Maharashtra Breaking LIVE Updates: पुणे महापालिकेचे तब्बल 13 हजार कोटींचे अंदाजपत्रक

Maharashtra Breaking News LIVE Updates: देश-विदेशातील महत्त्वाच्या बातम्यांचा आढावा फक्त एका क्लिकवर...

पार्श्वभूमी

Maharashtra Breaking News LIVE Updates: देश-विदेशातील महत्त्वाच्या बातम्यांचा आढावा फक्त एका क्लिकवर... भारत विश्वविजेता! टीम इंडिच्या वाघांची ऐतिहासिक गर्जना, न्यूझीलंडचा 96 धावांनी धुव्वा उडवत सलग दुसऱ्यांदा 'चॅम्पियन'Team India Champions T20 World Cup 2026 : अहमदाबादच्या नरेंद्र मोदी स्टेडियमवर आज भारतीय क्रिकेटने नवा इतिहास रचला. टी-20 वर्ल्ड कप 2026 च्या अंतिम सामन्यात भारताने न्यूझीलंडचा 96 धावांनी पराभव करत विश्वचषकावर आपले नाव कोरले. विशेष म्हणजे, टीम इंडियाने सलग दोन टी-20 वर्ल्ड कप जिंकणारा पहिला संघ बनण्याचा मान मिळवला आहे. न्यूझीलंडसमोर 256 धावांचा डोंगर उभा केल्यानंतर भारतीय गोलंदाजांनीही कमाल दाखवत किवी संघाचा पराभव केला. जसप्रीत बुमराह आणि अक्षर पटेल यांच्या घातक माऱ्यासमोर न्यूझीलंडचा डाव 159 धावांवरच आटोपला आणि भारताने 96 धावांनी दणदणीत विजय मिळवत तिसऱ्यांदा टी-20 विश्वचषक पटकावले. हा केवळ विजय नव्हता, तर भारतीय क्रिकेटच्या इतिहासात सुवर्णाक्षरांनी लिहिला जाणारा अभिमानाचा क्षण होता.पुन्हा एकदा चॅम्पियन! अहमदाबादमध्ये मिळालेला विजय हा अभूतपूर्व, विराट कोहलीकडून खास शब्दात भारतीय संघाचं कौतुकटी-20 विश्वचषक 2026 च्या अंतिम सामन्यात भारतानं न्यूझीलंडचा मोठा पराभव केला आहे. भारतानं सलग दुसऱ्यांदा टी-20 विश्वचषकावर आपलं नाव कोरलं आहे. संजू सॅमसहनसह अभिषक शर्मा, शिवम दुबे इशान किशन यांना शानदार प्रदर्शन केल्यामुळं  भारताला 255 ही मोठी धावसंख्या अभारता आली. या धावसंख्येचा पाठलाग करताना न्यूझीलंडचा संघ 159 धावांवर आटोपला. दरम्यान, भारतीय संघाच्या विजयानंतर सर्वच स्तरातून कौतुकाचा वर्षावर होत आहे. भारताचा धडाकेबाज फलंदाज विराट कोहलीने खास शब्दात भारतीय संघाचं कौतुक केलं आहे. पुन्हा एकदा चॅम्पियन! अहमदाबादमध्ये अंतिम सामन्यात मिळालेला विजय हा अभूतपूर्व असल्याचं कोहलीनं म्हटलं आहे. 

09/03/2026 16:06:06

Pune Mahapalika: पुणे महापालिकेचे तब्बल 13 हजार कोटींचे अंदाजपत्रक

पुणे महापालिकेचे तब्बल १३ हजार कोटींचे अंदाजपत्रक

पुणे महापालिका आयुक्त यांनी आज सादर केले १३ हजार कोटी रुपयांचे अंदाजपत्रक

महापालिकेचे  2026-27 या आर्थिक वर्षासाठी 13 हजार 995 कोटी रुपयांचे अंदाजपत्रक  स्थायी समितीला सादर

पुणे शहरातील वाहतूक नियोजन आणि प्रकल्पासाठी ७४० कोटी रुपयांची तरतूद

पुणे महापालिकेत पाणीपुरवठा विभागासाठी सर्वाधिक २०७७ कोटी रुपयांची तरतूद

मलनिस्सारण प्रकल्पाला १२१६ कोटी, घनकचरा व्यवस्थापन साठी १३९० कोटी तर पथ विभागाला १८६६ कोटी रुपयांची तरतूद

प्राथमिक शिक्षण विभागासाठी तब्बल ९७९ कोटी रुपयांची तरतूद 

भवन रचना विभासाठी ६५० कोटी, विद्युत विभाल २६५ कोटी रुपयांची तरतूद, समाज विकासाला १४३.५० कोटी रुपये, उद्यान विभागाला २०५ कोटी, आरोग्य विभागासाठी ८८ कोटी, नगर रचना नियोजनासाठी ६४.५० कोटी रुपये, पर्यावरण विभागाला ५१.५९ कोटी रुपये 

माहिती व तंत्रज्ञान विभागाला ५६.७३ कोटी रुपये, हेरिटेज सेल साठी २८.५० कोटी

पुणे महापालिकेच्या सांस्कृतिक केंद्र विभागाला १७१.३१ कोटी रुपयांची तरतूद

Continues below advertisement

09/03/2026 15:23:24

Jalgaon Crime: जळगाव एमआयडीसीतील पोलीस कर्मचाऱ्याचं टोकाचं पाऊल, गळफास घेऊन आयुष्य संपवलं

जळगाव एमआयडीसी पोलीस ठाण्यात कार्यरत असलेल्या एका पोलिस कर्मचाऱ्याने गळफास घेऊन आत्महत्या केल्याची धक्कादायक घटना समोर आली आहे. ही घटना चाळीसगाव तालुक्यातील कोदगाव येथे घडली आहे. निलेश पाटील असे मृत पोलिस कर्मचाऱ्याचे नाव असून त्यांनी कोदगाव येथील राहत्या घरात गळफास घेऊन जीवन संपवल्याची माहिती समोर आली आहे. दरम्यान मृतदेह शवविच्छेदनासाठी चाळीसगाव येथील ग्रामीण रुग्णालयात दाखल करण्यात आला असून घटनेची माहिती मिळताच पोलीस अधिकाऱ्यांनीही ग्रामीण रुग्णालयात धाव घेतली आहे. आत्महत्येमागील नेमके कारण अद्याप समोर आलेले नसून या प्रकरणाचा पुढील तपास पोलिसांकडून सुरू आहे. 

09/03/2026 15:10:04

छत्रपती संभाजीनगरमधील गॅस अभावी 5 मोठे उद्योग बंद; ऑटो इंडस्ट्री, फार्मा कंपनीला मोठा फटका

छत्रपती संभाजीनगर मधील गॅस अभावी 5 मोठे उद्योग बंद..  उद्या मोठ्या प्रमाणात उद्योग बंद होतील. ऑटो इंडस्ट्री, फार्मा कंपनीला मोठा फटका .  मुख्यमंत्री यांना cmia( चेंबर ऑफ मराठवाडा अँड एग्रीकल्चर) संघटनेने लिहले पत्र .

Continues below advertisement

09/03/2026 15:09:28

अपघात नाही तर सुपारी देऊन पत्नीची हत्या; अपघाताचा केला बनाव

अपघात नाही तर सुपारी देऊन पत्नीची हत्या...!

पतीनेच दिली आपल्या शिक्षक पत्नीची हत्या करण्याची सुपारी.

अपघाताचा केला बनाव...!

काही तासातच जळगाव जामोद  पोलिसांनी दमदार कामगिरी करत उघडकीस आणला खून.

पतीसह तिघे अटकेत, तीन दिवसांची पोलीस कोठडी.

09/03/2026 14:09:28

युद्धजन्य परिस्थितीमुळे संकटात सापडलेल्या भारतीय नागरिकांना मायदेशी परतण्याठी धोरण आखा; जयंतराव पाटील यांची विधानसभेत मागणी

आखाती देशातील युद्धजन्य परिस्थितीमुळे संकटात सापडलेल्या भारतीय नागरिकांना मायदेशी परतण्याठी धोरण आखा

राष्ट्रवादी काँग्रेस पार्टी शरदचंद्र पवार पक्षाचे विधिमंडळ पक्षनेते जयंतराव पाटील यांची विधानसभेत मागणी

मुंबई:- आखाती देशातील युद्धजन्य परिस्थितीमुळे संकटात सापडलेल्या भारतीय नागरिकांना मायदेशी परतण्याठी धोरण आखा अशी मागणी राष्ट्रवादी काँग्रेस पार्टी शरदचंद्र पवार पक्षाचे विधिमंडळ पक्षनेते जयंतराव पाटील यांनी विधानसभेत स्थगन प्रस्तावाच्या माध्यमातून उपस्थित केली.

09/03/2026 14:07:15

छत्रपती संभाजीनगरमध्ये हातगाडी चालकाची दादागिरी समोर; वाहनचालकाला हातगाडी चालकाची मारहाण

छत्रपती संभाजीनगरमध्ये हातगाडी चालकाची दादागिरी समोर

हातगाडी चालकाचीचा दादागिरीचा आणखी एक व्हिडिओ आला समोर 

शहरातील शहागंज भागातील घटना 

वाहनचालकाला हातगाडी चालकाची मारहाण 

हातगाडी चालकाची दादागिरी सीसीटीव्हीत कैद

09/03/2026 13:07:16

सरकारने निर्णय न घेतल्यास तहसील कार्यालय फोडू; बच्चु कडू यांनी दिला इशारा

प्रहार जनशक्ती पक्षातर्फे माजी आमदार बच्चू कडू यांच्या नेतृत्वात शेतकरी कर्जमुक्ती आठवण आणी मेळघाट संघर्ष यात्रा काढण्यात आली आहे. आज या यात्रेचा 9वा दिवस असून सालोना ते चिखलदरा असा अंतिम टप्प्यात ही यात्रा पोचली आहे. गेल्या नऊ दिवसांपासून ही यात्रा सुरु असून पालकमंत्री चंद्रशेखर बावनकुळे यांनी आमची भेट घ्यावी अशी अपेक्षा होती मात्र पालकमंत्री फक्त राजकारण करत आहेत. आम्ही सरकारला आज दुपारी चार वाजेपर्यंत वेळ दिला आहे तोपर्यंत काही निर्णय घेतला नाही तर आम्ही तहसील कर्यालय फोडल्याशिवाय राहणार नाही असा इशारा बच्चु कडू यांनी दिला आहे..

09/03/2026 12:52:40

कोकणात आज आणि उद्या तीव्र उष्णतेच्या लाटेचा इशारा; हवामान विभागाकडून कोकणासाठी यलो अलर्ट जारी

कोकणात आज आणि उद्या तीव्र उष्णतेच्या लाटेचा इशारा

हवामान विभागाकडून कोकणासाठी यलो अलर्ट जारी

मुंबई, रायगड, ठाणे आणि पालघरमध्ये आज काही भागात तीव्र उष्णतेच्या लाटेचा अंदाज

मुंबईत आज उन्हाच्या तीव्र झळा जाणवणार, मुंबई प्रादेशिक हवामान केंद्राचा इशारा

विदर्भातही काही भागात उष्णतेच्या लाटेचा इशारा 

अकोला आणि अमरावतीत काही ठिकाणी उष्णतेच्या लाटेचा इशारा 

मागील दोन दिवसांपासून अकोल्यातील कमाल तापमान देशात सर्वाधिक राहिल्याची नोंद 

उत्तर महाराष्ट्रात देखील वातावरण उष्ण व दमट राहण्याची शक्यता 

संभाजीनगर आणि जालन्यात उष्ण आणि दमट वातावरण राहणार

09/03/2026 12:20:27

राज ठाकरे यांनी भरला सदस्य नोंदणी अर्ज; मनसैनिकांना जास्तीत जास्त सदस्य नोंदणी करण्याची साद

राज ठाकरे यांनी भरलेला सदस्य नोंदणी अर्ज..

मनसे अध्यक्ष राज ठाकरे यांनी भरला महाराष्ट्र नवनिर्माण सेना पक्षाचा प्राथमिक सदस्याचा अर्ज 

मनसेच्या २० व्या वर्धापन दिना निमित्त मनसेने विशेष रायगड येथे कार्यक्रमाचे आयोजन केले होते

किल्ले रायगडावर जाऊन राज ठाकरे सहकुटुंब आणि नेते पदाधिकाऱ्यांनी महाराजांना अभिवादन केले 

त्यानंतर किल्ल्याच्या पायथ्याशी येऊन सदस्य नोंदणी अभियानाची सुरुवात त्यांनी केली

राज ठाकरे यांनी स्वत: सर्वात आधी सदस्य नोंदणी करत मनसैनिकांना जास्तीत जास्त सदस्य नोंदणी करण्याची साद घातली आहे

09/03/2026 12:19:12

रोहित पवार समाजवादी पक्षाचे अध्यक्ष अखिलेश यादव यांची भेट घेणार

रोहित पवार समाजवादी पक्षाचे अध्यक्ष अखिलेश यादव यांची भेट घेणार 

अजित पवारांच्या विमान अपघात प्रकरणी विरोधी पक्षाने आवाज उठवला पाहिजे यासाठी रोहित पवारांच्या भेटीगाठी 

संसद भवनात भेट होईल

09/03/2026 11:26:42

कोल्हापूरमध्ये गांधीनगर पोलीस ठाण्याच्या हद्दीत एकाचा खून; डोक्यावर आणि चेहऱ्यावर गंभीर मारहाणीचे चिन्ह

कोल्हापूरमध्ये गांधीनगर पोलीस ठाण्याच्या हद्दीत एकाचा खून

मनेरमळा परिसरात रक्ताच्या थारोळ्यात मृतदेह आढळला

अंगावर कपडे नसलेल्या अवस्थेत आढळला मृतदेह 

डोक्यावर आणि चेहऱ्यावर गंभीर मारहाणीचे चिन्ह

खुनाच्या घटनेमुळे परिसरात खळबळ, स्थानिक नागरिकांनी पोलिसांना दिली माहिती

पोलिसांची घटनास्थळी धाव, मृताची ओळख पटवण्याचे प्रयत्न सुरू

खून नेमका कशामुळे झाला याचा पोलिसांकडून तपास सुरू

09/03/2026 11:20:59

कोल्हापुरात मस्साजोग प्रकरणाची पुनरावृत्ती? माजी सरपंच महेश पिळणकर गेल्या दोन महिन्यापासून बेपत्ता

कोल्हापुरात मस्साजोग प्रकरणाची पुनरावृत्ती?

कोल्हापुरातील पाटगावचे माजी सरपंच महेश पिळणकर गेल्या दोन महिन्यापासून बेपत्ता

महेश पिळणकर यांचं झालं तरी काय ?

पिळणकर कुटुंबीयांचा सवाल

महेश पिळणकर प्रकरणात पोलीस कारवाई करत नसल्याच्या निषेधार्थ आज  संविधान हक्क संघर्ष समिती कडून निदर्शन

कोल्हापूर मधील दसरा चौकात होत असलेल्या या आंदोलनात बेपत्ता माजी सरपंच महेश पिळणकर यांच्या पत्नी सह कुटुंबीय उपस्थित

09/03/2026 11:20:05

ओडीशा राज्यसभा निवडणुकीसाठी भाजपकडून चंद्रशेखर बावनकुळे यांची पर्यवेक्षक पदी नियुक्ती

ओडीशा राज्यसभा निवडणुकीसाठी भाजपकडून चंद्रशेखर बावनकुळे यांची पर्यवेक्षक पदी नियुक्ती 

ओडीशातील राज्यसभा निवडणुकीसाठी केंद्रीय भाजपकडून मंत्री चंद्रशेखर बावनकुळे यांची निवड 

सोबतच, बिहारमध्ये दोन निवडणूक पर्यवेक्षक, छत्तीसगडचे उपमुख्यमंत्री विजय शर्मा आणि केंद्रीय राज्यमंत्री हर्ष मल्होत्रा यांची नियुक्ती 

हरियाणातही गुजरातचे उपमुख्यमंत्री हर्ष सांघवी केंद्रीय पर्यवेक्षक म्हणून राज्यसभा निवडणुकीसाठी जाणार 

भाजपचे राष्ट्रीय अध्यक्ष नितीन नवीन यांच्याकडून घोषणा

09/03/2026 10:31:35

गोदावरी नदी पात्रात रंगपंचमी खेळून गोदामाईची अवहेलना करणाऱ्यावर गुन्हे दाखल करा; नाशिकच्या गोदाप्रेमीची मागणी

गोदावरी नदी पात्रात रंगपंचमी खेळून गोदामाई ची अवहेलना करणाऱ्यावर गुन्हे दाखल करा

पुढील वर्षांपासून गोदा पात्रात रंगपंचमी खेळण्यास बंदी घाला

नाशिकच्या गोदाप्रेमीची मागणी

रंगपंचमी खेळणाऱ्या हुल्लल्डबाज तरुणांनी गोदावरी नदीच्या पात्रात चपला बूट एकमेकांवर फेकून रंगपंचमी उत्सवाचे ओंगळवाणे स्वरूप दाखविले

पोलीस अधिकारी कर्मचाऱ्यांच्या समोर हा सगळा प्रकार सुरू असताना ही त्यांना रोखले का नाही??

महापालिका आणि पोलीस प्रशासनाने  सुमोटो कारवाई करून गुन्हे दाखल केले नाहीत तर न्यायालयात धाव घेण्याचा  गोदाप्रेमीचा इशारा

काही गोदाप्रेमी तरुणांनी गोदापत्रातून अक्षरशः चपला बुटांचा खच बाहेर काढला

 

09/03/2026 10:20:49

Beed Crime : शहरातील अंकुश नगर भागात तरूणावर धारदार शस्त्राने वार करत लोखंडी रॉडने बेदम मारहाण

बीड शहरातील अंकुश नगर भागात संदीप दहिफळे नामक तरूणाला तीन ते चार जणांच्या टोळक्याने रस्त्यात अडवून धारदार शस्त्राने वार करत लोखंडी रॉडने मारहाण केली. या मारहाणीत तरूण गंभीर जखमी आहे.

शासकीय रुग्णालयात प्राथमिक उपचार केल्या नंतर तरुणावर खासगी रुग्णालयात उपचार सुरू आहेत. तरुणाच्या वडिलांनी दिलेल्या माहितीनुसार चार जणांनी धारदार शस्त्राने पाठीवर, धातीवर आणि हातावर वार केले आणि लोखंडी रॉडने मारहाण केली. यात छातीला, पोटाला आणि हाताला गंभीर इजा झाली आहे. या प्रकरणात MLC नोंद झाली असुन अद्याप गुन्हा दाखल झालेला नाही. गुन्हा दाखल करून न्याय देण्याची मागणी तरूणाच्या वडिलांनी केली आहे.

09/03/2026 09:58:22

MNS Vardhapan Din: राज ठाकरे यांच्याकडून होळीच्या माळावरील खडकावर बसून छत्रपती शिवाजी महाराज यांना घातला अभिषेक

राज ठाकरे यांच्याकडून किल्ले रायगडावरील होळीच्या माळावरील खडकावर बसून छत्रपती शिवाजी महाराज यांना घातला अभिषेक....

राज ठाकरे यांना त्रास झाल्याने थेट खाली गेले आहेत त्यांनी या ठिकाणी अभिवादन केल्यावर बाजूला बसून अभिषेक केला

रायगडावरील होळीच्या माळावर छत्रपती शिवाजी महाराज यांना राज ठाकरे यांनी सहकुटुंब अभिवादन केलं

09/03/2026 09:45:43

काँग्रेसच्या पदयात्रेला सुरुवात; कळमनुरी मधून हिंगोलीच्या दिशेने निघाली पदयात्रा

काँग्रेस प्रदेशाध्यक्ष हर्षवर्धन सपकाळ यांच्या नेतृत्वामध्ये आज हिंगोली मध्ये विविध  मागण्यासाठी पदयात्रा काढली जाणार आहे कळमनुरी हून ही पद यात्रा आता   हिंगोलीच्या दिशेने निघाली आहे   अमेरिकेसोबत झालेल्या करारामुळे  शेतकऱ्यावर मोठा अन्याय होतोय आदिवासी विशेष पदभरती तत्काळ करावी मनरेगा अंतर्गत सुरू असलेले कामे पूर्ववत सुरू ठेवावेत यासह विविध मागण्यांसाठी ही पदयात्रा काढली जात आहे सायंकाळी पाच वाजता ही पदयात्रा हिंगोली मध्ये दाखल होणार आहे 

09/03/2026 08:50:53

पुण्यात आज स्वीकृत नगरसेवकांसाठी इच्छुक उमेदवार अर्ज दाखल करणार

पुण्यात आज  स्वीकृत नगरसेवकांसाठी इच्छुक उमेदवार अर्ज दाखल करणार

पुणे महानगरपालिकेच्या स्वीकृत नगरसेवकांसाठी इच्छुकांची रांग 

भाजपकडे 7 स्वीकृत नगरसेवक, काँग्रेसकडे 1, राष्ट्रवादीकडे 2 स्वीकृत  नगरसेवकाच्या जागा

तिन्ही पक्षांकडे इच्छुकांची मोठी रांग 

भाजपकडे सात जागांसाठी 300 अर्ज 

राष्ट्रवादीकडे दोन जागांसाठी 104 अर्ज 

काँग्रेसकडे एका जागेसाठी 63 अर्ज 

आज अकरा ते दोन च्या दरम्यान सगळे पक्ष अर्ज दाखल करणार

09/03/2026 08:24:45

मुंबई महापालिकेच्या प्रभाग समितीच्या उरलेल्या 5 प्रभागांसाठी आज तिसऱ्या टप्प्यात निवडणूक पार पडणार

मुंबई महापालिकेच्या प्रभाग समितीच्या उरलेल्या ५ प्रभागांसाठी आज तिसऱ्या टप्प्यात निवडणूक पार पडणार

मागच्या दोन्ही झालेल्या निवडणुकीत एक ठिकाणी ठाकरे सेनेचा अनपेक्षित झालेला पराभव तर दुसरीकडे ठाकरे बंधूंचे समोरासमोर आलेले शिलेदार, यामुळे निवडणुकीत रंगत आली होती

तर आज १) एल, २) एन, ३) एम पश्चिम, ४) एम पूर्व आणि ५) एस आणि टी या पाच प्रभागांच्या निवडणूक आहेत

दरम्यान ५ पैकी ४ ठिकाणी बिनविरोध अध्यक्ष निवड होतील . केवळ एस आणि टी या एका प्रभागात अध्यक्षपदासाठी निवडणूक पार पडेल

१) -एल - श्री. विजयेंद्र शिंदे, शिंदेसेना (बिनविरोध) 
२) -एन - सौ. अश्विनी मते, भाजपा (बिनविरोध)
३) -एम पश्चिम - सौ. आशा मराठे, भाजपा (बिनविरोध)
४) -एम पूर्व - सौ. प्रज्ञा सदाफुळे, शिंदेसेना (बिनविरोध)

तर मुलुंडमधील प्रभाग 
५) -एस आणि टी - 
साक्षी दळवी, भाजपा
सुरेश शिंदे, ठाकरेसेना यांच्यात लढत होणार

दोन्हीकडे १० - १० नगरसेवक आहेत . त्यामुळे निवडणुकीत समसमान मतं मिळाल्यास ईश्वरचिट्ठीने अध्यक्ष निवडला जाणार

09/03/2026 08:05:32

पुणे महापालिकेच्या आज अर्थ संकल्प होणार सादर; कोणत्या नवीन योजनांचा समावेश होणार याकडे सगळ्यांचं लक्ष

पुणे महापालिकेच्या आज अर्थ संकल्प होणार सादर

महापालिका आयुक्त नवल किशोर राम करणार अर्थसंकल्प सादर 

कोणत्या नवीन प्रकल्पांना तरतूद मिळणार याकडे सगळ्यांचं लक्ष 

कोणत्या नवीन योजनांचा समावेश होणार याकडे सगळ्यांचं लक्ष 

आज आयुक्त करणार अर्थसंकल्प सादर

09/03/2026 08:05:02

सायबर गुन्हे हे दरोड्यापेक्षाही गंभीर स्वरूपाचे; सत्र न्यायालयाने नाकारला तिघांचा जामीन

सायबर गुन्हे हे दरोड्यापेक्षाही गंभीर स्वरूपाचे असल्याचे स्पष्ट करत सत्र न्यायालयाने नाकारला तिघांचा जामीन 

३.७४ कोटींच्या सायबर फसवणूक प्रकरणी अटक करण्यात आलेल्या तिघांचा जामीन अर्ज सत्र न्यायालयाने फेटाळला 

२ जुलै २०२५ ला एकाच दिवशी ११ जणांची डिजिटल अरेस्ट, ऑनलाइन फायनान्शिअल फ्रॉड आणि आणि कस्टम फ्रॉडच्या नावाखाली झाली होती फसवणूक 

फसवणूक करण्यात आलेली रक्कम एकाच दिवशी 12 ट्रांजेक्शनमध्ये एका म्युल खात्यात ट्रान्स्फर करण्यात आली होती

भारतीयांची फसवणूक करून मिळेली रक्कम क्रिप्टोकरन्सीच्या मार्फत
परदेशात वळविण्यात आल्याने हा एक आर्थिक गुन्हा ठरतो आणि त्याकडे वेगळ्या आणि कठोर दृष्टिकोनातून पाहणे गरजेचे असल्याचे न्यायालयाने केल स्पष्ट

याप्रकरणी सप्टेंबर महिन्यात सीबीआयने यश ठाकूर, साहिल जैन आणि हैदर सय्यद नावाच्या तिघांना सत्र न्यायालयाने जामीन नाकारला 

आपलं एफआयआरमध्ये नाव नसून गुन्ह्याशी आपला काहीही संबंध नसल्याचा होता तिघांचा दावा

याप्रकरणी सप्टेंबर महिन्यात केंद्रीय गुन्हे अन्वेक्षण (सीबीआय) विभागाने तिघांना अटक केली होती

09/03/2026 08:04:23

आंतरराष्ट्रीय महिला दिनाच्या दिवशीच गर्भवती महिलेची प्रसूतीसाठी रुग्णालयांमध्ये धावपळ; पालघरच्या डहाणू येथील घटना

 आंतरराष्ट्रीय महिला दिनाच्या दिवशीच एका गर्भवती महिलेची प्रसूतीसाठी रुग्णालयांमध्ये धावपळ. पालघरच्या डहाणू येथील घटना . डहाणूच्या वडकुन येथील दर्शना माच्छी या महिलेची प्रसुतीसाठी मध्यरात्रीच्या सुमारास धावपळ . डहाणूच्या कॉटेज रुग्णालयात वैद्यकीय अधिकारी नसल्याच कारण देत गर्भवती महिलेला शासकीय रुग्णालयाने ऍडमिट करून घेण्यास दिला नकार . खाजगी रुग्णालयांमध्ये देखील डॉक्टर्स नसल्याने मध्यरात्री साडेतीन वाजताच्या सुमारास एका खाजगी रुग्णालयात महिलेवर उपचार .

09/03/2026 07:08:32

Bhandara News: भंडाऱ्याच्या अड्याळमध्ये अस्वलाचा थरार! झाडावर चढून धुमाकूळ घालणाऱ्या अस्वलाला तासभरानंतर केलं जेरबंद

Bhandara News: भंडाऱ्यातून एक अतिशय थरारक बातमी समोर येत आहे. जंगलातून वाट भरकटलेल्या एका अस्वलानं थेट गावाच्या शिवारात प्रवेश केला आणि एकचं खळबळ उडाली. तब्बल तासभर या अस्वलानं झाडावर चढून धुमाकूळ घातला. ही संपूर्ण घटना भंडाराच्या अड्याळ इथं घडली. आज सकाळच्या सुमारास एका अस्वलानं जंगलाची सीमा ओलांडून थेट गावालगतच्या शेतशिवारात एन्ट्री केली. अस्वल दिसून आल्यानं ग्रामस्थांची पाचावर धारण बसली. अस्वलाला पाहताच नागरिकांनी त्याला हुसकावून लावण्यासाठी मोठा आरडाओरड केला. लोकांच्या आरडाओरडीनं भयभीत झालेल्या अस्वलानं स्वतःच्या बचावासाठी थेट एका उंच झाडाचा आश्रय घेतला आणि तिथूनचं उच्छाद मांडायला. अड्याळ वनपरिक्षेत्रातील वन कर्मचारी आणि PRT पथक तातडीनं घटनास्थळी दाखल झालं. तब्बल एक तासाच्या थरारानंतर आणि अथक परिश्रमानंतर, वनविभागाला त्या अस्वलाला झाडावरून खाली उतरवण्यात यश आलं. त्यानंतर अत्यंत शिताफीनं या अस्वलाला पिंजऱ्यात जेरबंद करण्यात आलं. दरम्यान, झाडावर चढलेल्या या अस्वलाला बघण्यासाठी नागरिकचं नाही तर, शालेय विद्यार्थ्यांनीही मोठी गर्दी केली होती. जेरबंद केलेल्या अस्वलाची तपासणी करून त्याला पुन्हा नैसर्गिक अधिवासात सोडलं जाणार असल्याची माहिती वनविभागानं दिली आहे.

09/03/2026 07:07:43

Washim News: मध शोधण्याकरता गेला आणि मधमाश्या मागे लागल्या... युवकाचा विहरित पडून मृत्यू

Washim News: वाशिमच्या काटा शेतशिवारात एक दुर्दैवी घटना घडली. काटा शेतशिवार परिसरात दागडिया यांच्या शेतातील विहिरीवर  असलेल्या निंबाच्या झाडावर मधाचे पोळ  काढण्यासाठी गेलेल्या कोंडाळा येथील भानुदास शिंदे या युवकाचा दुर्दैवी मृत्यू झाला.  मधमाश्यांचे  मध काढण्यासाठी विहिरीवर गेले असता अचानक माश्यांनी डंख मारल्याने ,भानुदास हे  बचावासाठी विहिरीत पडले. आणि याच विहिरीत पडून भानुदासचा दुर्दैवी मृत्यू झालाय घडलेल्या घटनेमुळे परिसरात हळहळ व्यक्त होत आहे.

09/03/2026 07:06:43

Beed News: बीड : जिल्हा परिषदेच्या शाळेचे मुख्य प्रवेशाचे लोखंडी गेट कोसळले; एक विद्यार्थी गंभीर जखमी

Beed News: बीड शहरातील एका जिल्हा परिषद शाळेचे मुख्य प्रवेशद्वाराचे लोखंडी गेट उघडताना विद्यार्थ्यांच्या अंगावर कोसळल्याने विद्यार्थी गंभीर जखमी झाल्याची घटना समोर आलीय. जखमी विद्यार्थ्याला उपचारासाठी शासकीय रुग्णालयात दाखल करण्यात आले आहे. 

बीड शहरातील बार्शी नाका येथील अशोक नगर परिसरात जिल्हा परिषदेची शाळा आहे. याच शाळेत चारचाकी वाहनाला प्रवेश करायचा होता. त्यामुळे एका विद्यार्थ्याला शाळेचे गेट खोलण्यास सांगण्यात आले. परंतु जीर्ण अवस्थेत असलेले हे गेट याचवेळी विद्यार्थ्यांच्या अंगावर कोसळल्याने विद्यार्थी गंभीर जखमी झाला. यावेळी इतर विद्यार्थी देखील इथेच होते. परंतु सुदैवानं पुढील अनर्थ टळला आहे. मात्र या घटनेनंतर शाळेतील सुरक्षेचा प्रश्न समोर आलाय. 

09/03/2026 07:06:01

Nashik News: नाशिकच्या डॉ. मनीषा जेजुरकर यांच्या आत्महत्येनंतर मनीषा यांच्या माहेरच्यांकडून पतीवर गंभीर आरोप...

Nashik News: नाशिकमधल्या उच्चभ्रू वस्ती असलेल्या गंगापूर रोड परिसरात एका डॉक्टर विवाहित महिलेने पतीच्या त्रासाला कंटाळून आत्महत्या केल्याचे धक्कादायक घटना घडली. डॉक्टर मनीषा निलेश जेजुरकर असे या मयत महिलेचे नाव असून डॉक्टर असलेल्या या महिलेने आत्महत्या केल्याने सर्वत्र नाशिक शहरात एकच खळबळ उडाली आहे. डॉक्टर निलेश जीजुरकर हे नाशिकच्या जिल्हा रुग्णालयात कार्यरत असून या दोघांमध्ये गेल्या दोन वर्षांपासून वाद सुरू होते आणि या वादातूनच डॉक्टर मनीषा यांनी आत्महत्या केल्याचं माहेरच्या नातेवाईकांनी निलेश जेजुरकर यांच्या विरोधात नाशिकच्या गंगापूर पोलीस ठाण्यामध्ये तक्रार दाखल केली आहे. गंगापूर पोलिसांनी मानसिक त्रास दिल्याच्या तक्रारीने गुन्हा दाखल केला असून संशयित आरोपी डॉक्टर निलेश जेजुरकर हे फरार असून गंगापूर पोलीस तसेच क्राइम ब्रांच कडून त्यांचा शोध सुरू आहे.

09/03/2026 07:05:27

Nagpur News: बारावीच्या रसायनशास्त्राच्या पेपर फुटी प्रकरणात नवा ट्वीस्ट, तीन वर्षांपूर्वी सेट केलेली प्रश्नपत्रिका उमरेडच्या शिकवणी वर्गाकडे पोहोचली

Nagpur News: बारावीच्या रसायनशास्त्राच्या पेपर फुटी प्रकरणी नवीन ट्विस्ट निर्माण झाले आहे. तीन वर्षांपूर्वी (2023 मध्ये) बोर्डाने सेट करून घेतलेली, मात्र तेव्हा न वापरलेली गोपनीय प्रश्नपत्रिका उमरेडच्या शिकवणी वर्गाकडे पोहोचली कशी? असा प्रश्न निर्माण झाला आहे.

नागपूर जिल्ह्यातील उमरेड शहरातील 'टार्गेट अकॅडमी ऑफ सायन्सेस'मध्ये 25 जानेवारी रोजी बारावीच्या विद्यार्थ्यांसाठी घेण्यात आलेल्या सराव चाचणीत रसायनशास्त्र चा जो पेपर वापरला गेला. तसेच 18 फेब्रुवारी रोजी जो पेपर बोर्डाने बारावीच्या परीक्षेसाठी वापरला, त्या दोन्ही प्रश्नपत्रिकांमध्ये मोठ्या प्रमाणावर साधर्म्य आढळल्यामुळे उमरेड मध्ये पोलिसांनी गुन्हा दाखल करत टार्गेट अकॅडमी ऑफ सायन्सेस चे संचालक अतुल चौधरी यांना अटक केली होती. त्यानंतर पोलिसांनी सेवानिवृत्त प्राध्यापक सतीश खर्चे यांनाही अटक केली.

विशेष म्हणजे प्राध्यापक सतीश खर्चे नोकरीवर असताना महाराष्ट्र राज्य माध्यमिक व उच्च माध्यमिक शिक्षण मंडळाच्या विभागीय मंडळात कार्यरत होते. तेव्हा त्यांची नियुक्ती  बोर्डासाठी बारावीच्या प्रश्नपत्रिका तयार करण्यासाठी पण करण्यात आली होती.