Karuna Sharma : मला प्रेमात अडकवून माझ्याशी लग्न करणाऱ्याला धनंजय मुंडेंकडून 20 कोटींची ऑफर; करुणा मुंडेंचा गंभीर आरोप, सगळंच सांगितलं
Karuna Munde on Dhananjay Munde: मला प्रेमात अडकवून जो माझ्याशी लग्न करेल त्याला धनंजय मुंडेंकडून 20 कोटींची ऑफर देण्यात आल्याचा खळबळजनक आरोपही करुणा मुंडे यांनी केला आहे.
मुंबई : महाराष्ट्रातला एका असा मंत्री आज आहे ज्याने 27 वर्ष सोबत असलेल्या महिलेला रस्त्यावर आणलं आहे. माझं जीवन केवळ देवा चरणी आहे. यामुळेच आज धनंजय मुंडे घरी बसले आहेत. दिल्या 27 वर्ष मी त्यांना आपल्या मुलाप्रमाणे पाळलं. गाडीवरून तमाशा उभा केला. आज मला रस्त्यावर आणणारा, मीडियावर आणणारा हा व्यक्ती धनंजय मुंडे (Dhananjay Munde) आहे. नाही तर मला काहीही हौस नव्हती कोर्ट आणि मीडियासमोर उभे राहण्याची. असे म्हणत करुणा मुंडे (Karuna Munde) यांनी धनंजय मुंडेंवर गंभीर आरोप केले आहे.
मला प्रेमात अडकवून जो माझ्याशी लग्न करेल त्याला, 20 कोटींची ऑफर देण्यात आल्याचा खळबळजनक आरोपही करुणा मुंडे यांनी केला आहे. महाराष्ट्रात कुणी असेल जो मला फसवून माझ्याशी लग्न करेल त्यासाठी राज घनवट, पुरुषोत्तम केंद्रे, तेजस ठक्कर आणि माझे पती धनंजय मुंडे या दलालांनी मिळून हा कट रचला होता. माझे पती वाईट नाहीत. मात्र जे दलाल त्यांनी पळून ठेवले आहेत त्यामुळे आज मला सर्वासमोर उभं राहून हे सांगावं लागतंय, असेही करुणा मुंडे म्हणाल्या.
1996 मध्ये मला हीरोइन होण्याची संधी होती, पण...
1996 मध्ये मला हीरोइन होण्याची संधी होती. मोठमोठ्या दिग्दर्शकांनी मला अभिनेत्री होण्याची ऑफर दिली होती. मात्र मी ते सोडून आपल्या पतीसोबत चांगलं आयुष्य जगण्याचे स्वप्न बघितलं. मात्र त्यांनीच आज माझ्या बदनामीचा कट रचला. माझ्यामागे गुंड लावले, घराभोवती पोलिसांचा पहारा उभा केला, रस्तावर आणलं, असे अनेक कृत्य करण्यात आली. धनंजय मुंडे यांचे आज जे हाल आहे, ज्यामुळे ते आज घरी बसले आहेत ते केवळ माझ्यामुळे नाही. तर त्यांनी जे लोक स्वत: जवळ पाळले आहेत, त्यात राज घनवट, पुरुषोत्तम केंद्रे आणि वाल्मिक कराड सारखे दलाल यांना पाळले आहे. जे त्यांना केवळ मुली आणि दारू पुरवतात. त्यांच्यामुळे धनंजय मुंडे यांचे हे हाल आहे, ते घरी बसले आहे. असा गंभीर आरोप ही करुणा मुंडे यांनी धनंजय मुंडेंवर केला आहे.
मी कायद्याची लढाई लढेल, कारण...
मला आणि माझ्या मुलीला आज धमकी येत आहे. व्हिडीओ वायरल केले जातील असं सांगण्यात येत आहे. त्यांना मी सांगते की त्यांना जे करायचं आहे ते करा. मला काहीही फरक पडत नाही. मी कायद्याची लढाई लढेल कारण माझ्याजवळ पुरावे आहेत. ज्यांच्याजवळ पुरावे नाहीत ते आपल्या खोलीत बसून हा सगळा तमाशा पाहत आहे असेही करुणा मुंडे म्हणाल्या.
हे ही वाचा
महत्त्वाच्या बातम्या
