Prashant jagtap : शरद पवार गटाने काँग्रेसचा विश्वासघात केला; श्रीकांत पाटलांच्या माघारीनंतर पुणे काँग्रेसच्या शहराध्यक्षांचा गंभीर आरोप

Tukaram Munde News: जेवणात, औषधात, मिठाईत भेसळ?; लगेच तुकाराम मुंढेंना फोन करा, ईमेल आणि नंबर जारी

मुकेश चव्हाण — Fri, 5 Jun 2026 06:44:59 +0530

Tukaram Mundhe News: राज्यभरात प्रतिबंधित गुटखा आणि पानमसालाविरोधात अन्न व औषध प्रशासनाने धडक मोहीम (FDA Maharashtra) राबवत आहे. 6 दिवासांत 203 छापे टाकण्यात आले असून यामध्ये 102 अटक करण्यात आली आहे. तर राज्यभरातील जवळपास 68 दुकानं आणि हॉटेल्स बंद करण्यात आली. आयएएस तुकाराम मुंढे (Tukaram Mundhe) यांनी नुकतीच अन्न व औषध प्रशासनाच्या आयुक्तपदाची जबाबदारी स्वीकारली. यानंतर राज्यभरात तिबंधित गुटखा-पानमसाला विक्रेत्यांविरोधातील कारवाईचा तडाखा लावण्यात आला आहे. (Tukaram Mundhe News)

अन्न व औषध प्रशासन आयुक्त तुकाराम मुंढे (Tukaram Mundhe) यांनी कडक शब्दांत इशारा दिला आहे. आरोग्याशी खेळ करणाऱ्यांना सोडणार नाही, असं म्हणत कारवाई अधिक तीव्र होणार असल्याचे स्पष्ट केले आहे. तसेच आता जनतेला थेट तक्रार करण्याचं आवाहन केलं आहे. यासाठी टोल फ्री क्रमांक आणि ई-मेल आयडी शेअर करण्यात आला आहे. अन्न व औषधाबाबत किंवा गुटखा आणि पानमसालाबाबत नेमकी कुठे तक्रार करायची याची नागरिकांनी माहिती नसते. त्यामुळे आता मुंढे यांनी नागरिकांनी थेट त्यांच्याकडे तक्रार करण्यासाठी एक प्लॅटफॉर्म उपलब्ध करून दिला आहे.

अन्नातील आणि औषधातील भेसळीच्या तक्रारासाठी टोल फ्री नंबर- (FDA Complaint Number)

टोल फ्री क्रमांक : 1800222365
ई-मेल : jc-foodhq@gov.in

बीडमध्ये तब्बल 18 लाख 50 हजार रुपयांचा गुटखा आणि तंबाखूजन्य पदार्थांचा साठा जप्त- (FDA Action In Beed)

अन्न आणि औषध प्रशासन विभागाचे आयुक्त तुकाराम मुंढे यांच्या मार्गदर्शनाखाली संपूर्ण राज्यभरात धडक कारवाया करण्यात येत असून या पार्श्वभूमीवर 4 मे रोजी धुळे जिल्ह्यात अन्न औषध प्रशासन विभागाने महाराष्ट्रात प्रतिबंधित असलेला गुटखा आणि तंबाखूजन्य पदार्थांची वाहतूक रोखली असून या कारवाईत तब्बल 18 लाख 50 हजार रुपयांचा गुटखा आणि तंबाखूजन्य पदार्थांचा साठा जप्त करण्यात आला आहे. मुंबई आग्रा हा मार्गावरून या गुटख्याची वाहतूक होत असल्याची माहिती अन्न औषध प्रशासन विभागाला मिळाली होती. या माहितीच्या आधारे अन्न औषध प्रशासन विभागाने तब्बल 18 लाख 50 हजार रुपयांचा मुद्देमाल जप्त केला असून याप्रकरणी चालक सुरेश कुमार गोवरिया राहणार राजस्थान यांच्याविरुद्ध गुन्हा दाखल करण्यात आला आहे.

तुकाराम मुंढेंनी 25 मे रोजी स्वीकारला होता पदभार- (Tukaram Mundhe News)

गेल्या काही काळापासून अन्न आणि औषध प्रशासन खात भ्रष्टाचाराच्या आरोपावरून चर्चेत आले होते. लाचखोरी आणि इतर भ्रष्ट कामांमुळे चर्चेत असलेल्या अन्न आणि औषध प्रशासनात आता आयुक्त म्हणून तुकाराम मुंढेंची बदली करण्यात आली आहे. तसा आदेश राज्य सरकारच्या सामान्य प्रशासन विभागाने जारी केला होता. त्यानुसार 25 मे रोजी तुकाराम मुंढे हे अन्न आणि औषध प्रशासनाच्या आयुक्त पदाचा पदभार स्वीकारला होता.

तुकाराम मुंढे यांची आतापर्यंत कोणत्या ठिकाणी बदली झाली? (Tukaram Mundhe News)

ऑगस्ट 2005 - प्रशिक्षणार्थी, उपजिल्हाधिकारी सोलापूर
सप्टेंबर 2007 - उप जिल्हाधिकारी, देगलूर उपविभाग
जानेवारी 2008 - सीईओ, जिल्हा परिषद नागपूर
मार्च 2009 - आयुक्त, आदिवासी विभाग
जुलै 2009 - सीईओ, वाशिम
जून 2010 - सीईओ, कल्याण
जून 2011 - जिल्हाधिकारी, जालना
सप्टेंबर 2012 - विक्रीकर सहआयुक्त मुंबई
नोव्हेंबर 2014 - सोलापूर जिल्हाधिकारी
मे 2016 - आयुक्त, नवी मुंबई महापालिका
मार्च 2017 - मुख्य कार्यकारी अधिकारी, पीएमपीएल, पुणे
फेब्रुवारी 2018 - आयुक्त, नाशिक महापालिका
नोव्हेंबर 2018 - सहसचिव, नियोजन
डिसेंबर 2018 -प्रकल्प अधिकारी, एड्स नियंत्रण, मुंबई
जानेवारी 2020 - आयुक्त, नागपूर महापालिका
ऑगस्ट 2020 - सदस्य सचिव, महाराष्ट्र जीवन प्राधिकरण, मुंबई
जानेवारी 2021 - राष्ट्रीय मानवाधिकार आयोग भारत
सप्टेंबर - 2022 - आयुक्‍त आरोग्‍य सेवा व संचालक, राष्ट्रीय आरोग्य अभियान
2022 - मराठी भाषा विभाग
जुलै 2022 - पशुसंवर्धन आणि दुग्ध विकास विभाग
जून 2024 - विकास आयुक्त (असंघटित कामगार)
ऑगस्ट 2025: सचिव, दिव्यांग कल्याण आयुक्तालय, मंत्रालय
मे 2026: आयुक्त, अन्न व औषध प्रशासन

आरोग्याशी खेळ करणाऱ्यांना सोडणार नाही- आयुक्त तुकाराम मुंढे, VIDEO:

सोलापूर विधानपरिषद! कासवगतीनं जाऊ आणि निवडणूक जिंकू, वसंतराव देशमुखांना विश्वास, पांडुरंग कारखान्यावर जात सुधारकरपंत परिचारकांच्या स्मारकाचं घेतलं दर्शन

सुनील दिवाण, एबीपी माझा — Thu, 4 Jun 2026 23:51:27 +0530

Solapur Vidhan Parishad Election : सोलापूर विधानपरिषदेची निवडणूक (Solapur Vidhan Parishad Election) रंगतदार होण्याची शक्यता निर्माण झाली आहे. महाविकास आघाडी विरुद्ध महायुती असा समान रंगणार आहे. जिल्ह्यात आमचे दोन खासदार आणि पाच आमदार आहेत. जिल्ह्यात महाविकास आघाडीची मोठी ताकद असल्याने आम्ही मतदारांकडे जाऊन मते मागू असे वक्तव्य महाविकास आघाडीचे उमेदवार वसंतराव देशमुख यांनी केले. पालकमंत्री ही मोठी माणसं आहेत, आम्ही लहान आहोत पण कासव गतीने आम्ही निवडणूक जिंकू अशी टोलीबाजी वसंतराव देशमुख यांनी केली आहे.

पांडुरंग सहकारी साखर कारखान्यावर जाऊन स्वर्गीय सुधाकरपंत परिचारक यांच्या पुतळ्याचं घेतलं दर्शन

आज देशमुख यांनी भाजपला गुगली टाकत पांडुरंग सहकारी साखर कारखान्यावर जाऊन स्वर्गीय सुधाकरपंत परिचारक यांच्या पुतळ्याचे दर्शन घेतले. सोलापूर विधान परिषदेसाठी इच्छुक असलेले माजी आमदार प्रशांत परिचारक यांना उमेदवारी डावलून भाजपने राऊत यांना उमेदवारी दिली आहे. यामुळे परिचारक समर्थक नगरसेवक जिल्हा परिषद सदस्य भाजपवर तीव्र नाराज आहेत. यातूनच आज महाविकास आघाडीचे उमेदवार वसंतराव देशमुख यांनी स्वर्गीय सुधाकर पंत परिचारक यांचे दर्शन घेतल्याने भाजपची चिंता वाढू लागली आहे. विजयसिंह मोहिते पाटील आणि स्वर्गीय सुधाकर परिचारक हे आमचे नेते असून परिचारांनी आम्हाला लढायला शिकवले आणि त्यातूनच आम्ही घडलो असे सांगत परिचारक आमचे कायम दैवत असल्याचे देशमुख यांनी सांगितले आहे.

सोलापूर विधान परिषदेत पालकमंत्री जयकुमार गोरे विरुद्ध खासदार धैर्यशील मोहिते पाटील सामना रंगणार

खासदार धैर्यशील मोहिते पाटील यांनी वसंतराव देशमुख यांची उमेदवारी कायम ठेवून सोलापूरची जागा बिनविरोध होऊ दिली नाही. यातूनच आता सोलापूर विधान परिषदेत पालकमंत्री जयकुमार गोरे विरुद्ध खासदार धैर्यशील मोहिते पाटील असा सामना रंगणार आहे. सोलापूर जिल्ह्यात पालकमंत्र्यांनी पंचायत राज निवडणुकीत मोठे यश मिळविल्याने भाजपसाठी ही निवडणूक एकतर्फी आहे. मात्र आता महाविकास आघाडीकडून भाजपच्या नाराज नेत्यांना जवळ करण्याचा प्रयत्न महाविकास आघाडी कडून सुरू झाल्याने पालकमंत्री आणि पक्षाची डोकेदुखी वाढणार आहे.

राज्यात विधान परिषद निवडणुकीच्या अनुषंगाने घडामोडींना वेग

राज्यात विधान परिषद निवडणुकीच्या अनुषंगाने घडामोडींना वेग आला आहे. विधान परिषदेतील (Vidhan Parishad Election 2026) स्थानिक स्वराज्य संस्था मतदारसंघातील 17 रिक्त जागांसाठी निवडणुकीची घोषणा करण्यात आली आहे. 18 जून रोजी मतदान पार पडणार असून 22 जूनला मतमोजणी पार पडणार आहे. या निवडणुकीकडे (Vidhan Parishad Election 2026) राज्याचं लक्ष लागलं आहे.

अहिल्यानगर विधानपरिषदेच्या जागेचा तिढा अखेर सुटला, भाजपचे प्राजक्त तनपुरे बिनविरोध आमदार

सुनिल भोंगळ, एबीपी माझा, अहमदनगर — Thu, 4 Jun 2026 23:25:49 +0530

Ahilyanagar Vidhan Parishad Election : अहिल्यानगर विधानपरिषदेच्या (Ahilyanagar Vidhan Parishad Election) जागेचा तिढा अखेर सुटला आहे. अपक्ष उमेदवार दत्तात्रय पानसरे (Dattatray Pansare) यांनी माघार घेतल्याने भाजपचे प्राजक्त तनपुरे (Prajakt Tanpure) बिनविरोध निवडून आले आहेत. जिल्ह्याचे पालकमंत्री राधाकृष्ण विखे पाटील (Radhakrishna Vikhe Patil) आणि राष्ट्रवादी अजित पवार गटाचे आमदार संग्राम जगताप यांच्या मध्यस्थीने पानसरेंनी माघार घेतली आहे. माघारीवेळी पालकमंत्री राधाकृष्ण विखे पाटील, आमदार संग्राम जगताप, प्राजक्त तनपुरे यांच्यासह भाजपचे पदाधिकारी उपस्थित होते. यावेळी पालकमंत्री राधाकृष्ण विखे पाटील यांनी सर्व अपक्ष उमेदवारांचे आभार मानले.

दत्तात्रय पानसरेंना आमदार करण्याचा विखे पाटलांनी दिला शब्द

महायुतीच्या असंख्य कार्यकर्त्यांनी यामध्ये योगदान दिल्याचे पालकमंत्र्यांनी वक्तव्य केले. मुख्यमंत्री देवेंद्र फडणवीस यांची या सर्व प्रक्रियेत महत्त्वाची भूमिका होती असं पालकमंत्री विखेंनी म्हटलं. बराच वेळा आमच्या मतमतांतरे आणि समज गैरसमज असतात, त्याचबरोबर विरोधी पक्षाकडूनही बुद्धिभेद करण्याचा प्रयत्न होत असतो. मात्र, राज्यातील महाविकास आघाडीची अवस्था पाहिल्यास त्यांनी सपशेल या निवडणुकीत लोटांगण घेतले आहे अशी अवस्था असं विखे म्हणाले. तर मी मुख्यमंत्री देवेंद्र फडणवीस, पालकमंत्री राधाकृष्ण विखे पाटील, आमदार संग्राम जगताप यांच्या शब्दासाठी मी माघार घेतली असल्याचे दत्तात्रय पानसरे यांनी म्हटलं आहे. सोबतच मला पालकमंत्री राधाकृष्ण विखे म्हणाले की पुढच्यावेळी तुला आमदार करु, आता पाहुयात ते मला कधी आमदार करतात? असं दत्तात्रय पानसरे यांनी म्हटलं आहे.

मी सर्व अपक्ष उमेदवारांचा आभार मानतो त्यांनी मोठ्या मनाने माघार घेतली : प्राजक्त तनपुरे

मी सर्व अपक्ष उमेदवारांचा आभार मानतो त्यांनी मोठ्या मनाने माघार घेतल्याचे प्राजक्त तनपुरे म्हणाले. मुख्यमंत्री देवेंद्र फडणवीस, रवींद्र चव्हाण यांनी मोठ्या विश्वासाने मला उमेदवारी दिली आहे. सर्व प्रश्न सोडवण्याचा मी महानगरपालिका आणि पालिकेच्या सर्व नगरसेवकांना विश्वास देतो. माझ्या राजकारणाची सुरुवात देखील नगराध्यक्ष म्हणून झाली, राज्यात राज्यमंत्रीपद देखील भूषवल्याचे तनपुरे म्हणाले. विधान परिषदेत मी प्रश्न उठवेल असे ते म्हणाले. दत्तात्रय पानसरे यांनी मत व्यक्त केलं त्याच्यावर भाष्य करणे योग्य नाही. दत्तात्रय पानसरे यांनी सामंजस्याची भूमिका घेऊन अर्ज माघार घेतला त्यांचे आभार असे तनपुरे म्हणाले.

अर्ज माघारीच्या दिवशी पाच जागा बिनविरोध झाल्या

महाराष्ट्राच्या विधानपरिषदेच्या स्थानिक स्वराज संस्था मतदारसंघाच्या 17 जागांसाठी निवडणूक प्रक्रिया सुरु आहे. उमेदवारी अर्ज मागं घेण्याच्या दिवशी राज्यभरात मोठ्या घडामोडी पाहायला मिळाल्या. राज्यातील सत्ताधारी महायुतीच्या उमेदवारांसमोर महाविकास आघाडीनं आव्हान उभं करण्याचा प्रयत्न केला. मात्र, मविआच्या काही उमेदवारांनी संख्याबळाचं कारण, मित्रपक्षांचं सहकार्य मिळत नसल्याचा आरोप करत माघार घेतली. तर, महायुतीच्या नेत्यांना देखील बंडखोरांना शांत करण्यात यश आलं. नितेश राणे थेट ठाकरेंच्या शिवसेनेचे कोकण विधानपरिषदेचे उमेदवार बाळ माने यांना अर्ज मागं घेण्यासाठी जिल्हाधिकारी कार्यालयात दाखल झाले. तर, नाशिकमध्ये गोकुळ गीते अर्ज माघारीवरुन चर्चेत राहिले, तर गणेश गीते यांनी सकाळीच अर्ज मागं घेणार असल्याचं स्पष्ट केलं. अर्ज माघारीच्या दिवशी पाच जागा बिनविरोध झाल्या, यात दोन शिवसेना, दोन राष्ट्रवादी काँग्रेस आणि एका जागेवर भाजपनं बिनविरोध विजय मिळवला.

महत्वाच्या बातम्या:

Vidhan Parishad Election : विधानपरिषदेच्या 17 पैकी 5 जागा बिनविरोध, 12 ठिकाणी महायुती आणि मविआ आमने सामने, नाशिकमध्ये नरेंद्र दराडे आणि गोकुळ गीते आमने सामने

Bala Mane : ऐनवेळी अर्ज मागे घेतलेले बाळा माने भाजपमध्ये परतणार की शिंदे गटात जाणार?

वेदांत नेब — Thu, 4 Jun 2026 23:15:07 +0530

मुंबई : उमेदवारी अर्ज मागे घेण्याच्या शेवटच्या दिवशी बाळ माने यांनी थेट महायुतीचे नेते आणि भाजप मंत्री नितेश राणे यांच्यासह अन्य पदाधिकाऱ्यांसोबत रत्नागिरी जिल्हाधिकारी कार्यालयात जात आपला अर्ज मागे घेतला. या धक्कादायक आणि नाट्यमय घडामोडींमुळे कोकण विधानपरिषद निवडणूक आता बिनविरोध होणार असल्याचं स्पष्ट झालं आहे. महाविकास आघाडीचे मतदारच आपल्यासोबत नसल्याचं स्पष्टीकरण देत आपण उमेदवारी अर्ज मागे घेतल्याचा दावा यावेळी माने यांनी केला.

बाळा माने यांच्या या उघड पक्षविरोधी कारवाईमुळे शिवसेना ठाकरे गटाच्या वरिष्ठ नेत्यांची नाराजी उफाळून आली असून, पक्षप्रमुख उद्धव ठाकरे यांच्या सूचनेनुसार तातडीने त्यांची पक्षातून हकालपट्टी करण्याचा निर्णय घेण्यात आला.

या संपूर्ण राजकीय नाट्यानंतर आता बाळा माने यांच्या पुढील राजकीय प्रवासाबाबत जोरदार चर्चा रंगू लागली आहे. ते मूळचे भारतीय जनता पक्षाचे (BJP) असून रत्नागिरीचे माजी आमदार आहेत. विधानसभा निवडणुकीच्या वेळी त्यांनी भाजप सोडून ठाकरेंच्या शिवसेनेत प्रवेश केला होता आणि उदय सामंत यांच्या विरोधात निवडणूक लढवली होती, ज्यात त्यांचा पराभव झाला होता.

Bhaskar Jadhav Connection : भास्कर जाधव यांनी माध्यमांशी बोलणं टाळलं

बाळा माने हे कोकणातील ठाकरेंच्या शिवसेनेचे नेते आणि आमदार भास्कर जाधव यांचे साडू आहेत. त्यामुळे या संपूर्ण संवेदनशील आणि धक्कादायक प्रकारानंतर उद्धव ठाकरे यांनी स्वतः भास्कर जाधव यांच्याशी संपर्क साधून या घडामोडींची माहिती घेतल्याची सूत्रांची माहिती आहे. मात्र, साडू असलेल्या बाळा माने यांच्या या धक्कादायक पक्षविरोधी कारवाईनंतर आणि पक्षातून झालेल्या हकालपट्टीनंतर भास्कर जाधव यांनी या विषयावर माध्यमांशी बोलणं पूर्णपणे टाळलं आहे.

Vidhan Parishad Election : शेतकरी कामगार पक्षाचीही केली होती मनधरणी

महाविकास आघाडीने ही जागा जिंकण्यासाठी मोठी प्रतिष्ठा पणाला लावली होती. बाळा माने यांच्यासाठी शिवसेना ठाकरे गटाच्या वरिष्ठ नेत्यांनी शेतकरी कामगार पक्षाच्या उमेदवाराला देखील निवडणुकीतून माघार घेण्यासाठी तयार केले होते आणि त्याचे प्रयत्न यशस्वीही झाले होते. पक्षाने एवढी मोठी राजकीय मोर्चेबांधणी आणि तयारी करून विधान परिषदेसाठी पुन्हा एकदा बाळा माने यांना संधी दिली होती.

ठाकरे गटातून हकालपट्टी झाल्यानंतर आता बाळा माने पुन्हा एकदा आपल्या आधीच्या पक्षात म्हणजेच भाजपमध्ये स्वगृही परतणार असल्याची चर्चा आहे. दुसरीकडे, ज्यांना पक्षातून बडतर्फ करण्यात आले आहे, त्यांच्यासोबत शिवसेना पक्ष भक्कमपणे उभा असल्याची घोषणा राज्याचे मंत्री उदय सामंत यांनी केली आहे. त्यामुळे मुख्यमंत्री एकनाथ शिंदे यांची शिवसेना बाळा माने यांना आपल्या पक्षात घेणार का आणि कोकणात आपली ताकद आणखी वाढवणार का, हे पाहणे महत्त्वाचं ठरेल.

ही बातमी वाचा:

Shivsena UBT On Bal Mane : बाळ माने यांची शिवसेना ठाकरे गटातून हकालपट्टी, संजय राऊतांनी दिली माहिती, उद्धव ठाकरेंकडून पहिली कारवाई, विधान परिषदेतून ऐनवेळी घेतली होती माघार

Delimitation Bill : सरकार मतदारसंघ पुनर्रचना विधेयक पुन्हा संसदेत आणण्याच्या तयारीत, TMC आणि DMK सोबत चर्चा

एबीपी माझा ब्युरो — Thu, 4 Jun 2026 20:41:07 +0530

नवी दिल्ली : देशाच्या राजकीय वर्तुळातून एक अत्यंत मोठी आणि महत्त्वाची बातमी समोर येत आहे. केंद्र सरकार 'डिलिमिटेशन बिल' (Delimitation Bill) पुन्हा एकदा संसदेत आणण्याच्या तयारीत आहे. मात्र, यावेळी सरकार हे विधेयक 'वन नेशन, वन इलेक्शन' (One Nation One Election) या प्रस्तावासोबत जोडून संयुक्तपणे मांडण्याचा विचार करत आहे.

या मोठ्या आणि ऐतिहासिक संवैधानिक पावलापूर्वी केंद्र सरकार राजकीय पक्षांमध्ये एकमत आणि सहमती निर्माण करण्याचा प्रयत्न करत आहे. सूत्रांकडून मिळालेल्या माहितीनुसार, याच रणनीतीचा एक भाग म्हणून सरकारने तृणमूल काँग्रेस (TMC) आणि द्रमुक (DMK) यांसारख्या प्रमुख प्रादेशिक पक्षांशी चर्चा सुरू केली असून त्यांच्याकडून सकारात्मक प्रतिसाद मिळवण्याचा प्रयत्न सुरू केला आहे.

Parliament Voting Analysis : दोन-तृतीयांश बहुमतासाठी सरकारची मोर्चेबांधणी

संसदेच्या आगामी मॉन्सून अधिवेशनापूर्वी विरोधी पक्षांचे समर्थन मिळवणे हा सरकारचा मुख्य उद्देश आहे. जर संसदेत आवश्यक संख्याबळ म्हणजेच दोन-तृतीयांश बहुमत सुनिश्चित झाले, तर सरकार मतदारसंघ पुनर्रचना आणि एक देश एक निवडणूक या दोन्ही महत्त्वाच्या विषयांचे संयुक्त विधेयक संसदेत सादर करू शकते.

विशेष म्हणजे, टीएमसीच्या काही बड्या नेत्यांनी यावर खुली चर्चा करण्याची तयारी दर्शवली आहे, तर पूर्वी कडाडून विरोध करणारी डीएमके देखील यावेळी मवाळ भूमिकेत असून सुधारित प्रस्तावाची वाट पाहत आहे.

यापूर्वी संसदेत डिलिमिटेशन आणि महिला आरक्षणाशी संबंधित प्रस्तावाला आवश्यक तेवढे संख्याबळ मिळवता आले नव्हते. लोकसभेतील एकूण 529 सदस्यांपैकी केवळ 298 सदस्यांनी या प्रस्तावाच्या बाजूने मतदान केले होते, तर 230 सदस्यांनी याला विरोध दर्शवला होता. असे दुरुस्ती विधेयक संसदेत मंजूर करून घेण्यासाठी किमान 352 मतांची (दोन-तृतीयांश बहुमत) अत्यंत आवश्यकता असते. त्यामुळेच यावेळी कोणतीही जोखीम न पत्करता सरकार आधीच विरोधी पक्षांचे समर्थन गोळा करण्यात गुंतले आहे.

Women Reservation Bill : महिला आरक्षण बिल मंजूर न झाल्याने रणनीतीत बदल

संसदेच्या विशेष अधिवेशनात महिला आरक्षण बिल (नारी शक्ती वंदन अधिनियम) दोन-तृतीयांश बहुमताअभावी रखडल्यानंतर केंद्र सरकारने आपल्या रणनीतीत मोठा बदल केला. केंद्रीय मंत्री किरण रिजिजू यांनी लोकसभा अध्यक्ष ओम बिर्ला यांना विनंती केली की, इतर महत्त्वाचे कायदे जसे की 'डिलिमिटेशन बिल 2026' आणि 'युनियन टेरिटरीज लॉ (अमेंडमेंट) बिल, 2026' सध्या पुढे रेटले जाऊ नयेत.

सरकारने 16 ते 18 एप्रिल दरम्यान तीन दिवसांचे विशेष अधिवेशन बोलावले होते, ज्याचा मुख्य हेतू मतदारसंघ पुनर्रचना विधेयक मंजूर करणे हा होता. परंतु, पुरेसे संख्याबळ न मिळाल्याने हे बिल पास होऊ शकले नाही. आता मॉन्सून अधिवेशनापूर्वी व्यापक राजकीय सहमती बनवून हे महत्त्वाचे विधेयक संसदेच्या पटलावर ठेवण्याची तयारी सरकारने पूर्ण केली आहे.

ही बातमी वाचा:

Mumbai Goa Highway : 31 मे ची डेडलाईन देऊन गडकरी फसले! मुंबई-गोवा महामार्गाचं काम अजूनही अपूर्णच; टोल वसुलीमुळे कोकणवासीयांचा संताप उफाळला

Anantrao Thopte Passes Away : काँग्रेसचे ज्येष्ठ नेते अनंतराव थोपटे यांचं निधन, वयाच्या 93 व्या वर्षी घेतला अखेरचा श्वास

मिकी घई, एबीपी माझा — Thu, 4 Jun 2026 19:55:43 +0530

Anantrao Thopte Passes Away : राज्यातील काँग्रेसचे ज्येष्ठ नेते अनंतराव थोपटे यांचं निधन (Anantrao Thopte Passes Away) झालं आहे. वयाच्या 93 व्या वर्षी त्यांनी अखेरचा श्वास घेतला आहे. पुणातील दिनानाथ मंगेशकर रुग्णालयात त्यांच्यावर उपचार सुरु होते. उपचारादरम्यान, अल्पशा आजाराने त्यांचं निधन झालं आहे. त्यांच्या निधनाने राजकीय सामाजिक क्षेत्रातून हळहळ व्यक्त केली जात आहे.

अनंतराव थोपटे अनेक वर्षे राज्य मंत्री मंडळात कॅबिनेट मंत्री होते

अनंतराव थोपटे हे पुण्यातील भोर विधानसभा मतदारसंघाचे माजी आमदार होते. तसेच भोर विधानसभा मतदारसंघाचे त्यांनी अनेक वर्षे नेतृत्व केले होते. अनंतराव थोपटे अनेक वर्षे राज्य मंत्री मंडळात कॅबिनेट मंत्री होते. तसेच ते पुण्याचे पालकमंत्री देखील राहिले होते. राष्ट्रवादी कॉंग्रेसच्या स्थापनेनंतर थोपटे काँग्रेसचे विधीमंडळातील गटनेते होते. पुणे जिल्ह्यात काँग्रेस पक्ष वाढण्यात थोपटे यांचे मोठे योगदान होते. माजी आमदार आणि भाजपचे नेते संग्राम थोपटे यांचे ते वडिल होते.

मंत्रिपदाच्या कार्यकाळात त्यांनी अनेक महत्त्वाचे निर्णय घेतले

पुणे जिल्ह्यातील भोर तालुक्यातील राजकारणात थोपटे घराण्याचे नाव मोठे आहे. अनंतराव थोपटे यांनी आपल्या राजकीय कारकिर्दीत अनेक वर्षे या मतदारसंघाचे नेतृत्त्व होते. त्यांनी एकूण 14 वर्षं मंत्रिपद भूषवलेलं होते. ते एकूण 6 वेळा भोर मतदारसंघाचे आमदार राहिले. आपल्या मंत्रिपदाच्या कार्यकाळात त्यांनी अनेक महत्त्वाचे निर्णय घेतले. काँग्रेस पक्षातही त्यांच्या शब्दाला मोठा मान होता. अनंतराव थोपटे यांचे चिरंजीव संग्राम थोपटे सध्या राज्याच्या राजकारणात सक्रीय आहेत. संग्राम थोपटे यांचा 2024 सालच्या विधानसभा निवडणुकीत पराभव झाला होता. त्यांना अजित पवार यांच्या राष्ट्रवादीचे नेते शंकर मांडेकर यांनी पराभूत केले होते. त्यांनतर त्यांनी भाजपमध्ये प्रवेश केला आहे. अनंतराव थोपटे यांनी पुण्यात काँग्रेस पक्ष वाढवण्यासाठी त्या काळात खूप प्रयत्न केले. काँग्रेस पक्षवाढीत त्यांचे मोलाचे योगदान राहिलेले आहे. म्हणूनच त्यांच्या जाण्याने काँग्रेस पक्षातून हळहळ व्यक्त केली जात आहे. अनंतराव थोपटे यांना 1983 साली पहिल्यांदा मंत्रिपदाची संधी मिळाली. त्या काळी तत्कालीन मुख्यमंत्री वसंतदादा पाटील यांनी अनंतराव थोपटे यांच्यावर विश्वास ठेवून त्यांना राज्यमंत्रिपद दिलं. दुसऱ्यांदा आमदार झाल्यानंतर त्यांना ही मोठी जबाबदारी मिळाली होती.

थोपटे साहेबांच्या निधनामुळे महाराष्ट्र एका जुन्या जाणत्या लोकनेत्यास मुकला : खासदार सुप्रिया सुळे

राज्याचे माजी मंत्री तथा ज्येष्ठ नेते अनंतराव थोपटे साहेब यांचे निधन झाल्याची बातमी अतिशय दुःखद आहे. आपल्या कार्यकाळात त्यांनी विविध खात्यांची जबाबदारी सांभाळताना अतिशय मोलाचे कार्य केले. त्यांच्याच काळात दुग्धव्यवसायाशी संबंधित अनेक महत्वाचे उपक्रम सुरु करण्यात आले होते. त्यांनी काही काळ शासकीय सेवेत अधिकारी म्हणूनही काम केले होते. त्यांनी अनेक वर्षे भोर विधानसभा मतदारसंघाचे प्रतिनिधीत्व करताना तेथील जनतेशी अतिशय जवळचे नाते निर्माण केले होते. बारामती लोकसभा मतदारसंघाचे नेतृत्व करीत असताना त्यांच्या मार्गदर्शनाचा सदैव लाभ झाला. थोपटे साहेबांच्या निधनामुळे महाराष्ट्र एका जुन्या जाणत्या लोकनेत्यास मुकला. त्यांच्या निधनामुळे त्यांचे पुत्र संग्राम आणि परिवारावर कोसळलेल्या अपार दुःखात आम्ही सर्वजण सहभागी आहोत, असा शब्दात खासदार सुप्रिया सुळे यांनी भावपूर्ण श्रद्धांजली अर्पण केली.

BJP : भाजपची राज्यसभा उमेदवारांची यादी जाहीर! सतीश पुनिया, तरुण चुग यांच्यासह 'या' बड्या नेत्यांना मिळाली संधी

एबीपी माझा ब्युरो — Thu, 4 Jun 2026 19:39:58 +0530

नवी दिल्ली : भारतीय जनता पक्षाने (BJP) आगामी राज्यसभा निवडणुकीसाठी आपल्या अधिकृत उमेदवारांची घोषणा केली आहे. पक्षाने जारी केलेल्या या नव्या यादीत अनेक दिग्गज नेत्यांना संधी देण्यात आली असून, प्रादेशिक आणि सामाजिक समीकरणे साधण्याचा पुरेपूर प्रयत्न करण्यात आला आहे. यामध्ये राजस्थानमधून भाजपचे माजी प्रदेशाध्यक्ष सतीश पुनिया आणि पक्षाचे राष्ट्रीय सरचिटणीस तरुण चुग यांच्या नावांचा प्रामुख्याने समावेश आहे.

भाजपने जाहीर केलेल्या अधिकृत यादीनुसार, पक्षाने मध्य प्रदेशातून तरुण चुग आणि रजनीश अग्रवाल यांना रिंगणात उतरवले आहे. तर राजस्थानमधून सतीश पुनिया यांच्यासोबत डॉ. अलका गुर्जर यांना उमेदवारी देण्यात आली आहे. ईशान्येकडील राज्यांचा विचार करता, अरुणाचल प्रदेशमधून ताई तगाक आणि मणिपूरमधून ए शारदी देवी यांना पक्षाने तिकीट दिले आहे.

गुजरातमध्ये भाजपने राजूभाई शुक्ला, मुकेशभाई राठवा, मानसिंह परमार आणि जीतेंद्र मेघजीभाई कंजारिया या नेत्यांना राज्यसभेची उमेदवारी जाहीर केली आहे. तसेच ओडिशामधून देबाशीष सामंतराय हे पक्षाचे उमेदवार असतील. या संपूर्ण यादीमध्ये तरुण चुग हे एकमेव असे नेते आहेत, ज्यांना त्यांच्या मूळ राज्याव्यतिरिक्त (पंजाब सोडून मध्य प्रदेशातून) दुसऱ्या राज्यातून उमेदवारी देण्यात आली आहे.

Satish Poonia Profile : सतीश पुनिया यांचे भाजपमधील वाढते वजन

भाजपने राजस्थानमधून उमेदवारी दिलेले सतीश पुनिया हे पक्षातील एक खंबीर नेते मानले जातात. त्यांनी आपल्या राजकीय कारकिर्दीची सुरुवात छात्र राजकारणातून केली होती. पुनिया यांनी राजस्थान भाजपचे प्रदेशाध्यक्ष पद भूषवले असून विधानसभा निवडणुकीत त्यांनी उपनेते प्रतिपक्ष म्हणूनही जबाबदारी सांभाळली आहे.

सध्या त्यांच्याकडे हरियाणा भाजपचे प्रभारी म्हणून मोठी जबाबदारी सोपवण्यात आली आहे. जाट समाजातून येत असल्यामुळे राजस्थान आणि हरियाणा या दोन्ही राज्यांमधील सामाजिक व राजकीय समीकरणे जुळवण्यात ते अत्यंत माहीर मानले जातात. बिहार विधानसभा निवडणुकीतही पक्षाने त्यांच्यावर महत्त्वाची जबाबदारी सोपवली होती.

Tarun Chugh Role : राष्ट्रीय राजकारणातील संकटमोचक तरुण चुग

पंजाबमधील अमृतसरचे रहिवासी असलेले तरुण चुग हे अगदी लहान वयातच राष्ट्रीय स्वयंसेवक संघाशी (RSS) जोडले गेले होते. सध्या ते भारतीय जनता पक्षाचे राष्ट्रीय सरचिटणीस म्हणून कार्यरत आहेत. भाजपमध्ये त्यांना संकटमोचक आणि एक उत्कृष्ट निवडणूक रणनीतीकार म्हणून ओळखले जाते.

त्यांच्याकडे जम्मू-काश्मीर, लडाख आणि तेलंगणा यांसारख्या अत्यंत महत्त्वाच्या राज्यांचे प्रभारी म्हणून काम करण्याचा मोठा अनुभव आहे. निवडणुकांच्या काळात कार्यकर्त्यांची मोट बांधणे आणि रॅलींचे यशस्वी नियोजन करण्यात पक्षाकडून त्यांचा प्रामुख्याने वापर केला जातो.

Debasish Samantaray Odisha : बिजू जनता दल सोडून भाजपमध्ये आलेले देबाशीष सामंतराय

ओडिशातून उमेदवारी मिळालेले देबाशीष सामंतराय हे कटक परिसरातील अत्यंत तळागाळातील आणि प्रभावी नेते मानले जातात. त्यांनी नुकताच म्हणजेच मे 2026 मध्ये बिजू जनता दलाला (BJD) सोडचिठ्ठी देत भाजपमध्ये प्रवेश केला होता. विशेष म्हणजे, भाजपमध्ये प्रवेश करण्याच्या अगदी एक दिवस आधी त्यांनी आपल्या राज्यसभा खासदारकीचा राजीनामा दिला होता. सामंतराय हे यापूर्वी तीन वेळा आमदार म्हणून निवडून आलेले आहेत, ज्यामुळे ओडिशात भाजपची ताकद वाढवण्यासाठी त्यांची मदत होणार आहे.

ही बातमी वाचा:

Mumbai Goa Highway : 31 मे ची डेडलाईन देऊन गडकरी फसले! मुंबई-गोवा महामार्गाचं काम अजूनही अपूर्णच; टोल वसुलीमुळे कोकणवासीयांचा संताप उफाळला

ABP Majha Top Headlines : ABP माझा टॉप 10 हेडलाईन्स | 4 जून 2026 | गुरुवार

एबीपी माझा ब्युरो — Thu, 4 Jun 2026 18:35:41 +0530

ABP माझा टॉप 10 हेडलाईन्स | 4 जून 2026 | गुरुवार

1. रत्नागिरी-सिंधुदुर्ग, पुणे, चंद्रपूरसह विधान परिषदेच्या 17 पैकी 8 जागांवर महाविकास आघाडीची माघार, तर महायुतीच्या 5 जागा बिनविरोध, अर्ज मागे घेण्याच्या शेवटच्या दिवशी पॉलिटिकल ड्रामा https://tinyurl.com/ypbsm3zk

2. नितेश राणेंचा उद्धव ठाकरेंना सर्वात मोठा धक्का, ठाकरेंचे विधान परिषदेचे उमेदवार बाळ माने भाजपच्या गळाला, बाळ मानेंनी नितेश राणेंसोबत जाऊन अर्ज मागे घेतला https://tinyurl.com/5xzmy5zd ऐनवेळी माघार घेतलेल्याबाळ माने यांची ठाकरेंच्या शिवसेनेतून हकालपट्टी, तर कोट्यवधी रुपये घेऊन बाळ माने मॅनेज झाले, विनायक राऊतांचा गंभीर आरोप https://tinyurl.com/ymthhrde

3. शिवसेनेसह भाजपच्या बड्या नेत्यांचे अतोनात प्रयत्न, पण भाजपच्या गोकुळ गीतेंनी शेवटपर्यंत माघार घेतलीच नाही, नाशिकमध्ये शेवटच्या दिवशी हायहोल्टेज ड्रामा, शिवसेनेचे नरेंद्र दराडे विरुद्ध अपक्ष गोकुळ गीते यांच्यामध्ये लढत होणार https://tinyurl.com/yk72ydet शिवसेनेचे उमेदवार नरेंद्र दराडेंच्या मुलाने आमचा बाप काढला, त्यामुळेच गोकुळ गीतेंनी माघार घेतली नसावी, गणेश गीतेंची माहिती https://tinyurl.com/bdft9864

4. ठाकरे गटाला आधीच कुणकुण, अखेरच्या क्षणी डाव पलटला, छत्रपती संभाजीनगर जालना विधान परिषदेच्या अधिकृत उमेदवार देवयानी डोनगावकरांची ऐनवेळी माघार, पण गणेश लोखंडेंच्या अपक्ष अर्जामुळे इज्जत राखली, संख्याबळानुसार भाजपच्या सुहास शिरसाटांचा विजय निश्चित https://tinyurl.com/4a98pwmm उमेदवारी मागे घ्यावी यासाठी भाजपकडून दबाव, कारखाना समिती बरखास्त करण्याची नोटीस पाठवली, देवयानी डोनगावकरांचे पती कृष्णा डोनगावरकरांचा आरोप https://tinyurl.com/ydusctpk

5. सुनील टिंगरेंनंतर शरद पवारांच्या श्रीकांत पाटलांचीही उमेदवारी मागे, राष्ट्रवादीच्या विक्रम काकडेंची पुणे विधान परिषदेवर बिनविरोध निवड https://tinyurl.com/44sb3pwh शरद पवार गटाने काँग्रेसचा विश्वासघात केला, श्रीकांत पाटलांच्या माघारीनंतर पुणे काँग्रेसचे शहराध्यक्ष प्रशांत जगतापांचा गंभीर आरोप https://tinyurl.com/yy3jjujp

6. गडचिरोलीतील मायनिंग प्रकल्पाला आमचा विरोध, वन्यजीव संरक्षण नियम मोडून जंगल कॉन्ट्रॅक्टरच्या घशात घातलं जात आहे, आदित्य ठाकरेंचा हल्लाबोल https://tinyurl.com/uw3z9at7

7. कार, फ्लॅट अन् सोन्याच्या अंगठीसाठी सुनेचा छळ, पुण्यात 25 वर्षीय नवविवाहितेनं जीवन संपवलं, पतीसह सासू-सासऱ्याविरोधात गुन्हा दाखल https://tinyurl.com/zzvt2sxu पैशाच्या व्यवहारावरून वाद, परळीतील तरुणाला मित्रांनीच संपवलं अन् रेल्वे रुळावर फेकलं; 48 तासांमध्ये पोलिसांकडून छडा https://tinyurl.com/487h9xde

8. स्त्री रोगतज्ञ डॉक्टर लाच लुचपत विभागाच्या जाळ्यात, 4500 रुपयांची लाच घेताना रंगेहात पकडलं, रत्नागिरी जिल्ह्यात खळबळ https://tinyurl.com/3f3maest ज्वारी खरेदीच्या पावतीसाठी पाच हजारांची लाच घेतली, धुळ्याचा पुरवठा निरीक्षक एसीबीच्या जाळ्यात https://tinyurl.com/3z2feucc

9. केरळमध्ये मान्सूनचं आगमन, पुढच्या 48 तासांमध्ये कोकण किनारपट्टीवर पावसाची बरसात होण्याची शक्यता, विदर्भात मान्सूनसाठी 15 जून पर्यंत प्रतिक्षा करावी लागणार, हवामान खात्याचा अंदाज https://tinyurl.com/3x5u928f

10. दुखापतीमुळे विराट कोहली 13 जून पासून होणाऱ्या अफगाणिस्तान दौऱ्यातून बाहेर, तर रोहित शर्मा आणि हार्दिक पांड्याला संधी https://tinyurl.com/4txymdm2 टीम इंडियाला मिळणार नवा टी-20 कर्णधार, श्रेयस अय्यरचं नाव जवळपास निश्चित, तिलक-ईशान उपकर्णधारपदाचे दावेदार https://tinyurl.com/mss9duxd

एबीपी माझा Whatsapp Channel - https://whatsapp.com/channel/0029Va9dq2u6buMTUrb4GM0w

Sangli Satara : सांगली- साताऱ्यात तिरंगी सामना, सेनेच्या उमेदवाराचा अर्ज मागे, भाजप आणि शरद पवारांच्या राष्ट्रवादीमध्ये थेट सामना

कुलदीप माने, एबीपी माझा — Thu, 4 Jun 2026 16:50:30 +0530

Vidhan Parishad Election Sangli Satara सांगली : सांगली सातारा विधान परिषद मतदार संघामध्ये धैर्यशील कदम आणि अभयसिंह जगताप आणि किशोर धुमाळ यांच्यात लढत होईल. अर्ज माघारी घेण्याची मुदत संपल्यानंतर या तीन जणांचे अर्ज कायम राहिले. धैर्यशील कदम भाजपचे उमेदवार आहेत. तर, राष्ट्रवादी काँग्रेस शरदचंद्र पवार पक्षाकडून अभयसिंह जगताप रिंगणात आहेत. किशोर धुमाळ यांनी अपक्ष उमेदवार म्हणून अर्ज भरला आहे, तो देखील कायम आहे. त्यामुळं सांगली साताऱ्याच्या जागेवर तीन उमेदावारंमध्ये लढत होईल.

सांगली-साताऱ्यात कोणाची माघार?

शिवसेनेचे अपक्ष उमेदवार तानाजी पाटील यांनी उमेदवारी अर्ज माघार घेतल्यानंतर काँग्रेसच्या दोन्ही उमेदवारांनी सुद्धा अर्ज माघारी घेतलेला आहे.. काँग्रेसचे सांगली महापालिकेचे नगरसेवक संजय मेंढे तसेच काँग्रेसचे नगरसेवक मयूर पाटील या दोघांनीही आपला उमेदवारी अर्ज मागे घेतलेला आहे. तसेच अपक्ष उमेदवार बाळासाहेब पाटील यांनीही आपला अपक्ष उमेदवारी अर्ज माघारी घेतलेला आहे.. त्यामुळे आता महायुतीचे उमेदवार धैर्यशील कदम विरोधात महाविकास आघाडीचे उमेदवार अभयसिंह जगताप आणि किशोर धुमाळ अशी लढत सांगली सातारा विधान परिषदेत पाहायला मिळणार आहे.

शिवसेनेच्या तानाजी पाटील यांची माघार

मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्याशी चर्चा करून महाराष्ट्रात महायुतीचा धर्म पाळण्यासाठी आम्ही तानाजी पाटील यांचा उमेदवारी अर्ज मागे घेतला आहे. पुढील काळात तानाजी पाटील यांचा आम्ही योग्य सन्मान करू असा शब्द देखील त्यांना दिला असल्याचे मंत्री शंभूराजे देसाई यांनी सांगितले. तर तानाजी पाटील यांनी आपल्या अपक्ष उमेदवारीमुळे राज्यातील महायुती मध्ये कुठे बिघाड होऊ नये म्हणून आपण पक्षातील वरिष्ठ नेत्यांच्या शब्दांनुसार अर्ज मागे घेत असल्याचा तानाजी पाटील यांनी सांगितला आहे.

सांगली सातारा मतदारसंघातून अर्ज माघारी घेतलेले उमेदवार

1. तानाजी भगवान पाटील
2. पाटील प्रताप धोंडीराम
3. पाटील मयुर बाबासो
4. मेंढे संजय नायकू

निवडणूक लढवत असलेले उमेदवार

1) धैर्यशील ज्ञानदेव कदम, मु. पो. गोरेगाव (वांगी), ता. खटाव, जि. सातारा — भारतीय जनता पक्ष

2) अभयसिंह खाशेराव जगताप, मु.पो. वरकुटे मलवडी, ता. माण, जि. सातारा — नॅशनलिस्ट काँग्रेस पार्टी (शरदचंद्र पवार)

3) किशोर हनमंत धुमाळ, 123 बागडवाडा, शिवाजीनगर, गोडोली, सातारा — अपक्ष

सांगली सातारा मतदारसंघाच्या गेल्या निवडणुकीत काँग्रेसच मोहनराव कदम विजयी झाले होते. यावेळी या मतदारसंघात कोण बाजी मारणार हे पाहावं लागेल.

Prashant jagtap : शरद पवार गटाने काँग्रेसचा विश्वासघात केला; श्रीकांत पाटलांच्या माघारीनंतर पुणे काँग्रेसच्या शहराध्यक्षांचा गंभीर आरोप

मंदार गोंजारी, एबीपी माझा, पुणे — Thu, 4 Jun 2026 16:36:31 +0530

पुणे : पुण्यातील विधानपरिषद निवडणूकीतुन राष्ट्रवादी कॉंग्रेस शरदचंद्र पक्षाचे उमेदवार श्रीकांत पाटील यांनी माघार घेतल्यानंतर कॉंग्रेसचे पुणे शहराध्यक्ष प्रशांत जगताप (Prashant jagtap) यांनी या निर्णयावर टीका केली आहे. विधानपरिषदेची ही जागा कॉंग्रेसने लढवायला हवी होती, मात्र राष्ट्रवादीवर विश्वास ठेऊन महाविकास आघाडीच्या जागावाटपात ही जागा राष्ट्रवादीला सोडण्यात आली. मात्र ऐनवेळी राष्ट्रवादीच्या उमेदवाराने माघार घेतल्याने आमचा विश्वासघात झाल्याच प्रशांत जगताप यांनी म्हटलं आहे. प्रशांत जगताप हे काही महिन्यांपुर्वीच राष्ट्रवादी कॉंग्रेस पक्षातून कॉंग्रेसमधे दाखल झालेत. राष्ट्रवादी काँग्रेस शरदचंद्र पवार पक्षाचे श्रीकांत पाटील यांनी माघार घेतल्यानंतर आता राष्ट्रवादी काँग्रेस पक्षाचे विक्रम काकडे यांचा बिनविरोध होण्याचा मार्ग मोकळा झाला आहे. (Prashant jagtap)

Prashant jagtap : प्रशांत जगताप काय म्हणालेत?

प्रशांत जगताप म्हटलं की, "पुणे स्थानिक स्वराज्य संस्थेमध्ये एकूणच जे काही विरोधक आहेत, त्यांची भाजप किंवा महायुती सरकारच्या विरोधात लढण्याची तयारी होती. इथं आमच्या काँग्रेस पक्षाचा आकडा हा सगळ्यात मोठा होता. काँग्रेस पक्षाने या जागेवर दावा केला होता. प्रांताध्यक्ष हर्षवर्धनजी सपकाळ यांच्यासोबत सुद्धा या संदर्भात आमची चर्चा झाली होती. पण राष्ट्रवादी काँग्रेस पार्टी शरदचंद्रजी पवार पक्षाने पुण्याच्या जागेवर दावा केला आणि महाराष्ट्रातल्या १७ जागेमध्ये 'फक्त आम्हाला दोनच जागा द्या, पुणे आणि साताऱ्याची' अशा प्रकारे मागणी केल्यामुळे, काँग्रेस पक्षाने या ठिकाणी मोठ्या मनाने ही जागा राष्ट्रवादी काँग्रेस पार्टी शरदचंद्रजी पवार पक्षाला सोडली.

त्यावेळेस सुद्धा आमचं या ठिकाणी आग्रही मत होतं की, या म्हणजे शिवसेना उद्धव बाळासाहेब ठाकरे पक्ष असेल किंवा राष्ट्रवादी काँग्रेस पार्टी शरदचंद्रजी पवार पक्ष यापेक्षा काँग्रेस पक्षाच्या मतदारांची संख्या यामध्ये जास्त होती. पण दुर्दैवाने या संदर्भात राष्ट्रवादी काँग्रेस पार्टी शरदचंद्रजी पवार पक्षाने याच्यामध्ये आग्रही भूमिका घेतली, त्यामुळे काँग्रेस पक्षाने या ठिकाणी मोठ्या भावाच्या भूमिकेमध्ये ही जागा राष्ट्रवादी काँग्रेस पार्टी शरदचंद्रजी पवार पक्षाला सोडली. पण या ठिकाणी आम्हाला धोका झालेला आहे. ही जागा ज्या ठिकाणी आम्ही लढून काँग्रेस, भाजपच्या विरोधामध्ये लढते हा संदेश मतदारांना देणार होती, पण दुर्दैवाने राष्ट्रवादी काँग्रेसने या जागेचा फॉर्म भरला आणि आज तो अखेर माघारी सुद्धा घेतला. हा आमचा एक विश्वासघात आहे. या ठिकाणी काँग्रेस पक्षाचा हा विश्वासघात झालाय अशा प्रकारची या ठिकाणी आमची समजूत आहे. इथून पुढच्या काळामध्ये काँग्रेस आपल्या स्वबळावर लढण्याचा नारा निश्चित देईल, असंही त्यांनी म्हटलं आहे.

vidhan parishad election 2026 : विधानपरिषदेला कुठे बिनविरोध, कुठे लढती, 17 जागांचं संपूर्ण चित्र

1. सोलापूर : राजेंद्र राऊत (भाजप) विरुद्ध वसंतराव देशमुख (राष्ट्रवादी काँग्रेस शरदचंद्र पवार)

2. अहिल्यानगर -प्राजक्त तनपुरे (भाजप) विरुद्ध दत्तात्रय पानसरे (अपक्ष)

3. जळगाव : नंदकिशोर महाजन (भाजप) विरुद्ध शरद तायडे (ठाकरेंची शिवसेना) विरुद्ध रेश्मा काळे (शिंदेंची शिवसेना बंडखोर)

4. सांगली-सातारा : धैर्यशील कदम (भाजप) विरुद्ध अभयसिंह जगताप (राष्ट्रवादी काँग्रेस शरदचंद्र पवार ) विरुद्ध किशोर धुमाळ (अपक्ष)

5. नांदेड : अमर राजूरकर (भाजप) विरुद्ध रामदास पाटील (काँग्रेस)

6. भंडारा-गोंदिया : नरेश ईश्वरकर (काँग्रेस पाठिंबा) विरुद्ध अविनाश ब्राह्मणकर (भाजप)

7. नाशिक : गोकुळ गीते (अपक्ष) विरुद्ध नरेंद्र दराडे (शिवसेना)

8. अमरावती : हर्षदीप देशमुख (काँग्रेस) विरुद्ध प्रवीण पोटे (भाजप) विरुद्ध निलेश विश्वकर्मा (वंचित )

9. धाराशिव-लातूर-बीड : बसवराज पाटील (भाजप) विरुद्ध महेश देशमुख (काँग्रेस)

10.परभणी-हिंगोली : सईद खान (शिवसेना) विरुद्ध डॉ. विवेक नावंदर (ठाकरेंची शिवसेना) विरुद्ध सुशील देशमुख (अपक्ष)

11. छत्रपती संभाजीनगर-जालना : सुहास शिरसाट (भाजप) विरुद्ध गणेश लोखंडे (ठाकरेंची शिवसेना)

12. नागपूर (पोटनिवडणूक) : डॉ. राजीव पोतदार (भाजप) विरुद्ध अतुल लोंढे (काँग्रेस)

vidhan parishad election 2026 : बिनविरोध विजयी उमेदवार

1.वर्धा-गडचिरोली-चंद्रपूर : अरुण लखाणी, भाजप
2.पुणे: विक्रम काकडे , राष्ट्रवादी काँग्रेस
3.ठाणे :रवींद्र फाटक , शिवसेना
4.रायगड-रत्नागिरी-सिंधुदुर्ग : अनिकेत तटकरे, राष्ट्रवादी काँग्रेस
5.यवतमाळ : दुष्यंत चतुर्वेदी, शिवसेना

Tukaram Munde News: जेवणात, औषधात, मिठाईत भेसळ?; लगेच तुकाराम मुंढेंना फोन करा, ईमेल आणि नंबर जारी

अन्नातील आणि औषधातील भेसळीच्या तक्रारासाठी टोल फ्री नंबर- (FDA Complaint Number)

बीडमध्ये तब्बल 18 लाख 50 हजार रुपयांचा गुटखा आणि तंबाखूजन्य पदार्थांचा साठा जप्त- (FDA Action In Beed)

तुकाराम मुंढेंनी 25 मे रोजी स्वीकारला होता पदभार- (Tukaram Mundhe News)

तुकाराम मुंढे यांची आतापर्यंत कोणत्या ठिकाणी बदली झाली? (Tukaram Mundhe News)

आरोग्याशी खेळ करणाऱ्यांना सोडणार नाही- आयुक्त तुकाराम मुंढे, VIDEO:

संबंधित बातमी:

पांडुरंग सहकारी साखर कारखान्यावर जाऊन स्वर्गीय सुधाकरपंत परिचारक यांच्या पुतळ्याचं घेतलं दर्शन

सोलापूर विधान परिषदेत पालकमंत्री जयकुमार गोरे विरुद्ध खासदार धैर्यशील मोहिते पाटील सामना रंगणार

राज्यात विधान परिषद निवडणुकीच्या अनुषंगाने घडामोडींना वेग

अहिल्यानगर विधानपरिषदेच्या जागेचा तिढा अखेर सुटला, भाजपचे प्राजक्त तनपुरे बिनविरोध आमदार

दत्तात्रय पानसरेंना आमदार करण्याचा विखे पाटलांनी दिला शब्द

मी सर्व अपक्ष उमेदवारांचा आभार मानतो त्यांनी मोठ्या मनाने माघार घेतली : प्राजक्त तनपुरे

अर्ज माघारीच्या दिवशी पाच जागा बिनविरोध झाल्या

Bala Mane : ऐनवेळी अर्ज मागे घेतलेले बाळा माने भाजपमध्ये परतणार की शिंदे गटात जाणार?

Bhaskar Jadhav Connection : भास्कर जाधव यांनी माध्यमांशी बोलणं टाळलं

Vidhan Parishad Election : शेतकरी कामगार पक्षाचीही केली होती मनधरणी

Delimitation Bill : सरकार मतदारसंघ पुनर्रचना विधेयक पुन्हा संसदेत आणण्याच्या तयारीत, TMC आणि DMK सोबत चर्चा

Parliament Voting Analysis : दोन-तृतीयांश बहुमतासाठी सरकारची मोर्चेबांधणी

Women Reservation Bill : महिला आरक्षण बिल मंजूर न झाल्याने रणनीतीत बदल

Anantrao Thopte Passes Away : काँग्रेसचे ज्येष्ठ नेते अनंतराव थोपटे यांचं निधन, वयाच्या 93 व्या वर्षी घेतला अखेरचा श्वास

अनंतराव थोपटे अनेक वर्षे राज्य मंत्री मंडळात कॅबिनेट मंत्री होते

मंत्रिपदाच्या कार्यकाळात त्यांनी अनेक महत्त्वाचे निर्णय घेतले

थोपटे साहेबांच्या निधनामुळे महाराष्ट्र एका जुन्या जाणत्या लोकनेत्यास मुकला : खासदार सुप्रिया सुळे

BJP : भाजपची राज्यसभा उमेदवारांची यादी जाहीर! सतीश पुनिया, तरुण चुग यांच्यासह 'या' बड्या नेत्यांना मिळाली संधी

Satish Poonia Profile : सतीश पुनिया यांचे भाजपमधील वाढते वजन

Tarun Chugh Role : राष्ट्रीय राजकारणातील संकटमोचक तरुण चुग

Debasish Samantaray Odisha : बिजू जनता दल सोडून भाजपमध्ये आलेले देबाशीष सामंतराय

ABP Majha Top Headlines : ABP माझा टॉप 10 हेडलाईन्स | 4 जून 2026 | गुरुवार

सांगली-साताऱ्यात कोणाची माघार?

शिवसेनेच्या तानाजी पाटील यांची माघार

सांगली सातारा मतदारसंघातून अर्ज माघारी घेतलेले उमेदवार

निवडणूक लढवत असलेले उमेदवार

Prashant jagtap : प्रशांत जगताप काय म्हणालेत?

vidhan parishad election 2026 : विधानपरिषदेला कुठे बिनविरोध, कुठे लढती, 17 जागांचं संपूर्ण चित्र

vidhan parishad election 2026 : बिनविरोध विजयी उमेदवार