहीर करत हे लबाडाचे आमंत्रण नाही तर जयकुमार गोरेचा शब्द आहे असे सांगितले. आता यापुढे या गावातील विद्यार्थ्यांना आद्ययावत अभ्यासिका मिळेल असे सांगितले .
प्रफुल्ल पटेलांची राष्ट्रवादीच्या अध्यक्षपदी निवड, आता पटेल म्हणतात, 'तसं काही झालेलं नाही'..
उपमुख्यमंत्री अजित पवार यांच्या निधनानंतर प्रफुल पटेल यांची राष्ट्रवादी काँग्रेसच्या अध्यक्षपदी नियुक्ती करण्यात आल्याची थेट माहिती केंद्रीय मंत्री पियूष गोयल यांनी पीटीआयला दिलेल्या मुलाखतीत म्हटलं आहे. त्यामुळे राज्याच्या राजकारणात खळबळ उडाली आहे. विशेष म्हणजे मनसे अध्यक्ष राज ठाकरे यांनी याचा सुगावा लागताच काल ट्विट करत कडाडून विरोध केला होता. मात्र, आता पक्षाची सूत्रे पक्षामधून एकेकाळी कडाडून विरोध झालेल्या प्रफुल पटेल यांच्या ताब्यात गेली आहेत. विशेष म्हणजे अजित पवारांच्या पश्चात घडलेल्या घडामोडींना शरद पवार यांनी सुनील तटकरे आणि प्रफुल पटेल यांच्याकडे बोट केले होते. दुसरीकडे, पीटीआयची मुलाखत समोर आल्यानंतर आता प्रफुल पटेल यांनी दावा नाकारत हे सर्व खोटं असल्याचे म्हटलं आहे. त्यांनी ट्विट करत प्रतिक्रिया दिली आहे. बातमीवाचण्यासाठीयेथेक्लिककरा
कोल्हापुरात बिबट्याला लागला वासराचा लळा ; कोल्हापुरातील घुणकी येथील आश्चर्यकारक दृश्यं
कोल्हापुरात बिबट्याला लागला वासराचा लळा
कोल्हापुरातील घुणकी येथील आश्चर्यकारक दृश्यं
बिबट्या आणि वासराची महिन्याभर मैत्री
वासराला भेटायला मध्यरात्री येतो बिबट्या
रोज दोघांचा पंधरा वीस मिनिट चालतो खेळ
संपूर्ण खेळाचा प्रकार सीसीटीव्ही मध्ये कैद
Pune Crime : बॉलीवूड दिग्दर्शक रोहित शेट्टी यांच्या घरावर झालेलं गोळीबार प्रकरण; पुणे पोलिसांनी चार जणांना घेतले ताब्यात
बॉलीवूड दिग्दर्शक रोहित शेट्टी यांच्या घरावर झालेलं गोळीबार प्रकरण
पुणे पोलिसांनी चार जणांना घेतले ताब्यात
पुण्यातील वारजे, कर्वेनगर भागातून ४ जणांना पोलिसांनी घेतलं ताब्यात
संबंधित चार जणं "देशातील कुख्यात गँग" शी संबंधित असल्याची माहिती
पुणे पोलिस या चार जणांना मुंबई गुन्हे शाखेला सोपवणार
सुनेत्रा पवारांच्या शपथविधीला शरद पवार कुटुंबाचा विरोध नव्हता, मात्र....
सुनेत्रा पवारांच्या शपथविधीला शरद पवार कुटुंबाचा विरोध नव्हता…. मात्र अजित पवारांचे दहावे होईपर्यंत तरी थांबावे असे सर्व कुटुंबाचे मत होते
उपमुख्यमंत्री होण्यासाठी शरद पवारांच्या पक्षातून अन्य कुणीही इच्छुक नव्हते
*पार्थ पवारांच्या नावाला भाजपचा विरोध ; जय पवारांना राज्यसभेत पाठवण्यास भाजपचा हिरवा कंदील
१७ तारखेला संध्याकाळी ५:३० वाजता सुनील तटकरे आणि सुप्रिया सुळे यांचीही एकत्र होण्याबाबत बैठक झाली होती
राष्ट्रवादी कॉंग्रेस पक्ष शरद पवारांच्या वर्तुळातून उच्चपदस्थ सूत्रांची माहिती
विल्सन जिमखाना हा जैन संस्थेकडे सोपविण्यात आला; गिरगावकर संघटना आणि ख्रिस्ती बांधव उद्या आझाद मैदानावर मोर्चा काढणार
- गिरगावकर संघटना आणि ख्रिस्ती बांधव उद्या आझाद मैदानावर मोर्चा काढणार
- हे सरकार महाराष्ट्र नाव बदलून करत आहे की काय? असा सवाल गिरगावकर संघटनेने विचारला
- विल्सन जिमखाना हा जैन संस्थेकडे सोपविण्यात आला आहे, यामुळे गिरगावकर संघटना आणि ख्रिस्ती बंधू आंदोलन पुकारणार
- .२ फेब्रुवारीला आझाद मैदानावर निघणार मोर्चा
- गिरगावकर संघटनेने पोस्टर जारी करत केली घोषणा..
Crime News : सांगलीत किरकोळ वादातून रात्री बाप लेकावर हल्ला; मुलाच्या समोरच बापाचा दगडाने ठेचून निर्घृण खून
Crime News : सांगलीमध्ये खुनाची मालिका सुरूच आहे. शहरातील इनाम धामणी रोडवर रात्री एका बाप-लेकावर हल्ला करत मुलाच्या सामोरंचं बापाला दगडाने ठेचून ठार केल्याची धक्कादायक घटना घडली आहे.कीर्ती कुमार शेडबाळे,50 असं ठार झालेल्या व्यक्तीचे नाव आहे.तर हल्ल्यामध्ये मुलगा जखमी झाला आहे,या हल्ल्यानंतर पळून जाणाऱ्या संशयित हल्लेखोरांना संतप्त जमावाने पकडून बेदम चोप देत पोलिसांच्या स्वाधीन केले आहेत.किर्तीकुमार शेडबाळे,हे आपल्या मुलासह दुचाकीवरून इनाम धामणीजवळ असणाऱ्या कच्च्या रस्त्यावरून जात असताना,रस्त्याच्या कडेला बसलेल्या तिघा संशयित हल्लेखोरांच्या बरोबर वादावादीचे प्रकार घडला,यानंतर हल्लेखोरांनी कीर्ती कुमार शेडबाळे व त्यांच्या मुलावर हल्ला चढवला,ज्यामध्ये कीर्तीकुमार शेडबाळे यांच्या डोक्यात दगड घालून त्यांना ठार केले आहे.या घटनेची नोंद विश्रामबाग पोलीस ठाण्यामध्ये झाली असून नेमका कोणत्या कारणातुन खून झाला,हे स्पष्ट होऊ शकला नाही.
Pune News : पुण्यात बीटी कवडे रस्त्यावर पुन्हा कोयता गँगचा धुमाकूळ; हल्ल्याच्या वेळी एका महिलेचाही समावेश
पुण्यात बी टी कवडे रस्त्यावर पुन्हा कोयता गँगचा धुमाकूळ
हल्ल्याच्या वेळी एका महिलेचा ही समावेश
सहा दुकाने फोडली, वाहनांचे मोठे नुकसान
हडपसरमध्ये बी टी कवडे रस्ता परिसरात पुन्हा एकदा कोयता गँग सक्रिय झाल्याने नागरिकांमध्ये भीतीचे वातावरण निर्माण झाले आहे.
शनिवारी रात्री काही तरुणांनी हातात कोयते घेऊन रस्त्यावरील सहा दुकानांची तोडफोड करत काचा फोडल्या, तसेच रस्त्यावर उभी असलेल्या काही वाहनेवर कोयता मारल्याने वाहनांचे मोठे नुकसान झाले.
विशेषतः यामध्ये चार पुरुष व एक महिला होती,त्यांनी तोंडाला मास्क लावलेला होता.
पोलिस अधिक तपास करत आहेत
अजित पवार यांच्या निधनामुळे यंदा जिल्हा परिषद निवडणूक प्रचार न करण्याचा मुख्यमंत्री देवेंद्र फडणवीस यांचा निर्णय
अजित पवार यांच्या निधनामुळे यंदा जिल्हा परिषद निवडणूक प्रचार न करण्याचा मुख्यमंत्री देवेंद्र फडणवीस यांचा निर्णय
- 7 दिवसांत 22 प्रचारसभा देवेंद्र फडणवीस करणार होते.
- 12 जिल्हा परिषदांच्या होणार निवडणुका
- 5 तारखेपर्यंत प्रचारअवधी
- परंतू मुख्यमंत्री एकही सभा घेणार नाहीत. अजित पवार यांच्या निधनामुळे सर्व सभा केल्या रद्द
Crime News : सांगलीत किरकोळ वादातून रात्री बाप लेकावर हल्ला; मुलाच्या समोरच बापाचा दगडाने ठेचून निर्घृण खून
सांगलीमध्ये खुनाची मालिका सुरूच आहे. शहरातील इनाम धामणी रोडवर रात्री एका बाप-लेकावर हल्ला करत मुलाच्या सामोरंचं बापाला दगडाने ठेचून ठार केल्याची धक्कादायक घटना घडली आहे.कीर्ती कुमार शेडबाळे,50 असं ठार झालेल्या व्यक्तीचे नाव आहे.तर हल्ल्यामध्ये मुलगा जखमी झाला आहे,या हल्ल्यानंतर पळून जाणाऱ्या संशयित हल्लेखोरांना संतप्त जमावाने पकडून बेदम चोप देत पोलिसांच्या स्वाधीन केले आहेत.किर्तीकुमार शेडबाळे,हे आपल्या मुलासह दुचाकीवरून इनाम धामणीजवळ असणाऱ्या कच्च्या रस्त्यावरून जात असताना,रस्त्याच्या कडेला बसलेल्या तिघा संशयित हल्लेखोरांच्या बरोबर वादावादीचे प्रकार घडला,यानंतर हल्लेखोरांनी कीर्ती कुमार शेडबाळे व त्यांच्या मुलावर हल्ला चढवला,ज्यामध्ये कीर्तीकुमार शेडबाळे यांच्या डोक्यात दगड घालून त्यांना ठार केले आहे.या घटनेची नोंद विश्रामबाग पोलीस ठाण्यामध्ये झाली असून नेमका कोणत्या कारणातुन खून झाला,हे स्पष्ट होऊ शकला नाही.
दादर - हुबळी एक्सप्रेस आणि रेल्वेत ढेकणांची फौज, प्रवाशी हैराण
दादर - हुबळी एक्सप्रेस आणि रेल्वेत ढेकणांची फौज प्रवाशी हैराण
ट्रेन नं 17318/DR HUBBALLI EXP मध्ये मोठ्या प्रमाणात ढेकूण
अनेक प्रवाशांना रात्र काढावी लागली जागून
ढेकणांनी चालवल्यामुळे महीला , लहान मुलांना त्रास
प्रत्येक सीट वर ढेकणांचा प्रादुर्भाव
या ट्रेनची देखभाल करण्याचे कंत्राट SMC या खाजगी कंपनीकडे आहे
रेल्वे आमचं रक्त पिण्यासाठी पैसे घेते का असा प्रवाशांचा संतप्त सवाल
रेल मदत येथे तक्रार केल्यावर ॲडजेस्ट करा असे प्रवाशांना उत्तर (८४३१४०१४३२)
पाळीव कुत्र्यानं गावात शिरलेल्या बिबट्याला पळवून लावलं; भंडाऱ्याच्या मोहरणा गावातील प्रकार सीसीटीव्हीत झाला चित्रित
शिकारीच्या शोधात मध्यरात्री एक बिबट जंगलातून गावात पोहचलेला. दबक्या आवाजात तो गावातील सुनसान रस्त्यावर शिकार शोधत फिरतं असताना एका घरमालकाचा पाळीव कुत्रा हा रात्री घरच्या रखवातील जागत होता. त्याचवेळी या कुत्र्याला बिबट्याची चाहूल लागली. त्यानंतर कुत्र्यानं सावध भूमिका घेतं बिबट्यावर भुंकायला सुरुवात केली. रात्रीच्या अंधारात अचानक कुत्र्याच्या भुंकण्याच्या आवाजानं बिबट्यानं धूम ठोकली. त्यानंतर कुत्र्यांनही बिबट्याचा पाठलाग करीत त्याला गावातून पळवून लावलं. हा संपूर्ण प्रकार गावातील विलास पिलारे यांच्या घरच्या अंगणात लावलेल्या सीसीटीव्ही कॅमेरात चित्रित झालाय. गावात बिबट्या पोहचल्यान आता ग्रामस्थांमध्ये भीतीचं वातावरण पसरलं आहे.
काँग्रेस खासदार प्रशांत पडोळे यांनी सीमा शुल्क तपासणी नाक्यावर अधिकाऱ्यांची केली कान उघडणी; वाहन चालकांकडून पैसे घेतल्याचा आरोप
भंडारा-गोंदिया लोकसभा क्षेत्राचे काँग्रेसचे खासदार प्रशांत पडोळे यांनी राष्ट्रीय महामार्ग क्रमांक 06 च्या शिरपूर येथे असलेल्या महाराष्ट्र-छत्तीसगड सीमा तपासणी नाक्यावर धाड टाकत फेसबुक लाईव्ह करत तेथील अधिकारी हे वाहन चालकांकडून पैसे घेतात असा आरोप केला आणि अधिकाऱ्यांना खडे बोल सुनावले... यावेळी वाहन चालकांडून पैसे घेऊ नका, अन्यथा CBI चौकशी करेल गरीब वाहन चालकांकडून पैसे घेता का ??? असे खडे बोल तेथील अधिकाऱ्यांना सुनावले... तर त्याच ठिकाणाहून खासदार प्रशांत पडोळे यांनी फेसबुक लाईव्ह करत देशाचे पंतप्रधान आणि केंद्रीय महामार्ग मंत्री नितीन गडकरी यांना अशा पद्धतीने अवैध वाहतूक थांबविण्याची मागणी केली... यावेळी खासदार प्रशांत पडोळे यांनी हा सगळा प्रकार आपल्या फेसबुक पेजवरून लाईव्ह देखील केला.
महाराष्ट्र आणि छत्तीसगढ राज्यातून वाहनांची चोरी करणारी टोळी गोंदिया पोलिसांच्या ताब्यात; 3 अट्टल चोरट्यांकडून 7 वाहने जप्त
महाराष्ट्र व छत्तीसगड या दोन राज्यांतून वाहन चोरी करणाऱ्या चोरट्यांची गँगच पोलिसांनी पकडली आहे. स्थानिक गुन्हे शाखेच्या पथकाने ही कामगिरी केली असून, अटक केलेल्या तिघा अट्टल चोरट्यांकडून चोरी केलेल्या तब्बल 7 मोटारसायकली पथकाने जप्त केल्या आहेत. या कारवाईत धीरज फुंडे, जयराम सेवईवर, व योगेंद्र नागपुरे यांना अटक करण्यात आली आहे. त्यांनी महाराष्ट्र आणि छत्तीसगड राज्यातील वेगवेगळ्या ठिकाणाहून दुचाकी चोरल्याची कबुली दिली आहे..
Gondia News : कचारगड यात्रेचा ‘देवाभाऊ आदिवासी विकास पर्व’ नामकरणावरून आदिवासींमध्ये संताप
Gondia News : गोंदियाच्या सालेकसातील कचारगड येथे 30 जानेवारीपासून आदिवासी बांधवांची यात्रा सुरू झाली. मात्र, यात्रेसंदर्भात लावण्यात आलेल्या मोठमोठ्या फलकांवर राज्याचे मुख्यमंत्री देवेंद्र फडणवीस यांचे फोटो आणि ‘देवा भाऊ आदिवासी विकास कचारगड यात्रा’ असा उल्लेख केल्याने आदिवासी समाजातून संताप व्यक्त होत आहे. पारंपरिक आणि ऐतिहासिक यात्रेच्या मूळ नावात बदल आणि राजकीय, वैयक्तिक नावांचा समावेश झाल्याने आदिवासी बांधवांनी नाराजी व चिंता व्यक्त केली आहे. तर गोंडी भाषेच्या अभ्यासिका आणि लेखिका उषाकिरण आत्राम यांनी अशा पद्धतीने कचारगड यात्रेचा नामकरण केल्याने निषेध देखील व्यक्त केला आहे.... कचारगड ही भूमी केवळ एक धार्मिक स्थळ नसून संपूर्ण देशभरातील आदिवासी समाजाच्या उत्पत्तीची व संस्कृतीची पवित्र ओळख मानली जाते. दरवर्षी माघ पौर्णिमेच्या दिवशी येथे भरविण्यात येणारी कचारगड यात्रा ही ‘आदिवासी महाकुंभ’ म्हणून देशभर ओळखली जाते.
या यात्रेनिमित्त महाराष्ट्रासह देशातील विविध राज्यांतून लाखो आदिवासी बांधव कचारगड येथे येतात.. यावर्षी यात्रेच्या निमित्ताने लागलेले बॅनर वर 'देवा भाऊ आदिवासी विकास कचारगड यात्राव असे नाव दिल्याने आदिवासींच्या यात्रेचा मुळ नाव बदलला असून हे नाव देण्याचे अधिकार कोणी दिला..??? असा सवाल गोंडी भाषेच्या अभ्यासिका व लेखिका उषाकिरण आत्राम यांनी उपस्थित केला आहे... तर या संदर्भात राज्याचे आदिवासी विकास मंत्री अशोक उईके यांना विचारले असता त्यांनी याच्यामुळे आमचा इतिहास पुसला जाणार नाही अशी भूमिका घेतली आहे.... तर या यात्रेच्या समितीचे अध्यक्ष दुर्गा कोकोडे यांनी देखील राजकीय बॅनर लागत असतील तर त्यात पक्षाचे चिन्ह छापू नये आमच्या दैवतांचे चिन्ह टाकावे अशी प्रतिक्रिया दिली आहे.
नरेंद्र ऊर्फ बाल्या बोरकरची महापालिकेत भाजप शिवसेना युतीच्या सत्तापक्ष नेता पदी निवड
नागपुर
- नरेंद्र ऊर्फ बाल्या बोरकरची महापालिकेत भाजप शिवसेना युतीच्या सत्तापक्ष नेता पदी निवड
- बाल्या बोरकर पूर्व नागपूर मधील प्रभाग 23 मधून सलग तिसऱ्यांदा नगरसेवक म्हणून निवडून आले..
- बोरकर यंदा हाय प्रोफाईल लढतीत राष्ट्रवादी शरद पवार गटाचे शहराध्यक्ष दूनेश्वर पेठे यांचा पराभव करत विजयी
- या आधी बाल्या बोरकर यांनी महापालिकेत स्थायी समिती अध्यक्ष, परिवहन समिती अध्यक्ष असे पद भूषविले आहे...
अर्थसंकल्पातून शेतकऱ्यांना काय आहेत अपेक्षा?
केंद्राचा अर्थसंकल्पीय अधिवेशन सुरू असून आज अर्थसंकल्प मांडला जाणार आहे भारत हा कृषिप्रधान देश असून या देशांमध्ये सर्वाधिक शेती केली जाते आणि याच शेतकऱ्यांना या अर्थसंकल्पामधून काय अपेक्षा आहेत या संदर्भात आम्ही शेतकऱ्यांशी चर्चा केली तेव्हा खते बियाणे सह फवारणीच्या औषधांच्या किमती कमी कराव्यात यासह शेतकरी सन्मान निधी वाढवून द्यावा शेतकऱ्यांच्या शेतमालाला भाव मिळावा अशी अपेक्षा या अर्थसंकल्पामधून शेतकऱ्यांनी केली आहे.
वसईत बंद पाण्याच्या टाकीत मानवी अवशेष आढळल्याने खळबळ
वसईच्या माणिकपूर पोलीस ठाण्याच्या हद्दीत नौपाडा परिसरात बंद अवस्थेत असलेल्या पाण्याच्या टाकीमध्ये मानवी शरीराचे अवशेष आढळून आल्याने परिसरात एकच खळबळ उडाली आहे. नौपाडा येथील बारकुल्या नावाच्या चाळीत ही धक्कादायक घटना शनिवारी सायंकाळी उघडकीस आली.
सदर चाळ सुमारे तीस वर्षे जुनी असून येथे दहा ते पंधरा कुटुंबे वास्तव्यास आहेत. या चाळीतील पाण्याची टाकी अनेक वर्षांपासून वापरात नव्हती. सध्या इमारतीच्या दुरुस्तीचे (रिपेअरिंग) काम सुरू असल्याने बंद असलेली पाण्याची टाकी तोडण्याचे काम सुरू होते. यावेळी टाकी तोडत असताना आतमध्ये मानवी कवटी तसेच हाताच्या काही हाडांचे सांगडे आढळून आले.
दिग्दर्शक रोहित शेट्टीच्या घरावर अज्ञात व्यक्तीकडून गोळीबार
दिग्दर्शक रोहित शेट्टीच्या घरावर अज्ञात व्यक्तीकडून गोळीबार
शनिवारी मध्यरात्री रोहितच्या जुहू येथील बिल्डिंगवर हा गोळीबार करण्यात आला आहे
जुहू पोलिस घटनास्थळी दाखल झाले असून यात सुदैवाने कोणीही जखमी नाही
या घटनेची गंभीर दखल घेत मुंबई पोलिसांच्या गुन्हे शाखेकडून या प्रकरणाचा तपास सोपवण्यात आला आहे
या आधी लाॅरेन्स बिष्णोई टोळीकडून अभिनेता सलमान खानच्या घरावर अशाच प्रकारे गोळीबार करत दहशत पसरवण्याचा प्रयत्न झाला होता
आता रोहित शेट्टीचे घर असलेल्या बिल्डिंगवर नेमकं कोणी हल्ला केला त्या मागे काय हेतू होता याचा माग पोलिस काढत आहेत
परिसरातील सीसीटिव्हींच्या मदतीने आरोपींचा शोध पोलिस घेत असल्याची माहिती सूत्रांनी दिली आहे
- मुख्यपृष्ठ
- बातम्या
- राजकारण
- Maharashtra Live Blog Updates: अजित पवारांच्या विमान अपघातावर अमोल मिटकरींचे गंभीर सवाल; सरकारकडे स्पष्टीकरणाची मागणी