Abhijeet Dipke CJP : मी भारतातून जाताना जितकी माझी आई रडली नाही तितकी ती मी US वरून परत आलो म्हणून रडली; तिला अटक होण्याची भीती...; अभिजीत दिपकेंनी सांगितला पुढचा प्लॅन

Abhijeet Dipke CJP : कॉकरोच जनता पार्टीकडून पुण्यातही आंदोलन केले जात आहे. दरम्यान, अभिजित दीपके यांनी आज पत्रकार परिषद घेऊन मोठी घोषणा केली आहे.

Abhijeet Dipke CJP

Source : ABPLIVE AI

पुणे : देशभरात सध्या कॉकरोच जनता पार्टीची चर्चा सुरू आहे. नीट पेपर फुटीचा मुद्दा कॉकरोच जनता पार्टीने उचलू धरला आहे. याच मुद्द्यावरून सीजेपीचे संस्थापक अभिजित दीपके यांनी भारतात आल्यानंतर 6 जून रोजी दिल्लीच्या जंतर मंतर मैदानावर मोठे आंदोलन करण्यात आले. या आंदोलनाला मोठा प्रतिसाद मिळाल. आता कॉकरोच जनता पार्टीकडून पुण्यातही आंदोलन केले जात आहे. यासंबंधी माहिती आज अभिजित दीपके यांनी आज पत्रकार परिषद घेऊन दिली आहे. या घोषणेमुळे आता केंद्र सरकारवर दबाव निर्माण होण्याची शक्यता आहे.(Cockroach Janta Party)मंत्री धर्मेंद्र प्रधान यांनी राजीनामा नाही दिला तर आम्ही देशव्यापी आंदोलन करणार आहोत, त्याची सुरुवात पुण्यातुन होणार नंतर लखनऊ, बेंगलोर वगैरे ठिकाणी आंदोलन करणार, राजीनामा नाही झाला तर २० जुनला दिल्लीला जंतरमंतरवर जाऊन पुन्हा आंदोलन करणार असल्याचं दीपके यांनी सांगितलं आहे, तर सावित्रिबाई फुले पुणे विद्यापीठात आंदोलन करण्यास परवानगी मिळाली असल्याची माहिती देखील त्यांनी दिली आहे. त्याचबरोबर त्यांच्या परिवाराला वाटणारी भीती आणि त्यांच्या आईची काळजी याबाबतही त्यांनी यावेळी बोलताना सांगितलं आहे.

अभिजित दिपके यांनी देशभरातील पालकांना आवाहन केले आहे. “तुमची मुलं सरकारला जाब विचारत असतील, राजकारणावर बोलत असतील तर तुम्हाला भीती वाटत असेल. माझ्या आईला भीती वाटते, माझी आई म्हणजे मी युएसला जेव्हा दोन वर्षा आधी गेलो तेवढी रडली नव्हती, जेवढी मी परत भारतात येताना रडली, आणि ती मला म्हणते तू परत येऊ नको, हे तुला अटक करतील किंवा दुसरं काही करतील, तुझ्यावर हल्ला होईल, पण मी तिला सांगितलं, यावं लागेल, कोणाला ना कोणाला बोलावं लागेल, मी जे आई वडील हे बघत आहेत, त्यांना सांगतोय तुमच्या लेकरांना बोलण्यापासून थांबवू नका. जोपर्यंत मी एकटा बोलत राहील, तोपर्यंत माझा एकट्याचा आवाज दाबायचा प्रयत्न करतील.पण जेव्हा लाखो करोडो स्टुडेंट सोबत बोलतील ना तेव्हा यांची हिम्मत होणार नाही, कोणाचा आवाज दाबायला आणि जेलमध्ये जर कोणाला टाकायचं तर मी जेलमध्ये जायला तयार आहे, तुमच्या लेकरांना जेलमध्ये जाऊ देणार नाही, मी त्याची जबाबदारी घेईल पण तुमच्या लेकरांना तुम्ही बोलण्यापासून थांबू नका, असं आवाहन त्यांनी पालकांना केलं आहे.

तर आता अमेरिकेतून आलेला आहात, परत जाणार आहे का नाही? यावर उत्तर देताना म्हणाले, आता इथच, बॅक फॉर गुड. उद्या किती सपोर्ट एक्सपेक्टेड आहे? यावरती उत्तर देताना म्हणाले की, उद्या हजारो मध्ये विद्यार्थी जमा होईल, मला तर वाटत जतंर मंतर पेक्षा मोठं आंदोलन होऊ शकतं,असा विश्वासही त्यांनी व्यक्त केला आहे.