Pimpri Chinchwad Election 2026: मतदारांना चक्क मोफत विदेशी दारूचं वाटप; बाटल्यांच्या बॉक्सने भरलेल्या कारसह तिघे ताब्यात; पिंपरी चिंचवडमध्ये राष्ट्रवादीचा भाजपवर गंभीर आरोप

Pimpri-Chinchwad Election 2026: मतदारांना आपल्याकडे आकर्षित करण्यासाठी चक्क परराज्यातील विदेशी दारूच्या बाटल्या मोफत वितरीत (Free Foreign Liquor) केल्याचा प्रकार समोर आला आहे.

Pimpri Chinchwad Election 2026

Source : ABPLIVE AI

Pimpri-Chinchwad Election 2026: राज्यात महापालिका निवडणुकांची रणधुमाळी सुरु असून राजकीय वातावरण देखील तापू लागले आहे. अशातच मतदारांना आकर्षित करण्यासाठी पक्ष आणि पक्षातील उमेदवार अनेक आश्वासनं आणि नानाविविध शक्कल लावताना दिसताय. अशीच एक आगळी वेगळी शक्कल लावल्याचे पिंपरी-चिंचवडमधून (Pimpri-Chinchwad Election) समोर आले आहे. मतदारांना आपल्याकडे आकर्षित करण्यासाठी चक्क परराज्यातील विदेशी दारूच्या बाटल्या मोफत वितरीत (Free Foreign Liquor) केल्याचा प्रकार समोर आला आहे. मतदारांना आपल्या पक्षाकडे आकर्षित करण्यासाठी चक्क परराज्यातील विदेशी दारूच्या बाटल्या मोफत वितरित करण्यात आल्या आहेत. पिंपरी चिंचवड महापालिकेच्या प्रभाग क्रमांक 21 मधील पिंपरी गावातील पवनेश्वर मंदिराजवळ हा प्रकार घडलाय. दरम्यान, प्रभाग क्रमांक 21 मधील भाजप उमेदवाराच कार्यकर्त्यांनी मतदारांना मोफत दारू वितरित केल्याचा आरोप राष्ट्रवादी काँग्रेसचे प्रभाग 21 मधील उमेदवार डब्बू आसवांनी यांनी केला आहे.

Pimpri-Chinchwad Election 2026:  कारमध्ये विदेशी दारूच्या बाटल्यांचे बॉक्स , तिघांना पकडलं

दरम्यान, या संदर्भात माहिती मिळताच प्रभाग क्रमांक 21 मधील राष्ट्रवादी काँग्रेसचे उमेदवार डब्बू आसवांनी आणि त्यांच्या कार्यकर्त्यांनी चक्क मतदारांना मोफत विदेशी दारू वाटणाऱ्या कारचा पाठलाग करून कारला पोलिसांच्या स्वाधीन केलं आहे. तर कारमध्ये मतदारांना मोफत विदेशी दारूच्या बाटल्या वाटणारे तीन जण पडून दिले आहेत. ज्या कारमध्ये मतदारांना मोफत विदेशी दारूच्या बाटल्या वितरित करण्यात येत होत्या त्या कारमध्ये मोठ्या प्रमाणात परराज्यातील विदेशी दारूच्या बाटल्याचे खोके भरून आढळले आहेत.

Sharad Pawar NCP on BJP: भाजपच्या कार्यकर्त्यांनी मतदारांना मोफत दारू वितरित केल्याचा आरोप

या प्रकरणी, डब्बू आसवांनी यांनी पिंपरी पोलीस स्टेशन आणि राज्य उत्पादन शुल्क विभाग तसेच निवडणूक विभागाकडे तक्रार केली आहे. पिंपरी पोलीस, राज्य उत्पादन शुल्क विभाग आणि निवडणूक विभागाने रात्री उशिरा घटनास्थळी पोहचून पंचनामा केला आहे. प्रभाग क्रमांक 21 मधील भाजप उमेदवाराच कार्यकर्त्यांनी मतदारांना मोफत दारू वितरित केल्याचा आरोप राष्ट्रवादी काँग्रेसचे प्रभाग 21 मधील उमेदवार डब्बू आसवांनी यांनी केला आहे. या प्रकरणातील दोषींवर कठोर कायदेशीर कारवाई करण्यात यावी, अशी मागणी डब्बू आसवांनी यांनी केली आहे.

आणखी वाचा