Pimpri Chinchwad Election 2026: पिंपरीचिंचवड महानगरपालिका निवडणुकीच्या पार्श्वभूमीवर ड क्षेत्रीय कार्यालयाचे निवडणूक निर्णय अधिकारी अनिल पवार यांच्या नियंत्रणा खाली नियुक्त करण्यात आलेल्या भरारी पथकाने रहाटणी येथील गणराजकॉलनी येथे 19 वॉशिंगमशीन जप्त केल्या आहेत. 12 जानेवारी 2026 रोजी रात्री साडेदहाच्या सुमारास ही कारवाई करण्यात आली आहे. याबाबत भरारी पथकाचे प्रमुख राहुल निकम यांनी काळेवाडीपोलिसस्टेशनमध्ये तक्रार दिली आहे.
पिंपरीचिंचवड महापालिका निवडणुकीसाठी 15 जानेवारी २०२६ रोजी सकाळी 7.30 ते सायंकाळी 5.30 या वेळेत मतदान होत आहे. या निवडणुकीच्या अनुषंगाने आचारसंहितेची प्रभावीपणे अंमलबजावणी करण्यासाठी महापालिका आयुक्त तथा निवडणूक अधिकारी श्रावण हर्डीकर यांच्या मार्गदर्शनाखाली आचारसंहिता कक्ष स्थापन करण्यात आला असून या कक्षाची एसएसटी, एफएसटी, व्हीएसटी अशी विविध पथके महापालिका हद्दीत कार्यरत आहेत.
12 जानेवारी रोजी रात्री 10.23 वाजता आचारसंहिता कक्षाला रहाटणी येथील गणराजकॉलनी येथे मतदारांना वॉशिंगमशीन वाटप केले जात असल्याची तक्रार प्राप्त झाली होती. त्यानंतर तातडीने राहुल निकम यांच्या नेतृत्वाखालीलएफ.एस.टी. भरारी पथकाने घटनास्थळी धाव घेतली. त्यावेळी तेथे एका गाडीमध्ये (क्र. एमएच 14 केए 6330) जवळपास 19 वॉशिंगमशीन असल्याचे आढळून आले आहे.
Pune Mahangarpalika Election 2026: पुण्यात उमेदवारांकडून मतदारांना भन्नाट ऑफर्स
पिंपरी चिंचवडमधील (Pimpri Chichwad news) धनाढ्य उमेदवारांनी यंदा निवडून येण्यासाठी प्रचंड आर्थिक ताकद लावली होती. यापैकी काही उमेदवारांनी चारचाकी गाडी, थायलंडची पाच दिवसांची टूर (Thailand Trip), एक गुंठा जमीन अशा ऑफर्स दिल्या जात आहेत. वाढत्या स्पर्धेमुळे आणि उमेदवारी मिळवण्यासाठी स्वतःची ताकद दाखवण्यासाठी इच्छुक अशा प्रकारे कोट्यवधी रुपये खर्च केले आहेत. कसब्यात प्रभाग क्रमांक 25 मध्ये पैठणीचा खेळ जिंकणाऱ्या महिलांना थेट बक्षीस म्हणून हेलिकॉप्टर राईड देण्यात आली होती. तर पुण्याच्या प्रभाग क्रमांक 1 (लोहगाव-धानोरी) मध्ये एका इच्छुकाने चक्क 11 गुंठे जमिनीचे प्लॉट (प्रत्येकी 1100 स्क्वेअर फूट) लकी ड्रॉद्वारे देण्याचे आश्वासन दिले होते.
आणखी वाचा
मुंबईच्या वॉर्ड नंबर 124 मध्ये राडा, दोन्ही शिवसेना भिडल्या, ठाकरे गटाचे कार्यकर्ते मारहाणीत जखमी