FIR registered in Haldwani purification: हल्द्वानी 'शुद्धीकरण' प्रकरणात आता बंगळूरुमध्ये FIR दाखल; मल्लिकार्जुन खरगेंच्या कार्यक्रमानंतर रामलीला मैदानावर हवन-पूजा

काँग्रेसच्या अनुसूचित जमाती विभागाचे माजी उपाध्यक्ष टी. आर. रामप्पा यांच्या तक्रारीनंतर विधानसभा पोलीस ठाण्यात हा एफआयआर दाखल करण्यात आला.

FIR registered in Haldwani purification

Source : X (Twitter)

FIR registered in Haldwani purification: बंगळूरु विधानसभा पोलिसांनी उत्तराखंडमधील हल्द्वानी शुद्धीकरण प्रकरणात झिरो एफआयआर दाखल केला आहे. एफआयआरमधील आरोपींमध्ये उत्तराखंड राज्य भाजपचे एक सदस्य आणि इतरांचा समावेश आहे. काँग्रेसच्या अनुसूचित जमाती विभागाचे माजी उपाध्यक्ष टी. आर. रामप्पा यांच्या तक्रारीनंतर विधानसभा पोलीस ठाण्यात हा एफआयआर दाखल करण्यात आला.

संपूर्ण प्रकरण काय आहे?

8 ऑगस्ट रोजी मल्लिकार्जुन खर्गे यांनी हल्द्वानी येथील रामलीला मैदानावर एका जाहीर सभेला संबोधित केले. काँग्रेसचा आरोप आहे की, 11 ऑगस्ट रोजी काही लोकांनी हवन करून मंचाचे शुद्धीकरण केले. काँग्रेसने याचा संबंध जातीय भेदभाव आणि अस्पृश्यतेशी जोडून निषेध केला.

Bengaluru Police Registers Zero FIR Against Uttarakhand BJP Members Over Alleged 'Purification Ritual' After Mallikarjun Kharge’s Rally

Bengaluru

The #Bengaluru Police on Friday registered a Zero FIR against #Uttarakhand Bharatiya Janata Party (#BJP) members and functionaries… pic.twitter.com/KHa6aNKHWt

— Yasir Mushtaq (@path2shah) September 4, 2026

राहुल गांधींची एफआयआर दाखल करण्याची मागणी

यानंतर, राहुल गांधींनी 29 ऑगस्ट रोजी दिल्लीत या विषयावर पत्रकार परिषद घेतली. त्यांनी या शुद्धीकरणाला अस्पृश्यतेचे प्रकरण म्हटले आणि पंतप्रधान नरेंद्र मोदी यांना अनुसूचित जाती/जमाती कायद्यांतर्गत आरोपींविरुद्ध एफआयआर दाखल करण्याचे आवाहन केले. मात्र, त्यानंतर राहुल गांधी यांनीच अपमान केला म्हणत हल्द्वानीमध्ये एफआयआर दाखल करण्यात आला आहे.  दुसरीकडे, काँग्रेस अध्यक्ष मल्लिकार्जुन खरगे यांनी हल्द्वानी शुद्धीकरण प्रकरणाबाबत पंतप्रधान नरेंद्र मोदी आणि केंद्रीय गृहमंत्री अमित शाह यांच्या मौनावर प्रश्नचिन्ह उपस्थित करणारा एक व्हिडिओ प्रसिद्ध केला. खर्गे यांनी प्रश्न विचारला की, जर ते दलित असते आणि त्यांच्यासोबत असे घडले असते, तर मोदी गप्प राहिले असते का.

खरगे यांनी जेपी नड्डा यांना पत्रही लिहिले 

काँग्रेस अध्यक्ष मल्लिकार्जुन खरगे यांनी संसदेत आश्वासन देऊनही शुद्धीकरण प्रकरणात एफआयआर दाखल न झाल्याबद्दल केंद्रीय मंत्री जेपी नड्डा यांना पत्र लिहिले. पत्रात त्यांनी प्रश्न उपस्थित केले आणि उत्तराखंडचे मुख्यमंत्री पुष्कर सिंह धामी यांना या प्रकरणात सामील असलेल्यांविरुद्ध गुन्हा दाखल करण्याचे निर्देश देण्यास सांगितले. खरगे म्हणाले की, अशा लोकांना धडा शिकवणे आवश्यक आहे. त्यांच्या मते, या प्रकरणातील त्यांचा राग केवळ वैयक्तिक नाही, तर समाजातील मोठ्या वर्गावर परिणाम करणाऱ्या मानसिकतेविरोधात आहे.

इतर महत्वाच्या बातम्या