Laxman Hake on Ajit Pawar : अजितदादा पवार महाजातीयवादी, दरोडेखोर; लक्ष्मण हाकेंची जीभ पुन्हा घसरली; म्हणाले, तुम्ही नोटीसा पाठवणार असाल तर...
Laxman Hake on Ajit Pawar : ओबीसी नेते लक्ष्मण हाके यांनी पुन्हा एकदा उपमुख्यमंत्री अजित पवार यांच्यावर शिवराळ भाषेत टीका केली आहे.
Laxman Hake on Ajit Pawar : ओबीसी नेते लक्ष्मण हाके (Laxman Hake) यांनी उपमुख्यमंत्री अजित पवार (Ajit Pawar) यांच्यावर शिवराळ भाषेत केली होती. यानंतर राष्ट्रवादी काँग्रेस पक्षाने आक्रमक भूमिका घेतल्याचे पाहायला मिळाले. राष्ट्रवादी काँग्रेसच्या सूरज चव्हाण यांनी लक्ष्मण हाके यांना महाराष्ट्रात फिरू देणार नसल्याचा इशारा दिला आहे. तर अजित पवारांच्या समर्थकाने लक्ष्मण हाकेंना थेट कायदेशीर नोटीस बजावली. आता या नोटीसीला प्रत्युत्तर देताना लक्ष्मण हाके यांनी पुन्हा एकदा अजित पवारांवर जोरदार हल्लाबोल केलाय. लक्ष्मण हाके यांनी अजित पवार यांना 'दरोडेखोर' म्हटले आहे.
लक्ष्मण हाके म्हणाले की, अजितदादा पवार यांना आम्ही महाजातीवादीच म्हणणार आणि त्याचा पश्चाताप आम्हाला अजिबात वाटत नाही. कारण, या अजितदादा पवार यांनी ओबीसींचे वसतीगृह नाकारले आहे. ओबीसींच्या पोरांना फेलोशिप नाकारली. शोषित, वंचितांना निधी नाकारला. हाच अजितदादा पवार आपल्या आजारी कारखान्यांसाठी आताच्या अधिवेशनात पुरवणी मागण्यांमध्ये दोन हजार कोटी पेक्षा जास्त निधी मंजूर करून घेतो. ओबीसींचे भवितव्य असणाऱ्या ओबीसींच्या पोरांना शिष्यवृत्ती नाकारणाऱ्या अजितदादारांना आम्ही हवा हराXXX म्हणू नये, तर आम्ही काय म्हणावे?
अजित दादा पवार दरोडेखोर
अजित दादा पवार हे काय कुठल्या तांदळासारखे आहेत का? अजित दादा पवार यांच्यावर 70 हजार कोटीचा घोटाळा केल्याचा आरोप असताना तुम्ही काय हभप आहेत का? अजितदादा पवार तुम्ही साधू संत आहात का? अजितदादा पवार तुम्ही महाराष्ट्राला लागलेली कीड आहात. महाराष्ट्राच्या तिजोरीवर दिवसाढवळ्या दरोडा घालणारे तुम्ही आहात. त्यामुळे हराXXX हा शब्द खूप सौम्य आहे. अजित दादा पवार तुम्हाला तर दरोडेखोर म्हटले पाहिजे, असा हल्लाबोल त्यांनी केला.
तुम्ही नोटीसा पाठवणार असाल तर...
लक्ष्मण हाके पुढे म्हणाले की, त्यामुळे मला या गोष्टीचा पश्चाताप वाटत नाही. होय मी हराXXX म्हटलो आहे. त्यांनी मला काय नोटीस पाठवली आहे, ते मी बघून घेईल आणि अशा जर नोटीसा तुम्ही मला पाठवणार असाल तर आयला मायला म्हणणारे तुम्ही, या महाराष्ट्रातल्या शेतकऱ्यांना अमृत पाजणारे तुम्ही, लाईट गेली तर पोरं होतात, असा शोध लावणारे तुम्ही मग तुम्हाला आम्ही काय म्हणायचे? हे आम्ही आगामी काळात निश्चितपणे तुम्हाला सांगू असा इशारा त्यांनी यावेळी दिला.
आणखी वाचा
महत्त्वाच्या बातम्या
