Anand Paranjpe : मराठी भाषा खूप समृद्ध, आमच्याकडे पण खूप मोठा शब्दकोश, पण....; एकनाथ शिंदेंवरील टीकेवरून आनंद परांजपेंचा महायुतीतील मित्रपक्षांना सल्लावजा सूचक इशारा

Harshada Deshmukh : पुणे पदवीधरमध्ये विजय मिळवत आमदार होताच हर्षदा देशमुख जाधव साताऱ्यात पोहोचल्या, पुढील वाटचालीबाबत म्हणाल्या..

वैभव बोडके — Sat, 31 Oct 2026 00:06:25 +0530

सातारा: "पुणे पदवीधर मतदारसंघाची निवडणूक जनतेनेच हातात घेतली होती. ज्येष्ठ नेते शरद पवार यांच्या आशीर्वादामुळेच महाराष्ट्राला पहिली महिला पदवीधर आमदार लाभली आहे. खासदार सुप्रिया सुळे व महाविकास आघाडीच्या सर्व प्रमुख नेत्यांचे मोलाचे मार्गदर्शन लाभले," अशी कृतज्ञता नवनिर्वाचित आमदार हर्षदा जाधव देशमुख यांनी साताऱ्यातील पत्रकार परिषदेत व्यक्त केली.

MPSC आणि तरुणाईच्या जनआक्रोशाचे मतांमध्ये रूपांतर झाले आणि 100 जणांच्या विरोधात एक कार्यकर्ता हत्तीच्या बळासारखे लढल्यानेच हा विजय शक्य झाल्याचे त्या म्हणाल्या. विधान परिषदेत पदवीधर, शिक्षण आणि बेरोजगारीच्या प्रश्नांवर पद्धतशीर आराखडा राबवण्याचा निर्धार हर्षदा देशमुख जाधव यांनी व्यक्त केला. या निवडणुकीचा केंद्रबिंदू जनता आणि पदवीधर असतात.

चंद्रकांत पाटील यांनी निवडणूक निकालासंदर्भाबाबत केलेल्या वक्तव्याचा फायदा झाला का असं पत्रकारांनी विचारलं असता हर्षदा देशमुख यांनी ते महाराष्ट्राचे ज्येष्ठ नेते आहेत. प्रचाराचात असल्यानं मी कुठलं वक्तव्य ऐकलं नाही, असं हर्षदा देशमुख जाधव यांनी म्हटलं. शिक्षक मतदारसंघात चुरशीची लढाई होती. पदवीधरमध्ये एकास एक लढत झाली. शिक्षक मतदारसंघात पाच उमेदवारांमध्ये लढत झाली. त्यांच्यामध्ये मतविभागणी झाली. शिक्षक मतदारसंघात बोगस मतदार नोंदणी झाली होती. पुढील वेळी प्रशासनानं बोगस नोंदणी होऊ देऊ नये याची खात्री करावी,असं हर्षदा देशमुख जाधव म्हणाल्या.

विधानपरिषद निवडणूक ही पर्याय म्हणून पाहिली जाते. मात्र, ही निवडणूक लढवताना पर्याय म्हणून पाहिली नाही. विधानसभा -लोकसभा निवडणुकीसाठी मोडस ऑपरेंडी काय करायचं ठरलेलं असतं. महाविकास आघाडीतील ज्येष्ठ नेते मोठ्या पदावर राहिलेले आहेत, त्यांचं मार्गदर्शन मला लाभेल,असं हर्षदा देशमुख जाधव यांनी म्हटलं.

दुष्काळग्रस्त विद्यार्थ्यांची फी शासनाने परत करावी,5 हजारांची तोकडी मदत कागदपत्रांच्या क्लिष्ट अटींविना वाढवून द्यावी आणि मुलींचे शिक्षण थांबू नये यासाठी विशेष पाठपुरावा करणार असल्याचे त्यांनी स्पष्ट केले. तसेच शासकीय पोर्टल्समधील (NIC) तांत्रिक अडचणी दूर करण्याची व शिक्षक मतदारसंघातील बोगस मतदार नोंदणीवर प्रशासनाने लक्ष देण्याची गरज त्यांनी व्यक्त केली. पक्षाच्या पाठिंब्यासोबतच वडिलांच्या प्रशासकीय कारकिर्दीच्या पुण्याईचा मोठा फायदा झाला आणि कडक स्वभावाच्या वडिलांकडून मिळालेली शाबासकीची थाप मनस्वी आनंद देणारी ठरली, अशी भावनिक प्रतिक्रियाही त्यांनी यावेळी दिली.

Devendra Fadnavis: बंद खोलीत कुठलीही बैठक झाली नाही, राजकीय चर्चा झाली नाही, देवेंद्र फडणवीस ठाकरे बंधूंच्या भेटीबाबत म्हणाले...

मिकी घई, एबीपी माझा, पुणे — Fri, 30 Oct 2026 22:49:32 +0530

पुणे : मुख्यमंत्री देवेंद्र फडणवीस यांच्या अध्यक्षतेखाली काल मुंबईत महाराष्ट्राच्या हास्यरेषा पुस्तकाच्या प्रकाशनाचा कार्यक्रम झाला. या कार्यक्रमाला शिवसेना उद्धव बाळासाहेब ठाकरे पक्षाचे प्रमुख उद्धव ठाकरे आणि मनसेप्रमुख राज ठाकरे उपस्थित होते. या कार्यक्रमापूर्वी मुख्यमंत्री देवेंद्र फडणवीस, उद्धव ठाकरे आणि राज ठाकरे यांची बंद खोलीत बैठक झाल्याच्या बातम्या प्रकाशित झाल्या होत्या. यावर मुख्यमंत्री देवेंद्र फडणवीस यांनी पुण्यातील कार्यक्रमानंतर बोलताना कालच्या कार्यक्रमाला साहित्य प्रेमी म्हणून गेलो होतो असं म्हटलं. काल बंद खोलीत कुठलीही बैठक झाली नाही, कुठलाही वेगळा राजकीय अर्थ काढायची गरज नाही, असं देवेंद्र फडणवीस म्हणाले.

बंद खोलीत बैठक झाली नाही...

मला असं वाटतं की अतिशय छान कार्यक्रम होता. महाराष्ट्राच्या हास्यरेषा, राज्यातील 100 वर्षातील 75 व्यंगचित्रकारांबाबत ते पुस्तक आहे. तो व्यंगचित्रकारांचा कार्यक्रम होता, आम्ही तिघेही साहित्य प्रेमी म्हणून गेलो होतो. तिथे जी भाषणे झाली ती लाईटर म्हणजे हास्य विनोद फुलवणारी अशा प्रकाराची होती, यातून महाराष्ट्राचे संस्कृती पाहायला मिळते विचार काही असले तरी, विचारामध्ये अनेकवेळा एक अंतर असलं. राजकीयदृष्ट्या एकमेकांवर टीका करत असलो तरीदेखील अशा कार्यक्रमात आम्ही एकत्र येऊ शकतो. ही संस्कृती महाराष्ट्र अपेक्षित आहे. लोकांना देखील कार्यक्रम आवडला. पुढील काळात देखील असे कार्यक्रम व्हावेत, असं देवेंद्र फडणवीस यांनी सांगितलं.

माध्यमांध्ये बघितलं की तिघांची बंद खोलीत बैठक झाली. बंद खोलीत बैठक वगैरे नाही. स्टेजवर येण्यापूर्वी सगळे, काही व्यंगचित्रकारांसह सगळे वेटिंग एकत्र बसलो होतो. वेळ झाल्यावर सगळे एकत्रित स्टेजवर आलो. त्यामुळे कुठलिही राजकीय चर्चा झाली नाही. यातून कुठलेही अन्वयार्थ काढू नये, असं देवेंद्र फडणवीस यांनी म्हटलं.

महाराष्ट्रात इलेक्ट्रिक बसेस ही आमची प्राथमिकता आहे. मुंबई महापालिका एकटी दहा हजार इलेक्ट्रिक बसेस खरेदी करु इच्छिते. एसटी महामंडळात 30 हजार बसेसची आवश्यकता आहे. पुणे, नागपूर महापालिकेत इलेक्ट्रिक बसेसची आवश्यकता आहे. आज तेवढं उत्पादन होतं नाही. पिनॅकलच्या नव्या उत्पादन प्रकल्पाचं उद्घाटन केलं तेव्हा त्यांना त्यांची उत्पादनक्षमता वाढवण्यास सांगितलं. एकट्या महाराष्ट्राला पुढच्या तीन ते चार वर्षात 50 हजार बसेसची आवश्यकता पडणार आहे. कारण आपल्याला ग्रीन मोबिलिटीला प्राधान्य द्यायचं आहे. मेक इन महाराष्ट्र बसेस असल्या तर त्या आम्हाला अधिक सोयीच्या आहेत. महाराष्ट्रात इलेक्ट्रिक व्हेईकलची इको सिस्टीम तयार होतेय, त्याचा अर्थव्यवस्थेला आणि महाराष्ट्राला फायदा होईल, असं देवेंद्र फडणवीस यांनी म्हटलं.

निवडणूक आयोगानं महाराष्ट्रासह सहा राज्यांमधील SIR वेळापत्रक बदललं; निवडणुका नाहीत, मग एवढी घाई का? सुप्रीम कोर्टानं केली होती विचारणा

परशराम पाटील, एबीपी माझा — Fri, 30 Oct 2026 20:29:11 +0530

Election Commission: निवडणूक आयोगाने सहा राज्यांमधील मतदार याद्यांच्या विशेष सखोल पुनरावलोकनाचे (SIR) वेळापत्रक बदलले आहे. आयोगाने दिल्ली आणि महाराष्ट्रातील मतदारांना नावे समाविष्ट करण्याबाबत किंवा वगळण्याबाबत, किंवा कोणत्याही विसंगतीबाबत दावे आणि आक्षेप दाखल करण्यासाठी अतिरिक्त वेळ दिला आहे. आंध्र प्रदेश, हरियाणा, तेलंगणा आणि नागालँडमध्ये नोटिसांवर प्रक्रिया करण्याची अंतिम मुदत वाढवण्यात आली आहे. नवीन वेळापत्रकानुसार, महाराष्ट्रासह पाच राज्यांमध्ये 30 नोव्हेंबर रोजी आणि दिल्लीत 22 डिसेंबर रोजी अंतिम मतदार यादी प्रसिद्ध केली जाईल. या प्रक्रियेत वगळलेल्या मतदारांना दावे आणि आक्षेप दाखल करण्यासाठी पुरेशी संधी दिली पाहिजे आणि ही प्रक्रिया घाईने केली जाऊ नये, असे सर्वोच्च न्यायालयाने निरीक्षण नोंदवल्यानंतर हा बदल करण्यात आला आहे. 28 ऑक्टोबर रोजी, न्यायालयाने निवडणूक आयोगाला विचारले होते की, या राज्यांमध्ये सध्या निवडणुका सुरू नसताना एवढी घाई का केली जात आहे.

तिसऱ्या टप्प्यात 36.73 कोटी मतदारांची पडताळणी

एसआयआरचा (SIR) तिसरा टप्पा हरियाणा, झारखंड, उत्तराखंड आणि दिल्लीसह 16 राज्ये आणि तीन केंद्रशासित प्रदेशांमध्ये आयोजित केला जात आहे. या कालावधीत 36.73 कोटी मतदारांची पडताळणी केली जाईल. एसआयआरच्या पहिल्या आणि दुसऱ्या टप्प्यात 10 राज्ये आणि 3 केंद्रशासित प्रदेशांचा समावेश झाला आहे. ज्या राज्यांमध्ये एसआयआरचा तिसरा टप्पा आहे, त्यांमध्ये महाराष्ट्रात सर्वाधिक मतदार आहेत. दादरा आणि नगर हवेली आणि दमण आणि दीवमध्ये सर्वात कमी मतदार आहेत. हिमाचल, जम्मू आणि काश्मीर आणि लडाखमध्ये एसआयआर नंतर आयोजित केला जाईल. एसआयआरच्या तिसऱ्या टप्प्यानंतर, हिमाचल प्रदेश, जम्मू आणि काश्मीर आणि लडाख वगळता देशभरात एसआयआर प्रक्रिया पूर्ण होईल. खराब हवामान आणि जनगणनेमुळे उर्वरित तीन राज्यांसाठी एसआयआरचे वेळापत्रक नंतर जाहीर केले जाईल.

एसआयआर टप्पे 1-2: 10 राज्ये, 3 केंद्रशासित प्रदेशांचा समावेश

निवडणूक आयोगाने 24 जून, 2025 रोजी देशव्यापी एसआयआर करण्याचे आदेश दिले. आतापर्यंत 10 राज्ये आणि 3 केंद्रशासित प्रदेशांचा यात समावेश झाला आहे. पहिल्या टप्प्याअंतर्गत एसआयआर राबवणारे बिहार हे पहिले राज्य होते. दुसऱ्या टप्प्याअंतर्गत, 28 ऑक्टोबर, 2025 पासून 12 राज्ये आणि केंद्रशासित प्रदेशांमध्ये एसआयआर राबवण्यात आले. आयोगाने सांगितले की, पहिल्या दोन टप्प्यांमध्ये अंदाजे 59 कोटी मतदारांचा समावेश करण्यात आला.

एसआयआर: 21 वर्षांनंतर भारतात

एसआयआर ही निवडणूक आयोगाद्वारे राबवली जाणारी एक प्रक्रिया आहे, ज्यामध्ये मतदार यादीची सखोल तपासणी करून ती अद्ययावत केली जाते. मतदार यादीमध्ये केवळ पात्र आणि अचूक मतदारांचाच समावेश असल्याची खात्री करणे हा याचा उद्देश आहे. भारतात अंदाजे 21 वर्षांनंतर एसआयआर राबवले जात आहे. निवडणूक आयोगाच्या म्हणण्यानुसार, यापूर्वी देशभरात अशा प्रकारची मोठी मोहीम 2002 ते 2004 दरम्यान राबवण्यात आली होती. निवडणूक आयोगाने सांगितले की, देशात एसआयआर प्रक्रिया आठव्यांदा राबवली जात आहे.

इतर महत्वाच्या बातम्या

Somnath Temple: सोमनाथ मंदिराजवळ मांसाहार विक्रीवर बंदी नाही, गुजरात उच्च न्यायालयाने सरकारी बंदी उठवली; अधिकारांचा गैरवापर केल्याचं म्हणत जिल्हाधिकाऱ्यांना फटकार

हा ओलावा, भविष्यात काय होईल सांगता येत नाही, उद्धव ठाकरे आणि मुख्यमंत्री एकाच व्यासपीठावर येताच संजय राऊतांचं मोठं वक्तव्य

इशान देशमुख — Fri, 30 Oct 2026 19:41:29 +0530

Sanjay Raut : महाराष्ट्राच्या हास्यरेषा या प्रशांत कुलकर्णी संपादीत पुस्तकाचा प्रकाशन सोहळा काल मुंबईत पार पडला. या सोहळ्यात राज्याचे मुख्यमंत्री देवेंद्र फडणवीस आणि माजी मुख्यमंत्री उद्धव ठाकरे, मनसे प्रमुख राज ठाकरे एकत्र आले होते. याची जोरदार चर्चा राजकीय वर्तुळात रंगल्याचं पाहायला मिळालं. यावर शिवसेना ठाकरे गटाचे खासदार संजय राऊत यांनी प्रतिक्रिया दिली आहे. काल उद्धव ठाकरे आणि मुख्यमंत्री देवेंद्र फडणवीस एकत्र होते ना, हा ओलावा असतो. भविष्यात काय होईल सांगता येत नाही, असं मोठं वक्तव्य संजय राऊत यांनी केलं. लोकांचे मन चंचल आहे. लोकशाही म्हणजे बदल आणि परिवर्तन आहे. सत्तेवर कायम कुणी राहू शकत नाही असेही संजय राऊत म्हणाले.

भाजपमध्ये ज्यांच्या मांडला मांडी लावून बसावे असे आशिष शेलार आहेत

मी आणि शेलार दोघे बाजूला बसलेलो आहोत आणि प्रेमाने बोलत आहोत. भाजपमध्ये ज्यांच्या मांडला मांडी लावून बसावे असे आशिष शेलार आहेत असं वक्तव्य देखील राऊतांनी केलं. मुळीक यांच्यासोबत मी 40 वर्ष काम केले आहे. हे पुस्तक मला त्यांनी अर्पण केले आहे. आपली भूमिका मांडण्याचा अधिकार प्रत्येकाला आहे. 28 वर्ष ते सामनात होते तेव्हा कधी त्यांच्या डोक्यात सूड असे शब्द नव्हते. माझे पण 66 वर्ष आहे. काही गोष्टी मनात ठेवायच्या असतात. सूड शब्द हा महाभारतातून आला. गेल्या काही काळातले आम्ही राजकारण पाहतो. कोणताही नेता हा स्वतःच्या स्वार्थासाठी पक्ष सोडतो असे राऊत म्हणाले. ज्या पक्षात तुम्हाला वर्षानुवर्षे पदे आणि प्रतिष्ठा दिली जातात तो पक्ष सोडतात. या देशाला आणि राज्याला सुडाच्या राजकारणाची कधी भावना नव्हती असेही राऊत म्हणाले.

कुणावरही सुडाने कारवाई होऊ नये असे सागणारे बाळासाहेब आणि अटलबिहारी वाजपेयी होते

कुणावरही सुडाने कारवाई होऊ नये असे सागणारे बाळासाहेब ठाकरे आणि अटलबिहारी वाजपेयी होते. मी स्वतः अनेक वर्ष राजकारणात आहे. वसई- विरारचा कालखंड मी जवळून पाहिला आहे. मला जेव्हा सत्य समजले तेव्हा पासून मी आप्पाच्या पाठीशी उभा राहिलो असे संजय राऊत म्हणाले.

मुख्यमंत्र्यांनी लगावला होता ठाकरे बंधूंना टोला

काल महाराष्ट्राच्या हास्यरेषा या प्रशांत कुलकर्णी संपादीत पुस्तकाचा प्रकाशन सोहळा मुंबईत पार पडला. या सोहळ्यात राज्याचे मुख्यमंत्री देवेंद्र फडणवीस आणि माजी मुख्यमंत्री उद्धव ठाकरे, मनसे प्रमुख राज ठाकरे एकत्र आले होते. याची जोरदार चर्चा राजकीय वर्तुळात रंगल्याचं पाहायला मिळालं. यावेळी बोलताना मुख्यमंत्री देवेंद्र फडणवीस यांनी राज ठाकरे चांगले व्यंगचित्रकार आहेत, उद्धव ठाकरे चांगले छायाचित्रकार आहे. मी चांगला राकारणी आहे, मला राजकारणातलच समजतं, त्यामुळं मी राजकारण करणार, त्यामुळं मला या दोघांनी राजकारणात चांगल काम करुन द्यावं असा टोला मुख्यमंत्र्यांनी ठाकरे बंधूंना लगावला होता.

Solapur DCC Bank Election : सोलापूर जिल्हा बँकेच्या निवडणुकीत भाजपने खाते उघडले; बार्शी, मोहोळ, मंगळवेढ्यातील तीन जागा बिनविरोध, कुणाचा झाला विजय?

आफताब शेख, एबीपी माझा — Fri, 30 Oct 2026 18:43:08 +0530

सोलापूर : सोलापूर जिल्हा मध्यवर्ती सहकारी बँकेच्या (DCC Bank) संचालक मंडळाच्या निवडणुकीत भारतीय जनता पक्षाने (BJP) आपले खाते उघडले आहे. विविध कार्यकारी सोसायटी मतदारसंघातील एकूण 11 जागांपैकी बार्शी, मोहोळ आणि मंगळवेढा या 3 महत्त्वाच्या तालुक्यांतील जागा बिनविरोध झाल्या आहेत. या तिन्ही मतदारसंघांमध्ये केवळ एकाच कुटुंबातील सदस्यांचे उमेदवारी अर्ज दाखल असल्याने अर्ज मागे घेण्याच्या दिवशी औपचारिक घोषणा होणे बाकी आहे.

Solapur DCC Bank Unopposed Candidates : 'या' तीन नेत्यांची बिनविरोध निवड निश्चित

बँकेच्या सोसायटी गटातून बिनविरोध निवड झालेल्यांमध्ये खालील प्रमुख नेत्यांचा समावेश आहे,

बार्शी तालुका: भाजप आमदार राजेंद्र राऊत (पुत्र रणवीर राऊत यांचा अर्ज मागे घेतला जाणार).

मोहोळ तालुका: भाजप नेते विक्रांत उर्फ बाळराजे पाटील (वडील माजी आमदार राजन पाटील यांचा अर्ज मागे घेतला जाणार).

मंगळवेढा तालुका: सिद्धेश्वर अवताडे (बबनराव अवताडे यांच्या कुटुंबातील सदस्यांचे अर्ज मागे घेतले जाणार).

बार्शी गटातून आमदार राजेंद्र राऊत आणि त्यांचे पुत्र रणवीर राऊत यांचेच केवळ दोन अर्ज दाखल होते. त्यामुळे रणवीर राऊत यांचा अर्ज मागे घेऊन आमदार राऊत यांची बिनविरोध निवड निश्चित मानली जात आहे. तसेच मोहोळ तालुक्यात माजी आमदार राजन पाटील आणि त्यांचे पुत्र बाळराजे पाटील या दोघांचेच अर्ज असल्याने वडिलांनी माघार घेतल्यास बाळराजे पाटील यांचा विजय निश्चित आहे.

19 Seats 238 Applications : 19 जागांसाठी 238 जणांचे अर्ज दाखल

सोलापूर जिल्हा मध्यवर्ती बँकेच्या संचालक मंडळाच्या एकूण 19 जागांसाठी तब्बल 238 जणांचे उमेदवारी अर्ज दाखल झाले आहेत. त्यामुळे उर्वरित 16 जागांवर तीव्र चुरस पाहायला मिळण्याची शक्यता आहे.

Dhairyasheel Mohite Patil Statement : बँक निवडणूक बिनविरोध करण्यासाठी प्रयत्न सुरू

दुसरीकडे, शरद पवारांच्या राष्ट्रवादी काँग्रेसचे खासदार धैर्यशील मोहिते पाटील आणि माजी आमदार रणजितसिंह मोहिते पाटील यांनीदेखील बँकेच्या निवडणुकीसाठी आपले उमेदवारी अर्ज दाखल केले आहेत. जिल्ह्यातील सहकार क्षेत्रातील जाणकार नेत्यांशी चर्चा सुरू असून लवकरच बिनविरोध निवडणुकीचा निर्णय होईल, असे खासदार धैर्यशील मोहिते पाटील यांनी स्पष्ट केले.

जिल्ह्यातील दुष्काळाची भीषण परिस्थिती लक्षात घेता ही निवडणूक सर्वपक्षीय संमतीने बिनविरोध करण्यासाठी सर्वच पक्षांच्या प्रमुख नेत्यांचे प्रयत्न सुरू आहेत. "मुख्यमंत्री देवेंद्र फडणवीस आणि पालकमंत्री जयकुमार गोरे या संदर्भात अंतिम निर्णय घेतील," अशी प्रतिक्रिया आमदार राजेंद्र राऊत यांनी दिली.

Uttam Jankar Solapur DCC Bank : उत्तम जानकरांचे माळशिरसमध्ये जोरदार शक्तिप्रदर्शन

माळशिरसचे शरद पवारांच्या गटाचे आमदार उत्तम जानकर यांच्या समर्थकांनी जिल्हा उपनिबंधक कार्यालयात जोरदार शक्तिप्रदर्शन करत उमेदवारी अर्ज दाखल केले. माळशिरस तालुक्यातून त्यांच्यावतीने 04 फॉर्म भरण्यात आले आहेत. "केवळ शेतीलाच नव्हे तर शेतीपूरक व्यवसायांनाही या बँकेच्या माध्यमातून अत्यंत सुलभ पद्धतीने कर्जवाटप झाले पाहिजे," अशी भूमिका आमदार उत्तम जानकर यांनी व्यक्त केली.

ही बातमी वाचा:

Maharashtra MLC Election : शांत राहा, महायुतीतील वाद वाढवू नका; विधानपरिषद निकालांनंतर एकनाथ शिंदेंचे शिवसेना नेत्यांना आदेश

Gokul Election: गोकुळ दूध संघाच्या अध्यक्षपदाचं प्रकरण पोहोचलं हायकोर्टात; समविचारी आघाडीतील संचालकांच्या याचिकेवर कोणता निर्णय झाला?

विजय केसरकर, एबीपी माझा — Fri, 30 Oct 2026 17:23:46 +0530

Gokul Election: कोल्हापूर जिल्हा सहकारी दूध उत्पादक संघ अर्थात गोकुळच्या अध्यक्षपदाच्या निवडीवरून घमासान रंगलं आहे. नुकत्याच पार पडलेल्या निवडणुकीमध्ये राजर्षी शाहू शेतकरी समविचारी आघाडीला 13 जागा मिळाल्या आहेत, तर महायुतीला 12 जागा मिळाल्या आहेत. मात्र, अध्यक्ष निवडीच्या सभेसाठी 14 जणांच्या उपस्थितीचा कोरम महत्वपूर्ण असल्याने काल गोकुळच्या अध्यक्षपदाची निवडणूक होऊ शकली नाही. त्यानंतर समविचारी आघाडीने हायकोर्टामध्ये धाव घेत यासंदर्भात दाद मागितली. आज हायकोर्टामध्ये सुनावणी झाल्यानंतर काल पहिल्या सभेला अनुपस्थित राहिलेल्या गोकुळच्या 12 संचालकांना नोटीस काढण्यात आली आहे. हायकोर्टाने सरकारसह महायुतीच्या बाराही संचालकांना प्रतिवादी केलं आहे. हायकोर्टाने महायुतीच्या 12 संचालकांना उपस्थित राहण्याबाबत काढली नोटीस काढली आहे. गोकुळ अध्यक्ष निवडीसाठी 14 संचालकांचा कोरम पूर्ण असण्याची गरज नाही, असे म्हणत समविचारी आघाडीच्या 13 संचालकांनी हायकोर्टात याचिका दाखल केली आहे. आज समविचारी आघाडीच्या संचालकांनी दाखल केलेल्या याचिकेवर मुंबई उच्च न्यायालयाच्या कोल्हापूर सर्किट बेंचमध्ये झाली.

पुढील बैठकीमध्ये उपस्थित राहणार

आता गोकुळच्या अध्यक्षपदाचा तिढा न्यायालयीन प्रक्रियेमध्ये अडकतो की दुसऱ्या बैठकीत महायुतीचे संचालक उपस्थित राहून अध्यक्ष निवडीचे सोपस्कार पार करतात, याकडे लक्ष असेल. दरम्यान अध्यक्ष निवडीवरून आमदार सतेज पाटील आणि मंत्री हसन मुश्रीफ यांच्यामध्ये चांगलाच वाद पेटला आहे. काल हसन मुश्रीफ यांनी पाटील यांच्यावर जातीवादी प्रचार केल्याचा आरोप केला होता. यानंतर पाटील यांनी सुद्धा जोरदार पलटवार करताना तुमच्या मुलाचं नाव अध्यक्षपदाला पाकिटातून देत असताना मी जातीवाद दिसलो नव्हता का, असा प्रश्न विचारला होता. यानंतर आता आज महायुतीकडून आरोग्यमंत्री प्रकाश आबिटकर आणि वैद्यकीय शिक्षणमंत्री हसन मुश्रीफ यांनी भूमिका स्पष्ट करत गोकुळच्या अध्यक्ष पदाच्या निवडीच्या पुढील बैठकीमध्ये उपस्थित राहणार असल्याचं म्हटलं आहे.

समविचारी आघाडीकडून समांतर सभा घेण्यात आली

आता एका बाजूला हायकोर्टाकडून 12 संचालकांना काढण्यात आलेली नोटीस आणि पुढील सुनावणी या पार्श्वभूमीवर आता महायुतीच्या संचालकांकडून अध्यक्ष निवडीच्या बैठकीमध्ये उपस्थिती लावली जाणार का? याकडे सुद्धा लक्ष असेल. दुसरीकडे, काल कोरम अभावी सभा तहकूब करण्यात आल्यानंतर समविचारी आघाडीकडून समांतर सभा घेण्यात आली होती आणि या समांतर सभेमध्ये गोकुळचे चेअरमन म्हणून शशिकांत पाटील चुयेकर यांच्या नावावर शिक्कामोर्तब करण्यात आलं होतं. या सर्व पार्श्वभूमीवरती सोमवारी जेव्हा या प्रकरणाची सुनावणी होईल, त्यामध्ये काय होईल याकडे राजकीय वर्तुळाचं लक्ष असेल. समविचारी आघाडीने निवड कायदेशीर असल्याचे म्हटलं आहे, तथापि, कोरमअभावी निवडणूक निर्णय अधिकारी मोसमी चौगले यांनी मान्यता दिलेली नाही.

इतर महत्वाच्या बातम्या

मग माझ्या मुलाच्या नावाचं पाकीट देण्याचा प्रश्न आलाच कुठं? सतेज पाटील अन् हसन मुश्रीफांमध्ये वाद रंगला! आता मुश्रीफांनी डोंगळेंनी राजीनाम्याला टाळाटाळ करतातच काय घडलं ते सांगितलं, तिघांची नावं घेतली

Maharashtra MLC Election : शांत राहा, महायुतीतील वाद वाढवू नका; विधानपरिषद निकालांनंतर एकनाथ शिंदेंचे शिवसेना नेत्यांना आदेश

एबीपी माझा ब्युरो — Fri, 30 Oct 2026 17:04:05 +0530

मुंबई : विधान परिषद निवडणुकीच्या निकालांनंतर महायुतीतील घटक पक्षांमध्ये आरोप-प्रत्यारोपांच्या फैरी झाडल्या जात असून वाद पेटला आहे. या वाढत्या राजकीय वादाची गंभीर दखल घेत उपमुख्यमंत्री एकनाथ शिंदे यांनी शिवसेना नेते, प्रवक्ते आणि पदाधिकाऱ्यांना सूचना दिल्या आहेत. विधान परिषद निवडणुकीच्या निकालानंतर महायुतीत निर्माण झालेला विसंवाद अजिबात वाढवू नका, असे स्पष्ट निर्देश एकनाथ शिंदे यांनी गुरुवारी रात्री पार पडलेल्या पक्षाच्या महत्त्वाच्या बैठकीत दिले आहेत.

या निवडणुकीतील निकालांचे महायुती म्हणून सर्वांनी मिळून आत्मपरीक्षण करणे गरजेचे असून झालेल्या चुकांची पुनरावृत्ती टाळावी, असे सांगत महायुतीत वितुष्ट निर्माण होणार नाही आणि अंतर्गत वादाचा फायदा विरोधकांना मिळणार नाही, याची खबरदारी घेण्याचे आदेश त्यांनी दिले आहेत.

Maharashtra Vidhan Parishad Result : स्थानिक पदाधिकाऱ्यांकडून मागवला अहवाल

एकनाथ शिंदे यांनी महायुती म्हणून काम करताना नक्की कुठे चुका आणि त्रुटी राहिल्या, याचा सविस्तर अहवाल स्थानिक पदाधिकाऱ्यांकडून मागवला आहे. लवकरच होणाऱ्या महायुती समन्वय समिती आणि सर्व वरिष्ठ नेत्यांच्या बैठकीत या अहवालावर आणि सर्व मुद्द्यांवर सविस्तर चर्चा केली जाणार आहे.

तसेच, तूर्तास शिवसेनेच्या कोणत्याही प्रवक्त्याने किंवा पदाधिकाऱ्याने माध्यमांसमोर जाऊन मित्रपक्षांवर कोणतीही जाहीर टीका करू नये, अशा कडक सूचना देऊन विसंवाद टाळून एकजुटीने पुन्हा कामाला लागण्याचे निर्देश त्यांनी दिले आहेत.

Pune Graduate Constituency Defeat : पुणे पदवीधर मतदारसंघातील पराभवामुळे तणाव

राज्यात विधानपरिषद निवडणुकीतील सर्वाधिक गाजलेली आणि प्रतिष्ठेची मानली जाणारी जागा म्हणजे पुणे पदवीधर मतदारसंघ! या जागेवर शरद पवार यांच्या राष्ट्रवादी काँग्रेस पक्षाच्या उमेदवार आणि माजी सनदी अधिकारी प्रभाकर देशमुख यांच्या कन्या हर्षदा यांनी दणदणीत विजय मिळवला. त्यांनी भाजपच्या उमेदवार स्मिता जाधव यांचा 9,928 मतांनी पराभव केला.

भाजपने सलग तीन वेळा ही जागा जिंकली होती. विद्यमान आमदार महायुतीत असतानाही भाजपचा येथे पराभव झाल्याने भाजप नेत्यांनी थेट शिवसेनेला लक्ष्य करण्यास सुरुवात केली. दोन्ही पक्षांच्या स्थानिक नेत्यांकडून एकमेकांवर सुरू झालेल्या चिखलफेकीमुळे महायुतीत कमालीचा तणाव निर्माण झाला आहे. त्यावर आता एकनाथ शिंदेंनी मध्यस्थी करत पूर्णविराम देण्याचा प्रयत्न केला आहे.

ही बातमी वाचा:

मग माझ्या मुलाच्या नावाचं पाकीट देण्याचा प्रश्न आलाच कुठं? सतेज पाटील अन् हसन मुश्रीफांमध्ये वाद रंगला! आता मुश्रीफांनी डोंगळेंनी राजीनाम्याला टाळाटाळ करताच काय घडलं ते सांगितलं, तिघांची नावं घेतली

Gokul Election: महायुतीच्या 12 संचालकांची गोकुळच्या बैठकीला दांडी, समविचारी आघाडी थेट हायकोर्टात; आता पुढच्या बैठकीसाठी काय ठरलं? प्रकाश आबिटकरांनी सांगितलं!

विजय केसरकर, एबीपी माझा — Fri, 30 Oct 2026 15:18:56 +0530

Gokul Election: कोल्हापूर जिल्हा दूध उत्पादक संघ अर्थात गोकुळच्या यांच्या बायलॉजप्रमाणे अध्यक्ष पद निवडणूक होण्यासाठी किमान 14 संचालक उपस्थित रहाणे गरजेचं आहे. ते जर उपस्थित राहू शकले नाहीत, तर कोणत्या पद्धतीची मीटिंग होऊ शकत नाही. त्यामुळे अध्यक्षपदाची निवड होताना दोन्ही बाजूची भूमिका महत्त्वाची आहे. असं असताना सत्ता पलीकडची आली, पण आम्ही त्यांना रोखतोय, असं चित्र निर्माण करण्याचा प्रयत्न करण्यात आला, पण प्रत्यक्षात असं नाही, सभा होण्यासाठी जे आकडे पाहिजे ते त्यांच्याकडे देखील नाहीत. आमचे संचालक आता उपस्थित राहिले नाहीत, पण पुढच्या बैठकीला ते उपस्थित राहतील, असे आरोग्यमंत्री प्रकाश आबिटकर यांनी म्हटलं आहे.

प्रकाश आबिटकर यांनी सांगितलं की, कोणतीही गोष्ट कायदेशीर प्रक्रियेशिवाय होत नाही. कायदेशीर प्रक्रिया राबवण्यासाठी मीटिंगला किमान 14 संख्या उपस्थित आवश्यक आहेत. ज्यावेळी 14 चा आकडा होईल त्यावेळी पुढे येईल. कोणतीही गोष्ट कायदेशीर प्रक्रिया करूनच पूर्ण करावी लागते, जो अध्यक्ष होईल तो कायदेशीर प्रक्रिया राबवूनच होईल. यानंतरच्या बैठकीत या संदर्भातला निर्णय होईल.

माझ्या मुलाच्या नावाचं पाकीट देण्याचा प्रश्न आलाच कुठं?

दरम्यान, सतेज पाटील यांच्यावर जातीयवादाचा आरोप मुश्रीफ यांनी केला होता. यानंतर तुमच्या मुलाच्या नावाचे पाकिट देताना मी जातीयवादी नव्हतो का? अशी विचारणा केली होती. यानंतर पुन्हा मुश्रीफ यांनी डोंगळे यांनी राजीनामा देण्यावरून कलटी मारल्यानंतर काय घडलं हे सांगितलं आहे. मुश्रीफ म्हणाले की, यावर तोडगा म्हणून माझ्या मुलाचं नाव मुंबईत ठरलं. त्यामुळे सतेज पाटील यांनी माझ्या मुलाच्या नावाचं पाकीट देण्याचा प्रश्न आलाच कुठे? आमच्याकडे बहुमत आहे असं सतेज पाटील म्हणत आहेत, मग आमची गरज तुम्हाला का वाटते, आम्ही कुठे आडवं आलोय? अशी विचारणा केली. मुश्रीफ यांनी सांगितले की, सभेला उपस्थित न राहण्याचं स्वातंत्र्य आम्हाला आहे की नाही? माझं बोट धरून त्यांनी मला गोकुळला नेलं आहे. तीन मंत्री, दोन खासदार, दहा आमदार यांना त्यांनी बांधलं आहे, इतक्या मोठ्या माणसावर मी काय बोलणार? निवडणूक निर्णय अधिकाऱ्यांनी सभा तहकूब केल्यानंतर अध्यक्ष निवड कशी होऊ शकते? ते लोक अशा गोष्टी करत आहेत हे दुर्दैवी आहे, त्यांनी कायदेशीर मार्गानेच पुढे गेलं पाहिजे, अशी खोचक टिप्पणी मुश्रीफ यांनी केली.

ते म्हणाले, लोकांमध्ये संभ्रम निर्माण करू नये. शशिकांत पाटील यांना भविष्यात म्हणजे या पाच वर्षात किंवा पुढील पाच वर्षात अध्यक्ष आम्हीच करू असं मी म्हणालो आहे. आता संचालक फोडाफोडीचा विषय नाही, आता कायद्याचा विषय आहे 14 लोक त्यांना कोरम पूर्ण करण्यासाठी लागतील आणि कोरम पूर्ण झाल्याशिवाय अध्यक्ष होणार नाही सतेज पाटील आणि माझ्या मैत्रीची जी अग्निपरीक्षा द्यावी लागणार होती ती आम्ही दिली असल्याचे ते म्हणाले.

इतर महत्वाच्या बातम्या

मग माझ्या मुलाच्या नावाचं पाकीट देण्याचा प्रश्न आलाच कुठं? सतेज पाटील अन् हसन मुश्रीफांमध्ये वाद रंगला! आता मुश्रीफांनी डोंगळेंनी राजीनाम्याला टाळाटाळ करतातच काय घडलं ते सांगितलं, तिघांची नावं घेतली

Thane Crime news: पोलिसांनी सूर्यफूल तेल लावून लघवीच्या जागेवर मारलं,अंतर्वस्त्र डोक्यात घातली, राम पूर्णेकरांचा गंभीर आरोप, आदित्य ठाकरेंच्या आंदोलनातील तरुणांना ठरवून टार्गेट केल्याचा दावा

हितेश पांचाळ — Fri, 30 Oct 2026 15:12:35 +0530

Ram Purnekar Thane Police Crime news: ठाकरे गटाचे विभागप्रमुख प्रदीप पूर्णेकर यांच्या हत्याप्रकरणावरुन राजकीय वातावरण प्रचंड तापले असताना राम पूर्णेकर यांनी शुक्रवारी ठाणे पोलिसांवर गंभीर आरोप केले. आदित्य ठाकरे (Aaditya Thackeray) हे गुरुवारी ठाण्यात पूर्णेकर कुटुंबाच्या भेटीला गेले होते. यानंतर त्यांनी ठाणे पोलीस (Thane Police) आयुक्तांची भेट घेतली होती. यावेळी त्यांच्यासोबत असणाऱ्या दोन तरुणांना कापुरबावडी पोलिसांनी शोधून पोलीस ठाण्यात आणले आणि त्यांना बेदम मारहाण केल्याचा आरोप राम पूर्णेकर (Ram Purnekar) यांनी केला. या तरुणांना नग्न करण्यात आले. त्यांची अंतर्वस्त्रही काढण्यात आली होती, पोलिसांनी त्यांची अंतर्वस्त्र काढून एकमेकांच्या डोक्यावर घातल्याचा दावा पूर्णेकर यांनी केला. राम पूर्णेकर या तरुणांना घेऊन तक्रार दाखल करण्यासाठी कापुरबावडी पोलीस ठाण्यात गेले होते. (Thane Crime news)

काल दुपारी आदित्य ठाकरे आणि संजय राऊत यांनी पूर्णेकर कुटुंबीयांची भेट घेतली होती होती. या भेटीनंतर पूर्णेकर समर्थकांना पोलिसांनी ताब्यात घेतले होते. त्यांच्यावर पोलिसांनी कापुरबावडी पोलीस ठाण्यात अमानुष अत्याचार केल्याचा आरोप पूर्णेकर कुटुंबीयांकडून करण्यात आला. राम पूर्णेकर शुक्रवारी आपल्या वकिलासह या तरुणांना घेऊन कापुरबावडी पोलीस ठाण्यात आले होते. यावेळी राम पूर्णेकर यांनी प्रसारमाध्यमांशी संवाद साधताना म्हटले की, पोलिसांनी अर्जुन पुंदरे या तरुणाला काल ताब्यात घेतले होते. त्याच्यासोबत आणखी काही तरुण होते. कापुरबावडी पोलीस ठाण्यात नेल्यानंतर त्यांचे कपडे काढण्यात आली. त्यांच्या अंगावर अंतर्वस्त्रही ठेवण्यात आली नव्हती. पोलिसांनी या सगळ्यांची अंतर्वस्त्र काढून एकमेकांच्या डोक्यावर घातल्याचा आरोप अर्जुन पुंदरे याने केला. तसेच पोलिसांनी सूर्यफुल तेल लावून या तरुणांच्या शरीराच्या नाजूक भागावर, लघवीच्या ठिकाणी मारहाण केल्याचा खळबळजनक आरोप राम पूर्णेकर यांनी केला.

आम्हाला कापूरबावडी पोलीस ठाण्यात पकडून आणले. फक्त सांगण्यात आले होते, एका व्यक्तीचा फोटो दाखवला जाईल, त्याला ओळखता का याची तपासणी करायची आहे. त्यानंतर कापूरबावडी पोलीस ठाण्यात आम्हाला आणले. अश्लील प्रकारे आम्हाला टॉर्चर केले कपडे काढून साध्या कपड्यांवरील व्यक्ती आम्हाला यायचे आणि मारहाण करायचे बेदम मारहाण केली पट्ट्यांनी मारहाण केली, असा आरोप तरुणांनी केला. राम पूर्णेकर यांनी सांगितले की, एका तरुणाच्या शरीराच्या चुकीच्या जागी पोलिसांनी बोट घातले. लघवीच्या जागेवर सूर्यफुल तेल लावण्यात आले. एका पोलिसाच्या पार्श्वभागात पोलिसांनी बोट घातले. आमच्या वकिलांनी पोलिसांना पत्र दिले आहे. संबंधितांवर कठोर कारवाई करण्याचे आश्वासन वरिष्ठ पोलीस अधिकाऱ्यांनी दिले आहे.

राम पूर्णेकर या तरुणांना घेऊन पोलीस ठाण्यात आले तेव्हा तिथे वरिष्ठ अधिकारी उपस्थित होते. कथित पोलीस अत्याचाराच्या आरोपांमुळे पूर्णेकर समर्थक आक्रमक झाले आहेत. या प्रकरणाची चौकशी करुन संबंधित पोलिसांवर कारवाई करण्याची मागणी पूर्णेकर यांच्याकडून करण्यात आली आहे. या सगळ्यावर आता ठाणे पोलिसांकडून स्पष्टीकरण देण्यात येणार का, हे बघावे लागेल.

आणखी वाचा

Meenakshi Shinde and Pradeep Purnekar: मिनाक्षी शिंदेंना दुहेरी धक्का, आधी राजीनामा द्यावा लागला, नंतर शिवसेनेच्या नगरसेवकांनी साथही सोडली, टेंभी नाक्यावर कोणीच फिरकलं नाही

Anand Paranjpe : मराठी भाषा खूप समृद्ध, आमच्याकडे पण खूप मोठा शब्दकोश, पण....; एकनाथ शिंदेंवरील टीकेवरून आनंद परांजपेंचा महायुतीतील मित्रपक्षांना सल्लावजा सूचक इशारा

हितेश पांचाळ — Fri, 30 Oct 2026 14:38:40 +0530

Anand Paranjpe : ज्या प्रकारचे शब्द भाजप प्रवक्त्यांनी वापरले ते महायुतीमध्ये योग्य नाही. मराठी भाषा खूप समृद्ध आहे, आमच्याकडे पण मराठी शब्दांचा खूप मोठा शब्दकोश आहे. आम्ही देखील ते वापरू शकतो. पण दोस्तीत कुस्ती करायची नसते आणि म्हणून महायुतीमध्ये कुठल्याही पक्षावर शिवसेनेच्या प्रवक्त्यांकडून किंवा शिवसेनेच्या नेत्यांकडून कुठल्याही प्रकारची टीका होणार नाही, हीच अपेक्षा आम्ही भारतीय जनता पार्टी (BJP)आणि राष्ट्रवादी काँग्रेस पक्षाकडून (NCP) ठेवतो. युती टिकावी हे मला महत्वाचं वाटतं. त्यामुळे प्रवीण दरेकर यांना असलेल्या आपल्या मर्यादा ओलांडून टीका करू नये, असा सल्लावजा सूचक इशारा शिवसेनेचे प्रवक्ते आनंद परांजपे (Anand Paranjpe) यांनी महायुतीतील मित्र पक्षांना दिला आहे.

जिथे-जिथे नैसर्गिक संकट येते तिथे एकनाथ शिंदे धावून जातात. महाराष्ट्राच नाही तर केरळ, जम्मू, नेपाळ अशा अनेक ठिकाणी धावून ते गेलेत. दसरा मेळावा देखील समर्पित केला. बळीराजाच्या मुलींचे विवाह करून त्यांना आधार देणार आहेत. अनेक गावात आमचा शोध सुरु असल्याचीही माहिती त्यांनी दिली.

Anand Paranjpe on Mahayuti: दोस्तीमधे कुस्ती कुणी करू नये, तीच अपेक्षा आम्ही मित्रपक्षाकडून करतोय

दरम्यान, संजय गायकवाड यांचा शेतकऱ्यांवरील वक्तव्यावर बोलताना संजय गायकवाड म्हणाले की, कोणत्याही कार्यत्यांनी असे वक्त्यव्य करू नये, असे आदेश एकनाथ शिंदे यांनी दिले आहे. भविष्यातही असे कोणी बोलू नये, असे आदेश त्यांनी दिले आहेत. कालच एकनाथ शिंदे यांनी स्पष्ट केले, की चार ठिकाणी युतीधर्म पाळला. आम्ही युतीधर्म पाळत आलोय. कोणत्याही प्रकाराची टीका कुणी करू नये. दोस्तीमधे कुस्ती कुणी करू नये, तीच अपेक्षा आम्ही मित्रपक्षाकडून करतोय. आज देखील जी भाषा वापरली ती मित्र पक्षाने पाळायला हवी होती. शिवसेनेचे मुख्य नेते उपमुख्यमंत्री एकनाथरावजी शिंदे असतील, राष्ट्रवादीच्या नेत्या व उपमुख्यमंत्री सुनेत्राताई पवार असतील त्यावेळेला नक्कीच महायुतीच्या अधिक समन्वयावर चर्चा होईल. पण मित्रपक्षांनी देखील शिवसेनेवर कुठल्याही प्रकारचे आरोप करणं त्यांच्या प्रवक्त्यांनी किंवा नेत्यांनी टाळलं पाहिजे. असेही शिवसेना प्रवक्ते आनंद परांजपे म्हणाले.

शिवसेनेच्या कुठल्याही प्रवक्ता, पदाधिकारी किंवा नेत्यांनी मित्र पक्षातील पक्षावर कुठल्याही प्रकारची टीका करू नये, भविष्यामध्ये अधिक प्रकारचं तिन्ही पक्षांमध्ये समन्वय तसा राहील याची वरिष्ठ पातळीवर चर्चा होईल. हीच अपेक्षा आम्ही आमच्या दोन मित्र पक्षांकडून पण ठेवतो. असेही ते म्हणाले.

Anand Paranjpe: कृतीतून एक, पुस्तकातनं एक, आणि सकाळच्या पत्रकार परिषदमध्ये टीका, अशी विसंगती

अनेक वेळेला खासदार संजय राऊत यांनी देशाचे लोकप्रिय पंतप्रधान नरेंद्र मोदी साहेबांची स्तुती केलेली आहे. अनेक वेळेला शिवसेना उभाठाने देखील लोकसभेमध्ये राष्ट्रहिताच्या विषयांवर एनडीए सरकारच्या बाजूने मतदान देखील केलेला आहे. म्हणून कृतीतून एक, पुस्तकातनं एक सकाळच्या पत्रकार परिषदमध्ये टीका अशी विसंगती कायमच खासदार संजय राऊत यांच्या बद्दल दिसते. असेही आनंद परांजपे म्हणाले.

Sanjay Gaikwad: शेतकऱ्यांबाबतचं वादग्रस्त वक्तव्य; टीकेची झोड उठताच एकनाथ शिंदेंकडून 'करेक्ट कार्यक्रम? आता संजय गायकवाडांचा यू-टर्न, म्हणाले....