Chandrapur Shivsena UBT : चंद्रपुरातील शिवसेनेचे नगरसेवक उद्धव ठाकरेंच्या भेटीला; काँग्रेससोबत वाद, भाजपला सत्तेसाठी साथ, पक्षप्रमुखांकडून मातोश्रीवर कानउघडणी?
Chandrapur Shivsena UBT: चंद्रपूरमधील जिल्हाप्रमुख पदाधिकारी आणि नगरसेवक हे उद्धव ठाकरे (Uddhav Thackeray) यांच्या भेटीला मातोश्रीवर आले आहेत.
Chandrapur Shivsena UBT: चंद्रपूर महापालिकेमध्ये (Chandrapur Municipal Corporation) ठाकरेंच्या शिवसेनेने भाजपला (BJP) पाठिंबा देत भाजपचा महापौर आणि ठाकरे यांच्या शिवसेनेचा उपमहापौर बसवलाय. मात्र हा निर्णय घेत असताना उद्धव ठाकरेंना (Uddhav Thackeray) न विचारता स्थानिक पातळीवर परिस्थिती पाहून निर्णय घेतल्याचं ठाकरेंच्या शिवसेनेच्या नेत्यांनी सांगितलंय. अशातच आता चंद्रपूरमधील जिल्हाप्रमुख पदाधिकारी आणि नगरसेवक हे उद्धव ठाकरे (Uddhav Thackeray) यांच्या भेटीला मातोश्रीवर आले आहेत. त्यामुळे उद्धव ठाकरे या पदाधिकारी आणि नगरसेवकांवर नेमकी काय कारवाई करणार? कि सोडून देणार हे पाहणं महत्वाचे ठरणार आहे. कारण उद्धव ठाकरे यांच्या बैठकीमध्ये त्या ठिकाणची स्थानिक परिस्थिती पदाधिकारी पक्षप्रमुखांसमोर मांडणार आहेत. परिणामी आता या बैठीकीत नेमका काय निर्णय होते, हे पाहणं महत्वाचे ठरणार आहे.
Chandrapur Shivsena UBT: शिवसेना उबाठा आणि काँग्रेसमध्ये वाद; बैठकीत उबाठा चे 6, अपक्ष 2 नगरसेवकांची उपस्थिती
शिवसेना ठाकरे गटाने भाजपला पाठिंबा दिल्याने राज्याच्या राजकारणात एकच खळबळ उडाली. चंद्रपूर महापालिका महापौर पदाच्या निवडणुकीच्या वेळी ठाकरे यांच्या शिवसेनेच्या स्थानिक नेत्यांनी काँग्रेसचा पर्याय निवडण्या ऐवजी भाजप सोबत जाण्याचा पर्याय निवडला आणि महापौर पदाची आणि उपमहापौर पदाची ऑफर स्वीकारली. या पार्श्वभूमीवर चंद्रपूरमधील शिवसेना उबाठाचे नगरसेवक आज सकाळीच मुंबईत दाखल झाले आहे. शिवसेना पक्षप्रमुख उद्धव ठाकरे यांची आज दुपारी हे नगरसेवक आणि पदाधिकारी भेट घेणार आहे. या बैठकीत उबाठा चे 6 नगरसेवक असून 2 अपक्ष नगरसेवक देखील आहेत. शिवसेनेचे जिल्हाध्यक्ष संदीप गिर्हे आणि माजी जिल्हाध्यक्ष सतीश भिवगडे हे उद्धव ठाकरे यांची भेट घेणार आहे. भाजपसोबत सत्तेत जाण्यावरून शिवसेना उबाठा आणि काँग्रेसमध्ये वाद निर्माण झाला होता. याच वादाच्या पार्श्वभूमीवर हि भेट होत आहे.
चंद्रपुरातील पक्षीय बलाबल (Chandrapur Election 2026 Result)
एकूण नगरसेवक 66
काँग्रेस – 27
काँग्रेस समर्थित जनविकास सेना – 3
भाजप – 23
शिवसेना (उद्धव ठाकरे गट) – 6
वंचित - 2
बसपा - 1
शिवसेना (शिंदे गट) – 1
अपक्ष – 2
एमआयएम – 1
इतर महत्वाच्या बातम्या
Education Loan Information:
Calculate Education Loan EMI
महत्त्वाच्या बातम्या
