बंगाली IPS अधिकारी बुशरा बानोंनी स्पर्धा परीक्षेच्या उमेदवारांना "इन्शाअल्लाह, जझाकअल्लाह" म्हणताच थेट बदली, टीम इंडियाचा माजी कॅप्टन तडकाफडकी निर्णयावर भडकला

Mira Bhayandar: पंतप्रधान मोदींचे वर्गमित्र अजगर अली व्होरांकडून जमीन घेतलीच नाही; सेवन एलेवन कन्स्ट्रक्शनचा खुलासा, ट्रेसपासिंगचे गुन्हे मागे घेण्याचा निर्णय

प्रभाकर कुडाळकर, एबीपी माझा — Wed, 16 Sep 2026 14:32:29 +0530

Mira Bhayandar मीरा-भाईंदर : मीरा रोड येथील जमिनीच्या वादाला आता नवे वळण मिळाले आहे. सेवन एलेवन कन्स्ट्रक्शन कंपनीचे (Seven Eleven Constructions) डायरेक्टर प्रशांत केळुस्कर यांनी ‘एबीपी माझा’शी खास बातचीत करत कंपनीची भूमिका स्पष्ट केली आहे. पंतप्रधान मोदींचे वर्गमित्र असल्याचा दावा करणाऱ्या 81 वर्षीय असगरअली व्होरा (Asgarali Vora) यांचा आणि सेवन एलेवन कन्स्ट्रक्शन कंपनीचा जमीन व्यवहाराशी थेट संबंध नसल्याचा दावा केळुस्कर यांनी केलाय. 'आम्ही अजगर अली वोरा यांच्याकडून जमीन घेतलेली नाही. ही जमीन मॅरविन जोसेफ फर्नांडिस आणि मुकेश पारेख यांच्याकडून घेतली आहे,' असे त्यांनी स्पष्ट केलेय. (Mira Bhayandar Land Dispute)

Mira Bhayandar Land Dispute: ट्रेसपासिंगचे गुन्हे मागे घेण्याचा निर्णय, जमिनीच्या वादावर तोडगा निघण्याची शक्यता

दरम्यान, भाजपचे नेते नरेंद्र मेहता हे सेवन एलेवन कन्स्ट्रक्शन कंपनीचे शेअरहोल्डर असल्याची माहितीही समोर आली आहे. मात्र, सध्या जमिनीवरून सुरू असलेला वाद लक्षात घेता कंपनीने महत्त्वाचा निर्णय घेतल्याचे केळुस्कर यांनी सांगितले. मॅरविन जोसेफ फर्नांडिस आणि मुकेश पारेख यांनी जमीन पुन्हा सुपूर्द करावी आणि संबंधित जमीन व्यवहार रद्द करावा, असा निर्णय कंपनीने घेतल्याचे त्यांनी सांगितले. तसेच, अजगर अली वोरा यांच्याविरोधात दाखल करण्यात आलेले ट्रेसपासिंगचे (Trespassing)गुन्हे मागे घेण्याचा निर्णय घेतल्याचेही केळुस्कर यांनी स्पष्ट केले. त्यामुळे गेल्या काही वर्षांपासून सुरू असलेल्या या जमिनीच्या वादावर तोडगा निघण्याची शक्यता निर्माण झाली आहे.

Bhayanadar Land Dispute : नेमका काय आहे जमिनीचा वाद?

असगरअली व्होरा यांनी दिलेल्या माहितीनुसार, त्यांनी 1989 मध्ये भाईंदर पूर्वेतील नवघर भागात सुमारे 2 हजार 810 चौरस मीटर जमीन एका अधिकृत खरेदीखताद्वारे खरेदी केली होती. ही जमीन त्यांनी कधीही कोणाला विकली नाही किंवा हस्तांतरित केली नाही.

मात्र, 2011 मध्ये 'स्वयं बिल्डर्स'शी संगनमत करून बनावट कागदपत्रे तयार करण्यात आली आणि त्यांच्या नकळत या जमिनीचे दोन तुकडे करण्यात आले. यातील एका भागावर स्वयं बिल्डर्स तर दुसऱ्या भागावर भाजप आमदारांशी संबंधित 'सेव्हन इलेव्हन कन्स्ट्रक्शन्स' चे नाव जोडण्यात आले, असा गंभीर आरोप व्होरा यांनी केला आहे.

Action After PM Meeting : पंतप्रधानांच्या भेटीनंतर सूत्रे हलली

पंतप्रधान मोदी यांच्याशी झालेल्या या भेटीनंतर स्थानिक प्रशासन आणि महापालिका यंत्रणा खडबडून जागी झाली आहे. याप्रकरणी महापालिकेने 16 सप्टेंबर रोजी विशेष सुनावणी आयोजित केली आहे. या सुनावणीसाठी सेव्हन इलेव्हन कन्स्ट्रक्शन्स आणि स्वयं बिल्डर्सच्या प्रतिनिधींना हजर राहण्याचे आदेश देण्यात आले आहेत. गेल्या 35 वर्षांपासून सुरू असलेल्या या जमीन वादात आता पंतप्रधानांच्या हस्तक्षेपानंतर काय निर्णय होतो आणि व्होरा यांना न्याय मिळतो का, याकडे संपूर्ण राज्याचे लक्ष लागले आहे.

इतर महत्वाच्या बातम्या

Sanjeev Sonawane Latur Crime: संजीव सोनवणे यांनी आयुष्य संपवण्यापूर्वी लिहलेल्या पत्रातील त्या वाक्याने गूढ वाढवलं, म्हणाले, ‘I am a good fool’; मेसेजमुळे चर्चेला उधाण

Manoj Jarange Beed: मनोज जरांगे मुंबईत येणार नाहीत; डंके की चोट पे! एक गुपित सांगतो...; मनोज जरांगेंच्या मुंबई दौऱ्यावर सदावर्तेंची प्रतिक्रिया, नेमकं काय म्हणाले?

वेदांत नेब — Wed, 16 Sep 2026 14:25:55 +0530

Manoj Jarange Beed: मराठा आरक्षणाच्या आंदोलनासाठी मुंबईच्या दिशेने निघालेल्या मनोज जरांगे पाटील यांच्या उपोषणाचा 19वा दिवस आहे. उपोषणामुळे मनोज जरांगेंची (Manoj Jarange Patil) प्रकृती प्रचंड खालावली आहे. मनोज जरांगे पाटील आज (बुधवारी सकाळी 11 वाजता) पाटोद्याहून पुढच्या मुक्कामाला म्हणजे श्रीगोंद्याला रवाना होणार होते. मात्र, आज सकाळपासून मनोज जरांगे यांची प्रकृती प्रचंड खालावली आहे. त्यामुळे मनोज जरांगे पाटील अजूनही झोपून आहेत. त्यांना जागेवरुन हलणेही अशक्य झाले आहे. त्यामुळे आज मनोज जरांगे पाटील पुढच्या मुक्कामला निघणार की बीडच्या (Beed news) पाटोद्यातच आराम करणार, याबाबत संभ्रम निर्माण झाला आहे. (Maratha Reservation) तर दुसरीकडे पोलिसांनी अद्याप मनोज जरांगेंच्या आझाद मैदानावरील आंदोलनाला परवानगी दिलेली नाही, अशातच जरांगे मुंबईत येणार नाहीत असं वक्तव्य अ‍ॅड. गुणरत्न सदावर्ते यांनी केलं आहे.

मनोज जरांगेंच्या मुंबई दौऱ्याबाबत बोलताना गुणरत्न सदावर्ते बोलताना म्हणाले की, "जरांगे मुंबईत येणार नाहीत, डंके की चोट पे! एक गुपित सांगतो... जरांगे खूप शहाणा आहे. माल मोजून झाला की मुंबईला यायचंच नाही! आजारपण हे तर फक्त एक निमित्त आहे. रियॅलिटी शोच्या डायरेक्टर आणि प्रोड्युसरने आता हात वर केले आहेत. हा तर जनतेच्या सेन्सॉरचा आणि सदावर्तेंच्या हंटरचा करिश्मा आहे. गुपित सांगतो... जरांगेला कोर्टात यायचं नाहीये, फक्त न्यूज मीडियामध्ये बातम्या पसरावयाच्या आहेत. एक गुपित सांगतो... जरांगेंना मुंबईला यायचंच नाहीये, असंही पुढे सदावर्तेंनी म्हटलं आहे.

Manoj Jarange Beed: मनोज जरांगेंची प्रकृती खालावली

काही वेळापूर्वीच पाटोद्यात डॉक्टरांनी मनोज जरांगे पाटील यांची तपासणी केली. जरांगे यांनी उपचार न घेतल्यास परिस्थिती गंभीर होऊ शकते, असे डॉक्टरांनी म्हटले. आम्ही उपचार घेण्याची विनंती केली. पण मनोज जरांगे ऐकायला तयार नाहीत. मनोज जरांगे यांनी उपचार घ्यायला हवेत, असे जिल्हा शल्य चिकित्सक डॉ. सतीश सोळंके यांनी म्हटले. मनोज जरांगे यांची प्रकृती आम्ही तपासली. त्यांचा रक्तदाब आणि शुगरची पातळी खालवाली आहे. आम्ही आता जरांगेंना सलाईन लावली आहे. मनोज जरांगे यांच्या शरीरात आणखी डिडायड्रेशन झाले तर गंभीर परिणाम होऊ शकतात. त्यांचा युरिन रिपोर्ट पाहून पुढचा निर्णय घेतला जाईल. त्यांना रुग्णालयात दाखल करण्याची गरज आहे. आम्ही त्यांना विनंती करुन बघू. त्यांना फक्त सलाईन लावून मुंबईपर्यंत जाता येणार नाही. ते गंभीर डिहायड्रेशनच्या लेव्हलच्या जवळ पोहोचले होते, असेही डॉक्टरांनी सांगितले.

Manoj Jarange Beed: आंदोलन करणाऱ्या मराठा आंदोलकांची पोलिसांनी माहिती मागितली

आझाद मैदानात आंदोलन करणाऱ्या मराठा आंदोलकांची पोलिसांनी माहिती मागितली आहे. जे 50 आंदोलक आंदोलन करणार आहे, त्यांचे कॉन्टॅक्ट नंबर आणि डिटेल्स पोलिसांनी मागवले आहेत. त्याचबरोबर हे ५० आंदोलक हे कोणत्या वाहनातून येणार आहे, त्या वाहनांची डिटेल्स ही पोलिसांनी मागितली आहे. आंदोलनाला कोण पन्नास लोक असणार हे मनोज जरांगे पाटील ठरवणार आहेत, त्यानंतर आझाद मैदान पोलीस स्टेशनला ही सर्व माहिती दिली जाणार, ही माहिती दिल्यानंतर पोलीस आंदोलनाला परवानगी देणार की नाही याकडे सर्वांचे लक्ष लागलं आहे.

मनोज जरांगे मोठ्या त्वेषाने मुंबईकडे चाल करून जातात अन् गुलाल उधळत येतात; विजय वडेट्टीवारांची सरकारवर टीका

रजत वशिष्ठ, एबीपी माझा — Wed, 16 Sep 2026 14:16:41 +0530

मुंबई : राज्यात सध्यात मराठा आंदोलक मनोज जरांगे पाटील (Manoj Jarange) यांच्या आंदोलनाची जोरदार चर्चा सुरू असून जरांगे पाटलांनी बीड जिल्ह्यातील पाटोदा येथे मध्यरात्री 2 वाजता जाहीर सभा घेतली. गेल्या 18 दिवसांपासून जरांगे पाटलांचे उपोषण सुरू असल्याने त्यांची प्रकृती खालावली आहे. त्याच पार्श्वभूमीवर जरांगे पाटलांना मुंबईकडे न जाण्याचा सल्ला डॉक्टरांनी दिलाय. दुसरीकडे जरांगे पाटलांच्या आंदोलनावर काही ओबीसी (OBC) नेत्यांकडून टीकाही केली जात आहे. तर, विरोधकांकडून सरकारला लक्ष्य केलं जातंय. त्यातच, आता ओबीसी नेते तथा काँग्रेस आमदार विजय वडेट्टीवार (Vijay wadettiwar) यांनी सरकार जरांगे पाटलांना फसवत असल्याचे म्हटले.

मनोज जरांगेंना सरकार वारंवार का फसवते आहे, जरांगे स्वतः का फसतात, ते मोठ्या त्वेषाने मुंबईकडे चाल करून जातात आणि गुलाल उधळत येतात, असे म्हणत विजय वडेट्टीवारांनी आजपर्यंतच्या आंदोलनावरुन हल्लाबोल केला. सरकारची नियत आणि जरांगे पाटलांचे आंदोलन याची समीक्षा होण्याची गरज आहे. ओबीसींचं नुकसान जरांगेंच्या मागण्या पूर्ण करताना होत नाही, असे सरकारला वाटत असेल, तर 12 मागण्या कोणत्या त्या सरकारने जाहीर कराव्या. जरांगेंसोबत ज्या पद्धतीने गाड्यांचा ताफा चालला आहे, त्याचा जोश पाहून कुठल्या लढाईला हे चालले आहे का? असे वाटते. आपण लोकशाहीमध्ये आहोत की राजेशाही मध्ये आहोत, असा प्रश्न पडतो, अशा शब्दात विजय वडेट्टीवारांनी जरांगे पाटलांच्या आंदोलनावर आपली भूमिका मांडली.

मनोज जरांगेंच्या मागण्या वारंवार बदलत गेल्या, कुणबी नोंदी असलेल्यांना, कुणबी प्रमाणपत्र देण्याला ओबीसीचा विरोध नाही. मात्र, हे नवनवीन गॅझेट शोधून आणतात. सध्या भावनिक साद घालून भावना भडकावून जे चाललाय, त्या आंदोलनाशी ओबीसींचा काही संबंध नाही. जरांगेंना सांगणं आहे की, सणासुदीच्या काळात लोकांना वेठीस धरू नका, आंदोलन करू नका, असे आवाहनही वडेट्टीवारांनी केले.

सरकार आंदोलन हाताळण्यात अपयशी

मंत्रिमंडळ बैठकीत मनोज जरांगे हिंदूंच्या सणात अडचणी आणतात, अशी भावना मंत्र्‍यांमध्ये दिसून आली. त्यात सरकारचं अपयश आहे, एवढं मोठं सरकार आहे, का शेपूट घालून बसले आहे? जर आंदोलन असंवैधानिक असेल, तर त्याला हाताळण्याची क्षमता सरकारमध्ये असली पाहिजे, असे म्हणत सरकारच्या भूमिकेवरही वडेट्टीवारांनी टीका केली.

हेही वाचा

मनोज जरांगेंची प्रकृती खालावली, जागेवरुन उठताही येईना, डॉक्टरांचा गंभीर इशारा, म्हणाले...

Manoj Jarange Patil : मनोज जरांगेंच्या हायकोर्टात जायच्या हालचाली, मुंबई पोलिसांचं महत्त्वाचं पाऊल, 50 जणांची लिस्ट मागवली, नेमकं काय घडलं?

अभिषेक मुठाळ — Wed, 16 Sep 2026 13:43:03 +0530

मुंबई : मराठा आरक्षणासाठी (Maratha Reservation) मराठा नेते मनोज जरांगे पाटील (Manoj Jarange Patil) गेल्या 19 दिवसांपासून उपोषण करत आहेत. मनोज जरांगे पाटील हे मुंबईत आंदोलन करण्यासाठी मंगळवारी अंतरवाली सराटीवरुन निघाले होते. काल त्यांचा मुक्काम बीडच्या (Beed news) पाटोदा येथे होता. अद्यापपर्यंत मनोज जरांगे यांना मुंबईमध्ये आंदोलनासाठी परवानगी मिळालेली नाही, परवानगीसाठी प्रयत्न सुरू असतानाच जरांगे मुंबईकडे निघाले आहे, तर दुसरीकडे आझाद मैदानात आंदोलन करणाऱ्या मराठा आंदोलकांची पोलिसांनी माहिती मागितली आहे. जे 50 आंदोलक आंदोलन करणार आहे, त्यांचे कॉन्टॅक्ट नंबर आणि डिटेल्स पोलिसांनी मागवले आहेत.

त्याचबरोबर हे ५० आंदोलक हे कोणत्या वाहनातून येणार आहे, त्या वाहनांची डिटेल्स ही पोलिसांनी मागितली आहे. आंदोलनाला कोण पन्नास लोक असणार हे मनोज जरांगे पाटील ठरवणार आहेत, त्यानंतर आझाद मैदान पोलीस स्टेशनला ही सर्व माहिती दिली जाणार, ही माहिती दिल्यानंतर पोलीस आंदोलनाला परवानगी देणार की नाही याकडे सर्वांचे लक्ष लागलं आहे.

तर दुसरीकडे मनोज जरांगे पाटील यांना आझाद मैदानात उपोषण करण्याच्या परवानगीच्या संदर्भातील कोणतीही याचिका अद्याप मुंबई उच्च न्यायालयात दाखल नाही. तातडीच्या सुनावणी अंतर्गत परवानगीबाबत याचिका दाखल करण्याची शक्यता आहे. मात्र दुसरीकडे मुंबई पोलीस दलातील वरिष्ठ अधिकारी प्रमुख सरकारी वकील शिशिर हिरे यांच्या भेटीसाठी हायकोर्टात दाखल झाले आहेत. पोलिसांकडून आंदोलनाला परवानगी का नाकारली आहे? आणि या आंदोलनाला परवानगी का देण्यात येऊ नये याबाबतच मत सरकारी वकील शिशिर हिरे यांना मुंबई पोलीस दलातील वरिष्ठ अधिकारी सांगणार आहेत. मुंबई पोलिसांनी या अगोदर २ वेळा या आंदोलनाला परवानगी नाकारली आहे, त्याविरोधात मराठा आंदोलनातील नेत्यांकडून उच्च न्यायालयात आज शक्यता आहे. त्यामुळे मुंबई उच्च न्यायालयाच्या निर्णयाकडे राज्य सरकार आणि मुंबई पोलीस यांच लक्ष लागलं आहे.

सूत्रांकडून मिळालेल्या माहितीनुसार, गणेशोत्सवाच्या काळामध्ये मनोज जरांगे पाटील यांच्या आंदोलनाला आझाद मैदानावर परवानगी मिळालेली नाही. गणेशोत्सवाच्या दरम्यान कोणत्याही प्रकारच्या आंदोलनाला पोलिसांकडून परवानगी देण्यात आलेली नाही. या काळात आंदोलनास परवानगी दिल्यास कायदा व सुव्यवस्थेचा गंभीर प्रश्न उद्भवू शकतो, तसेच मुंबई आणि पुणे या दोन्ही शहरांमध्ये पोलिसांवर अतिरिक्त ताण पडण्याची शक्यता आहे. त्यामुळे जरांगे यांना आंदोलनाची परवानगी गणेशोत्सवानंतर दिली जाऊ शकते. जरांगे यांच्याकडून मागील वर्षी केलेल्या आंदोलनादरम्यान वारंवार अटी व शर्तींचे उल्लंघन करण्यात आले होते. सलग तीनदा गणेशोत्सवामध्येच आंदोलन केल्यामुळे कायदा व सुव्यवस्थेचा प्रश्न निर्माण झाला होता. याच पार्श्वभूमीवर दोनदा अर्ज करूनही पोलिसांकडून त्यांना परवानगी नाकारण्यात आली आहे. हे प्रकरण कोर्टात गेल्यास पोलीस प्रशासनाकडून आपली अधिकृत भूमिका मांडली जाईल आणि कोर्टाच्या निर्देशानुसारच पुढील कारवाई केली जाईल. दरम्यान, जर कोर्टाने गणेशोत्सव काळात आंदोलनाला परवानगी दिलीच, तर पोलीस यंत्रणा पूर्णपणे सज्ज ठेवण्यासाठी मुंबई पोलिसांकडून पूर्वतयारी आणि आढावा घेण्यात आला आहे. याशिवाय, अतिरिक्त पोलीस कुमक तैनात करणे आणि वाहतूक व्यवस्थेवर येणारा ताण हाताळणे या संदर्भातही प्रशासनाकडून आवश्यक ती तयारी सुरू करण्यात आली आहे.

Ashish Shelar : मनोज जरांगे यांचे आंदोलन अतर्क, आताताईपणा अन् अर्वाच्च भाषेचं, छत्रपतींना मानणारा...; मंत्री आशिष शेलार भडकले, मराठा समाजालाही आवाहन

अभिषेक मुठाळ — Wed, 16 Sep 2026 13:06:47 +0530

Ashish Shelar : मनोज जरांगे (Manoj Jarange Patil)यांचे आंदोलन अतर्क, आताताईपणा आणि अर्वाच्च भाषेचे आहे. सरकार चर्चा करते आहे, मंत्रिमंडळ उपसमिती भूमिका मांडते आहे. मात्र एकनाथ शिंदे आणि देवेंद्र फडणवीस यांच्याबद्दल जे बोललं जातंय हे योग्य नाही. अपमानास्पद भाषा योग्य नाही अशी प्रतिक्रिया भाजप नेते तथा मंत्री आशिष शेलार (Ashish shelar) यांनी दिली आहे. (Ashish Shelar on Manoj Jarange Patil)

Ashish Shelar: शिवराळ भाषा सहन करणार नाही, छत्रपतींना मानणारा अशी भाषा वापरत नाही

Ashish shelar : आंदोलन लोकशाहीचा आत्मा आहे. मागण्या योग्य आहे, मात्र भाषा ही नाही चालणार. सुसंस्कृत भाषा ही नाही, छत्रपतींना मानणारा अशी भाषा वापरत नाही. मंत्रीच काय जनतेच्या मनात देखील हाच भाव आहे, परिणामी शिवराळ भाषा सहन करणार नाही. एकनाथ शिंदे असो किंवा देवेंद्र फडणवीस असो त्यांच्याबद्दल ही भाषा सहन करणार नाही. दोन्ही नेत्यांनी जे केलं त्याबद्दल तर बोलतच नाहीत. अन्य मुख्यमंत्री होते, शरद पवार, सुशीलकुमार शिंदे, विलासराव देशमुख यांच्याबद्दल ते बोलतच नाही. इथे वास राजकारणाचा येतोय. शशिकांत शिंदे पहिले हे सांगा तुम्ही मराठा आरक्षणासाठी काय केलं? अर्ज करणे त्यांचा अधिकार, सर्वसमावेशक भूमिका घेतली तर स्वागतच आहे. न्यायालयात जाणं हा त्यांचा अधिकार यावर मी काय भाष्य करणार नसल्याचे सांगत मंत्री आशिष शेलार यांनी परखड मत व्यक्त केलं आहे.

Ashish Shelar: मनोज जरांगे, मराठा समाजाला सुद्धा आमचे आवाहन, विनंती आणि सूचना आहे की,...

मराठा आंदोलक मनोज जरांगे मुंबईकडे निघाले असे दिसत आहे. आमचे आवाहन, विनंती आणि सूचना जरांगेंना आहे की, चर्चेतून प्रश्न सुटतात, देवेंद्र फडणवीस, एकनाथ शिंदे आणि सुनेत्रा पवार यांनी सर्वाधिक प्रश्न मराठा समाजाचे सोडवले आहेत. असे असताना हिंदू सणांच्या विशेषतः गणपती गौरी सुद्धा येतायत. या सण उत्सवांच्या काळात भाविक नागरिक मोठ्या प्रमाणात सहभागी होत असतात, अशात विघ्न येणार नाही याची काळजी आपण घेतो. हिंदू सणांमध्ये, राज्यातील नागरिकांना त्रास होईल अडचण होईल, त्यामुळे मराठा समाजाला सुद्धा आवाहन आहे, कोणत्याच मुख्यमंत्र्याने सकारात्मक निर्णय केले नसतील तेवढे निर्णय देवेंद्र फडणवीस आणि एकनाथ शिंदे यांनी घेतले आहेत. असेही मंत्री आशिष शेलार म्हणाले.

Ashish Shelar: मराठा समाजाला न्यायिक अधिकार देण्याचे काम आम्ही केले, बोलघेवड्यांनी नाही

विशेष कायदा, एसईबीसी, नोंदणी, प्रमाणपत्र, नोकऱ्यांमधील आरक्षण ते टिकवणं असेल, किंवा नियुक्त्या सुद्धा संरक्षित करणं, जात प्रमाणपत्र पडताळणी सहज पुर्तता करणारी भूमिका घेणं आणि कोर्टात ते टिकवणं इत्यादी आरक्षण संदर्भत देवेंद्र फडणवीस आणि एकनाथ शिंदे यांच्या सरकारने कोर्टात टिकवलंय. न्यायिक निर्णय केले आणि शासन निर्णय निघालेत. आता अडीअडचणी असतील त्या पण दूर करु, मराठा समाजाला न्यायिक अधिकार देण्याचे काम आम्ही केले. बोलघेवड्यांनी केलेले नाहीत मनोज जरांगेंनी तब्येतीची काळजी घ्यावी. सरकार चर्चा करायला तयार आहे, सणांवेळी असे आंदोलन आणि कूच करणे बरोबर नाही, असेही मंत्री आशिष शेलार म्हणाले.

इतर महत्वाच्या बातम्या

Manoj Jarange Patil Father emotional: मनोज जरांगेंचे वडील थकून झोपलेल्या लेकाकडे एकटक पाहत बसले, मग खाली वाकून मायेने कवटाळताच अश्रूंचा बांध फुटला

Cabinet Meeting : मंत्रीमंडळ बैठकीनंतर सर्व अधिकारी बाहेर गेले अन् प्रत्येक जण...; जरांगेंच्या भाषेबाबत मंत्र्यांचा नाराजीचा सूर, भुजबळांनी सांगितली इनसाईड स्टोरी

अंकिता खाणे — Wed, 16 Sep 2026 12:44:13 +0530

मुंबई : मराठा आरक्षणासाठी (Maratha Reservation) मराठा नेते मनोज जरांगे पाटील (Manoj Jarange Patil) गेल्या 19 दिवसांपासून उपोषण करत आहेत. मनोज जरांगे पाटील हे मुंबईत आंदोलन करण्यासाठी मंगळवारी अंतरवाली सराटीवरुन निघाले होते. काल त्यांचा मुक्काम बीडच्या (Beed news) पाटोदा येथे होता. अद्यापपर्यंत मनोज जरांगे यांना मुंबईमध्ये आंदोलनासाठी परवानगी मिळालेली नाही, परवानगीसाठी प्रयत्न सुरू असतानाच जरांगे मुंबईकडे निघाले आहे, याबाबत आणि जरांगे करत असलेल्या टीकेबाबत एबीपी माझाच्या 'कॉफी विथ कौशिक'मध्ये राष्ट्रवादी काँग्रेसचे नेते आणि मंत्री छगन भुजबळ यांनी आपल्या भावना व्यक्त केली आहे. भुजबळ बोलताना म्हणाले की, तो पहिल्या पासून माझ्यावर बोलत आहे. मी त्याच्याकडे दुर्लक्ष केल होतं. मात्र त्याने नंतर बीड पेटवलं. हॉटेल पेटवलं. त्यानंतर बोलायला मी सुरुवात केली. त्यानंतर मोठ-मोठा सभा घेतल्या. ओबीसी ताकद त्यानंतर लक्षात आली.

तर जरांगेंच्या टीकेबाबत आणि शिवराळ भाषेतील मंत्रिमंडळ बैठकीत रोष व्यक्त करण्यात आला याबाबत छगन भुजबळ बोलताना म्हणाले की, मुख्यमंत्र्यांच्या वडिलांवरून बोलतात, बावनकुळे यांच्या आईबाबत बोलले. इतरांना घाण घाण बोलले. काल मात्र प्रत्येकजण मंत्रीमंडळ बैठकीत बोलायला लागला. हा किती घाणेरडा बोलतो आहे. ही नॉनस्टॉपेबल गाडी आहे. वाढतच चालली आहे, असंही पुढे भुजबळ यांनी म्हटलं आहे.

मंत्रीमंडळ बैठकीवेळी ईनसाईड स्टोरी सांगताना भुजबळ म्हणाले.....

मंत्रीमंडळ बैठक झाल्यानंतर सर्व अधिकारी बाहेर गेल्यानंतर जवळपास प्रत्येक जण बोलायला लागला, मी नावं घेत नाही, पण प्रत्येकजण म्हणत होता, नेमकं काय चाललं आहे, मंत्र्यांना, मुख्यमंत्र्यांना, सगळ्यांविषयी किती घाण बोलतो हा, त्या जिल्हाधिकारी मॅडम गेल्या तिथे तेव्हा किती घाण बोलला तो, असं सांगता येणार नाही, सगळ्या गोष्टी आपण त्याच्या मान्य करतो तरीदेखील ही नॉनस्टॉपेबल गाडी चालूच आहे. सगळे याबाबत बोलले मी म्हटलं देर आये दुरूस्त आये आपण कशाला जास्ती बोला, असंही भुजबळांनी म्हटलं आहे.

अख्खं बीड शहर पेटवलं, आमदारांची घर पेटवलं, कार्यकर्त्यांची हॉटेल पेटवली, पोलिस काहीच करत नव्हते, हतबल झाले होते. मग मी ते पाहायला गेलो, मी पाहायला जाणारा कदाचित पहिलाच होतो, नंतर बाकी गेले, मुंडे ते, मी म्हटलं आता मी शांत बसणार नाही, शांतंतेत चालू होतं तोवर ठिक होतं, पण आता आमदारांची घर जाळत आहात, हॉटेलची राख करत आहात, कोणी काही बोलत नाही, चर्चा करत नाही, मी जाहीर केलं मी तिथे अंबडमध्ये जाहीर सभा घेणार, आणि राजीनामा पाठवून दिला, एक समाजासाठी काहीतरी काम करतो म्हणून एकनाथ शिंदेंनी सहकार्य केलं असेल, त्यानंतर त्यांच्या लक्षात आलं की, याचा अभ्यास नाही, १३ मागण्यापैंकी १२ मागण्या मंजूंर केल्या, एक मागणी कायद्यात बसत नाही आम्ही काय करणार, आणि ते थांबत नाहीत, कुठंपर्यंत आपण कायद्याला सोडून काम करायचं, मी एक पत्रकार परिषदेत बोललो होतो, महायुतीच्या सरकारने लक्षात घेतलं पाहिजे, की तुम्ही सांगितलं, ६० ते ७० टक्के ओबीसींनी आम्हाला मतदान केलं आहे, तर ते नाराज होणार नाहीत आपल्यावर याची काळजी आपण घेतली पाहिजे, असंही भुजबळांनी म्हटलं आहे.

पुढे बोलताना छगन भुजबळ म्हणाले की, मुळात जरांगे यांचा काहीच अभ्यास नाही. त्यांच्या ज्या वेगवेगळ्या मागण्या आहेत, त्या देखील मान्य झाल्या आहेत. मराठा समाजाला निधी देखील देण्यात आला आहे. माझी मागणी आहे जे मराठा समाजाला देतात तसे ओबीसीला देखील द्या, तर निवडणुकीमध्ये शिंदेना मदत झाली का? यावरती बोलताना छगन भुजबळ यांनी म्हटलं की, मला वाटत नाही, शिंदेना जरांगे यांची मदत झाली. लाडकी बहीण असो किंवा अजित पवार, देवेंद्र फडणवीस हे लोक होते ना. मुळात याने निवडणुकीला फॉर्म मागवले लोकांना बोलावलं आणि अचानक माघार घेतली आणि त्यानंतर फक्त येवल्याला येऊन बसला माझ्या विरोधात तरी देखील मी निवडून आलो, असंही पुढे भुजबळांनी म्हटलंय.

तर गणेशोत्सवावर कुणाचा प्रभाव जास्त आहे यावरती उत्तर देताना छगन भुजबळांनी म्हटलं की, नकारात्मक दृष्ट्या पाहिल तर जरांगे आणि सकारात्मक पाहिलं तर बापट. त्याचबरोबर अर्थ खाते राष्ट्रवादी काँग्रेस पक्षाकडेच होतं, ते आता परत मिळायला पाहिजे असं मला वाटतं. धनंजय मुंडे यांना मंत्रिमंडळात स्थान मिळायला पाहिजे का? यावरती छगन भुजबळ म्हणाले की, जरूर मिळालं पाहिजे, का नाही, एका मोठ्या समाजाचे ते देखील नेते आहेत, पक्षाकडे किती जागा आहेत किती जागा भरतात त्यावरती अवलंबून आहे, शेवटी पक्षाचे प्रमुख निर्णय घेणार असंही पुढे त्यांनी म्हटलं आहे.

Manoj Jarange Beed: मनोज जरांगेंची प्रकृती खालावली, जागेवरुन उठताही येईना, डॉक्टरांचा गंभीर इशारा, म्हणाले...

स्वानंद पाटील — Wed, 16 Sep 2026 12:43:08 +0530

Manoj Jarange Beed: मराठा आरक्षणाच्या आंदोलनासाठी मुंबईच्या दिशेने निघालेल्या मनोज जरांगे पाटील यांच्या मार्गात मोठा अडथळा आला आहे. उपोषणामुळे मनोज जरांगेंची (Manoj Jarange Patil) प्रकृती प्रचंड खालावली आहे. मनोज जरांगे पाटील बुधवारी सकाळी 11 वाजता पाटोद्याहून पुढच्या मुक्कामाला म्हणजे श्रीगोंद्याला रवाना होणार होते. मात्र, आज सकाळपासून मनोज जरांगे यांची प्रकृती प्रचंड खालावली आहे. त्यामुळे मनोज जरांगे पाटील अजूनही झोपून आहेत. त्यांना जागेवरुन हलणेही अशक्य झाले आहे. त्यामुळे आज मनोज जरांगे पाटील पुढच्या मुक्कामला निघणार की बीडच्या (Beed news) पाटोद्यातच आराम करणार, याबाबत संभ्रम निर्माण झाला आहे. (Maratha Reservation)

काहीवेळापूर्वीच पाटोद्यात डॉक्टरांनी मनोज जरांगे पाटील यांची तपासणी केली. जरांगे यांनी उपचार न घेतल्यास परिस्थिती गंभीर होऊ शकते, असे डॉक्टरांनी म्हटले. आम्ही उपचार घेण्याची विनंती केली. पण मनोज जरांगे ऐकायला तयार नाहीत. मनोज जरांगे यांनी उपचार घ्यायला हवेत, असे जिल्हा शल्य चिकित्सक डॉ. सतीश सोळंके यांनी म्हटले. मनोज जरांगे यांची प्रकृती आम्ही तपासली. त्यांचा रक्तदाब आणि शुगरची पातळी खालवाली आहे. आम्ही आता जरांगेंना सलाईन लावली आहे. मनोज जरांगे यांच्या शरीरात आणखी डिडायड्रेशन झाले तर गंभीर परिणाम होऊ शकतात. त्यांचा युरिन रिपोर्ट पाहून पुढचा निर्णय घेतला जाईल. त्यांना रुग्णालयात दाखल करण्याची गरज आहे. आम्ही त्यांना विनंती करुन बघू. त्यांना फक्त सलाईन लावून मुंबईपर्यंत जाता येणार नाही. ते गंभीर डिहायड्रेशनच्या लेव्हलच्या जवळ पोहोचले होते, असेही डॉक्टरांनी सांगितले.

मुंबई पोलिसांनी मनोज जरांगे यांच्या आझाद मैदानातील उपोषणाला परवानगी नाकारली आहे. आतापर्यंत मुंबई पोलिसांनी जरांगे यांचे दोन अर्ज फेटाळले आहे. मनोज जरांगे यांनी तिसऱ्यांदा अर्ज केला असून ते उच्च न्यायालयात जाण्याच्या तयारीत आहेत. दरम्यान, आझाद मैदानात आंदोलन करणाऱ्या मराठा आंदोलकांची माहिती पोलिसांनी मागितल्याचे समजते. जे 50 आंदोलक आंदोलन करणार आहे त्यांचे मोबाईल नंबर आणि डिटेल्स पोलिसांनी मागवले आहेत. सोबतच कोणत्या वाहनातून येणार आहे त्या वाहनांचा तपशीलही पोलिसांनी मागितला आहे. आंदोलनाला कोण पन्नास लोक असणार हे मनोज जरांगे पाटील ठरवणार. त्यानंतर आझाद मैदान पोलीस स्टेशनला ही सर्व माहिती दिली जाणार. ही माहिती दिल्यानंतर पोलीस आंदोलनाला परवानगी देणार की नाही याकडे सर्वांचे लक्ष लागले आहे.

Mumbai news: मनोज जरांगे पाटील हायकोर्टात जाणार?

मनोज जरांगे पाटील यांना आझाद मैदानात उपोषण करण्याची परवानगीच्या संदर्भातील कोणतीही याचिका अद्याप मुंबई उच्च न्यायालयात दाखल करण्यात आलेली नाही. मात्र, त्यांच्याकडून तातडीच्या सुनावणी अंतर्गत परवानगीबाबत याचिका दाखल करण्याची शक्यता आहे. या पार्श्वभूमीवर मुंबई पोलीस दलातील वरिष्ठ अधिकारी प्रमुख सरकारी वकील शिशिर हिरे यांच्या भेटीसाठी हायकोर्टात दाखल झाले आहेत. पोलिसांकडून आंदोलनाला परवानगी का नाकारली आहे आणि या आंदोलनाला परवानगी का देण्यात येऊ नये याबाबतचे मत सरकारी वकील शिशिर हिरे यांना मुंबई पोलीस दलातील वरिष्ठ अधिकारी सांगणार आहेत.

आणखी वाचा

Manoj Jarange Patil Father emotional: मनोज जरांगेंचे वडील थकून झोपलेल्या लेकाकडे एकटक पाहत बसले, मग खाली वाकून मायेने कवटाळताच अश्रूंचा बांध फुटला

Buldhana NCP: ‘पालकमंत्री मकरंद पाटील, सहपालकमंत्री संजय सावकारे हरवलेत?’ राष्ट्रवादीकडून पोलिसात तक्रार, बुलढाणा दुष्काळसदृश यादीतून वगळल्याने संताप

डॉ. संजय महाजन — Wed, 16 Sep 2026 12:26:54 +0530

Buldhana NCP on Drought : बुलढाण्याचे पालकमंत्री मकरंद पाटील (Makrand Patil) आणि सहपालकमंत्री संजय सावकारे (Sanjay Savkare) गेल्या दीड महिन्यापासून जिल्ह्यात फिरकले नसल्याचा आरोप करत, राष्ट्रवादी काँग्रेस शरदचंद्र पवार पक्षाच्या (NCP)कार्यकर्त्यांनी खामगाव शहर पोलिसात रितसर तक्रार दाखल केली आहे. राज्यातील 18 जिल्हे दुष्काळसदृश (Drought) म्हणून जाहीर करण्यात आले असताना बुलढाणा जिल्ह्याचे नाव या यादीत नसल्याने राष्ट्रवादीने संताप व्यक्त केला. जिल्ह्यात पावसाने दडी मारल्याने पिकांचे मोठे नुकसान होत असतानाही पालकमंत्र्यांचे जिल्ह्याकडे दुर्लक्ष असल्याचा आरोप कार्यकर्त्यांनी केला. यावेळी ‘पालकमंत्री शोधून द्या’ अशी मागणी राष्ट्रवादी काँग्रेस शरदचंद्र पवार पक्षाचे तालुकाध्यक्ष संजय बगाडे यांच्याकडून करण्यात आली आहे. (Buldhana NCP on Drought)

Buldhana News : धोंडी धोंडी पाणी दे...!’ कवठळच्या महिलांचा आक्रोश; महादेवाला जलाभिषेक करत घातलं साकडं

बुलढाणा जिल्ह्यात गेल्या 45 दिवसांपासून पाऊस नसल्याने चिखली तालुक्यातील कवठळ परिसरातील पिके सुकू लागली आहेत. त्यातच अनियमित वीजपुरवठ्यामुळे शेतकरी संकटात सापडले आहेत. या पार्श्वभूमीवर गावातील महिलांनी डोक्यावर पाण्याचे हांडे घेऊन मिरवणूक काढत ‘धोंडी धोंडी पाणी दे...’ अशी आर्त हाक दिली. महिलांनी महादेवाला जलाभिषेक करून जोरदार पाऊस पडावा आणि सुकत चाललेल्या पिकांना जीवदान मिळावे, अशी प्रार्थना केली. तसेच प्रशासनाने तातडीने शेतांच्या बांधावर जाऊन पिकांचे पंचनामे करावेत, नुकसानग्रस्त शेतकऱ्यांना भरघोस मदत द्यावी आणि शेतीसाठी सुरळीत वीजपुरवठा करावा, अशी मागणी महिलांनी केली. पिके पूर्णपणे वाळल्यानंतर नव्हे, तर आताच परिस्थितीची पाहणी करून मदत करावी, असा संतप्त सूर महिलांनी व्यक्त केला.

Siddharth Kharat: शेतकऱ्यांच्या हातातोंडाशी आलेला घास हिरावला, मेहकर-लोणार कोरडा दुष्काळग्रस्त जाहीर करा

मेहकर-लोणार मतदारसंघात महिनाभरापासून पावसाने दडी मारल्याने सोयाबीन, उडीद, मका यासह खरीप पिके वाळून गेली आहेत. पिके फुलोरा आणि शेंगा भरण्याच्या अवस्थेत असतानाच पावसाने पाठ फिरवल्याने शेतकरी संकटात सापडले आहेत. या पार्श्वभूमीवर शिवसेना उद्धव बाळासाहेब ठाकरे पक्षाच्या वतीने आमदार सिद्धार्थ खरात यांच्या नेतृत्वाखाली तहसीलदारांना निवेदन देण्यात आले. मेहकर आणि लोणार तालुके तातडीने कोरडा दुष्काळग्रस्त जाहीर करावेत, नुकसानग्रस्त पिकांचे पंचनामे करून शेतकऱ्यांना सरसकट एकरी २५ हजार रुपये मदत द्यावी, अशी मागणी करण्यात आली.

दुष्काळ जाहीर करा, हेक्टरी 1 लाख मदत द्या, अन्यथा सत्ताधाऱ्यांना सळो की पळो करुन सोडणार, रविकांत तुपकरांचा इशारा

Manoj Jarange Patil Father emotional: मनोज जरांगेंचे वडील थकून झोपलेल्या लेकाकडे एकटक पाहत बसले, मग खाली वाकून मायेने कवटाळताच अश्रूंचा बांध फुटला

स्वानंद पाटील — Wed, 16 Sep 2026 11:56:48 +0530

Manoj Jarange Patil Father emotional: मराठा आरक्षणासंदर्भातील विविध मागण्यांसाठी उपोषण करत असलेले मराठा आंदोलक मनोज जरांगे पाटील यांच्या उपोषणाचा आज 19 वा दिवस आहे. मनोज जरांगे पाटील हे मुंबईत आंदोलन करण्यासाठी मंगळवारी अंतरवाली सराटीवरुन निघाले होते. काल त्यांचा मुक्काम बीडच्या (Beed news) पाटोदा येथे होता. मनोज जरांगे पाटील (Manoj Jarange Patil) रात्री दोनच्या सुमारास पाटोद्यात पोहोचले. तरीही त्यांना पाहण्यासाठी हजारो मराठा बांधवांनी पाटोदा चौकात गर्दी केली होती. त्यामुळे हा संपूर्ण परिसर गर्दीने भरुन गेला होता. याठिकाणी मनोज जरांगे यांनी मराठा बांधवांशी संवाद साधला. रात्री अडीच वाजेपर्यंत त्यांनी सभा देखील घेतली. सभा संपल्यानंतर पहाटे तीन वाजता मनोज जरांगे यांचे वडील रावसाहेब जरांगे यांनी त्यांची भेट घेतली. गेल्या 19 दिवसांपासून उपोषण सुरू असल्याने मनोज जरांगे यांची प्रकृती खालावली आहे. मनोज जरांगे पाटील यांनी आता सलाईन लावून घेण्यास नकार दिल्याने त्यांची प्रकृती आणखी ढासळत चालली आहे. या सगळ्यामुळे वडिलांना चिंता वाटली म्हणून त्यांनी पहाटे पाटोद्यात येत जरांगे पाटील यांची भेट घेतली. यावेळी वडील भावूक झालेले दिसून आले. (Maratha Reservation news)

मनोज जरांगे यांचे वडील लेकाला भेटण्यासाठी पाटोद्यात व्यासपीठावर आले तेव्हा जरांगे पाटील थकून झोपले होते. त्यामुळे रावसाहेब जरांगे बराच वेळ आपल्या झोपलेल्या लेकाकडे एकटक पाहत बसले होते. लेकाची ही अवस्था पाहून रावसाहेब जरांगे यांच्या भावना अनावर झाल्या. त्यांनी खाली वाकून मनोज जरांगे यांच्या खांद्यावर डोकं टेकलं. तेव्हा रावसाहेब जरांगे यांच्या अश्रूंचा बांध फुटला. यानंतर ते उठले आणि रडतरडतच व्यासपीठावरुन निघून गेले. हा सगळा प्रसंग पाहून उपस्थितांच्या डोळ्यांच्या कडा पाणावल्या होत्या. मनोज जरांगे पाटील यांनी मुंबईच्या आझाद मैदानावरील उपोषणासाठी केलेला परवानगी अर्ज पोलिसांनी दोनवेळा फेटाळला आहे. त्यांनी तिसऱ्यांदाही अर्ज केला आहे.

दरम्यान, उपोषणाच्या 19व्या दिवशी मनोज जरांगे पाटील यांची प्रकृती अधिकच खालावली आहे. जरांगे अजूनही झोपून आहेत. डॉक्टरांनी रात्री तीन वाजता जरांगे यांची तपासणी केली. जिल्हा शल्य चिकित्सकांनी मनोज जरांगे यांची तपासणी करण्यास नकार दिला. आज सकाळपासून जरांगे पाटील यांची तब्येत खालावली. अजूनही पाटोदा येथील मुक्कमाच्या ठिकाणी जरांगे पाटील झोपून आहेत.

आणखी वाचा

Manoj Jarange Patil Wife : मनोज जरांगे शेवटच्या लढाईसाठी मुंबईला निघाले, पत्नी गळ्यात पडून रडली, मुलांनाही अश्रू अनावर, भावूक क्षणाचा व्हिडिओ समोर

बंगाली IPS अधिकारी बुशरा बानोंनी स्पर्धा परीक्षेच्या उमेदवारांना "इन्शाअल्लाह, जझाकअल्लाह" म्हणताच थेट बदली, टीम इंडियाचा माजी कॅप्टन तडकाफडकी निर्णयावर भडकला

जयदीप मेढे — Wed, 16 Sep 2026 11:47:36 +0530

IPS Bushra Bano: माजी क्रिकेटपटू आणि खासदार मोहम्मद अझरुद्दीन यांनी पश्चिम बंगालच्या आयपीएस अधिकारी बुशरा बानो यांच्या बदलीवर प्रश्नचिन्ह उपस्थित केले आहे. ते म्हणाले, "'अस्सलामु अलैकुम' आणि 'इन्शाअल्लाह' म्हटल्याबद्दल एका आयपीएस अधिकाऱ्याची बदली करण्यात आली, ही अत्यंत चिंताजनक बाब आहे." त्यांनी पुढे लिहिले, "जेव्हा अभिवादन करणे हे एका लोकसेवकाला लक्ष्य करण्याचे कारण बनते, तेव्हा आपण अल्पसंख्याकांना कोणता संदेश देत आहोत, असा प्रश्न विचारला पाहिजे. भारताची ताकद त्याच्या विविधतेत आहे, ओळख नियंत्रित करण्यात नाही." पश्चिम बंगाल सरकारने बानो यांची बदली केली. 13 सप्टेंबर रोजी बानो यांनी सोशल मीडियावर एक व्हिडिओ पोस्ट केला होता, ज्यामुळे मोठा गदारोळ झाला होता. बदलीचा संबंध याच घटनेशी जोडला जात आहे.

वादानंतर आयपीएस अधिकाऱ्याने व्हिडिओ हटवला

13 सप्टेंबरच्या व्हिडिओमध्ये, बुशरा बानो यूपीएससीची तयारी करणाऱ्या विद्यार्थ्यांना प्रोत्साहन देत होत्या. पोलिसांच्या गणवेशात चित्रित केलेल्या या व्हिडिओमध्ये त्यांनी 'अस्सलामु अलैकुम', 'इन्शाअल्लाह' आणि 'जझाकल्लाह' यांसारखे शब्द वापरले होते. सोशल मीडियावर काही लोकांनी या शब्दांवर आक्षेप घेतला आणि व्हिडिओवर तीव्र टीका केली. आता हा व्हिडिओ तिच्या सोशल मीडिया खात्यांवरून हटवण्यात आला आहे.

THIS IS DEEPLY CONCERNING

An IPS officer is reportedly transferred after a complaint over saying “Assalamualaikum” and “Inshallah” in an interaction with civil service aspirants.

When greetings become grounds for targeting a public servant, we must ask: what kind of message… https://t.co/bqPSnM61Kn
— Mohammed Azharuddin (@azharflicks) September 15, 2026

संस्थेने गृह सचिवांकडे तक्रार केल्याचा दावा

'हिंदू लीगल फंड' नावाच्या खात्याने बुशरा बानो यांचा व्हिडिओ शेअर केला. संस्थेने या प्रकरणी पश्चिम बंगालच्या गृह सचिवांकडे तक्रार दाखल केल्याचा दावा केला आहे. संस्थेने पोस्टमध्ये म्हटले आहे की, बानो यांनी व्हिडिओची सुरुवात 'अस्सलामु अलैकुम'ने केली, 'इन्शाल्लाह'चा वापर केला आणि 'जझाकल्लाह'ने व्हिडिओचा शेवट केला. मात्र, तिने 'वंदे मातरम' किंवा 'जय हिंद' यांसारखे शब्द वापरले नाहीत. पुढे म्हटले आहे की, "भारतीय राज्याचे प्रतिनिधित्व करणाऱ्या कार्यरत अधिकाऱ्याने सार्वजनिक संवादात निष्पक्षता राखली पाहिजे आणि राष्ट्रीय अभिव्यक्तींचा वापर केला पाहिजे."

महुआ म्हणाल्या, "बुशरा, आम्ही तुझ्यासोबत आहोत"

टीएमसी खासदार महुआ मोईत्रा: "एकीकडे भाजप सरकार ब्रिक्स शिखर परिषदेत प्रार्थना कक्ष बांधून आपली धर्मनिरपेक्ष प्रतिमा दाखवत आहे, तर दुसरीकडे, केवळ 'अस्सलामु अलैकुम' आणि 'जझाकल्लाह' म्हटल्याबद्दल मुस्लिम महिला आयपीएस अधिकारी डॉ. बुशरा बानो यांना बाजूला सारण्यात आले. यामुळे लाळघोटू माध्यमांकडून पसरवल्या जाणाऱ्या द्वेषाला आणखी खतपाणी मिळते. बुशरा, आम्ही तुझ्यासोबत आहोत."

काँग्रेस खासदार इम्रान प्रतापगढी की, "एका द्वेषपूर्ण वृत्तवाहिनीने आधी व्हिडिओला सनसनाटी बनवले आणि नंतर त्या महिला आयपीएस अधिकाऱ्याला ऑनलाइन ट्रोल केले. तिला पाठिंबा देण्याऐवजी, राज्य सरकारने दुसऱ्याच दिवशी तिची बदली केली."

बुशरा बानो खरगपूरमध्ये अतिरिक्त पोलीस अधीक्षक

आयपीएस डॉ. बुशरा बानो या पश्चिम मेदिनीपूरमधील खरगपूर येथे अतिरिक्त पोलीस अधीक्षक म्हणून कार्यरत होत्या. त्यांच्या बदलीनंतर, त्यांची राज्य सशस्त्र पोलिसांच्या (एसएपी) चौथ्या बटालियनच्या उप कमांडंटपदी नियुक्ती करण्यात आली आहे. पार्थ घोष आता बानो यांच्या जागी पश्चिम मेदिनीपूरमधील खरगपूर येथे नवीन अतिरिक्त एसपी म्हणून पदभार स्वीकारतील.

इतर महत्वाच्या बातम्या

Bihar Flood: बिहारमध्ये महापुराचा अक्षरशः कहर; 15 जिल्ह्यातील तब्बल 50 लाख लोक पुराच्या पाण्याखाली