Gopichand Padalkar: जिममध्ये ट्रेनर कोण आहे ते बघा, हिंदू मुलींनी जिमला जाऊ नये, घरातच योगा करावा; गोपीचंद पडळकर पुन्हा बरळले
Gopichand Padalkar: हिंदू मुलींना जिम ट्रेनरकडून प्रेमाच्या जाळ्यात ओढले जात आहे. त्यामुळे त्यांनी जिमला जाऊच नये, असा अजब सल्ला गोपीचंद पडळकर यांनी दिलाय.
Gopichand Padalkar: भाजपा आमदार गोपीचंद पडळकर (Gopichand Padalkar) यांनी पुन्हा एकदा वादग्रस्त वक्तव्य केले आहे. हिंदू मुलींना जिम ट्रेनरकडून प्रेमाच्या जाळ्यात ओढले जात आहे. त्यामुळे त्यांनी जिमला जाऊच नये, असा अजब सल्ला त्यांनी दिला आहे. तसेच हिंदू मुलींनी घरातच योगा करावा, असे देखील गोपीचंद पडळकर यांनी म्हटले आहे.
बीड जिल्ह्यातील एका सभेला संबोधित करताना पडळकर यांनी एका विशिष्ट समुदायाचा उल्लेख करत दावा केला की "ते" हिंदू मुलींना आमिष दाखवत होते. "हिंदू मुलींना माझी नम्र विनंती आहे की जिथे त्यांना ट्रेनर कोण आहे हे माहित नाही अशा जिममध्ये जाऊ नका. घरी योगा केल्यास बरे होईल. हे किती मोठे षड्यंत्र आहे हे तुम्हाला माहिती नाही. हिंदू मुलींना सांगा की त्यांनी घरी योगा करावा किंवा व्यायाम करावा. त्यांना जिममध्ये जाण्याची गरज नाही," असे वक्तव्य पडळकर यांनी केले आहे.
गोपीचंद पडळकर पुढे म्हणाले की, ओळखपत्रांशिवाय महाविद्यालयात जाणाऱ्या तरुणांची ओळख पटवून त्यांना प्रवेश करण्यापासून रोखले पाहिजे. "यासाठी आपल्याला एक मजबूत प्रतिबंधात्मक यंत्रणा तयार करण्याची आवश्यकता आहे," असे देखील त्यांनी म्हटले आहे. गोपीचंद पडळकर यांच्या वक्तव्याने नव्या वादाला तोंड फुटण्याची शक्यता वर्तवली जात आहे.
Gopichand Padalkar: कपाळावर सुद्धा अहिल्यानगर लिहावं लागेल
दरम्यान, बीडमध्ये प्रसारमाध्यमांशी बोलताना गोपीचंद पडळकर यांनी म्हटले होते की, छत्रपती शिवाजी महाराज यांच्या विचारांना मानणारे हे सरकार आहे. बारकी मुलं रडल्यासारखं आव आणता असे म्हणत पडळकरांनी विरोधकांवर टीका केली. तुम्ही कायद्याच्या देशात राहता अहिल्यानगर कसे बोलणार नाहीत. कपाळावर सुद्धा अहिल्यानगर लिहावं लागेल. मुलाच्या दाखल्यावर सुद्धा हे नाव लिहावं लागणार आहे. मुघल औरंगजेब ही नावं पुसली पाहिजे असे पडळकर म्हणाले. बीड जिल्ह्यात जहांगीर मोहा नावाचे गाव त्याच नाव बदला. अशा गावांची नावं बदला. मुघलांच्या वारसांची नावाची गावं याचे नाव बदलली पाहिजे. गावातील लोकांना आवाहन आम्ही मुख्यमंत्र्यांना पत्र देऊन दणक्यात नावे बदलून टाकणार असल्याचे पडळकर म्हणाले.
इतर महत्त्वाच्या बातम्या
महत्त्वाच्या बातम्या
